|
2003 年 7 月 7 日 星期一 【晴】
今日我去左樹仁書院度報D degree既課程,我最後選左
傳理,BBA,同埋Account...之後我同tammy,winnie一齊去左儀姐
間大家樂度食野,哈,我用winnie果杯有隻蚊既可樂去換左一杯新既.好野,
我無買到但都有得飲,正!之後我地去左WINNIE家玩,佢屋企都幾靚,幾整齊,幾好丫!
>>July 8, 2003 at 7:03:20 AM GMT+8
2003 年 7 月 6 日 星期日 【晴】
這一篇日記我是在朋友家中打的,現在的時間是早上三時二十五分,哈,勁嗎?
講番星期一,我今日上午行左出香港仔,我去左市政度上網同埋睇書,大約一個鐘之後,
我又行番去華貴,我仲O係奇特店買左一盒粉彩....
下午約左阿恩同埋TAMMY一齊在我家中畫畫,我地今日又係畫水果,今次到TAMMY帶.
我仲用左我盆栽做MODEL.....今次我既作品有明顯的進步,(我覺得)
畫左大約一個半鐘,之後我要去上最後一堂既GYM....哈,我今日收倒金卡既RESULT.
之後我落左去圖書館去等阿香放工,然後我地一齊返華貴,在車上仲見倒JOVY.
明天去樹仁,有TAM同埋Winnie陪,好!
------------------------------------------------------------------
哈我地早上五點先走呀!!
我地成晚在大隻B家中玩邏輯惟理戲,玩左幾個鐘
大家都好開心
>>July 8, 2003 at 6:46:50 AM GMT+8
2003 年 7 月 5 日 星期六 【晴】
因昨天深夜同amy傾左都幾耐電話,所以今日返詩班時都幾
想睡,加上今次首歌都真係非常之難唱,所以加快我既"死亡".
完左之後,本來平時我都會返埋午堂,但真的實在太累了,我走了,在田灣
遊蕩了都有成半小時,因自己近幾日既肚子不太好,...又唔想返屋企,
所以最後都係返番教會.坐o係度準備我之後補習班既notes...
----------------------------------------------------------------------------------------
完左,同kitty在教會練一陣家會既詩,我打鼓,佢彈琴,都真係幾唔錯,-->我指佢...
今日係我第一次返家會,氣氛係我意料之外咁好,但因我真的太累,所以我
好快就睡著了!!!!!但真係好好架,各位路人請注意,係一d都唔悶架!
---------------------------------------------------------------------------------------
晚間發生了一場中風波,主要係去處理與人一些情感上的問題,
多得路過的一條狗,沒事了!
---------------------------------------------------------------------------------------
深夜,在隔壁大隻B的家中玩電腦,唉,有d人仍未明白無電腦用的痛在那.
實不相瞞,我現是在市政局的電腦室用電腦,有電腦在家的人,
只要輕移玉步,輕按按鈕便可上網,但我是要行路由華貴出香港仔喎!!!!(我家是不可有電腦的,
詳情可0踾\我以前的日記!)就係咁,我以後有電腦用時請勿話我,是情非得意的!!!!!
>>July 7, 2003 at 6:14:57 AM GMT+8
2003 年 7 月 4 日 星期五 【晴】
昨天高考放榜,因成績未如理想,所以今早上九時許己上到熙哥家中,
文迪同熙幫我想想怎樣去排次序,最後我把城大的applied biology放了在第一,
但仲要等到八月先知生死,現在是雖生尤死...哈!
下午,我沒有返小組,我同tam同埋佢d同學去左poly睇associate既課程......
之後我地都各自回家,我地在金鐘坐紅小巴,勁多人,等左好耐.
然後我返左教會,同d教友一齊玩樂器.都幾好玩!
>>July 7, 2003 at 5:53:30 AM GMT+8
2003 年 7 月 3 日 星期四 【晴】
今日係高考既放榜,我依家在校打lee一篇日記,雖成績唔好,但我係唔會放棄!!!!昨晚好多謝
文迪同阿熙黎陪我!!!亦多謝各界好友既....安慰...!!!哈,都無咩野既,還掂都未重讀過,....
大家可能會對我既成績好感興趣,打黎搵我la!
今日見倒,feel倒中五時其他上唔倒中六既同學既心情,都好,成世人留留長,試下都無防,
還掂我在世都唔係為生活而生活,為讀書而讀書,只係為神都己經夠哂la!
在此,我要恭喜下tammy同winnie仲有各方成功既好友la!!!!真係恭喜哂,你們當日所下的種子今天
有收成lu....我仲要等下先呀!收成至請大家黎食大餐啦!!!!hehe.........
-------------------------------------------------------
昨晚做了許多夢,成真了!!!!從未試過!..........
>>July 4, 2003 at 6:53:55 AM GMT+8
2003 年 7 月 2 日 星期三 【晴】
今日同winnie一齊去左tam屋企..哈,我地買左好多野食上去煮,,
有:金菇,公仔instant noodle,菜,法包,壽包,,燒買.....好開心呀,我地一齊在tam的廚房煮.好正呀!
跟住我地都無咩野做lu,都係準備一o下明天放榜既野,唔....之後都無咩野做lu!
>>July 4, 2003 at 6:54:24 AM GMT+8
2003 年 7 月 1 日 星期二 【晴】
距離放榜,仲有兩日,個心情都仲係好似無咩野咁!!!
有好多人都非常緊張,....人之常情,算啦大家...一切己成定局,講真,我真係唔係好驚,
因我真係唔知我要驚既對係d咩!!
-----------------------------------------------------
1)今日又去上gym堂.
2)晚上差點忘記了去信仰班,好在最尾都唔係遲得太多!
3)完左之後,出左去香港仔同tam.行左一陣,仲見倒婷婷同佢個friend.
4)tam.有個新look,好得意!!
>>July 4, 2003 at 6:55:01 AM GMT+8
2003 年 6 月 30 日 星期一 【晴】
今日我去左踩單車呀.....真係超級超級超級開心呀!!!!!
今日去既名單有:男有...我,柱建,阿丰,阿樂,阿LOOK,阿熙,文迪,阿全,恩華女,阿鮑,偉仔
女仔有:阿詩,阿恩,阿盈,Sylvia,Lancy,(Catherine!!!),
我一早就同阿熙,文迪,阿鮑,偉仔,一齊在華富出發,坐死亡旺角ven出旺角轉火車.--9:00a.m.
今早因一場大的過雲雨,令我地d出發先既阻礙....但當我天父發出一個迫切既祈禱之後,在幾分鐘之內,
個天好快就轉好...真開心!!!....
十點就去到大圍,柱建同阿詩已在恭候多時....(佢地係今日既負責人..)好快大部份人都到齊,
但在十點,Lancy同Catherine竟然仍在華貴....所以我地十一點先可以正式出發,經過一場格價戰,我地在一家最平的租車店以45蚊既不來回價開始左!...我地要分組,我同柱建,阿全,阿丰,阿盈,阿鮑,阿look(柱建分開我,文迪,阿熙呀,....好慘呀...哈,不過其實都係一齊玩...!!!我地今日要互相關焄關焄咁.....阿詩果組開始先...但佢地在短時間內行錯左兩次路....哈..真勁!!!!我地lee一組都可為約伯既化身,我地一開始就有有好多車的設備上既問題,可以開始,但有幾位人兄因仍未習慣,所以有d小小小問題....之後阿詩佢地果組開始行快左,而我地lee組又有意外,當我地去到都幾遠既地方,柱建架車竟然行唔倒.....我地停下,攪左好耐都唔得...最後只好推番架車返去....因柱建年紀大,所以我代佢推,佢踩我架車,而我就起勢咁推住架車跑返去.....我跑,其他人踩車...但我去仲頂得住.....好快就返到去lu..
攪好柱建架車,我就咩都唔理,係咁踩,去追文迪佢地.....在路上,因今日真係這幾星期以來最好天氣的一天,所以我都不禁四處大叫大笑!!!!(今日真係超級無敵曬呀!!!!)就係咁踩o下停o下又等o下,我好快就去到綠茵山莊對面的天橋上(係一條有好多野食賣既天橋)我地成班一齊o係度等一等,食一食,飲一飲....(在到橋前,阿熙同偉仔相繼在吐路港公路上發生交通意外,男事主阿熙炒左一野"金"既,向前打左一個肋斗,但只是輕傷....; 偉仔都係擦傷左!!!)
食完野,大家都開始繼續征途...又係踩o下,停o下,好快又到左Tai Po!!!!又係等o下,食o下,去o下廁所...之後就返左去交車.....佢地成班去食野,而我同迪哥就.....哈哈哈...我地兩條友一齊踩返去大圍....我地全程享受,踩得好快,唔好似來時咁慢.....我地更加享受四周既風景....我地仲去左探幾條路..超正......日落仲更加正!!!!!!
我地在一條大橋上坐了一會,去欣賞四周!!!我地七點幾去到交車,交時有點小風波...但只是小事!!!!
哈...我地一齊去左百佳買左一罐今日全日最好飲既健怡可樂....好好飲呀!!!!
八點就返到屋企lu!
----------------------------------------------------
1)比我估中左,今日遊行人數多過二十萬人,仲勁過政府的十萬人!!!!哈勁唔勁呀?-->對某些人說的!
2)今日真係熱到爆炸呀!
>>July 2, 2003 at 4:04:29 AM GMT+8
2003 年 6 月 29 日 星期日 【晴】
今朝一早我陪tam.去佢間學校度比野佢同學----10:45a.m.
之後我地周圍行下睇下,然後在大家樂食午餐,....在我們的隔離枱,有個呀媽,爺爺同仔仔
一齊o係度食飯,但呀媽係o係度罵緊仔仔,..在訓詞中得知原來係仔仔考試得四十分...
跟住呀媽發脾四走左去,而仔仔就安然地繼續食佢碗义飯...而呀爺就向仔仔解釋
佢既錯處...又在隔隔隔離枱....有位先生離開時不少心撞倒另一位手持食物的先生,而這先生的
紅豆冰亦相繼跌下....水吧的職員立刻另做一杯新的給這位不幸人,不過幸好大家都係有教養的人.
大家都好快無野,做自己野!!!哈當我地差不多想走既時候,呀媽帶住一袋二袋番左黎,坐下,繼續罵!!!
-----------------------------------------------------------------
跟住我地去左香港仔,佢去銀行,我去四圍睇涼鞋....四圍革價,最後我地一齊選左一對都覺得係
最平最靚既無品牌的涼鞋...正!($69)
----------------------------------------------------------------
然後我地番華貴,因今日我約左阿恩教我畫畫.....我地今日畫水果素描....左個幾鐘,佢兩個緊係畫得好啦,而我就好似...唉!都唔知自己畫咩!我地,畫完之後,將d水果食哂....跟住紹雄哥哥過黎叫
我地下次畫壽司...哈!我地問點解...大家估下點解.........因為畫完之後有得食丫麻!!!! hehe
----------------------------------------------------------------
然後我同tam,一齊返出香港仔,今日我既gym堂要考金卡...當然成功左啦!!!完左,我同tam.一齊返
街坊,因我地好耐都無去過lu!睇左大約一個鐘頭書,之後我地去同winnie,idy一齊食晚飯,我地
去左綠野跟踪度食,仲記得AL時大家差不多每日都見面,一齊溫書...考完之後都好少見lu
但今晚大家都有好好好多野講,都真係非常之開心.食完,在海旁行了坐了大約半個鐘...之後
我就開始我今晚差不多最後一項活動....我去左華富,因今日係迪哥生日,上去同佢..唔..都算係
慶祝o瓜!坐了一會,我地一齊去左萍枝家,等萍枝彈番首生日歌比文迪聽....哈..都幾唔錯..
過左無幾耐,阿光都黎埋,我地一齊o係度睇vcd,我差不多將賭俠既所有演員台詞既順序都背
哂出黎...勁攪笑.....
又係充實的一日
>>July 2, 2003 at 4:01:40 AM GMT+8
2003 年 6 月 28 日 星期六 【晴】
今日同萍枝去左黃竹坑度游水.....真好玩,
我要向一個人say sorry,因我的不精神,得罪了妳,請大人不記小人過啦!!!!!
>>June 29, 2003 at 11:50:20 AM GMT+8
|
|
|
今日我去左樹仁書院度報D degree既課程,我最後選左
因昨天深夜同amy傾左都幾耐電話,所以今日返詩班時都幾
今日係高考既放榜,我依家在校打lee一篇日記,雖成績唔好,但我係唔會放棄!!!!昨晚好多謝
今日我去左踩單車呀.....真係超級超級超級開心呀!!!!!
今朝一早我陪tam.去佢間學校度比野佢同學----10:45a.m.