|
2003 年 8 月 6 日 星期三 【晴】
星期四
今日最值得記念既係深夜二點半同阿光一齊去探阿恩,因阿恩今晚要去香工門外排隊等明早一開始既會考聯召..
阿光之前去左同家賢,霍俊,阿ben一齊飲野,之後先黎接我去....不出所料,有好多人在一齊排隊..
當中也有我的學校同學.我同阿光係黎幫佢地買宵野.我最後三點半先返到家,睇下書.睇下電視,五點幾先訓.
從來都未試過咁樣,都幾得意!
>>August 11, 2003 at 10:25:22 AM GMT+8
2003 年 8 月 5 日 星期二 【晴】
今日係放榜日,我既心情都叫做幾好,因我都有學校收.
樹仁收左我工商管理.仲係榮譽學士,我真係好開心呀…
因家中無有電腦,所以我一早就出左去香港仔,去街坊,去市政,去lee度去果度.
最後都係找不到!最後都仲係要返學校.去左基教,杜杜間房.我用佢部電腦,
上左去jupas個網,最後都搵唔倒.但都唔係太過失望.我在icq上同好多同學傾.
佢地都係有好有唔好.不過最正既係brian同池少一齊做同學呀.真係勁好!!!
維尼,tammy,idy,寬,kit佢地都收得幾好呀,恭喜哂!!!!!
下午去了利東幫我個學生補習.完左之後返左田灣教會去幫中五補.
晚上返到華貴教會玩,去見下一班今日又係會考放榜既中五學生.
我地有一個五優同學 酗G十九分.其他人分別有二十二,兩個十九,十七,十四.
真係叫他們開心呢!!!!
>>August 11, 2003 at 10:23:38 AM GMT+8
2003 年 8 月 4 日 星期一 【晴】
本來今日我要返去學校學我第一堂既爵士舞,但昨晚ricky打黎話ms lam叫哂我地成班一齊出黎飲茶,所以我被迫要唔去一次跳舞.我一早就去到天后(但遲到了)大家一齊在m-記等,然後一齊去附近一間茶樓飲茶.................
上到去,ms lam己經等緊我地.
坐低之後,大家都開始講野,叫野食,映相.ms lam講左好多野比我地聽,真係令我大開眼界.
ms lam....我永遠都會支持你................好耐無見你,見番真係有一種溫暖既感覺.....是真的.
完左之後,我同victor一齊走,victor有一張家屬証,同佢一齊搭車,我係唔駛比$架...幾好!
去到香港仔同tammy會合,在佢dady公司坐了許久,之後我地一齊出去銅鑼灣,我地今晚約左winnie睇戲,因我地好耐之前promise佢話同佢去睇..........
在大家樂食完飯之後,我地就好準時地去到皇室.....入座.
片頭好攪笑,片尾仲好笑.好鐘意"多利"-->因佢好傻,像我!!!!
winnie....你門天一定得呢!!!!!
>>August 11, 2003 at 10:22:14 AM GMT+8
2003 年 8 月 3 日 星期日 【晴】
今日我一早就醒左,因我今日要去同一個學生補習英文.佢住鴨(利)洲,旦上起來繼續睇下D英文,同細佬一齊食完阿媽整既豬腸粉之後,我地一齊睇直播足球比賽,
係曼聯對巴賽,我走既時候曼聯以2比1領先.我走去邊??????
我去左香港仔街坊上網,
我係同阿PEGGY一齊出去,佢真係唔同左好多呀!真係好難認倒佢呀!
佢有D唔舒服呀!去街坊,有勁多細路,真係比佢地煩死呀!
十一點九走,去買LUNCH比Tammy食.上左佢爸爸間補習社.
上到去,原來佢仲有一堂中文要上.等埋佢先一齊食.有個小朋友,極之活躍.
Tammy完全攪佢唔掂,,哈不過有我.個小朋友想唔乖都唔得啦!(哈,自己讚自己!)
兩點三,走lu,去補習.本來約好三點正,但我早左所以都要早d開始架啦!
真係好多謝tammy幫我準備好咁多練習.多謝你呀!!!!
補完,立刻走,返返去補習社,同tammy一齊繼續整野.佢仲要畫四幅畫呀.!!!!
今日我家姐由泰國返左黎,一家人又再次在一起了,真好,真開心,當然仲有手信啦,
我有一條手鏈呀!
>>August 4, 2003 at 1:00:04 PM GMT+8
2003 年 8 月 2 日 星期六 【晴】
今日係我地教會詩班獻詩日,一早醒左,食左少少野,然後就落左教會lu!
落到去,大部份人都已經到左,麗麗仲教大家玩"八段錦"都好似幾勁!
今次首歌無可否認係同以前既係好唔同.最緊要既係大家既"氣量".
唱完早堂,返屋企再食少少野.之後就返左去田灣教會.田灣教會大d,所以都好"渾氣"d!
唱完,去左香港仔圖書館上網.上左大約九個字.之後就同tammy一齊行番去田灣.
我地今日有家會.我仲要幫手彈結他.叫左tammy幫手吹口琴,雖然臨時叫佢吹好似唔係幾好,
但下次一定會早d一齊練架啦!今日係tammy第一次返家會(我都係第二次炸!)今日家會有好多人呀,
因為我地教會近有好多野要去做,大家弟兄姊妹都非常之關心教會.完左之後,我同
tammy去左最後一日既書展,今日都仲係咁多人,文迪送左兩張vip既書展入場卷比我地.多謝迪哥.
今年書展,個人認為.....好悶,賣既大部份都係一d唔等駛既野,各書商所賣既書大同小異...都係咁唔等駛!!!!!
我地都無買書,我只買左一支花送比tammy(好平架炸)行哂三個hall,雙腳都快要斷了,我地都左最近的
大家樂食晚餐,對我來說,雖然有點貴,但...一次半次,無所謂啦!食完野,我地一齊返華貴.去左行海旁,坐海旁.
好開心既一個半小時,之後就走lu.
>>August 4, 2003 at 12:57:17 PM GMT+8
2003 年 8 月 1 日 星期五 【晴】
星期六,最好咁就梗係返小組啦!但係離小組時間仲有成幾個鐘喎,有D乜可以做呢?其實我今日一早都仲係訓緊覺既時候….我記得係大約在上午的九時四十五分,阿光突然打電話黎,叫我去行山喎,仲話要在十五分鐘內到香港仔喎,
我真係以極速既時間,好快…真係差唔多十五分鐘….我就到左香港仔啦!
今日我地係同阿光既兩個同事行水塘- 釭慜潀P埋JANET!我地食完野之後,
就開始上山啦!我地由墳場道上山.行經田灣時,我地仲同阿一個同事(住在田麗樓的)揮手,哈!都幾攪笑!我地繼續行,阿光果然係地頭虫,好多野都識,好多野都知!
我地行這路,都真係幾舒服!我地行番去上次野外地向既十號地點,睇下個美麗既香港仔!之後我同阿光先發覺我地差不多達到了!我地約左穎衍在華貴堂練歌!
一點幾,去到,開始練歌!今日我地既小組時間係主要分享讀經計劃既心得!
Tammy今日幫手帶破冰.玩左一d都幾好玩既games,大家都好似幾鐘意!好好好!
完左,tammy神色凝重,佢同阿熙,rachel一齊在房仔傾野,我真係比佢赫親!
最後,佢”決志”了!
晚上,我都知佢會有點不安,同佢傾左一陣,好多了!!!!謝主!
>>August 4, 2003 at 12:56:13 PM GMT+8
2003 年 7 月 31 日 星期四 【晴】
今日好似無咩野做,都係返下崇拜.但今日都仲係要同班中五學生補英文!
今日有一個新朋友,叫wendy.都係一個幾靜既女仔!
同佢地一齊,我都真係學倒好多野,主要其實我都係去上堂,聽下tammy講書,都幾好!晚上,完左遲放的崇拜,我同tammy立刻走,我送她回家,在歸家的路上,響起了一個幾勁既電話,原來係tam媽找女,哈都幾勁呀真係,仲要勞煩到阿winnie姐添,
真係唔好意思啦!
題外話:唔知在大家心目中的” 陷L重 瓷谷酗@個乜野既定意呢?
唔知大家既定意同我既又相唔相同呢?我地一齊黎分享下丫!!!!
釦琤H前會覺得會係自己在人群中有一點地位,所說的有人聽便叫受人尊重!
但現在郤有點改變!!!現在我會覺得自己所說的,別人聽不聽都不太重要,
尊重不是別人給你的,反而是自己給自己的!能尊重自己身份,尊重自己所說的話,
尊重自己對人的態度,尊重自己所做的事…當你自己問心無愧,無做錯時,那便到達尊重的一半,因最重要既始終都係大家都覺得無錯先至岩啦!
這樣,別人便會無聲色地向你發出尊重來!!!!
>>August 4, 2003 at 12:54:00 PM GMT+8
2003 年 7 月 30 日 星期三 【晴】
今日一早起身之後,又係同細佬,呀媽一齊食下早餐,睇下電視.
金裝四大才子真係好好睇,好好笑.睇完之後去左tammy爸爸間補社度做小小野,
等埋tammy佢做埋d野之後,我地就去左田灣教會,因今日要同d中五學生補英文.
之後我地走左去行公園,在街市裏,有一個阿叔在聽一些很有情調既音樂,真係岩哂.之後大家都各自回家,我返屋企食完飯之後就又走落去教會同d朋友仔一齊玩啦.玩之前,其實我係約左阿光今日練歌既,雖然最後都係仲未練好,但都六六七七啦!今日有柱建,文迪,阿光,翠兒,我(阿寶),阿鐘,思蔚,ken一齊玩,當然又係玩UNO啦!晚上同文迪,思蔚,阿鐘. 一齊返上去華富,我地要幫手去寄信比D今年既會考生.呀,同大家講一講啦,我地自修室在八月..唔記得左幾多號為會考生整左一個”放前晚會”.等大家可以知下自己可以做D乜!同文迪一齊買左一個平價手卷,仲有一支美國入口既藍帶啤酒.好平但好難飲!!!
又有一個電話來了,是柱建,我地今晚又去”遊車河”lu!今晚我地有幾個目的地,首先我地去左灣仔碼頭,唔係食水餃,而係映相,今晚既景色都幾唔錯,我都映左唔少傑作,係用數碼機,等遲d我個friend整好之後,我叫大家上網睇啦!
之後我地去左半山,果度有一個好正既地方,係比d情侶同埋遊客影相既.我地都當係映左好多合體照啦,果度有三幫做遊客生意既映相檔,唔….除左佢地部機係靚d之外,對於佢地既技術可以話係不予致評!!!!!有條友仲好鬼死串添,部機靚d就
o係度也文也武.討厭!!!正想再去第二個地方之際,我先發覺我在灣仔碼頭唔記得
”螺”返阿光個相機套.都走左成個鐘,都唔知仲係唔係度!!!!阿光立刻飛去碼頭,最後既結果係一個奇蹟!!!之後我地仲未返屋企,…..我地去….南灣.
一去到,果度有好多狗,仲有好多..好多星星呀!!
Winnie:我又見倒兩粒流星啦!正唔正呢?
>>August 4, 2003 at 12:51:41 PM GMT+8
2003 年 7 月 29 日 星期二 【晴】
今日tammy返黎,都真係等左lee一日都幾耐(其實只係四日)
早上同細佬呀媽一齊食下早餐,睇下電視咁啦,因我唔知道tammy今日幾點會返
黎(佢走果時無講),所以我諗住一早就去香港仔佢屋企樓下度等佢地.
沖左一個勁靚既涼,正想出門口之際,有d睡意,之後就走左去睡一會.
起身既時候已經係食飯既時間,食完之後落左去教會同d朋友仔一齊玩.
今有有柱建,文迪,思蔚,阿鐘,我,文軒,ken,主席一齊玩,捉下棋又玩下d合體遊戲,
都幾開心架.玩玩下,一個好開心既電話響起,真係tammy打黎,勁開心呀真係.
我地約好在香港仔m-記等,佢帶左好多我好鐘意既手信返黎比我呀,
有:咸蛋超人pick,大量日本的leaflet,四個日本當地品牌的礦泉水樽,
仲有一d日本小食,一盒九州拉麵(超級好味),阿晞送的電話繩,同埋一把膠扇.
我地買左一杯新地一齊食,之後我地走左去行海旁,然後又去左壁球中心.
坐了半個開心的小時.講下這四五天所做過的事,太晚了,要回家,在信箱收到一封
tammy由日本寄來的信.個郵票好美,最緊要係佢在日本都仲記得我,我真係好開心呀!晚上竟然在兩點幾先開始傾電話,真係攪笑,不過真係好開心.三點幾,被迫要收線.--------返左黎啦,返左黎啦!
>>August 4, 2003 at 12:49:57 PM GMT+8
2003 年 7 月 28 日 星期一 【晴】
今日我地要出camp 啦,有d唔捨得,因為我地都唔係玩左好耐炸!
其實我覺得這兩天的camp要一齊打先得,所以我會在星期一的那一篇打得比較詳細.
我地成班人一齊出camp,都幾開心架,我地座express既巴士,好快就由馬鞍山返到金鐘.
我且同阿恩一齊走.四點幾就返到屋企lu,爸爸返左黎,佢有d唔係咁舒服呀,媽咪幫佢(古惑切)沙,
好多了!晚上同winnie傾左一陣電話.......無啦都,早點睡吧!!!
|
>>August 4, 2003 at 12:44:39 PM GMT+8
|
|
|
星期四
今日係我地教會詩班獻詩日,一早醒左,食左少少野,然後就落左教會lu!