|
2003 年 9 月 5 日 星期五 【晴】
昨晚同讚美小組既會友一齊去左太子一間好出名
既茶樓"石奇老"食野...d食物真係非常之好味呀,但我地落既時候
無諗過要咁多$,所以我都有d surprise.... 好在有學生價"半價",
所以我最後只係用左六十三蚊就可以落樓....講真,今晚lee餐真係好好好味呀!!!
>>September 5, 2003 at 4:09:15 PM GMT+8
2003 年 9 月 4 日 星期四 【暴雨】
今日一早又係同阿tami一齊食早餐....佢今早上左我家...
我整左菜麵同埋菜餃....之後送左佢去坐車....然後我就返家..
上午返左浸會..我約左ricky同新既音樂老師傾野....到下午五點幾先走....
好快要開學啦..我一定會好好好好好比心機去讀書....
晚上要去同美美姐食飯..佢生日呀!!!
>>September 5, 2003 at 10:34:49 AM GMT+8
2003 年 9 月 3 日 星期三 【暴雨】
處理完問題,當然係要坐底一齊食下野啦,
我地今早就一齊去左華貴既大家樂食早餐..
之後我就送左佢去搭車..佢係日又要返去大學聽talk....而我就在中做自己野.....
詳情都唔係咁記得啦...只知
晚上我地又一齊去左跑跑步...今日我地有女會員加入啦,係珊珊同阿恩....
由華貴到逸港居:
我:10:11--------------
炳榮:10:18------------
文迪要帶阿恩同珊珊跑,所以佢今日既時間唔可以作準......
自覺自己近日都係健康左好多,可能係瘦左同開心左瓜!!!!
>>September 5, 2003 at 10:18:54 AM GMT+8
2003 年 9 月 2 日 星期二 【颱風】
今日全日最主要係去處理我同tami之間既
感情問題,....最初都真係大好多野架,但最後我地既結論係
"我地都好愛同好緊張對方"
各寫了一封過一千字既信給對方....都真係幾勁!!!!
>>September 5, 2003 at 10:12:29 AM GMT+8
2003 年 9 月 1 日 星期一 【驟雨】
到左第二日既早上,我地有d人訓左,有d就仲玩,
而我都訓左一陣呀...五點幾訓,六點幾就醒左.之後梳洗完之後,
我地就開始今日既活動lu,
七點在球場集合,之後我地就係有一個鐘頭既時間去買我地既早餐,
我地要跑去/坐車去西貢既市中心既超市...我跑慣,所以無問題,但有
d組員比較少運動,所以有點唔係幾舒服.
買野但既錢仲係要最近$53.7,之後仲要鬥時間...我地又係最慢果幾組之一...
但我地同自己講:最緊要好玩.....我地買左好多時時食既夾心餅..食到我地反胃呀..
mc仲話要食哂先可以走....我地梗係唔制啦,於是我大量地收埋d餅..
就係咁就騙左個mc啦!!!!
返到房,我地都真係累到爆....好快我地又要去hall玩,因大家都
知道果時係一號風球,camp話:如果三號上左就要立刻走,
所以大家都爭取最後機會去玩.我地最後一個活動係玩fashion show
我地一共有十組,有三個題目,第一係:人妖....第二係:制服....第三係:香港小姐....
我地果組抽到"制服"....大家都一致要求我去做個model...大會供應我地每組
有一塊好大既布,四個氣球,好多化妝品同埋好多螢光棒...真係好勁...
我地要做既職業係"酒既sales"..我心口有兩個好勁既氣球....真係好勁..
我d組員幫我化妝..之後我見自己個樣都真係幾可怖.....最後我地係制服組
得冠軍..真係好啦,包左咁多次尾..第一次得第一....在我地玩得最開心既時候..
天文台已經掛上三號風球..我地要走啦,最後我地係全場包尾,
要被大懲罰....我地全組要一齊食哂一支"話沙p"..勁辣...好aa..我果組有好多女仔..
唔忍心見佢地食咁多,所以我一次食左好呀..但我之後個肚就真係痛到阿媽都唔認得呀!!!
過左好耐先至好番炸....咩都完哂啦,我地要立刻返房啦...因要快快離開,
天文台會在兩小時內掛八號,我地在食堂食完野之後就立刻離開啦....
走時路上勁濕,又好鬼大雨..我地得好少人有帶傘,所以都好aa,,,但真係最aa既係
有一個司機見我地濕哂,所以就無停車,一路上完全無得遮,所以差點病倒...
同組爸一齊返到去旺角,唉..昨天先在這入camp,今日就要走啦..
街上有好多人正在等車回家....相信一定係個風太勁了...要提前走人..
我同組爸都係住在華貴...所以離開時有個盤都唔錯!!!
>>September 5, 2003 at 10:08:05 AM GMT+8
2003 年 8 月 31 日 星期日 【晴】
今日要入我地樹仁既大O camp....一早就同tammy食早餐,
之後我送左佢去華富塔車.. 佢今日要去kong聽sex talk....
我十一點九去到旺角地鐵站,,我地組爸叫我地在恒生門口等..
去到時已有好多人在.但都不是我們組的...
過左一陣,我地組都黎齊...我地組有五個男仔...
有六個女仔.....我地在旺角桃園食完午飯之後就一齊坐
西貢小巴入camp .最初我仲覺得大家會難溝通...因在車站大家都好少
野講,但唔係,我地食野既時候已經係好多野講..
在小己上又係咁講...真係唔錯.....
入到去..我地在assembly hall度聽野.....聽左好多之後就開始玩lu.
我地去左足球場玩合體遊戲...第一個係整報紙塔...但mc無講到話有d
咩要求,總之就要一個塔啦....我地整左一個大約高我一個頭既塔...
其他組重勁,有成一層樓咁高...不過有d都係整得好低...整好,
但要hold倒一分鐘...我地都得左....之後接住第二個遊戲係我地全組都要在塔頂過哂
個塔...真係死啦....我地果組個塔都仲算唔係好好好高,所以我地
都有試過過去,我同組爸互踏臂頭,比佢地過,但因真係太高,所以我地
最後都係過唔倒,我地仲唔小心整爛左個塔添,但大家都好比心機,好投入,
所以玩得好開心呀....
不過當我地見整比撒斜塔果兩組乜都做唔倒既時候,都幾攪笑,
因太高,根本無可能過倒!
第三個遊戲係我地要以最少腳踏地站立....遊戲規則係唔可以有其他
身體部份店地....我地連組爸組媽有成十六個人,最後係六隻腳店地,
都算幾另架啦!!!!
大家都好合作,好enjoy一齊玩..真係唔錯....
第四個遊戲係收買佬,但運送既過程係唔可以用腳底行...
我地組爸出去做收買..我地諗既方法係扮狗爬....其他組有..儒家既方法,
滾地,飛撲等等....我地係最後果幾組,,..我地既原則係,開心同埋團結..
之後返左去assembly hall度又聽野,有一個學聯既人黎左同我地講學聯係
d咩,仲唱左一首"人民之歌"我真係好感動,因我地個camp真係好好,好有正義感.
到現時為止完全無任何過火既事出現....正.....
食飯lu...今日既飯R都幾難食...我都係食大好少炸.不過祝酒時係最開心既時候...
好好氣氛呢..但我地係要食得好快,因為七點半就係我地今camp既重頭戲...
"let's dance" mc比左一隻md我地,有一首歌,係哥哥既"stand up"
我地得三十分鐘既時間去諗我地點樣去跳好...d舞係要我地自己諗架....
我同組爸媽同兩個組員一齊諗...其他人就諗我地既組名同埋
為自己打氣既slogan...我地得好少時間去叫大家學炸...學得一半...
我地就要去hall度集合啦....我地係第二組出去表現...有點驚..因我同另外一個
組員去帶我地果組....我地既組名係"四海魚膽"...slogan:四海魚膽,好好食,個個食,
我食你又食,yeah(請用電視廣告既口音去諗下....我地仲有一套好攪笑既動作加埋一齊
都幾得意.....
到跳舞.....哥哥lee隻歌好有feel...我地都跳倒我地諗既八成出黎..都唔錯...
全場都好開心....自問都真係非常之好....但之後因評判個比分標準有d問題,
所以都唔係話好高分...但我地大家組都玩好投入,好興奮呢!!!
其他組既歌有:义燒包,monica,愛情不過是一種普通的玩意(請用普通讀就會明),
火熱動感la,la,la....仲有....唔...唔記得左....
全晚都係跳舞....超勁爆開心呀....可以見倒有d朋友係好出眾..好勁...真係有人在跳d
好勁既舞架.......
之後我地就返去..話要訓覺喎!!!哈..你會嗎?
我同阿賴輝一齊去沖涼....但佢有位,我無位..之後我都左第二個toilet.
咁就又識倒一個同我同department既同學,又係叫eric...真攪笑...
返到房,大家都差不多沖完涼啦..班女仔開始在我地男仔房玩..
其實我地成晚都係主要坐在一起講鬼故...又有講星星..e.t.UFO...自己讀書時既野,
大家既成績...小時候既事,大家最愛既電視programme.卡通...我地仲一齊唱歌...
就係咁就傾左成齊個幾鐘..大家都有好多野講呀....ok..在這停停..大家看星期二的日記啦!!!
>>September 3, 2003 at 1:56:11 PM GMT+8
2003 年 8 月 30 日 星期六 【晴】
今日一早起身就同阿媽吵架.....本來今日有好多野做,
但同阿媽吵完之後就咩心機都無哂啦.今早沒有返詩班,又沒有打電話返去比
詩班員請假...
十二點幾去左明理補最後一堂既chem...之後同tammy一齊去左街坊..
坐左有個幾鐘之後我就返田灣教會練歌...今日都幾人齊,除左阿
趙玲無黎之外...六點鐘走人返家吃飯,,,,....最後同阿媽都無事lu...
今次教我更清楚如何去同阿媽相處...........
>>September 3, 2003 at 3:11:30 AM GMT+8
2003 年 8 月 29 日 星期五 【晴】
昨天晚上完左教會活動之後,
我,sylvia,阿東,阿東女友,朝霞一齊練左一陣歌..之後去
]左綠野食宵野...
心情越來越唔好....我真的唔知點算好.....如果你有好路數....
記緊快點留個言....因住我唔放過你呀!!!!!
-------------------------------------------------------------------
今早同好多人一齊去左香港仔行山..之後我地去左游水...好玩
點樣好玩法...等我講下啦..
我地一行有七個人.
行山的有我,阿光,文迪,阿恩,施太,好(衣),珊珊...
我地由華富開始行...行完幾百級樓梯之後就向香港仔水塘進發.
施太同好(衣)去到田灣之後就要走啦,因佢要開自修室.
而我地就繼續行....九點幾..到左,在魚光街市食左個早餐.
個老闆係文迪既朋友...
之後阿光返去田灣開車黎香港仔接我地...
十點幾.到左中灣...(深水-->淺水-->中灣-->南灣-->舂砍角-->赤柱)
無乜人...正....change完...立刻下水...我地有多兩個人加入,
係芬姐同janet(光同事).
大家全日就係係咁游,係咁玩...文迪學識左游水...好
大家玩水中閉氣....飛石....學自由式...我地仲識左一個好可愛既
小男孩..我同佢阿恩一齊出左去浮台玩....我教佢地兩個點樣做一d]
簡單既花式跳水....都幾好玩..
我黑左好多呀...正...我又在海中拾左好多石仔和貝殼....正....
一點..要走lu..二點半返左教會開小組.完左之後同家賢做生日....
之後同tami上左去華富....過左一定令我兩極之難忘既半小時....
因我地最近真的有好多野做....有d唔為意既問題或顯眼既問題...
我地一次過tackle哂....我送了一隻弁戒子給她...我也有一隻...是情侶的呢!!!!!
返返教會,同其他人匯合之後,我地成班人一齊去左銅鑼灣警察既大大會所
食(buffet)係為我地教會有音樂侍奉的人而設的......好多人呢今晚..
晚上去左枝爺家玩.明天還要返教會和教最後一堂既中三暑期班....明天見
>>September 10, 2003 at 10:59:45 AM GMT+8
2003 年 8 月 28 日 星期四 【酷熱】
昨天下午我和阿光二人一齊去左大浪灣暢泳
阿光有車所以都幾方便....我地二點幾三點去 到...
[真係估唔到這麼多人呢!]
大浪灣既總結...好dirty...下次唔好再去那裏游!
---------------------------------------------------
晚上我地新成立既長跑組又再一次訓練...我地已幫自己組改
左一個名-----老友記長跑組....已有六個組員....個組既初形也已出左黎!!!!
昨晚又多一個新組員....阿鮑...昨晚既路線係由華貴至逸港居再返海旁球場...
我的時間是16:00
炳榮是 16:17
文迪是 17:??
其餘兩個新組仍未在限定時間內跑完...因此只有給他們over 20:00這分鐘...
早上又係返左學校做野,今日係最後一日....之後學校已請左我教樂器,,,
希望有人attend啦------8:30am!!!!
完左之後去左田灣堂....有點覺得自己好無謂...去到無野做,又無人理..
最後就悶到訓著左.....
大約三點鐘,上左維尼家玩.....都係無野好做...打下notes咁啦!---4:00pm
>>August 29, 2003 at 7:48:17 AM GMT+8
2003 年 8 月 27 日 星期三 【酷熱】
我又要匯報一下我晚去左邊度黎啦...
我地既長跑小組已有一個新會員啦!!!!
昨晚我,文迪,炳榮(新會員)一齊去左跑步...
又係由華貴至深水灣...今次個速度比前一次快左好多..
華貴至深水灣----------33分鐘
深水灣至逸港居-------24分鐘
新會員以前有玩過長跑,所以都幾唔錯....但他要keep住一個好既跑速先得!!!
晚上同傾左好耐電話.....
---------------------------------------
今天一早起身....8:30..死..又遲到..
利東大橋越來越塞...好煩!!!!
今日又係做返平時做既野...有點悶...不過
勝在夠自由我想做咩都得!!!!
下午學校請左我食一個大家樂既飯盒...真好又比少一餐錢!!!
昨天同維尼一齊去左香港仔買野....行左好耐...不後最後都買得成!!!!
維尼:喂..唔該哂喎!!!!今日下午會同阿光一齊去沙灘游水.....正!!!!-----------------12:30
>>August 28, 2003 at 4:46:55 AM GMT+8
|
|
|
今日一早又係同阿tami一齊食早餐....佢今早上左我家...
到左第二日既早上,我地有d人訓左,有d就仲玩,
今日要入我地樹仁既大O camp....一早就同tammy食早餐,
今日一早起身就同阿媽吵架.....本來今日有好多野做,