2004 年 1 月 1 日 星期四 【晴】

番晏呀,下午都幾多人呀,不過我仲好有HOLIDAY MOOD~~
知道佢地除夕O個日去左AMBER家BBQ,我都想去呀~~~~
食完TEA後要入ML啦,好似冇咩野做咁喎,
好輕鬆又一日啦,第一次關門咋,大致上都OK~應該冇野做漏~
反而出面冇左我就亂晒XDD
我好重要架~~呵呵~~~~~~
反到屋企睇番叱吒先,仲有就係D/L左一日一夜既日本紅白大賽~~三千幾MB呀~~
早D訓喇,聽日番早~

>>January 2, 2004 at 2:54:29 PM GMT+8

2003 年 12 月 31 日 星期三 【晴】

訓到11點幾先起身,晌NOW.COM睇埋新城頒獎,
都唔好睇既,成場都係豬肉獎,係人都有獎咁,差.......
下午又係要訓,之後起身,超哥入來屯門同我睇戲丫,
去凱都,剛裝修過既格局超靚,不過要50蚊一張票,好彩有買一放一......
今日睇地下鐵,果然冇令我失望,千樺唔係大笑姑婆既樣都幾靚,同梁朝偉都幾有火花.....
係一套睇得幾舒服既戲,絕對好過安娜.......XD
之後食野啦,就走喇,趕番屋企睇叱吒,勁正~~~
果然係個好專業既頒獎禮,好多歌手都喊,我覺得咁多個頒獎禮,
叱吒算係搞得最好最公正喇,睇到兩點先訓,唔錯!!遲D要晌NOW.COM睇番足本~~

P.S. 知道KAREN今日開始有拖拍啦XDDDDDDD
恭喜晒~~~~你地要SWEET SWEET呀~~XDD
好懷念O個種感覺呀XD

>>January 2, 2004 at 2:43:46 PM GMT+8

2003 年 12 月 30 日 星期二 【晴】

2003年最後一日,
2003年係一年唔開心既一年,好多人都想佢快d過.......
對於我來講,2003年唔算太多事發生,希望2004年過得更好喇^^
一覺起身已經覺得自己冇咁咳啦,呢個醫生果然有d料XD
下午都係要訓XDD
之後出街喇,約左超哥去睇TWINS CONCERT呀,
之前無聊地去左黃埔行下同食飯XDD
CONCERT要9:30PM先開始嘛,我坐21行算好前啦XD
講真,呢次CONCERT真係有D失望,完全冇驚喜,
佢地兩個可能太忙,冇咩時間排練啦,唱歌走音情況依然,
D衫又唔靚,講野又有DEAD AIR......
最衰既係臨倒數前成場音響死晒,佢地同埋DANCER晌個台度行行企企......
都唔知佢地想點!!!!最後佢地要拎個大聲公倒數啦,D人大叫回水啦XDDD
之後成場都冇晒MOOD,呢次真係比起上次差啦,唉..........失望!!
12:35AM左右完場,行番出佐敦搭車,哇~~勁多人呀~~番到屋企都兩點幾啦,
上網咁4點先訓......
好耐未試過~~

>>January 2, 2004 at 2:30:21 PM GMT+8

2003 年 12 月 29 日 星期一 【晴】

朝早已經傳來壞消息,梅姐已經去世.......
點解咁突然架.........唔開心添....
今日早D出門口,幫超哥既阿爸阿媽買左麟右李D票,
我十點幾買都只係買到28行,太勁!!
本來想去睇STELLA介紹既一個幾好既醫生,
不過超多人...唉......
睇下晏D可唔可以拿鐘去睇醫生喇......
番到去都係勁多人,星期日咁款........
知道阿康少晌環球嘉年華只係用一舊水就WIN左隻大公仔就激氣喇.......
算啦,我同超哥太弱喇.....XD
阿頭最後都俾左兩個鐘我走,真係唔走唔得,
咳都不得止,仲打乞嚏同流鼻水添.....好暈呀個人!!@@
去到O個度,都KEEP住有幾個人等緊,
好難得,冇邊幾間有咁多人等架~
都等左幾個字,個醫生勁NICE喎,同我詳細解釋我個病情,
一野已經話我唔係哮喘,呢D先係架嘛!!!!!!
仲好細心咁問呢野問O個樣,睇完出來個心都舒服晒~~~~~~~~^^
果然係個好醫生!!!!!!STELLA介紹冇錯呀,以後都要搵佢!!!!!
番屋企食左藥,即時見效!!
咳少左,喉嚨唔痕喇,越來越鐘意呢個醫生呀!!!!!!!!!
聽日DAY OFF,好野^^

>>December 30, 2003 at 3:55:39 PM GMT+8

2003 年 12 月 28 日 星期日 【晴】

好眼訓呀一朝早~~~~~~
COUNTER有D機好麻煩呀,搞左幾耐呀>_<
早上好鬼多人,全部都係D學生哥,你地快D番學啦!!!!!!!!
仲係好咳呀,好辛苦........幾時先好架.......
好彩今日放半,早D番屋企訓覺XDDDDD
訓左兩個鐘精神OK晒~~
之後去街LU,今日約左BENEDICT,SHAMPOO同筒哥哥打邊爐丫,
好耐都冇見佢地喇,不過要去買楊千嬅演唱會票先,$150去到26行呀,
咁後架.....不過都照買啦,關心姘都開喎,不過冇人同我睇..........
之後出去旺角喇,不過都遲到XD
第一次見筒哥哥著老西,好得O者XDDD
D野食都幾普通啦,佢地好快飽喇,有好多野都食唔曬添....
我食得好唔痛快呀,勁咳........-_-
同一時間超哥都同佢班FRIEND晌同一度地方打邊爐,
之後當然叫佢來我地台聚一聚啦,
而家亦要去佢地台見一見佢D FRIEND啦,有好多人都未見過喎,
講左一兩個就走喇,之後聽番佢地話我唔怕人喎,好似好熟咁!?XDD
呵呵,呢個絕對係假象啦~~~~我好怕醜架XD
食左兩個幾鐘,筒哥哥要走先呀,我同SHAMPOO送BEN BEN搭車後,
我地兩個就傾下計啦,真係好難揀既,不過已經有答案啦XDD
番到屋企知道阿梅病危既消息,有D膽心.......
希望佢捱得過今年呀~~

>>December 30, 2003 at 3:17:03 PM GMT+8

2003 年 12 月 27 日 星期六 【晴】

DAY OFF既星期日~~
一早搭西鐵去奧海城睇戲,
爆滿喎竟然XD
不過我好似買錯位,太旁邊喇,唔識買細戲院D票....
中途坐旁邊既死O靚妹勁講電話,知唔跳睇緊戲架,
仲大大聲講>_<
今次睇安娜與比武林,真係...........
廢!!!!!!睇咁多睇千嬅既戲最差係呢套,
完全唔識笑.....-_-
早知睇地下鐵!!
之後去會展既購買節,都幾多野睇,不過冇乜野買.....
之後再去維園既工展會,勁多人......
全場都係食既野多,食到好飽o者.....
都係冇野好買...去埋HKC休息下,不過電話突然晌好尷尬XDD
最後去埋環球嘉年華,個埸細左,機動少左啦,
冇所謂,攤位要緊XD
今年D公仔幾靚喎,D遊戲大約都係O個D.....
最終我地加埋用左400蚊,真係變態XDDD
超哥WIN左兩隻幾大既,我自己都WIN左隻細既公仔(好難得XD)
其餘有3隻小公仔都係抽番來既,收穫都OK啦~
十點先走呀,食埋食就番屋企啦,番到去仲可以睇一陣既新城頒獎,
80個獎!!!!!即刻唔想睇LU~
點幾先訓LU最後,累!!不過好充實^0^

P.S. D咳都冇好過既,突然好擔心我自己咩事.....-_-

>>December 29, 2003 at 4:40:08 PM GMT+8

2003 年 12 月 26 日 星期五 【颳風】

今早好凍呀~~~~~好彩番晏~
今日都係搭西鐵番工呀,快!!
咳既情況越來越嚴重呀~今日放工一定要去睇醫生!!
番到去先知,呢兩日既BOOK DROP有十車咁多......
真係對唔住各位喇,我都唔知開唔到機啊~~~~~>_<
辛苦晒各位對更同事~~
所以搞到今日有好多書呀,假期後遺症.......
不過人都唔算好多既~~
放工去左工聯會睇醫生,
頂,個女醫生串串頂咁喎,之後仲話我可能哮喘.......
低能架,我無啦啦會哮喘?仲要我照X光.......
嫌錢多呀家陣!!下次都唔去睇佢呀,不知所謂!!!
番到屋企都幾累喇,要早D訓LU......
聽日要早D起身睇戲^0^

>>December 27, 2003 at 3:44:15 PM GMT+8

2003 年 12 月 25 日 星期四 【晴】

今日去東平洲呀,同一大班同事啦~~~~7女1男既組合XDD
約左ANNIE 8:00AM晌上水等先,去到大學站都好早,
等齊人就去馬尿水碼頭上船喇,要搭個幾鐘船架呢,
晌船度冇咩野好做啦,有D人睇報紙,有D人訓教,
我就同阿MOON研究下MP3啦,不過佢今日成日串我喎>_<
10:30AM到喇,好凍既天氣呢,原來今日都轉涼左,大家完全冇呢個意識添,
東平洲果然好多奇石呢,我地沿住東平洲行一個圈啦,路都唔算難行,
不過一開始行我已經跌倒>_<,真係出師不利,大家一路行
一路影下相,執下貝殼咁啦,阿MOON以前去過架,所以可以做我地領隊XDD
行到2:00PM去左士多度食下野就搭船走喇,晌船度同STELLA傾下計先~
佢部手機有得打麻雀好正呀!!!!!
本來諗住去睇醫生,不過今日係公眾假期好多都冇開......
聽日先囉~~~~
放晚累死喇,10點幾訓左..........

>>December 27, 2003 at 3:29:26 PM GMT+8

2003 年 12 月 24 日 星期三 【晴】

成晚都訓得唔係幾好咁,可能節日氣氛太勁XD
一早番去,成條街都冇咩人,梗係啦,
D人尋晚去晒玩,而家ZZZZZ緊喇......
番到去本來想整BOOK DROP先,不過LOGIN唔到既......
試下第二部,都唔得喎.......
可能25日全圖書館都休息,電腦組有野搞掛....
之後搵下書,拍下架,讀下架,
去JUNIOR清左D書車出來,真係好辛苦.....-_-
太耐冇搞JUNIOR啦,D車又堆到咁多.....唉.....
仲要執BOOK DROP D書出來分類放上車先,
唔好話冇野做呀,仲累過有BOOK DROP做既時候.....>_<
之後搭西鐵去旺角搵小麟同超哥,佢地之前去左睇金雞2先,
仲有超哥由英國番來玩既FRIEND,叫謙謙喎XDD
第一眼覺得佢有D似陳小春XDD
都幾NICE呀佢份人~~之後JOIN埋超哥既一PAIR FRIEND,
一行六人去食日本野,D魚生好正~~^^
THEN去左中環睇下棵大型聖誕樹,O個度D氣氛都幾好喎XD
最後去埋蘭桂坊行下,好多外國人O者,不過都冇咩特別~
11點左右走LU,好累呀~~~聽日仲要7點起身...唉....
去玩仲累過番工XD

P.S.1 仲咁咳既......-_-
P.S.2 SHAMPOO早上打電話來呢,好耐冇傾喇,
約左星期一食飯~正!!

>>December 27, 2003 at 3:31:16 PM GMT+8

2003 年 12 月 23 日 星期二 【晴】

今晚係平安夜呀,不過都要番工呢,
我地更番8:30,對更番9:00,好少可兩更人咁早一齊番工啦,
朝早又係得我同小如兩個晌COUNTER,不過唔算多人.......
中午佢地買左M記既雞翼(買一送一呀),我咳緊呀......唉......
不過照食一舊啦XDDD
自己帶既飯都食唔晒.......
下午做下雜誌咁,3:00PM要出去坐CLOAKROOM喎,
因為對更有兩個冇番唔夠人呢,
最後一個鐘拍下架先,而家唔拍聽日我番CLEANING咪又要拍,
好彩唔算好亂O者,一個鐘剛好拍晒,
聽日專心做BOOK DROP好了
一到17:00咩都唔理就走人啦~~~~~XDD
不過對更都係遲我地5 MINS亦都走得LU,
之後同小麟去買禮物,佢要去阿豪既X'MAS PARTY呀,
求其買一份啦,之後同佢搭西鐵去元朗,送走佢自己先番屯門,
晌車到見到有對男女又食野又飲野喎,真係冇公德心......
差唔多落車既時候,有個女人大大聲話佢地食野飲野係唔O岩咁,
個男既幾燥呀,同個女人勁嘈啦.......我就冷眼旁觀啦,
不過都好心涼,終於有人肯出頭鬧佢地~~呵呵~~~XDD
番屋企前買左枝咳藥水飲先,
今晚冇街去啦,因為聽日要番工呀,都唔想咁夜訓啦~~
好耐都未試過平安夜晌屋企LU,
突然覺得好孤清添-_-
祝各位聖誕快樂丫~~^_^

>>December 24, 2003 at 1:40:14 PM GMT+8