2004 年 7 月 22 日 星期四 【晴】

今日仲要番工啦,不過係last一日,
聽日開始連放8日假喇~~~~happy~~~~^^
下午超多野做呀又,暑假日日都係咁既......
收工前都做唔晒d野,之後又要辛苦晒阿熙幫手啦~~~~~
放工後本來同小麟去上日文last一堂,不過大家都冇咩心機去啦,
走堂去食飯算喇XDDDDDDD
食完飯上佢屋企搞下野先,玩ICQ好好玩呀~~~~~~XDD
搞到十二點幾先走LU~~
YEAH~~~放假!!!!!!!!
要PLAN下呢幾日有咩做先~~^_^

>>July 24, 2004 at 11:32:54 AM GMT+8

2004 年 7 月 21 日 星期三 【晴】

今日要番工呀,一起身已經累到....-_-
番到去遊魂咁做野啦,好多野要做呀,
淨係做book drop都過一千本......
本來尋日打完波隻手都唔係好痛,
不過做完千幾本書後搞到兩隻手都勁痛......>_<
勉強做晒d野啦,番到屋企食完飯已經要訓喇......

>>July 24, 2004 at 11:26:43 AM GMT+8

2004 年 7 月 20 日 星期二 【晴】

今日番半晝啦,下午回家訓一陣.之後約左佢地晌某圖書館既電腦室等啦XDD
今晚打8-11PM,首先我,ANNIE,KA WAI同SKY去食飯先,
再去打一個鐘,呢個場都幾難搵架喎,不過入面D職員幾NICE~~^^
之後KEVIN同阿熙來埋,佢地D男仔打得太恐怖啦,
我都係晌旁邊學下用拍執波好了XDD
都幾好玩呀,不過好累啦......ANNIE仲話變左大細手臂XD
後來阿熙同KA WAI3屋企,我地四個去食糖水啦,
都食到成十二點幾啦,番到屋企仲上網喎...
二點幾先訓...Zzzzzzz

>>July 24, 2004 at 11:23:21 AM GMT+8

2004 年 7 月 19 日 星期一 【晴】

唔係我唔想寫日記呀,
係個網死左咋XDD
呢個禮拜好辛苦O者~~~
首先星期日因為小如整親左,所以我要同佢交換位做野.......
即係又要出COUNTER!!!!!!!!!慘....好耐未出過去咩都生疏晒........
推左幾車書隻手臂痛到呢....-_-
今日超哥同小麟去游船河呀,我唔鐘意去啦......
不過又唔係好鐘意佢地兩個一齊去呢>_<
佢地講到好似好好玩咁.......唔好同我講你地有幾HAPPY啦!!!!>_<
夜晚睇紐卡素到傑志,都幾精彩喎!!!!!!可惜最尾射12碼......
TVB竟然買廣告!!!!!!?????完全冇為觀眾著想!!!!!!!!!

星期一對更既SUMMER JASON調左更啦,早上入左來幫我手,
傾落佢都幾好傾喎~~~~XDD
下午要做OFFICE野,唉......已經冇咩時間做喇....
遲D又放假....我已經想像到放完假後有幾慘.....=_=
工聯會竟然打來星期五補番一堂俾我地喎~~呵~~都好~
放工後同小如,STELLA,輝少同ANNIE打羽毛球,不過得一個鐘咋,
我同ANNIE晌旁邊猜下波算喇,不過都好累架原來>_<
之後輝少番屋企食飯啦,我地4個去DINNER,
傾左好多野啦~~~傾到成10:00PM先閃人~~

到今日喇,番1400呀,中午食完飯慢慢番去都未遲,
冇咩特別野發生啦,本來想8月11日放假去旅行,
點知又話放榜唔俾....睇下去旅行可唔可以提早一日啦........
今晚拍個SB係新來既,勁斯文O者.....
原來佢晌CITY讀架~~~晌圖書館只係PART-TIME 囉~~
好累..聽日又番早了......

P.S. 好野,聽日KA WAI又來食飯.....^^

>>July 20, 2004 at 3:49:03 PM GMT+8

2004 年 7 月 7 日 星期三 【晴】

訓到好晏先起身啦,雖然尋晚打波不過今日隻手唔痛喎~~呵~
睇番MATRIX 3先,好似麻麻咋喎,睇左大半就唔睇喇XD
因為下午超哥見客,所以可以早D出來啦~~~~
睇下D去上海既PACKAGE,8月份既都未出喎..
不過就咁睇都幾貴......再去睇下MP3機同電話啦,
佢最近都幾鐘意一部NEC手機喎.......
食完飯諗諗下不如我送俾佢啦,橫掂上年生日同X'MAS都未送野XD
佢初初唔肯啦,我扮下嬲之後都要接受左啦~~呵呵~~
都幾好呀部機,個MON夠大啦,可惜冇藍芽同加RAM咭囉.......
遲D要交換玩!!!!!!

>>July 9, 2004 at 3:07:17 AM GMT+8

2004 年 7 月 6 日 星期二 【晴】

今日有得放半啦~~happy~
朝早好easy就過左啦,食埋飯就番屋企訓下先~~
今晚約左annie阿熙同kevin打羽毛球呀,
夜晚咁上下時間去左探下kevin先,仲上左一陣網啦....
之後去meet annie食KFC,新出既包麻麻O地咋喎,
Then Kevin 收工過埋來,拿拿聲食完野去體育館喇,
阿熙已經等緊我地lu,時間o岩o岩好,換完衫剛9:00pm,
kevin又係一個勁人啦,原來佢早排係教d小朋友玩羽毛球架....
而佢晌澳洲又係咩咩羽毛球隊既人.....痴線架..........
佢成埋都未出力來打既,之後佢仲教我地玩計分添,
都幾複雜,不過又幾好玩~~^_^
好快兩個鐘又完喇~~呢堆人都幾好玩喎~~~
下次再約啦^^

p.s.1 弊!!留左張手機mmc咭俾kevin!!!!!星期五先拎番啦~~~
p.s.2 番到屋企即刻d/l番今晚既隔世追兇俾annie先,佢呢期追緊喎XDD

>>July 9, 2004 at 2:48:55 AM GMT+8

2004 年 7 月 4 日 星期日 【晴】

一朝早已經好累添...Zzzzz
番到去已經見到個新同事阿業等緊開門啦,
原來佢要番學所以呢個星期都同發仔調左更呀,
咁之後點算呢....
似乎佢都係一個幾好學既人來架喎XDD
我教唔到佢D乜呀,等我放監出來先算XDD
朝早有POLLY幫我整D書丫,
講開我覺得佢係一個幾可愛既女仔喎^^
做野都幾快手都勤力添~~
中午同埋D SUMMER一齊買飯盒SHARE食,
好鬼豐富喎,食到好飽XDD
下午俾大MAY叫去做野......
呃..我本身都有野做呀....唉.......
打下Label又一日,我諗呢個大工程要交俾Annie接手喇....
聽日開始有好多野要等住做!!!>_<

>>July 5, 2004 at 2:45:04 PM GMT+8

2004 年 7 月 3 日 星期六 【晴】

星期日都要番工啦,天氣好似幾好喎.....
唉,咁即係好多人會來啦....>_<
果然早上D人已經有不少喇,下午D人係排住隊來架喎.........
忙到冇時間做自己野添,好快又放工LU~~
之後出去睇戲啦,蜘蛛俠2呀~~
我都係早幾個星期先睇第1集,覺得唔錯喎,所以第2集決定入場睇先~~
哇~~兩間戲院做都賣左九成票太勁!!!
今集好精彩呀,特技好,故事內容亦都加強左好多,兩個鐘毫無冷場!!!!!!
睇完之後都回味無窮呢=)
番屋企早D訓喇,好累~~

P.S. 歐國杯終於都完了,希臘簡直係創造神話啦XDD

>>July 5, 2004 at 1:56:39 PM GMT+8

2004 年 7 月 1 日 星期四 【清涼】

是日番晏,仲係好熱>_<
番到去見到好耐冇見既細MAY,原來佢去左韓國旅行丫~~
D野食手信好正XD
星期五既下午都幾多人,唉.......
對更既新同事來左喇,叫阿業(?)/ JOHN(?)呀~~
睇個樣好似幾成熟啦,要加油喇^_^
番到屋企好累喎,聽日又要番早>_<

P.S.1 好野,星期三打波前可以食飯先,
不過....食咩好.........??

P.S.2 多謝鄭中基(XD)請既朱古力喎,好味!!!

>>July 3, 2004 at 10:51:50 AM GMT+8

2004 年 6 月 30 日 星期三 【清涼】

今日係7月1日,day off而且係公眾假期啦~~
朝早已經超熱喇......早掛都有諗過去遊行既,
不過驚中暑都係留晌屋企好了XDDDDDD
不過超哥有去呢,我唯有默默的支持佢XD
今次一定比上年少人架喇,正常丫.....
大家既冤氣亦都冇咁重,似乎今年政府都有D進步XDD
下午照舊訓一陣就出去搵超哥行街先,
好似好熱咁喎佢,好彩冇去XD
夜晚晌間CAFE食飯,有我鐘意既MOCHA飲.......
不過.......食到大半時超哥個碗野有隻甲由!!!!!!!!!!!!!!!!!!>_<
頓時反晒胃啦XC========
我地又太好人既,冇嘈間野,佢地亦都唔計碗野錢啦,
以後都唔去O個度!!!!!(雖然D MOCHA幾好飲......)
之後超哥型住會肚痛咁啦,其實都唔係咁大件事既,又冇食落肚XD
不過我地又蠢左,應該拎走隻野,等真係肚痛既時候J都可以有證據告間野啦!!!!!
最後大家都買左D平衫就走LU~~~~~^_^

P.S. 今日係筒哥哥生日喎~~HAPPY BIRTHDAY丫~~~~~
遲D搵你食飯呀下~~~~~XDD

>>July 2, 2004 at 3:07:19 PM GMT+8