2003 年 4 月 19 日 星期六 【晴】

"神祕的面紗"
自從非典型肺炎爆發之後，街頭巷尾都係五花八門的口罩，見到朋友都唔知有冇認錯人… 我不時會諗 : 究竟戴口罩係代表o的咩??!
每一次出街時我都會好猶豫 : 駛唔駛戴口罩呢? 遇見其他人時，大家都係用好奇怪的目光去望住對方　──
自從爆發SARS
人人戴上masks
港人不分class
戒煙改食Mars
小心地坐cars
唔敢去蒲bars
只要體格pass
SARS會成past!!
===================================================================================
口罩掩容顏
只剩一雙眼
你眼望我眼
怕被當賊扮
===================================================================================
沙官的“小馬”
昨晚睇抗炎節目時，見到前沙官校長馬紹良，佢係我中學校長。由於佢姓馬，所以我們以前好興稱呼佢做“小馬”哥。　無見兩年，嘩，估唔到佢依家已經升到做教統局首席助理秘書長，有得上電視講吓「偉論」！！唸番起佢就真係醒目啦，俾佢搵到個大靠山。邊個？之唔係李國章囉。當小馬哥仲只係沙官校長之時，佢已經埋左李國章堆，唔單只請李國章做校董會，後來開始幫佢搞I.T，轉眼間就升ｏ左幾級，真是快過坐火箭!! 不過我即刻諗起中大醫學院院長鍾尚志响電台曾經講過既一番說話，真係好發人深省。
對比之下，小馬哥就明顯地背道而馳了…


>>April 20, 2003 at 9:36:23 AM GMT+8

2003 年 4 月 18 日 星期五 【晴】

第一日返工 --- 騰騰震~~
今朝訓得五個鐘頭咋… 冇法啦，要起身返工。第一日返工，梗係唔想遲到啦，所以早成個半鐘出門口。點知原來賽馬日有好多班車，去到時早左五個字囉．．．
跟住有位supervisor同我們做briefing，仲要做一份測驗… 嚇死我們成班人!! 好彩做得唔好都冇所謂咋，因為份卷幾深架: 例如咩叫 正Q 副Q、鐵三角、披士… 呢的係投注術語，唔解釋都唔明佢代表咩。
之後就開始聽舊同事接電話，嘩，真的幾難喎，又要快又要好又要準，我一邊聽一邊試下入電腦，好多時都跟不上，總是一榻糊塗!! 冷氣又開得很大，簡直就「冷得我騰騰震呀~~」…
最後係不斷地撞板同講錯說話之情形下結束今日既「壯舉」。


>>April 20, 2003 at 4:08:03 AM GMT+8

2003 年 4 月 17 日 星期四 【晴】

準備返工
聽日開始第一日返馬會兼職，今晚就梗係要溫書啦 ! 隔了成十日，都有o的驚o架 : 擔心會好“騰晒雞”啦，又唔知道會遇到咩類型o既客戶… 唉… 總之就一舊雲咁!! 梗係唔想第一日返工就俾人鬧啦!! 依家唯一可以做既就是刨熟的資料，仲有今晚訓得好; 因為聽日要返九點三呀 ! 咁早，一定要保持頭腦清晰先至得喇…
希望聽日「開工大吉」啦!! 哈哈 …

等我依家出條題目考考大家啦 @_@
1) 樂壇有個組合叫做三T ，跑馬中既三T又係咩意思??? :p


>>April 18, 2003 at 2:22:56 PM GMT+8

2003 年 4 月 16 日 星期三 【晴】

今日詩興大發，提詩兩首，作品如下 :

“彭語錄”
我姓彭，
愛心爆棚，
偶像是肥彭，
鍾意睇盧海鵬，
小時花名叫肥彭，
長大之後變做瘦彭，
最希望陳太可以接棒，
做香港特首就ichiban!!!
===================================================================================
<< 特區超人──　送給摯愛的董太>>
老懵董妻叫董太
成日鍾意扮大牌
坐飛機要講氣派
A1 座位佢坐晒
董太做事高姿態
行動愛大搖大擺
公益慈善落力嗌
十字會長都做埋
探居民聲勢浩大
全副武裝去上街
眼耳口鼻遮住晒
深怕染病寧扮乖
臨走同人講拜拜
嚇壞老人同小孩
如今夫人撈過界
扮埋超人打妖怪!!! ~_~



>>April 17, 2003 at 12:20:51 PM GMT+8

2003 年 4 月 15 日 星期二 【陰】

如何改變自己火爆的性格???
今日一早起來，睇一睇個鐘，嘩，成九點喇，弊!! 九點半要上 P.E. 喎，實遲到啦!! 於是乎臨急臨忙咁用了兩個字梳洗同執野，之後就飛奔返學校 … 最後梗係遲到啦!! 不過九點九返到，已經好不容易架喇 … 好彩今堂只是溫習考試果o的範圍，同派筆記，做完 “晨操”，就繼續上堂。
下午中史堂提早放學，買了些少野食就返屋企，途中有個男子係度嗌「靚女」，附近又得我一個，我嚇一咗跳，我諗“唔係啩?! 我都算靚女? 有冇睇錯呀? 我仲戴住口罩，你咁都叫我做靚女?? 唔好開玩笑啦。佢淨係睇到我對眼咋喎…” 真係莫名其妙又好笑!! ^_^
返到屋企，可能因為有些累吧，見到四周有些污糟，竟然好火爆，無端端發阿媽脾氣。自己由細到大都係咁，小小事就亂發脾氣，但係好快就冇事，正式三分鐘熱度，好易「眼火爆」，但係又好快冷靜下來。真係唔知自己諗緊咩??!
見到同學開始溫習，真係好擔心自己呢個學期唔知會點… 科科都半桶水，冇科掂。鬼叫自己做事慢吞吞咩… 成日都係「臨急抱佛腳」!! 再者身體健康咁差，呢樣簡直就是我讀書要面對的一個大障礙 。唉… 唔得喇… 我會崩潰架… 點算好? 我希望可以由下星期日起開始溫習啦...


>>April 16, 2003 at 2:17:34 PM GMT+8

2003 年 4 月 14 日 星期一 【陰】

溜冰王子
今日一早返學校上 R.P，Jai sir 講話果然有一貫作風，不斷炮轟美國總統，佢仲講o左一些釣魚台歷史同生物學既知識，好似小強、小小強(蟑螂)。原來大陸果o的就細細隻，又大又識飛就係美國出產之 “優質” 產品。今堂真係充實!!!
接著Soci presentation，我果組講圍村男女不平等，因為準備幾充足，都幾得啦!!
下午一個人去了又一城溜冰場，見到一位人兄，穿綠色恤衫牛仔褲，一個人悠然自得咁係度溜冰。最吸引人的莫過於是佢會做出一連串 “騎呢” 動作，扮晒蟹咁打橫行，在人堆中穿插，仲要自己係度傻笑，都咪話唔攪笑!! 另外又俾我見到一個 「溜冰小王子」，佢之所以吸引唔係因為佢溜冰叻，而係因為佢個頂迷彩綠電單車頭盔仔，再加上兩隻 “牙簽腳”，又戴埋護膝，全副武裝，嘩，簡直係明日之星，魅力沒法擋!! ^_*


>>April 15, 2003 at 4:47:37 PM GMT+8

2003 年 4 月 13 日 星期日 【晴】

「沉淪、尋找」
今日上soci 堂時, 見到有個同學收到生日禮物, 唔知點解突然覺得好唔開心。個同學生日雖然過o左, 但都仲有人同佢慶祝, 反而自己牛一卻要响屋企發呆… 之後我成日係度諗 : 係唔係自己做錯事、講錯說話 ? 好似冇人重視自己咁… 點解「人有我冇」? 見到其他同學仔都一大班嘻皮笑臉好開心, 唯獨自己冇人理咁, 心情一沉…胡思亂想o左一大堆問題, 又覺得好似成日坐立不安, 心神恍惚咁… 我諗o的藥物令我坐唔定喇… 據悉呢個係有可能出現的副作用, 都冇辦法!! 不過亦因此令我十分困擾, 攪到我冇法子集中精神做功課。唉, 好辛苦呀… 點至可以唔再係咁??
===================================================================================
白羊座I (Mar25-Apr2) 小孩的一週

優點 坦白、真誠

缺點 衝動、太理想化

性格 長不大的小孩

白羊座I被稱作小孩的一週，正因為這星區的人個性像個小孩子，他直率天直，說話相當直接，正所謂「童言無忌」，有R陞y講R陞y。他的說話雖然有時直接得可怕，但至少他說的都是真心話。

對身邊的事物，充滿好奇心，對於新奇事物的接受能力很強，喜歡嘗試新事物，例如他會喜歡到最新開的餐廳試試，又或穿上最前衛的時裝。

在人際關係方面，他對人是相當熱情，不過不太懂得人情世故，有時得罪了別人也不知道。不過，他對朋友倒是十分忠誠，有義氣，朋友有難，一定仗義幫忙。白羊座I的朋友，絕對交得過。

白羊座I有很強的道德觀，是非黑白分明，如果他看見一些卑鄙行為，一定會挺身而出，永不向惡勢力低頭。

事業 坐唔定

白羊座I的人有很好的組織能力，很適合一些統籌工作，而且跟別人合作時，因為有一定的領導能力，所以別人都會依賴他，由他指揮的。

白羊座I充滿活力，可以做一些比較動態的工作，不用經常黏在辦公室座位上就最好，例如記者、經紀、推銷員、紀律部隊的行動組等。

愛情 童話式愛情觀

在愛情方面，白羊座I需要很大的個人空間和自由度，他的伴侶不能給他任何束縛，還需要有一定的幽默感，各自有自己的生活就最好。還有，他的愛情觀是十分童話式的，對愛情有不少不切實際的憧憬，甚至會追求柏拉圖式的戀愛。而且，白羊座I比較遲熟，跟其他人比較，年紀要較大一點時才會安定下來建立家庭。

都幾準確啦......
有興趣可到以下網址 : http://www.destinygarden.com/48.htm

>>April 14, 2003 at 2:18:26 PM GMT+8

2003 年 4 月 12 日 星期六 【晴】

「逆市疫症亦有情」
o尋晚睇完「星期六檔案」，再睇埋「同舟共勉香港心」，好感動之餘亦有些感慨；感動的就是令人重新感到「人間有情」──　特別係不屈不撓的醫護人員、仲有義不容辭的義工、盡心盡力的清潔人員．．．佢地依家打緊一場硬仗，簡直係生死決戰！好開心見到佢地唔單只幫助到病人，仲改變了佢地既人生觀──明白到有些事情是較錢、享樂、物質上的滿足重要．．．
無錯，就係竭盡所能去治療好病人！！甚至唔敢返屋企、唔敢約見朋友．．

但另一方面卻對於部分人的歧視眼光我亦很感慨　──　佢地十分自私、自負、自我，孤陋寡聞，胡亂將一些市民看成為病人一般，諸多排斥，好心喇，唔好咁短視啦！！＞＿＜呢個地球唔係得你一個人咋!!!


>>April 12, 2003 at 5:55:27 PM GMT+8

2003 年 4 月 11 日 星期五 【晴】

四面楚歌!!!
o尋晚老豆返到屋企，就即刻宣佈我地住緊果座樓有人「中招」．．．　噢．．．我的天！
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
　「自得其樂」　

　　阿魚做事慢吞吞，
　　鬼咁緊張兼認真，
　　有時做到失晒魂，
　　身形難免一條籐！

　　朋友仔，你地覺得ｏ岩唔ｏ岩？？
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

　　

>>April 12, 2003 at 4:52:51 AM GMT+8

2003 年 4 月 10 日 星期四 【陰】

收到一個電郵，很想同大家分享．．．

「我的志願是成為像董建華一樣的人」

我是一名新移民,我的志願是成為像董建華一樣的人.

從前,我和父母因為住公屋,所以常常被身邊的人看不起,
自從董建華上任後,我同學的爸爸媽媽也變成負資產了,
他們變成負資產後,他們再沒有看不起我們了.

而且,我爸爸從前很悶,因為爸爸說,政府很喜歡我們,所以我們不用上班,
每個月政府也會給我們錢,可是,爸爸每天留在家中實在太悶了,真可憐.
但自從董建華上任後,我們的鄰居很多也失業了,
現在爸爸每天也有人陪他打牌了,他也變得充實多了.

也因為董建華,我同學的爸爸送了很多東西的給我,
我問他為甚麼送這麼多東西給我,
他說:'因為董建華,我遲些要'破橙'了,就讓我在破橙前花光它好了.'
原來'破橙'就能買這麼多東西的,我長大後也要'破橙',也要買多些東西.

昨天我感到很高興,因為學校停課了,我開始放假了^^,
我問爺爺為甚麼,他說,因為老董上任,連天也看不過眼了,
所以病了很多人,死了很多人.全因董建華先生,我現在有假放了.

我長大後,也要成為董先生一樣出色的人,
老師說:"只要努力讀書,就可以成為有用的人.'
而爸爸說:'老董是沒有用的人.'
所以我要盡力不讀書,長大後成為像董先生一樣出色的人.

　　唉．．．多麼可悲．．．香港有今日，真係多得董伯伯唔少．．．
===================================================================================
To Shirley...
祝您生日快樂呀!! 祝您可以青春常駐、青出於藍、青靚白淨、仲有就梗係搵到個年青有為 o既男朋友啦!! ~~

>>April 11, 2003 at 12:29:21 PM GMT+8

我叫彭婉妤(音愚)，愚人節出生，花名叫阿魚，個名倒轉讀就係魚丸「嘭」（簡稱「魚棚」），國語讀作彭鯇魚，成日俾人瘀，最唔怕瘀！！ 廣告 讀者留言 |  路人留言   | Happy Birthday T >>April 1, 2007 at 11:32:04 AM GMT+8 唔洗覺得, 今本呢到就係一個養懶 >>March 18, 2007 at 3:59:28 AM GMT+8 你係咪沙官人?? >>March 15, 2007 at 1:14:02 PM GMT+8 路遙知馬力、日久見人心 >>March 12, 2007 at 4:22:51 AM GMT+8 你認識TVB記者林小珍嗎？ >>February 28, 2007 at 12:55:45 PM GMT+8 要做一個成功和身心健康的人,就唔 >>January 28, 2007 at 4:15:51 PM GMT+8 乜妳原來咁感性架,真係睇唔出 >>January 21, 2007 at 12:08:32 PM GMT+8 Lonely Lonely Ch >>December 22, 2006 at 3:42:39 PM GMT+8 <br>Love Paradi >>November 22, 2006 at 3:39:12 PM GMT+8 你張相係唔係在屯門拍的呀？ >>November 9, 2006 at 4:35:10 PM GMT+8 You take more re >>October 2, 2006 at 1:10:17 AM GMT+8 真係病就要請假啦，其他人係唔係都 >>September 30, 2006 at 8:39:57 AM GMT+8 很久沒有留言了！我太忘了！ <b >>September 28, 2006 at 4:08:22 PM GMT+8 我相信呢個世界上真的有好人存在的 >>September 14, 2006 at 5:00:52 PM GMT+8 Take care! >>September 14, 2006 at 1:39:06 PM GMT+8 Me too. <br> <br >>September 12, 2006 at 1:39:01 PM GMT+8 秋天 使我想起這首兒歌 <br> >>September 11, 2006 at 3:20:57 PM GMT+8 我對你有信心，你一定得架！ <b >>September 10, 2006 at 6:57:02 AM GMT+8 How are you toda >>September 7, 2006 at 1:31:21 PM GMT+8 送一首歌鼓勵妳！ <br> <b >>September 3, 2006 at 5:08:31 PM GMT+8 彭婉妤，振作呀！Don't gi >>September 3, 2006 at 11:10:02 AM GMT+8 Wei, long time n >>August 30, 2006 at 2:31:20 PM GMT+8 Yuen Yu, what is >>August 29, 2006 at 4:37:43 PM GMT+8 Why do you need >>August 27, 2006 at 12:24:18 PM GMT+8 I never dyed my >>August 27, 2006 at 12:22:24 PM GMT+8 雖然我唔係好清楚你做的工作性質， >>August 24, 2006 at 4:03:50 PM GMT+8 多謝你的回覆！ <br> <br >>August 24, 2006 at 4:00:33 PM GMT+8 呢張相係你剪左頭髮之後的照片嗎？ >>August 22, 2006 at 12:59:56 PM GMT+8 別灰心，我替你加油，打打氣！ < >>August 18, 2006 at 1:01:06 PM GMT+8 Where did you wo >>August 16, 2006 at 12:56:35 PM GMT+8 我都有看魔盜王2！不過我覺得好似 >>August 16, 2006 at 12:55:03 PM GMT+8 首你一首歌鼓勵你！ <br> < >>August 8, 2006 at 11:06:06 PM GMT+8 http://hk.geocit >>August 2, 2006 at 4:02:37 PM GMT+8 Wish you recover >>July 24, 2006 at 3:04:29 PM GMT+8 Hi! How are you? >>July 16, 2006 at 2:49:08 PM GMT+8 我很喜歡約翰衛斯理寫的這個故事， >>July 10, 2006 at 2:20:25 PM GMT+8 剛剛先得閒睇下你的日記，好想知你 >>July 8, 2006 at 6:13:44 AM GMT+8 你靚左好多呀！ >>July 4, 2006 at 3:34:44 PM GMT+8 原來你做左"負離子"!!!張相都 >>June 15, 2006 at 3:33:03 PM GMT+8 Do you go to chu >>June 13, 2006 at 3:34:19 PM GMT+8 做個朋友傾下計丫~ <br>上面 >>June 6, 2006 at 10:38:39 PM GMT+8 你好! 吾有緣在sina遇到你, >>May 27, 2006 at 5:20:27 AM GMT+8 Katie, <br> <br> >>May 22, 2006 at 3:20:25 PM GMT+8 Katie, 呢排公司都好忙呀， >>May 18, 2006 at 1:22:02 PM GMT+8 http://www.pbase >>May 14, 2006 at 7:21:33 AM GMT+8 Hello! Long time >>May 7, 2006 at 4:18:06 PM GMT+8 hello nice to me >>April 27, 2006 at 2:55:48 AM GMT+8 我在 sina 看到妳妳的檔案， >>April 18, 2006 at 5:22:44 AM GMT+8 Hello, I find yo >>April 17, 2006 at 3:40:54 PM GMT+8 Katie, 您好嗎！ <br> >>April 5, 2006 at 4:19:01 AM GMT+8

人氣: 39230

Design & Scripting by ShowHappy.Net