2004 年 4 月 20 日 星期二 【晴】

十日冇寫日記大家係咪好期待呢XDDD
交待下呢幾日有咩事發生先,星期日去左剪頭髮,
係特登搵某個髮型師剪,百幾蚊剪得麻麻地....下次平平地算喇.......
之後由呢個星期開始戴CON啦,好多人都睇唔慣喎XD
夏天戴眼鏡唔係咁舒服~~
仲有就係早幾日出左部新手機,NOKIA 6230,有我鐘意既影相功能^_^
仲有好多FUNCTION都未識搞,不過都幾貴.....我諗下次換機都係換3G架喇......

講番今日番7:30AM,早上同SKY一齊晌ML,玩下D高科技野先,佢有部PDA好鬼勁,
不過對我來講冇咩用,傾下玩下又一個上晝,好似冇咩點做過野咁XDD
中午又食外賣,好多人SEND左D鈴聲俾我,THX~~^^
飯後再做多一個鐘野就走啦,YEAH~~~~~~!!!
約左今既同小麟同超哥D朋友仔打波,所以放工番屋企訓番陣先,
今次去馬安山好鬼遠,仲要係打9:00PM,是旦啦.....
TOTAL有7個人打,講真,我唔鐘意有咁多人囉,係可以有時間休息,
不過打既時間咪少左囉,我可以唔駛休息呀!!
而且打落我球技又屎,仲要打比賽,頂.....玩我呀!!
我唔鐘意玩到有咁多規則,同超哥一隊佢又打晒D波,
好冇癮呀!!!!!!!!!越打越唔開心,其他都係勁人,我又唔識打,
又要玩比賽,我鐘意球來球往既打法囉,下次唔好叫我喇~
打到11:00PM就走啦,我番到屋企都接近1:00AM LU......
唉......心情好DOWN添.....

>>April 21, 2004 at 5:29:01 PM GMT+8

2004 年 4 月 9 日 星期五 【晴】

7:30am morning call呀,訓得o個4個鐘真係累死人......!!
食完早餐後去浸溫泉,不過我冇泳衣,又唔想浸喎,
搞到超哥要陪我冇得浸啦,sorry~>_<
同另一對夫婦周圍行下啦,聽佢地講好似成日去旅行咁喎,
真係羨慕~~之後有d時間同超哥捉下瞎棋,輸啦我-_-
中午食左餐最好既,哈哈~~真架,前一日o個d真係麻麻o地,,,,,,
我地都算係幾後生既團友啦,所以食飯時都好多人照顧我地喎~~^_^
一上車就勁訓啦~~XDD
番到深圳都6點幾啦,買下碟食埋飯就番香港喇~~
呢次旅行都算OK啦,不過就貴左D囉,冇計,旺季嘛~~
不過下次都係唔跟團番大陸喇,有好多地方都重覆左喇....

>>April 12, 2004 at 12:16:37 PM GMT+8

2004 年 4 月 8 日 星期四 【晴】

今日同超哥去旅行呀,又係大陸短線真係有D悶~~XD
要6:00AM去到尖咀等啦,自己遲左起身啦,
搞到6:30AM先去到,架車都走左LU....
即刻拿拿聲飛的去上水追啦,咁就二百蚊......-_-
今次領隊係個幾YOUNG既女仔,叫KITTY呀,
而導遊係個靚仔,叫阿添~同佢地都幾好傾呀~^^
成日去既地方都幾悶喎,好多時仲係D要你買野既地方,
都冇咩所謂既,當散下心O者~~
夜晚第一次試腳底按摩,個FEEL都OK,
又唔會整到哇哇叫既,不過做完之後都冇咩特別O者~~
夜D睇左個SHOW都幾正,個司儀好搞笑XDD
睇完都十二點,番到酒店都成1點,好累.......Zzzz

>>April 12, 2004 at 12:25:56 PM GMT+8

2004 年 4 月 7 日 星期三 【晴】

今日本來約左karen出街,不過佢有異性冇人性啦.
遲左個幾鐘先出來~~都唔怪得佢既又,熱戀期嘛XDD
晌尖咀坐左一陣啦,一路傾計,一路教我織手繩,
好似唔係好難O者~~XDD
之後行下街咁,買左SHAMPOO份禮物啦,
同行左D化妝品店啦,KAREN係時候要識下呢D野啦XDD
十點幾有人送佢走啦~~真係好呀~~
XDD

P.S. 有條金魚仔死左喇~嗚~~仲有兩條希望冇事啦~~

>>April 12, 2004 at 11:27:09 AM GMT+8

2004 年 4 月 6 日 星期二 【陰】

又成個星期冇寫日記啦,
我同超哥好番啦,今次呢件事令到我學識點樣同佢相處啦,
希望我之後會做得好d喇~~^^
今日要番7:30am,d學生放假啦,朝早已經有好多人來喇.........
今日有I.T.講座呀,所以KEVIN過左來做野,同佢傾下閒計咁啦,
真係越來越覺得佢似鄭中基架O者XDDDDD
仲唱埋"我代你哭"....似到呢....XDDDDDDDDDDDDDD
笑左我好耐XP
佢今早都幾忙喎,我都要忙住幫佢接電話啦~~
中午D人龍仲誇張...D人放假就留晌屋企啦好心!!!!!
食完LUNCH下午整下FORM先,2 HRS內搞掂晒~~
好HAPPY咁放工LU~XD
今晚約左SHAMPOO,筒哥哥同CLOTHO食飯,
不過六點幾筒哥哥先打來話唔來得,
頂!!!!!!!要3個都住屯門既人特登出九龍真係無聊......
MEET左佢地之後去左大熊本食野,又食芝士火鍋啦~~
開始對呢樣野有D厭添XD
傾左一陣計,CLOTHO要番屋企先喇,
咁我同SHAMPOO繼續行下先,佢最近留意既D MP3喎.
睇下先,不過1GB以上O個D既樣太核突......
之後我地竟然買左另外一樣野,原來大家一早就想買架喇..呵......XDD
番屋企搞到好夜先訓.....聽日約左KAREN去街,要買禮品俾SHAMPOO喇~~^_^

>>April 8, 2004 at 6:15:23 AM GMT+8

2004 年 3 月 30 日 星期二 【陰】

又成個幾星期冇寫野啦,太懶~~
講下最近既近況先,工作方面我已經入左ML兩個星期,
都OK慣啦,雖然係悶左D,冇咩人同我傾計,不過都過得幾好,
暫時冇咩特別野發生~~算係咁啦~
而今日係SHAMPOO既生日呀,本來想約佢食飯啦,
不過佢當然係佳人有約啦,下星期先啦,搵到間好野去食XD
仲有既係我決定搞搞我既樣先,我呢個樣都KEEP左好耐,
好核突囉覺得,諗住買D護膚品用下,執下個樣先,咁樣令到自信心都高D啦,
4月4日會去BBQ喎,呢次係小麟做搞手,期待中^^
講開我同小麟都冇咩野啦,早排已經攤開左來講,係我太小心眼啦,
覺得佢同超哥有D野......我對佢地都有D歉意.......
小麟係我一個好珍惜既朋友丫^^
而同超哥方面......我地又鬧交.......太多問題喇我地,
特別係今日,尋晚嗌完交都冇搵對方喇,係我太任性,而佢亦做唔到我想要既野,
分開下對大家都有好處,雖然今日我喊左好多次.....
聽日放假,希望心情愉快D......

>>March 31, 2004 at 3:25:05 PM GMT+8

2004 年 3 月 21 日 星期日 【晴】

又成個星期冇寫日記啦,
基本上都冇咩特別野發生,最辛苦O個D野都已經過埋XDDD
不過今日真係想寫D野......
早上番工時STELLA打過傾左一陣啦,佢想知呢邊D TOMY車幾錢喎.......
最終係唔記得左睇既XDD
聽日再睇過先~~^^
今日開始我要入ML坐啦,有D緊張,始終呢個位一個人做野,
對於我呢個成日依賴人既人就真係慘啦~~
而且晌入面唔可以同其他人SOCIAL下又係悶喎,
不過算啦,呢份係工作,唔可以成日顧住玩啦~~
仲有呀,聽日同小如去工聯會報學搭羅牌~~玩下囉~~
我都有少少興趣既~~
成朝好平靜就過左喇.....
小麟下晝都放半喎,約下佢食飯啦,
傾下尋日佢同企鵝佢地行山D野,我發覺佢最近好似有D唔開心丫,
唉......我都唔知點喇.....不過一齊食下飯都好既,
以後我入左ML都冇咩機會傾LU.....
之後我番屋企訓一陣先,夜晚同超哥出來啦,
睇下復活節去邊先,不過得2-3日都冇咩地方好去.......
原來小麟下晝去左剪頭髮喎,好似好激添架喎.......
呢D都係超哥話我知.....成晚佢不斷話要去搵小麟睇佢既髮型..........
我已經唔出聲喇,最後仲想去荃灣搵佢食糖水!?
未見過佢會為左個人特登咁做囉,好反常.....
去搵小麟真係咁重要??? 最後都冇去到.......
不過我地又嘈喇,真係好難受.......
我冇諗過佢地D關係已經咁Close.....
佢今日三番四次咁話想見小麟,我仲可以忍,
最後一齊出去算係咩意思,有冇諗過我感受呀!!!!
你話我小氣又好,妒忌又好,我唔想成日有個人晌我地中間呀,
而呢個人不知不覺已經晌超哥心目中好重要...喊左好耐好耐.....
我係對自己冇信心,當佢同一個女仔close既時候我好驚......
我係知佢地冇野,不過我唔想佢地咁樣....又唔想佢地冇朋友做.....我可以點....=_=
唔好再挑戰我既極限呀,好唔好!? 我地已經為左呢件事嘈過好多次,
你明知我唔開心點解仲要提話要見佢呀,而最近小麟唔開心,
竟然得佢先可以安慰到小麟,又好無奈.....佢地彼此係咪已經晌對方心目中已經好重要呢,
佢地口講話冇,不過今晚開始我可以睇得出.......好唔開心好唔開心....
成晚只有勁喊......好煩呀!!!!!!!!!>_<

>>March 22, 2004 at 5:27:37 PM GMT+8

2004 年 3 月 15 日 星期一 【晴】

今日番到去見到圖書館出面好多人圍住,咩事呢.......
原來係有人暈低左喎.......之後有擔架來.....慘.....
本來今日諗住放工後同小麟去工聯會報日文班(我再學有d無聊....)
叫埋超哥既,勇哥又話來都好丫,好耐都未試過4個一齊食飯
我地放工出去都差唔多九點啦,唔得,以後要搵條快d既路.....
唔係趕唔切上堂喇~~
去到見到兩位男仕啦,本來超哥係想報法文,不過佢話要等埋佢細佬先喎,
之後食飯啦(o個度係我地既食堂),我同小麟請佢地啦,咁難得XDD
小麟個肚唔舒服呀,食完飯就走啦....
好累.....-_-

>>March 18, 2004 at 4:06:32 AM GMT+8

2004 年 3 月 13 日 星期六 【晴】

朝早番到去,D書都過晒機架喇......堆左好多晌度.......
今日都冇咩時間上架啦......都唔知點死.......
好彩人都唔算好多,不過感覺上都好累.......-_-
放工後俾人叫住喎..........咁熟面口既.......
哦!!!!!!!!係我幾年前讀既商科D COURSE既同學仔.......
真係好耐冇見喇!!!!!!!即時拉佢埋一面傾下計先XDD
佢結左婚啦XDD
唔怪得靚女左啦,傾左半小時到啦,仲交換番電話
真係開心呀~~撞番D朋友^^
番屋企食完飯就訓覺喇.....呢幾日都好累........
而且聽日又要番7:30AM........

>>March 15, 2004 at 12:45:49 PM GMT+8

2004 年 3 月 12 日 星期五 【晴】

今日係黑色星期六啦!!!!!!!
事緣我地更今日番早,咁9:00am圖書館開門既時候......
d電腦突然死晒..........唉.........
唔可以借/還書啦.....我地唯有收左讀者既書,等電腦好番先同佢地還.......
好混亂囉.....去到中午d書已經多到不受控制........
下午我都幫手去分書,真係書山書海呀~~~~~~~
去到4點先好番,即刻將d書過機啦......仲問我地更d人可唔可以加班幫手,
我要走file唔得啦,都有3個同事肯留低兩個鐘....辛苦.......=_=
其實夜晚我都約左超哥啦XDD
都係周圍行下咋,佢想買DISCMAN喎.....唉.....而家呢個時候仲買呢D....
買IPOD好過啦!!!!!!!仲買左戀愛盒子既BOX SET,有個音樂盒同虛疑寶物,正!!
不過俾人話O徙錢.....>_<....呢D興趣來架~~~~
今日搞成咁,聽日仲要番工...好慘喇......

>>March 15, 2004 at 12:30:29 PM GMT+8