|
2003 年 6 月 7 日 星期六 【晴】
今日係一個值得記念既日子,相識半年,甘苦與共.
---------------------------------------------------
今日詩班放假,但我一早都返左田灣堂,因為我覺得我又係時候抄番崇拜筆記,所以今日我坐得好前,希望可以聽得清楚d.結果當然係正啦!
抄完就走左lu....去左香港仔等tam.我地今日去玩呀!
............書店...........
...........中央門外............
.............大球場...............
................時代廣場............
................重有 ........
都成為左一個好開心既回憶.
----------------------------------------------------------------------------
1)大家都好傻.對嗎?
2)可能會有新組員喎....但仲未見過!
3)個天快d好啦!
>>June 11, 2003 at 5:27:47 AM GMT+8
2003 年 6 月 6 日 星期五 【雨】
今早下雨雨到狗屎咁大,好在無去到行山炸,否則實成身都係臭臭la!
因下雨,又不用上學,所以在家中收拾下間房.
------------------------------------------------
下午有小組,都幾好,今日都應該係我=有史以來第一次盛裝出席小組lu,點解....哈,因今冕係我地中七既gra din呀,小組人小但很開心!
---------------------------------------------------
臨去酒店前,tam.一齊行左一陣灣仔,都幾好!
------------------------------------------------------
六點半到左,但人是小的,只好到看看d裝修正唔正.....唔..都唔錯.
人漸多,但越來越肚餓.周圍同人映相,好似好開心.
唉....長話短說......1)食物...ok
2)奬品....太名貴..
3)節目....有點悶
4)工作人員....我很欣賞
所以今晚...都係志在參與...
-------------------------------------------------------
a)恭喜詠衍考倒基準.....
b)早餐好好味,好開心...
c)一次過打番哂d日記係好慘既事黎架!
d)Angela隻腳快d好番!
>>June 10, 2003 at 4:06:56 AM GMT+8
2003 年 6 月 5 日 星期四 【陰】
今日晚上返左晚堂,今日既主題實在係太好啦,我自己聽完之後有好多野想出來,
無錯,正如牧師所說,我們必須為自己將來要得既賞賜而去努力,
可不再用一d籍口去消滅聖靈既聲音,唔得,以今日開始,我要更加努力!!!!!
-----------------------------------------------------------------------------------------
----各位弟兄姊妹,你地又收到幾多封信呀?.... :*)..........
>>June 10, 2003 at 3:08:39 AM GMT+8
2003 年 6 月 4 日 星期三 【陰】
今日我地小組成班人一齊殺上去詠(筠)姐同俊傑哥哥屋企玩,
唉..我覺得我地小組遲到既(好)習慣真係要正視一下先得,我放左工,
想早d到...(大約早左十五分鐘)點知我就足足等左五至六個字....
本身想走架,但阿光突然出現...等埋rachel之後,我地就先上去....
嘩!間屋真係正到炸,以黃色為主題,再加上大路既design,再加上我既出現,間屋顯係好呀!
其他人亦開始到齊,我地當然係睇佢地兩個既結婚相同埋結婚帶,仲見倒好多小組人以前既美貌,果然係五年一大變呀各位!.....
到左今日既重頭戲,就係詠筠姐親自下廚
既晚餐........有salad,chicken wings,意粉,菜.....好多,好好味呀!
>>June 9, 2003 at 8:55:09 AM GMT+8
2003 年 6 月 3 日 星期二 【晴】
今日真係超級開心...除左係端午節之外,重同tam.去左南丫島玩呀!(榕樹灣)
我地一早就去左香港仔等船...仲見倒小新sir 添!佢老婆好好呀...好似!
今次係我咁大個仔以來,第一次去南丫島玩...好開心呀!
落左船,同郭sir 講左再見之後,我地就開始左今日漫無目的既行程,我地沿住榕樹灣正大街一直行,行到盡頭,去到一個足球場,有一堆人正在踢波,而我地就一直行,去到一個垃圾站,我地見裏面既風景都唔錯,所以咪入左去,想映相,但最後都係比人趕番出黎.
-----之後我地返返去球場隔離的一個公園,有一班小朋友正在玩耍,而我地就開始食晏.今日有冰凍既新奇士橙汁同埋我呀媽包既(總)...唔記得點寫添...食完..我地開始玩...玩咩...哈..我帶左結他,tam.帶左口琴....我地夾左幾首歌,吸引左小部份人留意.之後,我地仲叫左一個小朋友同我地一齊映相.佢好得意呀.----------------------------我地收拾好,就繼續四處去..我地去左榕樹灣後街,周圍既店舖都係賣一d有特色既貨品,我最記得既係一間只賣玻璃貨品既鋪頭,有一個被屈到好以波浪既可口可樂樽,好正,不過好貴....又有一間專賣馬來西亞同泰國野既鋪頭,裏面有好多古怪野,不過都真係好有特色.......一直行去唔知...咩咩灣...路上人多外,仲有好多小賣店...到左沙灘,人更多外.....我地都一至認為這個沙灘比市區靚好多同乾淨好多,當然我地映左大量照片作為留念......行到有d累,坐下休息一下....最後我地都返返去碼頭....又夾左一陣歌....今次真係有人欣賞坐多一陣,就坐四點四班船走左lu.............難以形容的開心...就在今天.!?
>>June 9, 2003 at 8:31:49 AM GMT+8
2003 年 6 月 2 日 星期一 【晴】
其實今日個天氣同埋個心情都已經唔係好記得lu,因為我係後來先至打番上黎!
------我只得小小野,就係今日要補英文同埋要整我自己gra book 果頁!
------另外,我亦身附重任,就係代表我果班去問家教會拿sponsor!有小小問題出現左,攪到依家要delay落實既時間....要到下個星期五先至知個結果!....係咁先!
>>June 8, 2003 at 3:05:20 PM GMT+8
2003 年 6 月 1 日 星期日 【晴】
今日都仲係要返學校既補習班,數數o下,仲有四堂就完lu.....快d完就好lu!
-------------放左工之後,我去左繼續我既gym班.今日有新毛巾用,(有d唔捨得)..無咩汗流,所以都無用到.唉!d人好鬼 大隻呀,唔得,我都要努力呀!阿may今日都係無返,只得annie.
完左同許小姐在KFC坐了一會(其實都好耐).......好開心呀!雖好似無咩做.但都真係好.........
-------------------------------------------
生活.....沒完沒了......比D心機走埋佢!
>>June 3, 2003 at 8:05:31 AM GMT+8
2003 年 5 月 31 日 星期六 【晴】
今日係我重返詩班以來,第一次再重踏台上獻詩的日子,今日獻首歌真係非常之好聽.
另外,我之前咪同大家講過我走左去映相既,今日去取,睇完...好開心.(都話我映果d靚d架啦啦隊)
仲有好多值得放入銀包既相,想睇既朋友可問我,我會考慮o下o既!
-----------------------------------------------
好開心!!!!!
>>June 3, 2003 at 7:54:52 AM GMT+8
2003 年 5 月 30 日 星期五 【晴】
近排天氣唔錯,今日一早(8:00)就同許大小姐去左行山,我地都差不多行晒香港仔可以行既路lu!,今日我地由墳場開始行,仲見到東萊,佢行得好鬼死快呀!我地一路行,不經覺就到了田灣.今日我地行山既主題係蜘蛛網,我地係咁睇,d蜘蛛網真係好正呀!之後我又撞倒建國,今日真係撞得多 人呀!
我到在上水塘某一個燒烤場夾口琴,"夢幻街少女主題曲"正.我地仲有映照添!一定會好靚.
---------------------------------------------------------------------------------------------------------------------------
之後許小姐去左教畫班,而我就去左街坊做自己野.到十二點幾,我地一齊去左華貴,本身想著去方樹泉睇書,但又未開門.之後我地又去左大家樂坐.最後佢比我說服了跟我回小組.今日小組雖人小,但也很開心.
----------------------------------------------------------------------------------------------------------------------------
送完許大小姐搭車,我都返左屋企lu,做咩.....打機law!
到9點幾,文迪打黎叫我去跑步.我地今日要重拾我地當日跑去深水灣同淺水灣既信心.我地今日既目標係跑去深水灣.我同文迪由華貴開始,我地其實係好想半途而廢,但好在最後都堅持倒.
不過我地真係差左好多呀,我以前跑來回華貴同淺水灣都仲易過食生菜,但依家跑到去深水灣都而經支持唔住LU.在路上,我地見倒錦(裙)佢同一大班朋友在燒野食,好不開心呢,真係好想行埋去厄食呀!我同文迪今日既暗號係
37:37 仲有 55:55
各位路人請猜猜這兩個東西有何意思.請把你的答案打在回應區.答中冇獎.
>>June 2, 2003 at 5:29:17 AM GMT+8
2003 年 5 月 29 日 星期四 【晴】
唉!近排勁早起身(大約六點半至七點半),又勁晏至訓,(一點至兩點)....救命呀!
今日起身,睇左一陣有線,之後阿媽行完山返黎,同佢傾左一陣,阿媽突然話,我呀ma在鄉下病左,又無人帶佢去睇醫生,(我鄉下d所謂親戚全部都係見錢開眼,比錢佢地又要,叫佢地帶我呀ma去睇醫生就無人去)我呀媽又突然講話...唔知今次會唔會死呢.嘩,o赫到我呢........跟住就當然係好掛住呀ma啦!自從上年表姐結婚,佢同呀爺落黎飲,到依都有成年無見過佢地兩老lu!
--------------------------------------------------------------------------------------------------------------------------
===好鬼擔心呀!
===唉!終於輪到我lu!
+++晚上既崇拜完全無心機聽!
+++去左香港仔海旁坐,好在有人咁晚都肯落黎陪,真係好!
++++++最後既心情番好多,無咩事lu!多謝!
>>May 31, 2003 at 3:57:48 AM GMT+8
|
|
|
今早下雨雨到狗屎咁大,好在無去到行山炸,否則實成身都係臭臭la!
今日晚上返左晚堂,今日既主題實在係太好啦,我自己聽完之後有好多野想出來,
今日我地小組成班人一齊殺上去詠(筠)姐同俊傑哥哥屋企玩,
其實今日個天氣同埋個心情都已經唔係好記得lu,因為我係後來先至打番上黎!
唉!近排勁早起身(大約六點半至七點半),又勁晏至訓,(一點至兩點)....救命呀!