|
2003 年 8 月 26 日 星期二 【晴】
昨晚同文迪熙阿光一齊去跑步..跑左去深水灣..
九點半在華貴開始...十一點半返到家..之後我阿光文迪霍俊
一齊去左西環可可店食宵夜...一點返到家....聽到一些令到我
好不安難過憂慮傷心的事.
----------------------------------------------------------------------
今早五點半醒左坐在床上坐了很久,想了很久..六點,開始急忙地
準備和計劃今天的工作...一邊做一邊睇 有線...足球小將中學篇...迴轉壽屍...
吃了兩塊方包就左門口....
早出門口.,可以上華富佳94A...在巴士站等了很久都未有車...
一等一想..不太好...突然有一個中年男人走了出來並說:駛乜咁認真丫,香港人
立刻引來很多的白眼.....我站在一小店的前面的薝下...a water dropletｌａｎｄｅｄ ｏｎmy head
令我可停止去諗其他事....
上了車,很喜歡車尾的廣告:落後左好快追番上黎!!!
同巴士站的男人很不同呢!!!!!<-----8:42am
---------------------------------------------------------
今早上堂好悶呀!!!!!下午要去幫俊仔補習....晚上重有好多野做呀!!<-----12:30pm!
--------------------------------------------------------
離開學校,我去左大家樂.本身只係想去見下
小新同埋阿左,但竟然比我撞番小學時我最喜愛既老師…
仲交換左電話添!!!!
真好,小新請左我食一碗义飯呀…
好攪笑,我之前見倒小新,我問佢:[阿左去左邊]
佢話:[在入面被人插緊]
到我走既時候..得番阿左,
我問佢:[小新去左邊呀?]\
佢話:[在入面被人插緊]
真係好攪笑呢!
>>August 27, 2003 at 5:50:38 AM GMT+8
2003 年 8 月 25 日 星期一 【晴】
這幾天的生活都好似.有點不太好...
好像有好多的東西要做..自己都少了很多時間去休息..
眼見既生活好像多姿多彩,但總好像有點欠缺..
就快要返學啦.....我對自己的學開是充滿了期望的..
生活應該是不應太過多姿彩的,因並非每時每刻都是那麼
好玩,那麼充實..這只會使靜下來的時候產生這種感覺....
不過..到目前為止都尚算好好!!!
---------------------------------------------------------------------------
早上返左學校繼續開工..
今天覺得自己大過了很多.....不知為何....
下午與tami在田灣教會食了一個午餐.之後就上左佢家..
今日idy同埋winnie都係一齊出camp..之後佢地都一齊上左黎玩..
好耐都無一齊啦..我地四條煙.....
winnie上黎同阿tami傾得好開心呢,我就在旁聽佢地兩個講野.
winnie好興奮呀...winnie仲即席表演跳camp fire....好正呢!!!!
之後idy上左黎,佢地三個傾得更加勁,真係好難以文字去形容佢地三個.不過總之就好笑啦.!!!!
>>August 26, 2003 at 8:16:02 AM GMT+8
2003 年 8 月 24 日 星期日 【雨】
今日都係咁大雨..但心情係極好的...今日我都仲係要返學校開工.
我五點幾起左身,但我呀媽已在整早餐啦...
我呀媽叫我去訓多一陣...一訓就係八點半....
我返九點...死啦lee次...各立,我最後係八點十返到去...
想講..我係有刷牙洗面...仲洗左個頭..但無食早餐!!!
今日都唔係好多人返黎....但我都係咁做野o者..
之後十二點三,tami上左黎利東同我一齊食lunch...我地在老友記食左成個鐘
之後我地上左去玉桂山...我地行左好耐..最後上左去,可以見倒華貴,華富,香港仔
石排灣,利東.大街.海怡...黃x坑....好正呢...成個山得我地兩個..{因下著雨}
我地睇住d雨由大海吹過黎....最後我地走唔切...變左做落湯雞呀!!!
但真係好開心呀!!!tami去銅鑼灣擺新眼頸...我就去幫俊仔補習....四點完..
我去東業比番d野美美姐...之後我就去香港仔同蘇非阿度蘭一齊去演藝
找阿東練歌在演藝的食堂吃了一個餐...是東請的...我地今日練歌到大約七點..
之後同蘇非阿度蘭一齊走...我返左香港仔陪tami買野...之後就各自回家了!
>>August 25, 2003 at 4:14:35 PM GMT+8
2003 年 8 月 23 日 星期六 【雨】
今天tammy出camp呢...但心情有點不知怎的.....
返左去練班..之後無返午堂....因我要去幫人補習....
十二點開始...到一點九先完....今日好大雨呀...tammy出camp有困難..
二點幾三點,佢返到黎,我地去左大家樂食野今天我們用了很多時間
處理一些很很很的問題!!!!風雨最後也過了!
tammy:很想說聲對不起呢!!!!
>>August 25, 2003 at 3:54:45 PM GMT+8
2003 年 8 月 22 日 星期五 【晴】
因為昨晚返左專題晚堂,所以我地今日無小組...
今日早上好早就起左身.今天我要返學校表演...今學校既BAND隊.
八點半返到去,大部份人都到左,我地練左一陣就要開始表演啦...
今日係一個學校在開學前想同D家長遘通下....個BAND真係無
我地以前咁風光....今時不同往日.....
完左之後,我返左屋企訓覺....到十二點幾,,我以好快既速度
去到中環碼頭...我同阿光,,,JANET,芬姐,阿ben,子芩,joey一齊去左南丫島
游水呀..我地坐二點半船.
大約半個鐘就到左啦...行左一陣去鴻聖爺灣....一去到,換好衫就立刻同阿ben一齊
衝落水啦....因係一號風球既關係,好大浪呀....但真係超勁爆好玩呀,風景靚,
水又淨總之就好玩啦..我重拾左好多石頭同貝殼呀...好美呢!..(詳情我唔講啦,因真係非打字可以形容!!!!)
之後我地離開,在後街,我地在一間買{泰國小食的小店買了一串沙爹牛肉....真係極品呢!!!
我地一路食....路完之後,我地係刻意返去再買一次...阿光又請我食多一串,我地今次食大辣..
我初食都覺得無野架,但我同子芩一齊上船返香港仔時,我先開始覺好辣....
反應有點.......!!!!
我同子玲走先,因其他返中環....南丫島...係一個好好好既地方呀!!!!
>>August 25, 2003 at 3:54:18 PM GMT+8
2003 年 8 月 21 日 星期四 【雨】
今早tami上左我家食早餐,我整左烏冬同埋菜..因佢來遲了,
所以我地做過咩,只係食完野之後就趕住去搭車上佢今日要去camp...
十點幾我返左學校,因今日學校要練band..我要返去幫手,,
雖然d同學去唔係咁ok,但都算叫肯練習,所以都好啦!!!!!下午仲要去幫俊仔補習..
晚上要練讚美...之後要返晚堂..今晚jason返黎.......今天想通了一件事..
近班心情不太好, 我這人是比較難聽完別人講野之後好埋....
.........珍惜現有,
一切的加添都是祝福!!!!別望人會為你做甚麼.....要 求自己怎樣去為別人做事!!!!!
>>August 22, 2003 at 5:11:30 AM GMT+8
2003 年 8 月 20 日 星期三 【晴】
可能係怕開學之後會難見倒tami,所以今早我地都係齊食早餐.
今早係我整早餐...有五種食品有蟹柳,雞蛋,米餅小蛋糕..香蕉...
之後我地就去左行一陣海旁..之後我就返左學校,因今早都仲係要開工..
今日係要收中二升中三既作業...唉..見倒佢到真係嘔哂血呀,因佢地有d就係
今日先返黎做有d就..呀係差不多全部人都在抄功課,,,,
我都真係無謂理咁多啦....叫都唔會聽架啦!!!!成班人個態度比那一班中一
要差好多百千萬倍呀!!!!我做到十二點半先收到上半日既工呀!!!
我下午要整理好作業比老師,之後又要去打電話比果無返黎交同埋無做好既同學,
叫佢地星期一返黎交!!!!!打電話打左成個幾鐘....有一個電話打去既時候係極之攪笑架,
我打去搵一個男仔,
我間佢做乜今早唔返黎交作業,
佢答:[我都無在學校買作業,
我話:[你無買唔代表你唔駛做架!!!
之後佢有一個令我無言以對既答案:[下!學校踢左我出黎仲要我交功課?]
我:[??????!!!!!!!!!!#%&%^&%^.....咁無野,88]
唉..真係攞命呀!!!
之後同ttami一齊去左香港仔滙丰入票...哈我決定左去學鉸既大O camp啦!!!!
之後陪左tami去銅鑼灣眼鏡!!!!!無鏡架...好睇!!!!
送佢返香港仔..佢番家..唔快就會比媽{鵝}!!!!而我就一個坐在水池邊食雪糕!!!!
晚上同ttami傾左好耐電話.............!!!!!!!!@@@@
>>August 22, 2003 at 5:01:30 AM GMT+8
2003 年 8 月 19 日 星期二 【晴】
今日返學校收班中一既作業,由九點收到十二幾都無停過....
班小朋友唔係用做哂d作業為單位而係以差唔多做哂黎做單位.
我同我partner肥沃收到手都累,眼都花--->因我地要睇下佢地有無做齊!!!
-------------------------------------------
今早八點出到香港仔同tammy一齊食早餐,之後一齊行百佳總之就係四圍行啦..
大家都不約而同的穿了橫間衫...哈哈!!!!
--------------------------------------------
完左學校之後,我在校上左一陣網,玩左一陣icq,仲有就係準備notes...
今日我要早d上小朋友家幫佢補習,因我要去銀行,所以要早走...但因我實在係太過
好人啦,我overtime左成半個鐘,但我無計佢錢喎.....佢既tenses都仲係好唔得呀...
都唔知點算!!!
去完bank之後,上左街坊用電腦....各位....我好唔好整番部電腦呀?????
晚上去左教會同一班朋友仔一齊彈結他,佢地全部都係初學既都彈得唔錯喎!....彈完我地一齊玩
大富翁...我做我最喜愛既角色,就係銀行啦,可能係因我小時候覺得做銀行既人做得好差,
所以我對銀行特別鐘意!....一玩就玩左成個半鐘,文迪最後左呢!!!!之後我同
文迪,阿熙一齊去左買野飲係阿熙請架,多謝呢!一齊坐在水池邊談天.
阿熙走左,我同文迪等阿枝爺返黎...之後上左佢家玩...我地睇左一隻小丸子既vcd...成
十二點幾先走!
---------------------------------------------------------------
晚上聽阿敍述返今日佢去左港大O day既情況.....聽後有好多唔開心....
有點替擔心入學之後既情況!!!!
>>August 21, 2003 at 4:50:55 AM GMT+8
2003 年 8 月 18 日 星期一 【晴】
今日一早依然係要返學校睇檔
又係好遲先至出門口
但都好在唔係遲好多
在巴士上聽到兩個老伯伯和一個老婆婆的對話 (婆婆好大聲呢!)
內容是講述他們昨天在巴士上所見到的那個錢包.
婆婆:[哈,昨天我也看到那個錢包, 只是被那個阿婆先拾到.
我知道...她拿着錢包走出巴士扮追那個失了的伯伯之麻,
估我唔知呀!]
他們又說到那些在街上的小偷,真是很神通,連內衣的錢包也能偷到….
從婆婆的對話中可見她妒忌那拾到錢包的那婆婆(聽到包中有數百元)…
這婆婆估計那婆婆把錢袋袋平安,但她無有想過若錢包是她拾了,可能也會有人這樣說她….她也不知道若真的拾了,她也是小偷一名!!!!
信主的人會有聖靈的責備,普通人只會覺得地上拾到寶….很大分別呢!!!
大家不用擔心,因信主的人越來越多,失而復得的機會大了很多呢!!!
九時半了,睇怕今日都係無人黎架啦!
到左下午一時多都係無人黎而我就幫我自己個日記整野,
我整左成日架啦唔靚唔好都要讚....否則我會怒!!!!!????
到了二時多,有一個小朋友返左黎,佢返黎就好似等於無人咁,
佢都唔問野,只係乖乖的做功課,
但佢真係想死,學校話明天要教,但佢今日先開始做,
有三本,點做呀?其實今日都真係幾無聊架!
晚上在教會坐左好耐,都唔知自己做緊d乜..幫施太入data,都幾好玩...
再之後上左去萍枝屋企玩,同佢jam歌,勁開心,我地唱today,天黑黑,紅葉斜落我心寂寞時..
最正既係,枝爺親手整左兩條腸比我同文迪食..都真幾好味..唔錯!
>>August 19, 2003 at 2:56:01 PM GMT+8
2003 年 8 月 17 日 星期日 【晴】
今日上半日都比較得閒,只係要返學校睇住小朋友做暑期作業...九點至四點,中間一小時食晏.
三十八蚊一個鐘,今日得一個小朋友,而我就全日上網....做自己野,正!!!!
我學校既阿sir已經批准左我來年返黎校教音樂...打鼓,口琴,結他.....雖然我唔係咁叻,但我諗我都可以得得地既!一百五十蚊一個鐘.....好似幾好!!!!
下午一點幾,我買完飯盒返黎之後,就繼續上網,個小朋友今日有我既......"教導",所以佢早上已經做完做maths同埋英文既作業...但佢依家做中文,我就真係有d束手無策,
因為d中文好似都真係幾難!!!不過佢最尾都做完.而我就上網上到收工...好攪笑...坐住上網都有錢入袋!!!之後我本身想去park n shop買野飲....竟比我見倒美美姐,佢正在shopping中,之後我同佢去在大家樂食tea,佢請左我飲一杯..至cool~~冰冰...我仲可以見番幾個以前一齊做大家樂既朋友!!!!
佢地請左我食雞翼沙律....之後我上左去美美姐家....佢屋企都幾正,有大量貓頭鷹既decoration...
kitchen仲有一隻好得意既雀....隻雀會向街下大叫,然後就會有一d麻雀飛上黎...都幾攪笑!!!
走lu,去左香港仔,同tammy一齊,去左交電話費,仲有去左街坊續証...阿高sir仲叫我今個星期六黎街坊做義工,,我好快就答應lu!!!..走lu!回家
>>August 18, 2003 at 10:22:09 AM GMT+8
|
|
|
這幾天的生活都好似.有點不太好...
今日都係咁大雨..但心情係極好的...今日我都仲係要返學校開工.
今天tammy出camp呢...但心情有點不知怎的.....
今早tami上左我家食早餐,我整左烏冬同埋菜..因佢來遲了,