|
2003 年 6 月 27 日 星期五 【晴】
今日小組多左一個新朋友,佢叫阿德......真係幾得喎!
講番今日,今日全日最不幸的事就係見倒婷婷(說笑),因佢今日在華貴做義工,
係幫一個環保機構賣獎券,我買左十蚊,.....好cheap呀!之後我上左曾生度番晒d相比教會既弟兄姊妹.番番落華貴,因我地約左新朋友在seven門口等,.....哈..首先係阿光出現,我立刻叫佢過婷婷果邊買獎券,佢買左五十蚊呀,幾豪呀!!!之後我番屋企食飯,在此我要向大家說sorry,因我答應左話食飯但又唔去!!!!!開始小組.....今日阿穎珩果組去打波,而子民果組又唔知去左邊,所以今日得番我地一組.....破冰玩"層層疊....真係非常之exciting....不過最後竟然係我輸.....唉..真係無用!!!!
而kimmy就帶讚美....唔知d歌算唔算禁歌呢..漢和?哈!
而今日既查經就係我一開始以為係好熟既馬太福音七章的論闊窄門同埋真假先知!多得漢和,阿光同埋美儀,使我對這經文更清楚了解!!!!
今晚另外一個重頭戲就係送施太去機場,阿光開車,載埋我同阿熙.....不過我在出發前
遲了少少,真的不好意思!哈..阿光開車,我地一路上在評論我們可唔可以安全往返呢!!!???
哈,阿光竟行錯路,令施太既行程更緊張,不過,有神的保守,我地當然好快就去到啦!check完in之後,
我地在機場四處映相!!!之後又去左M-記食野....都幾好!!!施太坐十一點機,我地十點半就要同佢分手lu!.....哈..不過我在剛才遲到的時做了一本小冊子,等施太在機上可看看,消磨下時間丫麻!
因機場停了車差不多一個鐘,如果我地仲唔快d就要比多一個鐘既錢......唉...結果就當然係在
機場多了三個傻佬在風馳電掣地疾走!!!!真係唉唉唉呀!!!!!哈!我地之後去左元朗食我開既果間
B仔記糖水...我地食左個熱賣既B仔涼粉.....好大碗..有阿光)係度都食唔晒呀!
食完之後,我地四周圍用人地既車做背景,我地做假車主,不停地映....真痛快!!!
我地零辰一點半先至返到華貴堂,我地收拾好D野,之後就走左LU----------------------------------------------
--->充實的一天就是如此!
>>July 11, 2003 at 4:31:50 PM GMT+8
2003 年 6 月 26 日 星期四 【陰】
太好啦,出左糧,可以奉獻,真好!
今天晚堂我要幫手帶詩,今日我地會唱 "在你手" 同埋 "進入你的同在"..兩首歌.
我五點幾去到田灣,但其他人未到,我同牧師練住先!........原來漢和塞緊車,不過好快就到左lu!
今次係一次好好的經驗,但這是第二次帶,第一次係同柱建一齊,但可能果時仲未太了解侍奉的意義,
所以好似感覺上好似唔知點咁,但隨住我在教會所學到的,我現在真的清楚了解!
(其實今次真係好在有主的同在,因我太耐無彈結他,d手指都硬哂......今次的"在你手中"o既chord又
係非常之難按......不過最後都係安全的成功了!)
另外我真係好多謝美美姐,佢唔單止好照顧我,佢仲好照顧tammy,由佢地兩個開始識至今,美美姐佢
成日都同佢講好多關於我地信仰上o既問題,不過佢地都會講o下其他野...例如係我o既壞話啦!!!!!
今天晚上同牧師,師母,穎珩,rachel,kimmy,美美姐,tammy同埋穎珩個friend一齊食"老實人",都幾開心!
今個星期係淑華姐講道,.......都唔錯,午堂一定會好好多!!!哈哈!
完左之後,我送完tam.走左之後,我去左同班會友食"綠野跟蹤"嘩,有成十四條友,好hot鬧呢!
食完野,阿光同我一齊行番華貴,我地買左d野飲,坐左o係水池邊度傾計,一傾就傾左成個鐘
,大家都有好既分享,真係非常之好!!!
>>June 29, 2003 at 10:41:46 AM GMT+8
2003 年 6 月 25 日 星期三 【陰】
就快放榜lu,有點緊張添.....
今天晚上,我同jason,仲有阿唐一 齊打波,我地仲同華貴勁人打添,真係好勁呀!
之後返返教會坐左一陣,之後就左屋企lu,
晚上知道了一件會令我感到有點難受的事,雖心有不快,但我會向自己許下的諾言去實行的!
過去已過,已飄去!
>>June 27, 2003 at 5:02:40 AM GMT+8
2003 年 6 月 24 日 星期二 【陰】
今日唔駛返信仰班,又係返o下gym咁啦!晚上打完波,同文迪,熙哥o係水池邊傾計,都幾好!
阿光:sorry,無叫你,因我地唔想你走來走去!
今晚我仲請左大家飲野添!好開心呀!
-----------------------------------------------------------
今日同熙哥捉左兩盤棋,一勝一負.
>>June 27, 2003 at 5:04:37 AM GMT+8
2003 年 6 月 23 日 星期一 【晴】
今日係電影"千機變"o既首影禮,有好多人去睇,首影禮在timesquare八點八開始,
但我今日就同我個friend去左紐約度睇!我地一早就想著會有早場,點知上午十一點幾出到銅鑼灣
先知道今晚八點先有得睇!但我堅持要留o係銅鑼灣,等到今晚,...............
我去左我個friend個公司食野,間野叫做九斗半"nine point five",,而隔離有間又係佢
老細既鋪,叫"菜根有味"....兩個名都好得意!
唉!今日既詳情我唔講啦,總之我地就係在世貿,時代,皇室同埋中央o既範圍之內度行黎行去,
食黎食去,好累!一次過行晒我一年之內我要行o既街!
八點,要開始....睇完,好開心.e-kin...我愛你,.....阿嬌此終都係靚過阿Sa!黃秋生好攪笑....
----->總之成套片都好"得"....在此,我強烈推薦給大家.仲要在星期二去,因有平!
>>June 25, 2003 at 8:43:32 AM GMT+8
2003 年 6 月 22 日 星期日 【陰】
今朝一早就去左tam.屋企睇vcd,今日我地睇A.I.即"人工智能"我覺得阿David真係好慘,
簡直係現代版o既小木偶.真的想哭.
另外,今日本來約左文迪,angela同埋珊珊去市政打羽毛球,但好似有少少因我既原固,
攪到大家都無得去,在此我想向大家say一句sorry!!!
去唔成,迪哥走左,而我同angela,珊珊開始逛香港仔,圖書館,數碼天地,最後返左教會.
呀係喎,今日係jason o既畢業典禮,在此,我要向佢作一聲無聲o既恭賀!
返左教會,牧師又開始監我食野,我講唔食,佢又開始"炸"型,.......之後我叫珊珊同angela
陪我落去買野比根哥食,竟然比我地見倒阿恩--->見倒好奇咩?奇就奇在佢一個鐘就要
考oral,佢依家仲o係度咁"豬油淡定"真係代佢擔心!
返上,食完野之後,我地開始玩rummy-o,阿根哥同淑華車都有玩,哈,我只係輸左一盤炸!!!!
之後我就返返去香港仔,因今日要做gym,不過o係做之前,我去左tam.媽咪o既公司,
幫佢媽媽入cd,都係一個幾好o既經驗!........
-----------------------------------------------------------------------------
gym個miss定左我今個月三十日考金卡,一定掂呀!
>>June 25, 2003 at 8:24:42 AM GMT+8
2003 年 6 月 21 日 星期六 【晴】
我地今日又再變態多一次lu....做咩?---------->我,阿光,霍俊,文迪一齊去左深水灣
燒野食.......無咩出奇??...我地晚上十二點半先開始燒喎!!!
因之前我同文迪去左打波,所以一身嗅汗,我同文迪各自回家
洗白白,而阿光同霍俊就去銅鑼灣度買野.大約十一點九我地先由華貴出發.
到左,開始透爐,唉..死..唔記得帶火機........點算....好在隔野有人借比我地.
唉...死,無報紙.....好在剛才果位善心人又比我地....唉死,透來透去都透唔倒.....
好在果位人兄叫我地過去拿d燒紅左o既炭返去!多謝!!!!!
最好笑o既係,我地透左好耐都仲未攪掂,果位人兄話走,叫我地去攞晒佢地d野,
但阿霍俊竟然話唔駛.....唉我地最後都係未攪掂,等阿人兄走左先至走過去笠佢d野,
哈,都幾賤!!!!! :)
不過今晚最好o既係我地隔離有一大班"茂李"o係度彈住結他唱"必安"d歌........
.....都好,有音樂伴住都係一個唔錯o既點綴....我最後二點半先返到屋企!
---------------------------------------------------------------------------------
多謝阿光同霍俊!!!!!
-----唉,我地四個要開始漫長o既減肥大計lu!
昨晚我,阿光同阿熙一齊去左文迪屋企同佢一齊油櫃,(係用漆油果隻!),
都真係非常之好玩,我仲o係文迪個櫃後面寫左"文迪,光,輝,熙,到此一"油",哈,真係好好玩!
我地之後又走左去西環食宵夜,又係可可店,不過係好好味!
真多謝阿光,因又係佢請!不過阿熙仲正,佢一蚊就可以搭車去西環!哈!
>>June 23, 2003 at 12:01:04 PM GMT+8
2003 年 6 月 20 日 星期五 【雨】
以下這文是我昨晚在銅鑼灣呆等個半小時所出來的!
人生
6月20日,一個平凡的日子,世界並沒有因我的心情而停下來.
可怕的是我竟出現完完全全不知自己在做甚麼的感覺,好不可怕呢!
到底我在做甚麼呢?
有書讀時,我會去比心機讀;有工返時,我會為左d糧同埋學多d野o既心態去做好我o既
工作.............到左我真係無野好做既時候,我可以做咩呢?望住對面兩台女人o係度食雪糕?
還是發完那我在生活中不能實現的夢呢?..我在想,我一直在想,我要想出一個什樣才可以在
銅鑼灣不會漫無目的地去"行屍"的辦法.....短暫的一小時過去了,未來的一小時會更可怕,
再一小時吧!
---------->你在人生裏頭,做了許多的事,可能是在史上不朽的;可能是小但有滿足感的,
但到頭來會否像我一樣在"行屍"呢??或許你會覺得自己的生活十分有方向,目標,但............
.........可能只是一隻行得較快的"行屍"而已!
有一條掌管著生命的鑰匙,你會否願意讓衪開啟你的心鎖,從此成為一個有靈的活人,
去走黑白色裏色彩滿路的人生呢?!認真的想想吧!
>>June 21, 2003 at 6:03:14 AM GMT+8
2003 年 6 月 19 日 星期四 【陰】
去完香港仔冒險樂園有感
大家還記得歡樂小天地嗎?
這地是我小時候(或大家)都十分愛去地方,裏面藏着各位小朋友的夢想.
但除著金融風暴的過去,各大大小小同類型的玩樂地方因來玩的人數減小而續一結業.心情難免不快.
今天又再一次來到小時候的夢想王國,心情有點雀躍,雖人數很小,但不知為何地滿心歡喜的.可能是因看見大家聚精滙神地"作戰"的樣子罷.
在這裏,大人和小孩都有他們的目標與夢想.小孩可能是看見禮物架上的鉛筆或洋娃娃;而大人可能是看中了那些傢私電器.因而大家都朝著他們的目標去奮鬥.
大人愛玩一些回報率較高的遊戲;小孩則愛玩一些回報率雖低但卻很好玩的遊戲.總而言之,大家都很有目標地去默默耕耘.
坐了這麼久,最愛看許許多多的票加入儲值卡中和大小朋友換禮物的一刻.然而,一個目標的完結象徵著另一個目標的開始.
------------------就是這樣,各位路人,各位該睡醒的香港人,
比多d心機,朝著你們未完的夢想,
大家一起奮門吧!
>>June 20, 2003 at 8:46:47 AM GMT+8
2003 年 6 月 18 日 星期三 【晴】
今日都係最後一堂o既英文補習,都係好唔捨得班細路.
我之前同佢地講話我會o係最後一堂請佢地食野,唉,無錢,請唔倒lu.
=-= 晚上到教會同文迪下左一鋪象棋,輸了!然後同紫微,蕃薯.仲有一個唔記左,玩RUMMY-O
,好正,好好玩..
一玩就玩左幾次,但真係好正.
八點,我,文迪,霍俊,一齊去左打波,打左好多場,好累,但我地之後仲走左去跑步,
跑去逸港居,
今日O既時間係.....24:01:81....下次要快D
>>June 20, 2003 at 9:08:24 AM GMT+8
|
|
|
今日小組多左一個新朋友,佢叫阿德......真係幾得喎!
太好啦,出左糧,可以奉獻,真好!
就快放榜lu,有點緊張添.....
今日唔駛返信仰班,又係返o下gym咁啦!晚上打完波,同文迪,熙哥o係水池邊傾計,都幾好!
以下這文是我昨晚在銅鑼灣呆等個半小時所出來的!
去完香港仔冒險樂園有感