2004 年 1 月 21 日 星期三 【晴】

恭祝各位新年快樂！萬事如意！
龍馬精神！事事享通！新年進步！

>>January 21, 2004 at 5:57:21 PM GMT+8

2004 年 1 月 20 日 星期二 【晴】

今日好有holiday mood！^^
不過聽日仲要返工....8:45-5:15.....................

今日上早堂...以為會遲到啦！點知個teacher仲遲過我！哈哈~
佢應該係外國人，朋友話佢似菲律賓人wor...唔知呢！
不過佢講d英文幾好聽，而且教得唔錯！
雖然呢科係頹GEE，不過我幾鍾意佢bor！
佢講既真係幾得意...或者我由頭到尾都係一個science人掛！
social science始終唔係太適合我~ 我好鍾意bio、phy、maths同chem呀！

then上口話傳意，又係頹科...連老師都話頹.........
我知佢應該都幾心灰，不過....呢個年代既年青人講野係咁架喇！
頹科上兩堂only介紹左自己，然後老師講下野..就落堂lu...
^^ 約左好好好朋友laura食飯~

我係medic果邊等佢，佢又係碧秋等我bor....
結果就浪費左好多時間啦！
等既時候...覺得好似等緊我既女朋友仔咁.....^^ 死啦！我係唔係鍾意左你呀？

食飯時撞到好多人，tiffany靚左呀!!!!!!!!!!!!!!!!!!!!!!!
仲有見到阿媽添！佢見到我地兩個撐檯腳..^^唔抵得咁bor！哈哈~

之後就返屋企，沿途同愛人傾電話
^^ 講左好多野....好開心呀！
希望你去旅行順順利利啦！
手信唔使多，每個地方一件就夠了~ ^^

返到屋企，就同妹妹去食lunch，佢嫌屋企d野難食，寧願唔食！
去左吉之島食吉列豬排湯麵....又食左TBCY.....
>_< 其實佢咳咳架！不過見佢食得咁開心..唔忍心唔俾佢食！
之後買左套新衫俾佢新年著..^^ 佢好鍾意呀！實在太好喇！
不過條牛仔褲好似窄左少少...^^ 你唔辛苦就得啦！
你真係好靚呀!!!!!!!!!!!!!!!!!!!!!!!!!!!!!!!!!!!!!!!! ^^

同妹妹分享「康鈣C」
其實細細個成日食，好鍾意成塊咁食，不過後來媽無買就停左lu~
今次又有番，真係幾開心，又可以緬懷一下細個既事
放左半塊「康鈣C」落水，見到佢起左好多泡泡...^^好得意！
盒入面有張紙，原以為係說明書沒有理會，點知....
^^ 原來康鈣C適用於以下特徵嘅人：
~經常腰骨痛、肩頸痛
~需要出入醫院工作/上學
~不時傷風感冒
~唔夠訓要提高身體抵抗力
^^ 睇到既時候....真係好開心！
唉~ 我估就好似你上次上堂諗起我咁啦......
笑不攏口.....甜甜的
真係好多謝你！thanks very much!!!!!!!!!!!!!!!!!!!!!!!!!!!!!!

^^ 今晚打邊爐~
又食到好飽喇！死得！

sorry呀！好彩你打俾我，唔係我真係會遲左fwd份agenda出去
不過唔係兩日前send就ok咩？
^^ anyway，thanks for reminding.

twins就twins啦...唔使唔認，事實勝於雄辯

>>January 20, 2004 at 6:04:41 PM GMT+8

2004 年 1 月 19 日 星期一 【晴】

攪掂左FYP form組既問題lu~
^^ 而家我果組有集、輝、bee同我
希望我地合作愉快啦！

>_< 其實呢個組比較特別，有少少擔心
因為......有一對語無倫次既twins係度............
唉！佢地兩個pre-pre-camp既時候已經勁似...講野語氣同內容都一樣，
成日鬧對方低B...其實咪即係鬧緊自已~
就連今次form組都係咁！佢地兩個都唔知原來要搵人喇！完全唔知有呢回事咁！
唉~好怕之後傾project會浪費好多時間，又好怕會俾佢地兩個激死！

不過我相信呢一組會係開心既一組~
輝輝呀！你要好好睇住我，好好控制住果兩個傻傻地既人呀！
^^ 我唔排除我會同佢地一齊癲架！
呢組就靠晒你啦！^^
-------------------------------------------------------------------------------------------------------------

約左好朋友聽晚去行年宵，
好似未同過你去行年宵bor！
希望一切順利啦！^^

好鬼死凍!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

>>January 20, 2004 at 2:19:49 PM GMT+8

2004 年 1 月 19 日 星期一 【晴】

從朋友info抄下一段，
好友又作了一段，各有千秋！

其實生活就像剝洋蔥
一片片剝開
總有一片讓我們流淚

但生活也就像看相簿
一頁頁翻過
總有一頁讓我們發笑

>>January 20, 2004 at 2:16:46 PM GMT+8

2004 年 1 月 18 日 星期日 【晴】

今日又去左實習....
又頹又廢的一日~

今日一早起身就知道會遲到..
唉！第五日實習就遲到喇！
點算好呀？我仲有排挨架!!!!!!!!!!!
希望以後自己會生生性性啦~

睇左一陣files就去幫「人工耳蝸互助小組」入公文袋...
原來馬太係個咁後生既人...^^ 睇唔出bor！
要帶兩個鐘活動，希望一切順利啦~

then又去orientation....呢次個MSW比較高傲....
覺得佢有d睇低我地呢d學生仔咁~
算啦，我知唔會所有社工都係咁好人架喇！

之後食lunch，then去病人資源中心睇野，get左d資料
..... >_< 睇睇下資料訓著左呀！
之後就返番office睇files....
收到第一個case，星期三阿sa就會派俾我地喇！
唔知我既client會係邊個呢？
一個係初期直腸癌婆婆
一個係第三期肝癌四十歲男士
唉~ 有dd驚自己會做得唔好添！

>>January 19, 2004 at 11:06:01 AM GMT+8

2004 年 1 月 18 日 星期日 【晴】

沖涼既時候特別多野諗...
今日又諗起.......

唉！
前兩日同朋友講起最近諗番起一個人，
佢聽到之後就喊晒口咁叫我唔好...
我都知我諗起佢好傻，
不過..真係好難搵到一個咁了解自己既人....
如果佢唔係....可能我既故事唔會係今日咁樣......

買左對蝴蝶耳環...本來好高興的....
不過就因為咁而諗起佢曾經送過一條蝴蝶頸鏈俾我....
又諗起以前的........
其實有幾次我地可以再一齊的，不過唔係佢放棄就係我放棄....
天意吧！

唉~
我真係唔應該再諗起佢架!!!!!!!!!!!!!!!!!!!!!!!!!!!!!!!
算啦..俾我放縱一晚咁多啦！

>>January 18, 2004 at 4:13:12 PM GMT+8

2004 年 1 月 17 日 星期六 【晴】

^^ 今日好開心
不過又浪費左一日lu~

一早起身...就知道會遲到了.............
只怪昨夜晚睡...可是我不想睡嘛！
今早起床時...魔鬼又引誘我....
^^ 不過我一點也沒有遲疑便去梳洗了~
替自己高興！^^ 今年我一定要成長！

今日返崇拜見到小鳳呀！
^^ 真係好開心！好耐無見佢lu~
之前佢同我講左少少野...令我好擔心佢.....
不過而家無事lu~
^^ 我地仲一齊參加左查經班呢！希望可以同佢有更多既交流啦！

then我去左練詩....
我真係覺得自己無乜料到...所以唔敢影響你地...唔係唔想事奉呀！
不過一齊練詩既感覺都幾好....幾warm.... ^^
如果之後得閒既話...我就繼續join啦！

之後開會...
^^ 希望一切順利啦！
個會開左兩個幾鐘...都傾得七七八八...
^^ 我負責買禮物..真係好！寓工作於娛樂~

then去左搵女朋友仔~
^^ 好耐無見佢啦！好耐無同佢二人世界lu~
真係好開心呀！^^
佢仲陪我買左對耳環...好靚架~~~~~~
我新年就用佢啦！^^ thanks你既意見~
最衰就係落雨...攪到周圍都係人.....好逼呀！
^^ 雖然行唔到街，不過個feel好正呀！
唔捨得走....不過要返屋企食團年飯............... >_<
^^ 等你返黎再行過！

>>January 18, 2004 at 11:59:05 AM GMT+8

2004 年 1 月 17 日 星期六 【晴】

今晚去左做年(食團年飯)
之前去左返團契

團契今日係專題，講如何以聖經知識去安慰人(好似係咁)
做左個錯誤示範俾大家..令大家對社工呢個專業有個壞印象添！
其實我只係一個唔叻既社工學生，你地千祈唔好誤會d好專業既社工呀！
不過乜informations都無...無啦啦點會走去安慰人bor！>_<

之後去做年，約埋表姐一齊去...
^^ 同佢一齊真係好開心！雖然無乜特別野講or做...
去到一坐低就食啦！
同姨丈佢地social左一陣....唉....最怕就係呢d時候.......
^^ 同表弟一齊坐..傾左好多野呢！你一定得既~
我俾個機會你教，你俾個機會我學lor！^^ 我等你架！

哈哈！表姐咁大個人仲同小表妹(高過我)爭食.....
見到你個樣同聽到你既語氣...真係笑死我喇！

then去舅父家打左一陣麻雀...
^^ 我last一隻牌自模清一色呀！好叻女呀！哈哈~~~

>>January 17, 2004 at 5:10:27 PM GMT+8

2004 年 1 月 16 日 星期五 【晴】

哥哥正一係小氣鬼
雖然好了解佢，但係都會頂佢唔順
^^ 我真係叻女，今次無俾佢影響到我既情緒！

琴晚哥哥無啦啦send個好似send錯message既message俾我，
我問佢做乜，原來佢之前send左個message問我幾時同佢食飯，
我收唔到嘛，咪無覆佢lor...
佢就小氣鬼咁話唔食........
話send左個message俾我成十分鐘都收唔到reply wor....
佢都唔知佢自己平時都差不多啦...甚至唔reply都試過！
唉~我都道左歉啦！(雖然我唔覺得自己有錯)
佢都係話唔食...點都話唔食......最後仲唔覆我message添！
唉~ 你唔同我食、唔覆我message都無辦法，不過條氣有dd唔順.....
明明無錯又要俾你發我脾氣.....攪到要我tum番你....仲要tum都無用！
唉!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

雖然話以後唔會唔理你，不過你既所作所為.............
第二時我唔理你...你唔好怨我............
我都係人，即使再好，同你再親...都會有忍無可忍既時候.....
你自己好自為知！

好在你最後有同我聲goodnight先走，如果唔係我唔排除我會嬲既可能性.....
你要記住，做妹既..都有發脾氣既時候！
要妹妹tum哥哥已經好唔合理，唔該你唔好再將事情不合理化......

P.S. 你地覺唔覺得「寧教人打仔，莫教人分妻」？
好難做....我真係唔知應該點做.........................................

>>January 17, 2004 at 7:46:52 AM GMT+8

2004 年 1 月 16 日 星期五 【晴】

珍惜每一天
好好利用當前的時間

你不能決定生命的長度，但你可以控制它的寬度；
你不能左右天氣，但你可以改變心情；
你不能預知明天，但你可以利用今天；
你不能樣樣勝利，但你可以事事盡力。

>>January 17, 2004 at 7:17:03 AM GMT+8