|
2003 年 8 月 16 日 星期六 【晴】
我同tammy好快要開學lu,可能之後好難先至可以見倒面所以我地今日決定左出去玩.
我早上返左教會練詩班之後返左屋企攞"勁野".之後又返左教會,同大家一齊食午餐,今次美儀又請我食野了...多謝呢!完左之後,我地今日有最後一堂既DIY,今堂好D,因為我地可以講多D野...完左之後仲有野食添!!!
之後我就同tammy一齊去左右stanley玩.雖然有點雨,但都好開心.當然我地都有映相啦!四周圍行,四周圍映...之後我地返左華貴,兩個人,好耐都無真正的坐下傾"計"....開心開心!!!!
wendy:你要加油呀,支時你!!!!
>>August 18, 2003 at 5:41:50 AM GMT+8
2003 年 8 月 15 日 星期五 【晴】
今日都係返下小組咁啦.但係今日係我同第一次合作一齊帶詩同埋破冰都幾開心.
小組完左,當然係有我既生日party時間啦,小組送左一個好靚既袋比我, 好美,我好喜歡呢!多謝各位.
有一個好靚既蛋糕,仲有好多小食....開心yeah!送走返教會玩左一陣,今日無讚美小組唔駛練歌.
返家...無野好做今日好似就係咁過左lu!!!!!
>>August 18, 2003 at 5:31:29 AM GMT+8
2003 年 8 月 14 日 星期四 【晴】
哈大家都知今日係咩日子啦,今日係我19歲既生日呀…我繼續講下下面14號遍日記既大結局先,12點過左,tammy,winnie,amy三個好有心既朋友記得我講過話我既生日,只要在12點打比我,同我講聲生日快樂就已經好開心,好滿足….
之後仲有更勁,除左係大家同我講生日快樂外,阿安樂ben,攞左一個蛋糕出黎,仲有candle架,不過第一下唔係比我吹熄,係比風吹熄既….許願,,吹candle,好開心呢…..之後大家就係繼續玩,仲玩得好大聲添.而我就大約點幾鐘走左去訓覺…在大家玩得最大聲既時候訓,好難訓得好呢….話就話wild camp,但我地今無帶幕黎,因唔想攞咁多野上山.有失平衡既危險….時間過去,好多人都開始搵地方訓,而我又訓醒,,,同杜生傾”計”…
杜生:多謝你同我傾左咁耐,比我發現自己好多自己生命中要改善既地方!
同大家講一講,我地全晚都係在濃霧下活動,我地原本定左三點出發上山,但因霧太大,所以我地上唔倒山,到左四點幾五點,仲有雷暴,大家都趕緊收拾行裝,要盡快離開因四週越來越危險……我到決定行山走..五點三出發下山.我地要去石壁水塘,開始行,大家都一直以為係好快就會行完,但其實唔係,我地行左好耐好耐,去仲係在山腰..最aa既係晚間行山係好危險,因有好多 蜘蛛會在晚間結網…我地一路行,一路都遇到好多,係真係好多既蜘蛛網打橫擋住我地得一條路,一個人身位既前路.在前面既一班開路先鋒真係好勁,佢地在晚間行山,地又難行,又要幫我地開路.最好玩既係因地太爛太滑,光線又唔夠,所以大家都要好小心,仲有就係全程都差不多係無平路,都係上上落落…所以大家都係由頭到尾叫後..即係最頭既人會大叫,前面有蜘蛛網,地好濕,有大隙等等.之後就由第二個人一落向後叫落去,全晚都係咁,都幾開心,我前面係阿樂,後面係阿安,每當我地中間有人p落地時,都會大叫”某某跌倒”…全晚,阿安同阿樂p倒超過十五次….行左好耐,停下take a rest.但阿樂在這時竟然引來一隻黃蜂,大家都立刻行開.好在隻野停在阿樂的頭頂一陣就走左lu!行左好耐..點解仲係山腰架…但個天都開始光,突然前面停左,原來前面有一隻牛牛擋住左我地既去路…大家都好驚隻牛會發顛,撞我地.因隻牛好大隻,而我地隔離就係山涯…..所以都唔咁行.這時我出動,走去前面,由我開始向前行.行過左無事.之後大家都行過左…(隻牛個身上有好多蚊呀!)之後落黎既路,大部份都係由我黎開路.行行下,出現左一個要向下爬既地方,中間仲有一個好大既網擋住…我地整爛左佢之後,大家爬過左之後就繼續向前行….行最前其實係好驚架,有一幕係有隻都幾大既蜘蛛跌左落我度,之後我一fing,,就fing左落阿bela.,隻野爬上佢條頸,我就立刻將隻野fing走,之後佢當然係aa死在我既腳下啦!!
我在地上拾起一條長樹枝,幫我開路…好快快,再行多四五個山頭就到…我到最後係用左三個幾鐘行完…因大家昨晚都無乜點訓過.,所以都好累.之後我地成班在出口的地方映合體照.之後就走左lu.地成晚拆左起碼四十個蜘蛛網,見過起碼一百隻蜘蛛….隻隻都有手掌咁大…都真係幾驚架!!!!
去到石壁水塘,好大好靚,還映了靚相呢!
我在水塘邊睡了一會等車.好舒服呀!返到東涌,我地在商場解散..之後我地成班一齊去左大家樂食早餐,食完就走返香港lu!今次好開心..因今第一次wild camp.仲識倒一班籃球隊既朋友,都真係幾開心呢!十二點幾返到屋企,洗完涼,一睡就到六點幾lu!今完晚飯我去左田灣,維尼比生日禮物我呀,係一件衫,好美,我好喜歡多謝係呀維尼!tammy都黎埋,佢送左一本schedule比我呀,因我之前唔見左好有用好方便呀!珊珊送左個架比我.多謝呢!晚上返左晚堂,完左,淑華姐送左個生日蛋糕比我呀,好好味呢!再之後我地仲有節目就係去瀑布灣燒野食,今晚我小組人幫我慶祝..玩到點半先返到家.....仲有野喎,就係我由細玩到大既朋友送左一支結他比我呀(decoration)!多謝細玪!再見18!!
>>August 19, 2003 at 5:18:52 AM GMT+8
2003 年 8 月 13 日 星期三 【晴】
今日我既全日行程都係咁緊密,一早起身去同tammy食早餐,因我地好耐都無一齊食過早餐lu,亦都好耐都無去行山lu,因我地最近都真係幾忙碌!!!
m-記d早餐真係越來越貴.,下次一定唔會再買佢d野食架啦!
之後我地去左行一陣海旁,又係好耐都無早上去行海旁lu……大約九點半,我地上左去明理,因我今日要幫人補習….今日會有多一個小朋友黎補習..
上次補完bio,今日我地補phy,好在比我搵返我中五時既notes,所以先至叫做教得幾好,否則就真係會唔好呀!
好快咁就過左一個鐘,我又要好快咁返去學校,因我地今日真係要去wild camp呀!
返到去,大部份既幹事都已經番到,但大家都正在預備緊今日d野,有點混亂….
大家都在努力…一小時後,0諝[者都到齊,杜杜講解完之後,分左三組,大家就開始去買補給品..我就唔記得帶電筒,又要去買…我同阿樂,阿安,阿ben一齊去左老友記食午餐,真係好貴,要成三十蚊,食一餐就駛咁多,好肉痛!!!!!
買哂d野之後,我地一行成二十人既wild camp大隊就向住東涌出發…..去到
香港站,好多人呢….之後我地就乘坐機場快線(好似係瓜)去東涌….到左,佢地班人第一個mission就係要買今晚既晚餐.我地帶左三個爐頭,一組一個,佢到唔可以買即食既食物,我果組既組員買左一d罐頭,菜,牛肉???…佢地話今晚想打邊爐!!
其他組所買既野都係大同小異….買完野之後,我地坐車去昂平,….大家….your attention pls,原來lee 度就係大佛既所在地….(原來大佛都唔係想像中咁大冨)
我同阿ben,阿安樂一齊映相,大家在大佛下面安頓左一陣,有d人去toilet,有d就要去洗我地今晚既食物….但大家既生命在這大佛下受到威威脅!!!因為有
好多蜜蜂呀!!!大家都立刻走,仲係雞飛狗走!!!
之後我地向住鳳凰山腳出發,由大佛出發,要大約十分鐘先到…我地在路上遇到兩個大蜘蛛網…但好在無事.到目的地,好鬼大霧呀.我地在一個涼亭放好野之後,開始分組整野食…因我個相機果然真係無電,所以我叫左阿ben同我一齊落去士多買電….比個老闆娘壓價,要成四十五蚊,好在有阿ben同我分擔一半,真好呢!!!!返上去,大家都整得七七八八,而我地幹事就練歌.這時霧仍是極大的…我地都係繼續做自己野…
而我就開始幫手整大家今晚重點既食物---麵…我整到一半,大家都已經開始搬d野食上黎涼亭,開始食野,今晚既晚餐都叫做幾唔錯,雖然大部份都係罐頭!!!!
主要都係午餐肉,腸仔,菜,仲有我果組d邊爐…..哈,在鳳凰山腳打邊爐…大家試過未?食左大約一個鐘頭,clear好d野之後,我地有唱歌,玩合體遊戲既時候….唉,我激怒左bela添!!!!再之後我地有分組既時間,其間,阿樂帶trip出去toilet,同大家講,如果無電筒,真係邊度都唔駛去!!!!我,阿安,阿ben係我地果組既組長,同佢地傾左好多關於佢地平日生活,學校生活,交朋結友,讀書態度方面既野,大家都分享左好多,我當然都有同佢地講福音啦,….佢地四個人當中,係有人想聽,但peer pressure令佢地唔能盡聽..都好,比佢地知道信仰係d咩黎!!!!
完左之後,我地都開始自由活動,但都無乜地方可去..
winnie:我地果晚都有好多星星睇呀,仲有一個好大好大既月亮呀!今日講住咁多先,明日日記再講!!!!
>>August 18, 2003 at 4:36:55 AM GMT+8
2003 年 8 月 12 日 星期二 【晴】
今日我既行程都可以叫做緊密lu,一早起身,照一照塊鏡,
嘩,做乜鬼成面都係暗瘡架?真係嚇死我呀!
但係都無法lu,我今日要去樹仁registrate,呀amy姐本身講琴日一個人去,但因佢要返工,所以最後都係無去,今日同我一齊去.
我地約左九點九在銅鑼灣商務等…..我行到過去,佢就岩岩落車,而又咁岩後面有架25號C,炸炸林上車…去到之後就係一連串既登記野,又要我地睇野,又要我地lee度果度…..但成個過程最唔捨得既係張二萬三千蚊既支票….因對於我屋企黎講都係一筆幾大既數!!!!!填哂所有野都只不過仲係十一點幾,比我我所知道其他同學既幾個鐘…還有一段距離!!!!!!
我地樹仁無其他大學咁多學會,所以班師兄師姐過黎sell野既時候都無d人講得咁誇!!!!我最後係入左學校學生會,我工管糸個系會同埋參加左大O個camp!!!共比左六百六十蚊…..我諗…叫做少瓜!
之後同呀amy姐一齊食飯,我地去左times square下面間大家樂度食….之後我就立刻返去香港仔明理(tammy dady 公司)度整notes….之後我又好快咁去左我個學生家幫佢補習!!!!佢呀媽話想分兩次比錢,所以今日有錢比我….三百六十蚊….太好了!!!
之後我又飛奔去田灣教會幫tammy手補班中五學生…我今堂又學左好多野lu…晚上去左華貴堂同班朋友仔一齊玩,同文迪一齊彈結他….明天一早仲要去幫人補習.之後要山發去wild camp!!!
加油!!!
>>August 18, 2003 at 4:35:43 AM GMT+8
2003 年 8 月 11 日 星期一 【晴】
一早起身,仲係傻下傻下咁,同家組一齊睇有線,捉波子棋,之後佢幫我化妝,因我今日要去映証件相,但係個頭有好大粒暗瘡,但只係可以好少咁遮一遮......落到去,因粒野真係太過難看,所以我都係映數碼相,比個店員(汁)一(汁)之後,果然係好好多呢!之後我返左去學校,今日要學跳爵士舞....遲到了,但無比人罵!我地今日都仲係要排舞,好玩..完左之後,跳舞miss叫我今日去北角登記....佢話叫我去試下做一扮工..在海洋公園(今個十月)做有關halloween的扮人物既工.只係返五六日,但人工有成六千或以上.....正!!!!
----------------------------------------------------------------------------------------------------
昨夜下大雨,我一個人走左出去大廳睇雨...........突然比我諗返好多小時候既片段.....好!!!
>>August 12, 2003 at 6:14:41 AM GMT+8
2003 年 8 月 10 日 星期日 【晴】
今日都仲係好似平日咁樣都過,但我今日就真係有d唔係咁舒服,可能因為昨日玩得太勁了!
今日一早去左tammy爸爸公司整notes,之後一齊食lunch,之後我上左利東幫我個學生補習....之後返黎香港仔同萍枝一齊去銀行..再之後我同tammy同婷婷一齊去m-記...本想去傾野,但入到去,一坐底就發現自己個銀包唔見左,找也找不到,最後我每架98巴士都找一次,頭兩架無,我便祈禱....真係非常之迫切,我d身家o係哂入便,但我最怕既係怕我會唔見左一個好重要鎖匙扣...好在,當我在找第三架巴士時,司機小姐同我講話個銀包在利東,有人拾到,,,,,嘩,我真係好開心呀,司機話咁耐無人黎搵,搵番係好奇蹟,......感謝主比我搵番個銀包!!!!!多謝你呀!!!!!
>>August 11, 2003 at 11:02:59 AM GMT+8
2003 年 8 月 9 日 星期六 【晴】
星期日,今日我既全日行程係超級之緊密的.一早就六點幾起左身,仲未食早餐就落左去教會,因今日我要幫手讚美小組,今次係我第一次在讚美小組中彈結他.今日仲有阿東彈Keyboard,家輝打鼓,阿奶阿kam.唱和音,萍枝彈鋼琴.美美姐帶讚美!
今日所帶既歌係超級好聽.在讚美小組中一超用詩歌去讚美神係一件非常之開心既事.完左…好快咁返屋企換衫,然後去碼頭.今日我地三組聯去遊船河.有成二十個新朋友…勁好呀!大家相約九點半在逸港居碼頭等.十點幾,人齊,船到.上船出發.
心諗自己半日都唔會暈船浪.點知在船上搖了一搖就開始黎料….真係好唔舒服.但大家在船上玩合體遊戲玩得好開心,不時聽到佢地既笑聲…..搖呀搖…搖呀搖….搖左成個幾鐘,終於到啦,而我都已經好番哂啦.嘩,一停船,大家一齊祈完禱之後,我就同大家一齊落水玩.好快就有一隻拉住隻香蕉船既快艇黎左.我就緊係同tammy一齊去玩先啦!一次出去有六個人,但隻蕉只可坐三人.我,tammy同埋朝霞唔記得邊一齊玩先.佢坐前,tammy中間,我坐後…..架快艇好快,坐在蕉上,真係超級過癮.轉左幾個圈之後,終於支持唔住,要跌落水lu.係好刺激呀!第二輪到一班新朋友男仔.我坐在快艇上睇住佢地三個男仔玩.阿開船哥好明顯係好唔留情咁開快好多.見佢地玩得好鬼死開心.我坐在船頭仲好正,因真係好快呀.玩完,返上去大船.食小小野.之後開始同大家一齊游水.第一次,我在第一層跳落去…都幾好,游左一陣,我走左上去第二層跳落去,真係好鬼正呀!在船尾同大家一齊玩高速水泡….好好玩呢!大家一時在船頭曬太陽,一時又在船尾食野談天,一時又跳落水做深水炸蛋.真係非常之超級開心呀!
好快大家已經玩左一輪蕉船之後我,tammy,淑華姐,沛琳,朝霞,子文一齊去玩多一次蕉船第一次,我同朝霞同淑華姐一齊玩.我坐頭,好快,好勁…..但快就跌哂落水lu.第二輪,我同沛琳,同tammy一齊玩,我地今次吸收之前既教訓,我地今次玩左好耐都仲未跌,真係好有滿足感呀!玩完返上水,我地又係繼續玩番之前d野,但大家都好投入,所以真係好開心.識到阿光一班以前既朋友,同佢地一齊玩真係好開心架!
大家玩到好累,但都仲好想繼續玩....但都仲係要走....我地在回程上,美儀姐講自己既見証....
之後我地一齊在船頭玩,我就o係度玩titanic遊戲....原來在船頭放開雙手,頭向前望,放鬆成個人,真係好似會fly似的...好舒服....我仲o係船頭彈結他,都真係幾好feel!!!!另外,在大橋下向上望是多麼的宏偉呢!
晚上,美美姐請我同tammy去睇最後一場既讚美之泉.....美美姐話當係我既生日禮物同
tammy信主+入倒kong U既禮物喎!!!!!
第一次都睇,真係好正,這是一個每一個聽完之後既人必定會講得出既說話....但我好唔鐘意今晚個牧師所講既野,完係唔掂,佢講到好似要大家一定要做奉獻,好似唔比就唔得,仲話唔要零錢,,..
嘩!你係咪牧師黎架...比我地根哥聽到....你實唔駛落台呀,我地奉獻係憑信心,感動...並唔需要你去叫...聽完佢叫大家奉獻之後,我成晚都好唔開心,好唔享受!!!!!晚上同tammy傾左好耐電話...
tammy:唔駛怕,有我在,永遠都支持你!!!!!
主耶穌:多謝你
>>August 11, 2003 at 10:52:27 AM GMT+8
2003 年 8 月 8 日 星期五 【晴】
星期六
今日仲係要返小組,原本今日阿光叫左我同芬姐同janet一齊去南丫島行山,但我今日真係有累,所以最後我都係無去到.在家中同細佬,阿媽,大家姐一齊睇電視.二點幾鐘,阿光打黎叫我幫佢買件衫,唉,十成九係行山行到又濕臭啦!我同tammy一齊上左去華富買衫比佢.我地一上到去,我比果件黑色既米奇老鼠吸引住,我地心諗:阿光著左一定會好好睇.哈,不過我地都算係一個好人,所以最後都係左一件白色既t-shirt比佢,個老闆收我地成五十蚊,嘩...你唔係呀麻....最後我地以低過底價五蚊成交.返番落去開小組,今日家賢返左黎,真係好....好耐無見佢....我地日既小組有d唔同,經三個組牧提出見意後,傳道人比我地以後將查經轉做講章重溫...大家今日都算係有一個好好既分享.完左之後,我送tammy走,返黎要練讚美小組,雖然明日我要一早去遊船河,但我覺得在這樣的情況下仍肯去為神做野先至係一個考驗,...我地有四首歌要唱.我明天要彈結他.八點幾走,晚上去了琴姐家打機,仲有上網找資料.晚上二點先睡.
>>August 11, 2003 at 10:27:20 AM GMT+8
2003 年 8 月 7 日 星期四 【晴】
星期五
今日我返左去學校學跳爵士舞...返到去,如我所料..全部都係女仔...我一個男仔...好礙眼呢!
老師係一個岩岩在演藝畢業的女子.一開始,我地係做一d拉筋既動作.如我所料,自己太耐無做運動,所以d筋都緊哂.做左大約四五個字,我地開始跳舞...隻舞遲d係要去表演架!
係咁跳,都無停過,跳左一個鐘,要走lu!,但大家都仲好想去跳......
下午,去左tam.dad.com等佢教完班之後,我地一齊去田灣教會.今日都仲係要教中五英文/.
之前聽tam講話自己d英文都仲係未到家,所以今堂我見佢教得好落力.
完左,我地一齊返左我屋企食晚飯.今晚極之好(送)..食完之後,先記得今晚有皇馬對香港睇,用因要返教會,所以無得睇.我地行出去田灣.今晚牧師所講既都係一個幾大既提醒...完左之後,大家一齊唱生日歌,仲係唱比我聽添....因我下個星期五生日lu(8月15日)大家識做啦-->講生日快樂呀!完左,送tammy返家,而我去同大一齊去食野..之後上左阿光家,玩左一陣,阿光用車送左我返家之後,佢就送(母語)車lu....大家記得同我講生日快樂呀!
>>August 11, 2003 at 10:26:33 AM GMT+8
|
|
|
我同tammy好快要開學lu,可能之後好難先至可以見倒面所以我地今日決定左出去玩.
哈大家都知今日係咩日子啦,今日係我19歲既生日呀…我繼續講下下面14號遍日記既大結局先,12點過左,tammy,winnie,amy三個好有心既朋友記得我講過話我既生日,只要在12點打比我,同我講聲生日快樂就已經好開心,好滿足….
今日我既行程都可以叫做緊密lu,一早起身,照一照塊鏡,