2003 年 10 月 7 日 星期二 【晴】

朝早風平浪靜咁過左~~
下午有好多新書來,OFFICE WORK當然係上磁喇~~~~~
哇!!來左好多漫畫O者~~~~好多都想睇~
不過而家冇咩睇書慾.......
番屋企好得閒咁睇DVD,追緊套台劇啦~
有我鐘意既陳怡蓉做架~~好靚架佢~~^^
夜晚同佢地上網玩鋤D~~
我D成績算係咁啦,不過都未係好識出牌住囉.....
有人臨輸之前走左喎~~XDDDD~~
約左聽日去打牌~YEAH~



>>October 10, 2003 at 3:01:48 PM GMT+8

2003 年 10 月 6 日 星期一 【晴】

今早訓到十點幾先起身,不過都仲係好累.......
番到圖書館先知原來我要12月25日番CLEANING.......慘.....
不過補番12月31日俾我,都唔錯丫~~^^
今日番自修室啦,夜晚食完飯已經好眼訓........
仲要拍架添....ZZzzz
放工當然同上次o個個SB(即係同我住同一個村)走,
又傾下D圖書館野咁啦~~講D野都幾有同感XDD
番到屋企即訓,今日真係反常地累喎.......

P.S. 多謝小麟既生日禮物啦^^~~超哥都有喎~~~~XDD

>>October 8, 2003 at 2:19:53 PM GMT+8

2003 年 10 月 5 日 星期日 【晴】

今日係我既生日喎~~~~~
冇咩特別感覺啦~人老左係咁架喇XDD
番到去都冇咩人記得喎~~~~鳴~XD
係小如突然記得先講聲生日快樂咋~~
成朝冇咩野丫,好快過~~
番到屋企當然要訓教啦~~
之後去上堂啦~呢堂阿車SIR教我地粗口喎~~~~XDDDD
好難呀好難呀~~~~我覺得自己追唔上咁既~
放學後MEET左超哥就去愉景新城搵野食,
去左間食扒既地方,叫左個小食同個扒餐咋,都好飽LU~
D味太濃啦,食肥人O者~~不過對我來講就好好食啦~XDD
番到屋企上網鋤D~最近迷上呢樣野啦,真係好難玩呀>_<

P.S.1 多謝JANICE既生日咭~~^^
P.S.2 亦要多謝KAREN咁忙都打俾我啦~~最近少聯絡左啦~~~
得閒我都要多D搵佢先^0^


>>October 8, 2003 at 2:10:12 PM GMT+8

2003 年 10 月 4 日 星期六 【晴】

訓到12點先起身啦,之後好精神...
想出街玩啦~不過超哥想留晌屋企休息喎~~好冇癮O者~~>_<
睇左D碟先,下午再訓.....悶死人=_=
夜晚都係仲想出街....不過超哥又唔醒目喎~
唔開心啦!!!!!!之後又鬧交啦!!! 唉.......
點解最近咁多問題架我地-_-
過左12點就係我生日啦,呵~~
收埋D人既生日快樂先訓XDDDDD

P.S.1 SAILORMOON都有真人版喎,不過就........XD
P.S.2 我好憎星期日留晌屋企架!!!!!!!!O徙晒!!!!!!

>>October 6, 2003 at 3:59:01 PM GMT+8

2003 年 10 月 3 日 星期五 【晴】

七點幾出門口啦,同番工一樣早........
去到元朗,超哥已經食緊野啦,難得今日佢咁早喎~~
之後小麟同阿聰都到喇....哇!!阿聰哥帶左一大袋野食番去~~XD
今日大家咁心情都算幾好啦~^^
THEN之後搭小巴去黃崗過關,好少人咋喎~~~~~
可能D人已經晌10月1日番晒去掛.......
再之後搭的士去阿聰既鄉下啦,叫福永呀~~
搭左半個鐘到就到喇......
首先去左佢"女麻女麻"度,間屋都好大O者~~
之後去左佢舅父度坐一陣,好好客呢佢地,又汽水又生菓咁招呼,
勁優閒既感覺,坐晌梳化都舒服死XDDD
問佢地借完麻雀台又再番麻麻度,
阿聰既姪女來左丫~~幾CUTE架個樣~~
我地幾個勁撩佢玩~~XDD
教我玩鋤D啦~~咁難既~~都唔好玩><
之後都係打牌O岩我XDDDD
打左幾鋪,阿聰既大佬就車我地去食飯,
O個度勁有特色喎,海邊搭既木屋來架~~
有海風幾舒服,仲有魚釣添~~
我地7個人食飯都有8個菜,好豐富啊~~~~~
第一次食黃花雀~幾好味~不過成隻食有D恐怖......
聽講要十幾蚊一隻添喎~~貴價野~
仲有魚呀,蝦呀食~可惜我唔係好食海鮮架呢~
食完飯後去釣下魚,原來咁悶架~
等呀等呀~~~我冇耐性架~~想快D走!!!
不過突然.......我條魚干有D郁動.....
一釣起...哇~~~~~真係魚呀!!!!!!!
我第一次釣都釣到魚喎~~~真係威XDDDDDD
搞到佢地好冇癮添~呵呵~~~
之後又係雀局時間~~打左四圈~~
我依然係大WIN家~小麟一家輸三家喎~~~~XD
打完都5點幾,大佬車我地走啦~~~番到去晌屋企附近行下先,
想去買煙花玩,途中買左雪條食~5毛一條超平喎!!!!!!!
佢地個個食兩條,我1條夠啦,好飽.......
行到一家買香同紙紮野既地方終於有煙花買~
原來有好多種類架喎~~~買左五十幾蚊~
算係幾貴架喇~~行番去既時候天已經黑得好快LU
晌麻麻家屋頂玩~
勁~~~~~好玩呀~~~~D煙花好靚~有隻可以彈得好高添~~~
不過要趕住走啦,所以玩左一陣咋,
之後搭的士去福田區,一落車.......
乜咁似旺角砵蘭街架......
講開先知原來有好多香港男人來呢度搵女,
有一個性地.......XDDD
周圍搵小麟話既一間食打邊爐既地方,
途中佢俾人用電單車推一推呀...真危險!!!!!!!!
總係覺得O個D地方冇一個係好人....
搵左好耐都搵唔到呀,咁就是旦食一間啦(因為都接近9點喇)
都係打邊爐,地方幾乾淨丫~~4個人食左百六蚊咋~~
超平~~~~~食到好飽添^^
不過有人飲多兩杯又失控.XD
十點幾啦即刻走LU~~搭的士番黃崗~
過關時我俾人截住喎~~~~瘀到!!!!!!!!!>_<
我個樣似偷渡咩>_<
之後番到元朗,阿聰送小麟回家啦
超哥都送我番屯門,開始個肚有D不適..漲漲O地咁.....
番到去即係去廁所先XDDD
沖完涼即訓!!!!!!!!
好累呀~~不過今日真係幾好玩~呵呵~~



>>October 5, 2003 at 4:31:11 PM GMT+8

2003 年 10 月 2 日 星期四 【晴】

番晏啦,人唔多喎~~~~~唔錯~~
本來想問小麟聽日幾點晌邊等......
不過佢話唔去喇喎!!!!!!!!!!
玩呀????
又放飛機??
上次試過一次佢仲係咁既!!!!!!!!
即時唔開心啦>_<本來以為搞唔成到而家失而復得.........
只係想開開心心咁番大陸玩o者....對呢個人好失望.......=_=
仲喊左.....(我份人比較眼淺啦...)
成日都冇咩心機做野....勁嬲佢!!!
之後佢都話番,不過俾我既感覺係為左我開心而去囉.......
又聽番annie講因為佢有d野唔開心而心情唔好啦,
唉.....次次都係咁架....

番到屋企,為左搞清楚件事所以打俾小麟,
同佢傾左一陣啦~~又好番啦~~XDD
而聽日都可以照去既~~希望大家都開開心心啦~~

>>October 5, 2003 at 3:09:32 PM GMT+8

2003 年 10 月 1 日 星期三 【晴】

早上約左佢地打波,唔知發仔係同細MAY嘈交,唔來喇,
而且今日唔可以去佢家BBQ啦,咁突然既......見打波O個陣細MAY勁傾電話咁......
要TUM番人啦XD
之後話去屯門燒,通知晒人喇,又話去AMBER家燒喎,好煩呢搞到......
不過都想上去BA BA家睇下,又係村屋O個D呢,
番到家食飯沖涼又要出門口喇,約左阿熙佢地去元朗買野先,
再入錦田,哇!!!BA BA屋企真係好正好大,有花園,有籃球架等.......
仲有間遊戲房,佢地鋤D啦,我同STELLA同BA BA玩層層X先,好刺激!!XD
之後發仔佢地來啦,好耐冇見BONNIE同ANNE喇~~
我地一邊燒,一邊玩D遊戲,都係估野遊戲,之前有好多都玩過啦,
所以我都識識O地XD
再之後緊係講下圖書館D野啦,又係勁激講到XD
THEN砌生日蛋榚,係家慧整既CHEESE CAKE呢,好味!!^0^
收到禮物丫~~多謝你地呀~~^^
藍玉髓好靚丫~呵~
十點左右要走啦,番到家都係十一點,
上網UP下日記又要訓......
今日又係出左成日街.....zzzzz


>>October 2, 2003 at 4:26:03 PM GMT+8

2003 年 9 月 30 日 星期二 【晴】

是日國慶假期,早上D人同星期六一樣,心諗死硬啦.....
點知去到下午D人越來越少咁既,成個下午都好得閒咁,前所未有....
最後更加係準時收工,HAPPY啦!!!
又要出街,去奧海城睇無間道II呀,有九成人喎~~~~~~
真係冇第一套咁好睇架喇,不過吳鎮宇幾得囉XDD
因為買左好多零食喇,所以睇完戲出來食野都冇咩胃口咁......
本來諗住拿O個3個雪碧樽蓋去換波鞋仔鎖匙扣....去到.....
佢話要全部都係綠色蓋先得喎....!*&#(*@$@)..廣告都冇講......
難為我呢兩日都飲汽水肚都漲埋......>_<
即時冇晒心機....又要再儲過.......
唔知係咪因為剛放完煙花既關係....等極都冇巴士既....
累死人,之後晌車度訓到死左........
番屋企又係狂訓...........
呢幾日都好累...日日都出街咁滯........

>>October 2, 2003 at 4:01:43 PM GMT+8

2003 年 9 月 29 日 星期一 【晴】

今日係阿熙既生日丫~~生日快樂先~XD
唔記得有咩野發生LU,好順利咁又一日啦總之XDDDDD

>>October 2, 2003 at 3:47:01 PM GMT+8

2003 年 9 月 28 日 星期日 【晴】

今日冇阿頭晌度既一日,心情愉快啦~~~~~
又冇做錯野啦,下午上書呀~星期日既後遺症呢......
無啦啦約左小麟同阿聰夜晚食飯啦XD
放左工後即去上堂啦,第二堂既韓文堂開始覺得難啦.........
不過我唔會放棄架!!!!!!XDDD
之後又趕出去尖咀啦又,超哥提議食打冷,
都好,好耐冇食LU.....
不過小麟似乎有好多野都唔食既XDD
難為佢啦,希望佢都食得飽啦~~~~~
食到十一點幾先走,成12點幾先番家,
又係勁累既一日.......-_-

>>October 2, 2003 at 3:44:22 PM GMT+8