2003 年 12 月 20 日 星期六 【晴】

^^ 今日好開心呀！
我真係一個八卦既人呢！
又知多一個秘密lu~ ^^ 放心，我唔會講出去的

今日先返church，做司事，早左少少返......
v_v 好眼訓呢！只怪昨晚遲睡...
真係唔乖，一路講道一路恰眼訓.............對唔住呀！
之後要數番d奉獻，又再一次顯示左我既OCD喇！
死啦.....越來越嚴重添！算啦...都唔係一件壞事黎既~

then就去行街街買野，thanks laura陪我！
今日真係好開心啦....唔知你有無被游說成功呢？^^
你真係好好好好好好好好好好好好呀！

之後返左屋企一陣，諗聽日組聚去邊...search左好耐都唔知做乜好....
最後醒起自己有四個聖誕願望，仲有一個未必實現到...
^^ 所以就決定左去中環睇聖誕樹lu~
真係好喇！呢個聖誕假我好滿足！thanks各位!!!!! ^3^

之後去join埋表姐去做冬，又見到好多人lu~
好彩遲到...唔係就會悶死！
又係我地四劍俠一齊lu~
真係開心！^^ 表弟你要加油呀！sorry呀...叫左你入UC....我真係好鍾意UC架......
then返歸lu......

聽日組聚，希望一切順利啦！^^

thanks各位認同我今日既打扮既朋友....特別係laura同表姐~ ^^

>>December 21, 2003 at 3:41:04 PM GMT+8

2003 年 12 月 20 日 星期六 【晴】

<<六合彩>>

不知道大家有沒有買過六合彩
這是一種很有趣的玩意
四十九個號碼
如果你買中了其中六個
那你便會成為頭獎的得主
看似很簡單
但其實中獎的機會低得很
因為六合彩的中獎組合
共有一千三百九十八萬三千一百一十六個
我就試過，半個字也中不到

如果將六合彩變成「理想情人組合遊戲」
四十九個號碼變成四十九種擇偶條件
而每人可以組合六款作為自己的理想對象
再跟自己的情人比較一下
符合了一個條件，我們應該慶幸
符合了三個條件，我們應該酬謝神恩
全中了，那是個奇蹟～～～

人海中當然不止有一千三百九十八萬三千一百一十六個組合
能夠遇到一個十全十美、稱心滿意的人
固然是一件人間美事
但遇到一個只是稍有不足的亦屬難得
好好欣賞自己身邊的那個人
因為你們能夠相遇相戀已經很不平凡

其實人的性格又何止有四十九種
一個人的性格可能比一組六個字的六合彩還要複雜

要找到一個真真正正符合自己要求的理想情人可不是一件易事
就算給你找到了
你亦未必是他心目中的理想
當然你有權利不斷尋覓那個理想中的情人
但不知滿足不懂欣賞自己身邊的
將永遠沉淪在尋尋覓覓之中

還有一個有趣的發現：
理想對象的條件
有些人會不停的改變
有些人則一直堅持同樣的條件
就像買六合彩一樣
有人每次都買不同數字
有人就長買相同的

如果你真的能夠六個字全中

我極度強烈建議你不妨在街上大叫一聲：天呀！我中獎了～～～～

啊...難啊...
一個人中六合彩己經是那麼難了...
何況是兩個人同時中同一注六合彩?

**********************************************************************************************************
如果說要找一個情人很難，那麼要得到一班好知己更難
可是幸運的我己找到不只一個好知己
好朋友也有很多很多，我已經滿足

>>December 21, 2003 at 9:15:08 AM GMT+8

2003 年 12 月 20 日 星期六 【晴】

今日有好多野想記低....
然而又不想記下..........

field orientation
foresee到未來六個月的戰鬥將會是如何的艱苦...
我...一定要努力作戰下去！我....一定要成功！否則只會對不起我的client......
其實...心有點點怯........好怕好怕好怕.....

返church
遇見一位舊同學....曾是很要好的朋友
我同佢好似，所以..我一直唔想討厭佢，可惜他偏偏是個壞人
神愛世人，我唔會討厭佢，但我唔會俾佢再傷害我既好朋友

church
多謝詩韻俾機會我...我知我做得唔好，下次我一定會更好的！
^^ 不過下次唔該俾多少少時間我準備啦....thanks呀！
之後....唔想講太多，只係想話頭一直痛下去
見到dd唔想見既事....諗左好多野..........................
我知我係有心去避開佢，因為我唔知應該點樣去對佢
之後開會，沒怎麼發言及有點點心不在焉...對不起，不太舒服~

返屋企
無車搭...走路回家..........
過程很快很順利，只是回到家的一刻，頭很暈眩

做節
不知應怎對待伯父一家.....唔舒服，整夜很少發言，然後又照慣例說到那題目...次次如是，不厭的嗎？他....真的無事找事做.....他.......真的很孝順

回房前
跟弟弟吵了一大鑊，我不介意他討厭我，因為我並未關心過他
但...請珍惜疼愛你的人.....你這樣說，她會很痛心的
對著老弟...有萬個難以形容的感覺.......可以說，如果他走了我也許未必會傷心.................
回想當日如何的疼他....心中有無數的遺憾、歉意，我知我只疼愛妹妹

現在
很想睡....我想我病了.......頭一直的痛，很重很重.........
但...不想睡，還有很多想做的事情未做好
今天...不能說不開心，但感覺奇怪....................

************************************************************************************************
聖誕假或許可以幹很多從前想做但未能做的事
也相信會有做不到的事....但我真係很希望有一個願望可以實現.........
說出來一定給人笑出來，因為是一個傻念頭
可是這傻念頭一直是我的願望呢！^^

我很希望...可以去一處..........和...............................浪費一整日的時間......................
我信願望會有實現的一天，只是時間問題！

>>December 20, 2003 at 5:32:30 PM GMT+8

2003 年 12 月 19 日 星期五 【晴】

大Car姐姐呀~好文章當然不是出自我的手啦！(不敢獻醜)
^^ 多數是朋友轉寄給我，特意與各好友分享的啦~

不過以下那篇文章卻是出自好朋友手中：

<<愛>>

從前我不明白愛是甚麼，不知道情為何物，只知是人其中一種情感的流露。當時「愛」這個字，給我聯想到，電影中男女主角甜蜜的鏡頭，給我一種舒服和喜悅的感覺。後來我又從聖經得知，愛是那麼偉大的、愛是恆久忍耐、又有恩慈．包容、要忍耐……等(林前十三4-8)，但我只是表面理解聖經上的理論，愛是為何要恆久忍耐？甚麼凡事相信、忍耐？……總總都不知為何？後來我明白「愛」是需要體會，正如電視廣告中 —「愛」是用「心」去感「受」！以下是我對「愛」的感覺︰



「愛」如空氣，無處不在、看不見又聽不到！「愛」是在人心中，是每個人都需要，正如人們呼吸空氣是必需的。每當呼吸的時候，人會感覺空氣的流動，正如人與人之間互相生活，同樣會感受到愛的存在。例如︰在地下鐵和巴士上讓坐、等候那趕踏升降機的人、給問路人方向、給乞丐小錢、買旗……，所以愛就是很簡單和普遍，而且藏著每一個人的心裡。



「愛」如風，是來無縱去無影！有時候愛是自然的流露，不自覺的，沒有特定的方向，不知從那裡來又不知從那裡去！不知道何時、為何開始愛著對方，可能就連本身去愛的人，都不知道愛著對方，當失去之時，才感覺到已經愛著。所以愛就是令人珍惜！

「愛」，同時像風一樣，是沒有重量和形象，更用不著甚麼標準去量度。不能說我愛你比你愛我深、我負出的時間、金錢……都多過你。「愛」是沒有單位，不能計較、摸不透、擋不開、捉不住的。而且「愛」根本抽象摸不著頭腦，不明白愛究竟是甚麼，為何愛，但總是傻呼呼的去愛，亦都迷糊地被愛。同時「愛」亦是很主觀的個人情感流露。你不能改變風向，同樣不能阻止別人對你的愛，但又如風一樣，要走就走，又不能用任何方法留住它！所以「愛」真的令人苦惱！



「愛」如火，給人帶來光明、溫暖、興奮、雀躍！當「愛」著的時候，人好像著了火，有著一份突如其來的力量，令全身都活躍起來，較平常喜樂和積極。當被愛時，又會有一種莫明的暖著在心頭，可能正因為他得了愛人的關心。所以愛就是令人滿足！



「愛」似嗎啡(鎮痛劑)，如在戰場上士兵受傷，會用嗎啡鎮痛療傷，然後再繼續作戰。「愛」就好似嗎啡，令人暫時忘記痛楚傷心，然後同樣繼續面對人生一樣。眾所周知，使用嗎啡過量，會導致上癮，正如過量的「愛」會令人迷惑、沉溺、依賴(上癮)。所以愛就是令人沉醉！



「愛」像強心針，令所有心臟功能大增，如信心、耐心、愛心、恆心、擔心、掛心、小心、細心、關心、痛心、傷心、開心……等。無論去愛或被愛時，同樣令心各項功能都活躍起來。所以愛就是令人充滿經歷！



「愛」似酒，既能在高興時暢飲，又能在悲傷時痛飲。在開心快樂的時間，再以「愛」分享，更令氣氛高漲！在傷心失落的日子中，「愛」亦能帶給人舒解和安慰。所以愛就是令人分享！



「愛」又似一件度身訂造的衣服，體貼你每一寸肌膚。當去愛人的時候，會特別留意所愛的人每個不同的地方，注意有甚麼需要和缺乏。正如一件合適衫，需要經過仔細的量度，才能貼身舒適。而且這件體貼的衣服，時常都「掛」在愛人的身上，不只令愛人感到溫暖，而且還令愛人睹物思人(「掛住」在去愛的人身上)。所以愛就是令人緊貼！



「愛」又像小孩天真瀾漫！有時小孩的行為，總會令人覺得有點天真、傻氣、接直、可愛！同樣在「愛」中就好像返璞歸真，互相會為對方做出各樣奇怪、有趣的傻行為，出乎意料地給對方驚喜！所以愛就是令人瘋狂！



「愛」如攝錄機，會將一幅幅珍貴的片段記錄下來，好讓日後回味！同樣「愛」能夠令人有深刻的印象，讓人能夠自動地清楚記錄每一段「愛」過程，而且又不知何時又會因為某些事、某些人、某些物，從而解發你按動腦裡的播放鍵，回憶起當初被愛或去愛的影像！所以愛就是令人難忘！

>>December 20, 2003 at 5:33:49 AM GMT+8

2003 年 12 月 19 日 星期五 【晴】

今日好開心同朋友行左好耐街街....買左好多野呀~~~~~~~~~
v_v 不過個銀包就....................唉~

^^ 今日終於起到身睇外星BB喇！
睇完又繼續訓...呵呵~ 真開心！
之後同妹妹食飯，睇電視&睇電視
就執房同換季喇！
冬天衫雖然唔多，不過就件件都好大件....衣櫃就黎放唔入喇！哈~

之後就去左同super超級好友兼愛人去行街街....
買左好鬼死多多多多多野.......
走既時候同朋友講，真係全身換過晒都得呀！哈哈~

了左好多心事lu~
雖然仲有好多野想買，不過算啦，遲d再算....
家陣唔理喇！有咁多靚衫陪就好滿足啦！
阿媽笑我...佢話只不過買左幾件衫就咁開心wor.......
哎呀~~~之後俾佢成功抽水.........無啦啦錫左我一啖！>_<

^^ 今日見到有幾條毛賣，想買俾金花一人一條......
咁我地以後就會改名做「金毛」喇！哈哈哈哈哈哈哈.....笑死我地！

今晚好多謝man X陪我，你咁忙仲出黎，你真係好喇!!!!!!!!!!!!!!!
愛死你啦~~~~~~~~~ ^3^
恭喜你今晚攪掂左件麻煩野，放心，你既幸福離你不遠矣！
送俾你：the best is yet to come
我地要好好珍惜我地而家仲係一齊單身既日子呀!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
今晚真係超級開心！滿足晒我所以既願望！正正正正正!!!!!!!!!!!!!!!!!!!!!!!!!!!!!!!!!!!!!!!!!!!!!!!!^^

>>December 19, 2003 at 5:03:40 PM GMT+8

2003 年 12 月 19 日 星期五 【晴】

關於成熟......
在一個講究包裝的社會裡，我們常禁不住羨慕別人光鮮華麗的外表，而對自己的欠缺耿耿於懷。

沒有一個人的生命是完整無缺的，每個人都少了一樣東西。
有人夫妻恩愛、月入數十萬，卻是有嚴重的不孕症；
有人才貌雙全、能幹多金，情字路上卻是坎坷難行；
有人家財萬貫，卻是子孫不孝；
有人看似好命，卻是一輩子腦袋空空。

每個人的生命，都被上蒼劃上了一道缺口，你不想要它，它卻如影隨形。
要從痛恨自己人生中的缺失，
學會能寬心接受.

如體認到生命中的缺口，彷若我們背上的一根刺，
時時提醒我們謙卑，要懂得憐恤。

若沒有苦難，我們會驕傲，沒有滄桑，我們不會以同理心去安慰不幸的人。
我也相信，人生不要太圓滿，有個缺口讓福氣流向別人是很美的一件事，

你不需擁有全部的東西，
若你樣樣俱全，別人吃什麼呢？
也體認到每個生命都有欠缺，
我也不會再去與人作無謂的比較了，
反而更能珍惜自己所擁有的一切。

所以，不要再去羨慕別人如何如何，好好數算上天給你的恩典，你會發現你所擁有的絕對比沒有的要多出許多.

而缺失的那一部分，雖不可愛，卻也是你生命的一部分，接受它且善待它，你的人生會快樂豁達許多。

如果你是一個蚌，
你願意受盡一生痛苦而凝結一粒珍珠......還是不要珍珠，
寧願舒舒服服的活著？!

如果你是一隻老鼠，
你突然發覺你已被關進捕鼠籠而你前面有一塊香噴噴的蛋糕 ，
這時，你究竟是吃還是不吃呢？！

早期的撲滿都是陶器，一旦存滿了錢，就要被人敲碎...……..
如果有這麼一隻撲滿，一直沒有錢投進來，一直瓦全到今天，
他就成了貴重的古董...…………………………………………..
你願意做哪一種撲滿？!

你每想到一次就記下你的答案......
直到有一天你的答案不再變動......
那就是你成熟了！

找一個懂妳的人...………………….
也期許自己做一個懂他的人………….

聰明的人喜歡猜心...………………….
雖然每次都猜對了卻失去了自己的心……….

傻氣的人喜歡給心...……………………..
雖然每次都被笑了卻得到了別人的心…………


魚說：你看不見我的淚水；因為我在水中....……….

水說：我能感覺到妳的淚；只因妳在我的心中.........

>>December 19, 2003 at 4:42:46 PM GMT+8

2003 年 12 月 18 日 星期四 【晴】

無睇幾集外星BB....唔開心呀！
真係好好睇呢！

^^ 雖然大個女，仍然好鍾意睇卡通片，
足球小將、多啦A夢....依然是我的最愛！
最近多了個新歡....外星BB撞地球！
真是一套很好看的卡通片呢！
片中的女主角很漂亮...男主角更是俊俏啦！
^^ 那一集以後..就喜歡了他！有點點羨慕女主角添！哈哈~

很投入去看每一集，比妹妹更甚.....
她很現實，常說「為什麼這..為什麼那.....」
反而我倒讓不合理的繼續下去，不回答她的問題...

有一集外星BB說男女主角同時進入了童話故事世界呢！
^^ 可以既話...我都好想呀！可能這就是我愛看卡通片的緣故吧！
整天活在幻想的世界之中！

>>December 18, 2003 at 7:51:14 PM GMT+8

2003 年 12 月 18 日 星期四 【晴】

一日之內，扮演了三個不同角色
但我知道我絕對無MD的！^^

角色一：可愛的孫女
一起身就要去搵婆婆lu~
^^ 已經遲到了...約左一齊食lunch！
去到食完就坐左一陣，傾左一陣計，扭左一陣計，撒左一陣嬌...
就返學啦！

角色二：無用的老師
返到課室...同學一入到黎放低書包就走人.....
完全當我呢個miss無到，又話呢樣果樣...仲食杯麵添！>_<
算啦，今日最後一堂，唔理佢地喇！
不過最衰就係俾學校miss見到....今次實扣晒分！
算啦，之後就請左佢地食7-11雪糕~ >_<有學生叫我請佢地食pizza hut...無錢呀!!!!!!!!!!!!!!!!!!!!
之後又去左婆婆屋企
(係佢面前真係好嗲好嗲呀！^^ 好似個小朋友咁...成日跟住佢...^^ 太好了~)

角色三：傻更更組媽
約左7:30尖地恆等，去唱K組聚
初頭約有3個話黎唔到，then之前一晚有兩個話唔黎
諗住四個仔女加warren同我都算啦，點知.....
有一個仔打極電話都搵唔到，最後打去佢屋企....原來佢唔舒服唔黎....
真係好激氣同嬲架！你唔黎都俾個電話我啦！唔該！白等!!!!!!!!!!!!!!!!!!!!!!!!!!
算~ 之後五個人去左唱dinner K，多謝Kitty女女人唔到禮到，你要小心身體！
好開心呀！雖然無乜大驚喜呀之類，不過一齊既感覺已經好滿足了~
其實我唔係太喜歡唱K啦...因為我都唔識，不過就喜歡一班人一齊~
d仔仔女女都唱得好好聽呀！而且識好多歌啦~ 真係叻仔叻女！
^^ 我...又做左幾件傻事：
首先就係無啦啦叫左碟「菠蘿」做「蘿蔔」...俾人笑 >_<
之後就係咁點d男仔歌叫人唱...哈哈！我勁逼佢地唱黎明既歌呀！>_<不過佢地都唔識~
跟住又俾頑皮仔戲弄......人地真係好驚架！正衰仔~
有人order「披頭四」，我就真係去搵樂隊披頭四...原來佢想要梁漢文首「披頭四」.....
唉~~~~仲有好多好多野呀！都唔知點解係d仔女面前就會變成咁???????
哈哈~有個仔仔叫左我一聲「媽咪」呀！其實...我幾鍾意架！^^ 覺得好好聽~
如果佢以後咁叫我都無問題，不過應該唔會lu~因為佢講完就俾人笑lu~ 哈~正傻仔！
^^ 假如我係「媽咪」的話....咁warren咪係「爹地」？哈哈~ 真係幾嘔bor~

呢一晚唔係最開心既一晚，但會係令人滿足既一晚！
thanks for everyone who gave me this feeling, including my sons and daughter...and warren!!!

Here, I would like to say something to my family:
kenneth仔仔你考琴要俾心機！你一定得架~
恭喜amy女女終於考晒試lu！d project就俾心機啦！
辛苦晒esther女女你喇！成日都開會黎唔到....希望下次見到你啦~
ivan仔仔呀...你考到distintion我就請你食雪糕啦！^^ 今日開會辛苦你~
女女kitty呀！你無事嘛？唔好成日咁夜訓呀！
嘉熙你哮喘就要小心身體喇！
多謝謙仔仔既聖誕咭~ 好有心思呀！^^
Cathy女女你唔使唔好意思架！都已經夜啦嘛~ ^^ 下次再玩過lor
阿Paul你要好好保護把聲呀！咁就浪費左...唉~
^^ 老公你真係好好呀！今晚你既表現有95分!!!!! ^^ 有你呢個拍檔我真係好彩喇！
(傻瓜...你真係有事黎唔到我都無符架~ 我又點會唔放過你呢？今晚辛苦你了~)

從你地身上，我得到很多，謝謝你們！我愛你們每一個!!!!!!!!!!!!!!!!!!!!!!!!!


聽日約左好朋友去行街街...今次應該唔會甩底掛！^^

>>December 18, 2003 at 7:35:48 PM GMT+8

2003 年 12 月 17 日 星期三 【晴】

聖誕願望終於都實現左四分一
唔知其他既願望可唔可以實現到呢？

^^ last night好夜先訓....比要溫書既日子夜啦！
因為做緊自己想做好耐既野--執番整齊d files，
想執好耐喇！終於有時間做lu~不過執左成晚都only執左一半左右....
哈！要繼續努力！

今日去左同中同睇<真的戀愛了>
之前朋友同我講睇完會好想拍拖架！
攪到我鬼死咁驚...點知睇完...........
少少感覺都無，好彩！^^
戲既內容唔講啦，有d認同有d唔認同，唔明點解聖誕節要談戀愛.....
聖誕節唔係一個紀念耶穌基督出世既日子咩？
又唔明點解d感情可以咁快就培養到出黎...最多咪五個星期~
不過佢話「love actually is all around」都幾同意既......
嘩!!!!!入面d女仔好靚呀！(不過唔係d主角)
結婚果個同埋美國酒吧三姊妹都靚到出汁!!!!!
個男designer都唔錯，算係最型果個啦.....哈！
所以話世界上靚女多過靚仔係無錯既~ ^^

睇完戲又係照舊既頭痛啦....不過唔緊，一年得果幾次之嘛~
不過諗番少少戲既內容，同last night睇dvd既內容...真係有d頂唔順....
點解外國片好似特別多sex既場面既？開放都唔使咁呀？有d夾硬黎bor~
原來自己唔單只有social phobia，仲有sex phobia添！
點算呀？大car姐姐幫唔幫到我呀？哈~ 還是由得我自身自滅啦！^^

之後去食飯and行左一陣睇野.......then返屋企
^^ 買左杯軟雪糕，朱古力味，好好食呀！
而家7-11既軟雪糕轉左新形象....好似朵花咁，幾得意，
不過一路食住返屋企就有d白痴.....^^ 算啦，無人見到既~

返屋企就睇電視，越來越鍾意睇衝上雲霄!!!!!!!!!!!!!!!!!!!!!! ^^
仲有幾集，追埋佢先得！^^
其實都幾慘....希望Zoe無事啦........
之後就開始寫日記lu~
寫左好耐都未寫完...因為同左個好好好好好朋友chat....
^^ 佢今日考完試lu！恭喜晒！^^ 容許我煩你一晚咁多啦！哈哈~
又同左個以前成日鬧氣既朋友鬧咀...^^ 今次係我贏！YEAH!!!!
俾自己放假放到20/12，之後就做番野喇！

在SWK識到好多朋友，真係好開心，今日有個好朋友問左我少少意見....
見到佢咁就真係慘....好無奈，其實都唔係第一次喇......累就俾自己抖抖喇！
你地一定會好幸福快樂架！加油！辛苦既日子時間好快會過架喇~ ^^

有d野...唔好既回憶.....如果忘記唔到就好難有個新開始，
但係....對住呢d野，又唔想忘記，因為曾經經歷過.....
有d矛盾添！應該點做？>_<

>>December 17, 2003 at 5:29:53 PM GMT+8

2003 年 12 月 16 日 星期二 【晴】

我要好好反省自己
免得再害己害人！

唔止一次係咁...試過好幾次喇.......
吸收左之前既經驗...
事實話我聽唔可以再咁衝動、唔可以忽略現實因素，
人總要面對現實，縱使活在夢中的理想世界令人回味.......

係我既問題..我知道.....
缺點未改、傷口未癒、惡習一直持續....
琴晚溫完MD之後，更加知道唔可以繼續落去.....
我要先建立好自己...要OCD,PTAD等走晒先得....
我要反省！我要改過！

給自己兩年時間

>>December 16, 2003 at 5:14:26 PM GMT+8