2003 年 6 月 27 日 星期五 【晴】

一起身!!!!!!!好野~~好好天呢,可以去玩機動LU~~~~~~
夢幻樂園好大呢,入面D人好主動咁同我地打招呼,氣氛好好~~
睇下動物啦,玩下激流啦(好玩過hk o個個),我地就自由活動啦,
我同小麟同埋一對姐妹一齊行,去左影下相,就玩機動啦,
過山車好正~~~~~好玩!!!!!!!!!仲有個360度轉既,成個人調轉架~~
呢個唔係好驚,仲好玩!! 之後去玩個勁轉既機動.......唉...我地4個玩完暈晒......@_@
妹妹仲嘔埋......早知唔玩啦!!!之後我地都玩唔到機動喇>_< 可惡!!!
去買左d精品咁啦~~又食左d野咁~~都幾好玩,不過好曬.....

夜晚去左梨泰院附近地方食石頭飯(餐餐都好熱氣.....)幾好味~~勁加紫菜~~XDDD
買左一SET韓國公仔鎖扣,好靚架!!! 今晚住市中心一間酒店,唔係好掂........
成間時鐘酒店咁既......D地方又殘.......是旦啦......唉~超值團係咁上下.....
之後同左姐姐妹妹同SKY哥哥出去COFFEE SHOP飲野,勁影相啦~~
勁傾計啦~~~原來SKY住晌我屋企附近咋喎,而姐妹又係住晌小麟附近呢,
好橋啊~~開開心心咁傾到一兩點先走~~今日真盡興!!!^_^

>>July 3, 2003 at 3:21:40 AM GMT+8

2003 年 6 月 26 日 星期四 【雨】

今日落雨呀~~唉..冇得去夢幻樂園住喇,去左COEX呢個大型商場先,
哇~~~~~好多精品買啦,買左D公仔鎖匙扣,見到一個公仔即時諗起SUNNY D
即刻買左~~XDDDDD
不過唔係好夠時間O者,之後去左食韓燒做LUNCH,原來韓國燒牛肉好貴架,
所以我地只得豬肉食咋,係唔似漢X苑O個D架喇,不過都好好食丫~~
韓國D飯都特別好食架喎,因為係本土種出來(冇農藥既),唔會晌其仔地方食到,好矜貴!!

THEN搭左一程長途車去左睇薰衣草,好大雨呀,又冇帶遮出來>_<
濕晒啦成身,不過好彩米奇哥哥都好照顧我地~~哈~
唔係我想像咁既樣,不過D薰衣草都好靚,買左D荼包,O個度既社長先生解說O個陣好搞笑架XD
之後直接番溫泉酒店,唔浸溫泉啦,要除晒衫既,唔制..XD
入到房.....哇哇!!!!! 要鋪被訓地下架~~好日本FEEL呀~~~~好鐘意!!!!!!!
出番大堂集合,先知我地遲左到,冇得浸溫泉啦,想浸既團友有D失望啦.....
DINNER食魚生餐,要自己俾200蚊出來呀,要坐晌地下食架呢,好正!!
好多細細碟既野食,最正既係成盤魚生同生食八爪魚,仲識郁呢XDD
飲左D廿幾%酒精既酒,我同小麟都HIGH晒~~XDDD
番到酒店搵左米奇哥哥陪我地去買零食.......因為落雨關係,所以外面勁凍....=_=
其實米奇既DAD係香港人,MON係韓國人,不過又晌荷蘭出世,所以廣東話,韓文同英文都好勁,
仲有普通話呢,羨慕!!我都想學韓文!!深夜時去左SKY哥哥度玩飛行棋同PAIR 牌,
不過我睇左一陣就走LU,眼訓.......ZZZZ
小麟玩到3:00AM先番來,痴線!! 訓地下都幾舒服^^

>>July 3, 2003 at 3:00:17 AM GMT+8

2003 年 6 月 25 日 星期三 【陰】

今日去韓國喇~~
5點就起左身啦~~去到機場只係6點幾o者~~
好開心咁去搭飛機啦~~真係好好玩^^不過d野食麻麻o地~~
去到o個面已經係兩點幾,我地個導遊係一個好高既李燦深~~XDDD

我地O個團有28人,第一站去新村梨花女子大學購物區,
可能第一次晌漢城街頭行街啦~有D驚驚O地......
食左D小食啦,好多精品同衫買啦,亦都好多COFFEE SHOP,
原來韓國人好鐘意飲咖啡架...唔.....O岩晒我^0^
而且韓國既女仔真係好靚,又高又白,佢地番大學著到好似OL咁架
行左一陣之後就去食人蔘雞湯,佢地係用鐵既碗同筷子架,重到.....
佢地餐餐都要食泡菜添架~~都幾好食丫~~

再之後去左東大門夜市行街,O個度D衫係最多最平喎,
有3座好大既商場,入面每層都有2百幾個鋪位,每層都買唔同既野,
不過我地聽唔到幾黠問WHERE集合呢,所以都冇心機行.....想搵番領隊先丫><
再去左東大門D夜市,晌街邊既,好多野食呀,好多野買呀~~仲多野睇過D大商場......
去左間COFFEE買MOCHA飲,3300 WON($1=150 WON)都幾平啦...而且仲好好飲!!!!!!!!!!!!!
撞到個團友,知道集合時間地點就安心行啦XD,不過都冇咩收獲囉....
番酒店前買左好多零食,嘿嘿~~~
本來之後想去打電話俾超哥既,不過電話失靈-_-
夜晚有D寒呢.......不過都幾舒服~~

P.S.第一日已經同領隊(SKY)同導遊(米奇哥哥)好熟啦~~
仲叫小麟做肥妹.....哈..之後仲好玩呀~~


>>July 3, 2003 at 2:32:48 AM GMT+8

2003 年 6 月 24 日 星期二 【晴】

今早竟然成12:00pm先起身,搞咩架@_@
下午就出去拿o急啦~~
托左番來,用左一粒鐘執野咋~~
不過都係驚有野執漏.......
夜晚同小麟傾左一陣,知道個領隊係男既(佢最happy啦XD)
同埋可以著泳衣浸溫泉!?頂!!!而家先講!!!都係唔浸XDD
夜晚都係同D人 ICQ啦,搞到1點先OFF~~唔捨得你地呀~~XDD
聽早要7:00AM去到機場丫~~要五點起身.....成晚都訓得唔係幾好添.....

P.S. 呢幾日我UP唔到日記啦~~星期一先番來喇~~~~~~呵呵~~~~~!!

>>June 25, 2003 at 9:08:26 PM GMT+8

2003 年 6 月 23 日 星期一 【晴】

訓到11點先起身XDD
中午晌屋企食埋飯先出街~~
同Stella傾左一陣電話~~不斷討論緊同一個問題~~XDD
好無奈添~
之後出左旺角行下街~
再去等小超超睇戲~~"千機變"
哇哇!!好爆呀~~唔通全部都係TWINS FANS~~XDDD
講真,劇情麻麻O地,好多地方都好牽強~~
不過好鐘意佢地D衣著同打鬥場面(雖然好多都係替身打...)
因為佢冇帶電俾我,所以睇完戲要入沙田拿電......
不過已經好累啦....@_@
番到屋企都係要上一陣網先.....又差唔多兩點先訓.....

P.S. 夜晚番屋企O個陣,有樣野撞落我隻腳度.....
一睇......哇哇!!!!!!!!!!!!!! 好大隻老鼠呀,痴線架~~
番到屋企即刻消毒隻小腿先>_<

>>June 25, 2003 at 4:55:53 AM GMT+8

2003 年 6 月 22 日 星期日 【晴】

九點幾起身啦,約左小麟去茶會嘛......
不過都係遲左D.......
去到尖咀先知個茶會係11:30AM先開始,
冇所謂啦,飲下野食下野囉~
個導遊講韓國D野好搞笑架喎,
酒店冇牙膏牙刷同沐浴露架喎,
而且要28度以上先有冷氣...環保喎!!! XDD
O個日要7:00AM去到機場,唉......ZZZZZ

跟住約左阿聰出來食TEA BUFFET,
我地行左一陣通利琴行,D PIANO同電子結他好靚^^
不過我係冇心機學既XDD
搵左間酒店一大輪,先知原來我地行過左-_-
$55元都算多野食啦~~我食左5舊蛋榚~~好飽~~XD
之後去左睇車展!?經過O者~XD
行下尖東海旁,有人派野飲喎~正!!
再行去玩具反斗城~~我地即刻變左小朋友XDD
7:30PM佢地去紅館睇BEYOND啦,
我就番屋企LU,仲係好飽.....@@


>>June 24, 2003 at 5:51:59 AM GMT+8

2003 年 6 月 21 日 星期六 【晴】

放假第一日呢,好早起左身啦~~
因為今日都有幾多野做~
中午去左沙田同超哥食luch先~~
有我鐘意既炒公仔麵食XDDDD
晌沙田行左一陣......冇咩野買就出左旺角剪髮!!
頂!!!剪到勁短!!!>_<
以後都唔去O個度剪喇!!!!!!
晌旺角又行左一陣就番屯門買O急.......
好快揀左一隻19吋既,288蚊都幾平丫~~
不過未有貨.....星期三先拎好MUM水D時間~~
上網上到好夜呀~~~UP埋個日記先訓XDDDDD

>>June 22, 2003 at 5:12:03 PM GMT+8

2003 年 6 月 20 日 星期五 【雨】

調左更番晏.......
落得勁大雨喎~
所以讀者好似都少左!?
Bonnie番來探我地,又有西餅食~XDD
不過夜晚要番屋企食飯,冇同佢地食LU~~

番工成堆人(6個)去搭LRT,
我同SUNNY講笑講到勁嘈,勁HIGH~~XD
好似有好多人望住我地添~~嘿嘿~
同佢傾計個腦要轉得好快架~~對我來講係一種挑戰!!!XD
之後佢地去左市中心食飯
SUNNY佢冇帶遮喎,好彩我地住得近O者
遮到佢天橋底算喇~~盡晒人事啦~XDDDD

P.S. YEAH!!!!!!!連放9日喇!!!!!!!!!!!!!!^0^ ^0^

>>June 22, 2003 at 3:35:47 AM GMT+8

2003 年 6 月 19 日 星期四 【陰】

番14:00-22:00
夜晚馮小姐又留到好夜啦.......
9:50PM!!!!!!!!
又冇得聽歌!!!頂佢!!

P.S. 知道我地個團星期一有茶會喎(好彩請左假)
好野!!之後可以去行下街~唔錯~~

>>June 22, 2003 at 3:22:53 AM GMT+8

2003 年 6 月 18 日 星期三 【陰】

一個字可以形容我今日做過既野
就係訓!!!!!!!!!!!!!!!喇~~
又真係幾爽既~~XD

晚上又約左超哥出街...
去旅行之前有好多野買架喎~
不過突然又諗唔到.....
買左本梁望峰寫既韓國旅遊書~~
寫得好鬼搞笑~~
一定要帶埋去旅行先得~XD

>>June 22, 2003 at 3:28:17 AM GMT+8