2003 年 6 月 21 日 星期六 【陰】

馬季煞科
今日係本季最後一次賽馬日，我十一點已經返左馬會，吃完午餐後準備下午既工作，要知道最後一日一定會勁多電話．．．好彩我提早左返去，因為十二點時忽然落大雨，人人都成身濕晒！
下午開工，電話果然係接二連三，連續不斷；尤其係開跑前十分鐘，嘩，簡直好似打仗咁，講唔停口，手唔停打字，又難怪既，馬會大肆宣傳，又送黃金，又有豐富既獎金，梗係喇，希望可以催谷投注額嘛！
唯一既獎勵就係如果做滿四個鐘或者以上就可以得到五十元額外獎金，所以辛苦都係有些少回報．．．
******************************************************************************************************
鄭師姐：雖然我未能親身來向您道別，不過我們對您既奉獻精神，您既堅毅勇敢，您既仁德仁心，深受感動，我對於有您這一位師姐覺得十分驕傲自豪！
您安息吧～～


>>June 24, 2003 at 5:20:06 AM GMT+8

2003 年 6 月 20 日 星期五 【雨】

禮拜六．冇節目
今日都係冇乜節目，最衰就因為落雨啦，攪到我乜晒心情出街！唯一做到既就係叫阿妹幫我剪頭髮，冇錯！係佢幫我剪頭髮！佢一向都有些天份，呢幾年大部分既髮型都係靠佢，令我慳番唔少理髮既錢！哈哈～～
*************************************************************************************************************************
肥肥人：希望你可以堅強一點，我知道呢個消息真係好唔開心呀，冇人想咁樣，我諗佢地唔會咁絕掛．．．唉，點都好，你要放鬆一些，唔好諗得太多喇，我地一定支持你架，你要撐住！


>>June 21, 2003 at 8:41:05 AM GMT+8

2003 年 6 月 19 日 星期四 【陰】

考試成績．．．
今日係學校出成績既日子，我都冇乜期望，但求有些進步已經好好了。不過因為通常前一晚就會知道，我於是等左好耐，但都唔見email有通知，結果成十一點半之後才有，好緊張呀！一打開睇睇，噢．．．都算係不過不失啦，唔駛re-exam,但係就有些失望,只得三科B ，一科B-，兩科主科仲慘，得C+！最慘就係，我考得最好既又係P.E，有A-，但係竟然non-credit架，激死我啦！＞＿＜
嗚～～本來以為有些科目可以考好一些，但結果卻令我跌眼鏡！唯有再接再厲，寄望下年啦．．．:~(


>>June 21, 2003 at 8:37:49 AM GMT+8

2003 年 6 月 18 日 星期三 【晴】

千金散盡還復來
今日出左去銅鑼灣取回上星期影既相，不過由於今日好熱，所以行得幾辛苦，汗流浹背，大汗疊細汗，勁不舒服！
今次輯相可以話係一個大突破，換上係以前既我就一定冇信心咁做。初時睇過輯相，有些不習慣見到自己呢個樣子，但是其他人就話影得不俗喎，唉，都唔知真定假！不過之後再睇睇都可以接受既．．．而我又有另一個考驗喇，因為又要用一筆錢去製作一些東西，金額之多令我為之側目，但係見到個製成品幾靚，心諗：算啦，豁出去，咪當長遠投資，希望「千金散盡還復來」啦！好彩之前儲備了一些錢以備不時之需，不過，今次真係可以話係傾家蕩產了！！因為旅行同今日既支出，我已經冇晒那些積蓄．．． >_<


>>June 20, 2003 at 12:13:23 AM GMT+8

2003 年 6 月 17 日 星期二 【晴】

鬆一口氣
今日要返馬會，本來諗住又要戴上個十分不舒服兼既口罩講電話投注，點知冇返一個星期工咋，呢個規定就取消左！好野！以後唔駛俾佢阻住晒，因為自從我返工開始都要戴住口罩，勁唔方便而且辛苦！終於可以光明正大咁見人，最好既就係無需要再俾口罩限制住講野，要知道戴住佢說話非常唔清楚，我地講得辛苦，客人亦聽得辛苦，何苦？
放工時又遇見一個大學同學、一個中學師弟，哈哈，乜咁ｏ岩既？>;-)　


>>June 18, 2003 at 11:47:31 PM GMT+8

2003 年 6 月 16 日 星期一 【晴】

只差一毫．．．
今日我一個人出左去新城市廣場，因為見難得天朗氣清嘛！落左雨成個星期，終於都雨過天晴喇，真係可喜可賀．．．中午經過興城酒樓，俾我見到一班沙官老師一齊飲茶，連我最既都係度，梗係要去打個招呼喇！佢地見到我都話我好左好多 , 3k (郭sir)仲話我「一定有問題！」真係俾佢笑死！
之後我去左商務書館買野，其實係因為我有張書券過左好耐都未用，今日俾我見到一個姆名既證件套好靚，於是特地回家拿書券再出去買左佢！但係張書券值五十元，個證件套只係廿四元，仲有廿六元剩下來，故此我要再買多幾樣物品，不過對於我這個猶豫不決既人來說，簡直係考驗！我足足行左個半鐘才決定買什麼，到俾錢時竟然係四十九點九元！！原來有把cutter有特價，便宜了六毫子！我既物品本來總值五十元五角，依家變成四十九點九元．．．我「呀」左一聲，不過冇所謂啦，只差一毫子．．．但那位收銀員都忍不住笑了出來！
又會咁既．．．^_^

>>June 18, 2003 at 6:24:13 AM GMT+8

2003 年 6 月 15 日 星期日 【雨】

小肥魚最新力作 ．．．哈哈～～

別怕SARS （原曲: 落錯車　 鄭秀文）

祈求全能上帝施恩看顧這維港
只因它已經極困倦
不斷堅持唯望沙士可不散播
重建鬧市的暢旺

若然面前尚有險阻應該怎做麼
專心對抗這次病禍
天上的雲如在一起揮手叫我
援助支持關懷孤寂中的我

＃面對SARS全憑得到上主的希望
如像感到了無比的暖光
就算悲傷灰心失落　或已完全無救助
全賴你引導協助過險阻
別怕SARS如明天會是等到了晴朗
明白到心中英雄只因祂的帶路
如仍煩躁 嘗試辦到
協力去禱告 別躁＃

目前未來就算許多挑戰縱然驚
聽一聽主的心聲
雖然不時盲目聽不到主見證
無懼怕仍堅持 失望終得勝

＃Repeat
****************************************************************************************************************************
最強的停止打嗝秘法 （唔知係真定假呢？）

一般人打嗝都要等很久才會消失, 讓人很痛苦，現在提供一種很快就能停止打嗝的方法供大家參考。

用一隻手的姆指使勁的去壓迫另一隻手的手掌中央，(左右手都沒有關係,用一隻手的姆指使勁的去壓迫另一隻手的手掌中央. 迫多次打嗝就會停止) 照書上說3分鐘內就會停止打嗝,但是有些人既經驗只要10幾秒打嗝就會自動停止,相當神奇。




>>June 16, 2003 at 3:35:01 AM GMT+8

2003 年 6 月 14 日 星期六 【雨】

一、進取型(生日日期︰1,5,8,10,14,15,17,23,25)

性格解構：

進取型的女子，大致上有以下的共通點：具有無比的獨立精神，
酷愛自由討厭受束縛。頭腦清晰，腦筋轉得快，是個解決棘手問
題的高手。喜歡追求刺激，甘於冒險，只要下定決心，就會排除
萬難達成目標。意志力強以及挑戰心旺盛，從不服輸。不過，較
易遇上一大問題：朋友雖然多，但敵人也多。有時又會出現大膽
行為，莽撞行事，令身邊的人大吃一驚，甚至會影響大局。




>>June 15, 2003 at 5:08:48 AM GMT+8

2003 年 6 月 13 日 星期五 【雨】

新嘗試
今朝天氣差得很，烈風暴雨，不單只雷電交加，仲掛起黃色暴雨警告，下午我要出旺角呢．．．點算好？
好彩場雨響中午前就停止了，真係感謝主！我一個人去左旺角，唔係行街，而是去一間Studio度影相呀!係咪好奇怪呢？今次係我第一次到這一類既地方影相，化了一個極厚既妝，最唔慣就係擺甫士，原來要擺得好睇係十分不容易架，又要自然又要角度好，嘩．．．企左成三個鐘頭，都咪話唔辛苦！！今次既費用非常貴呀，不過如果出來既效果好，咁都開心一點。至於目的為何？暫時賣個關子，容後再講啦！　哈哈～～


>>June 14, 2003 at 3:55:21 PM GMT+8

2003 年 6 月 12 日 星期四 【雨】

枷鎖
呢個星期上天不斷咁落大雨，好似係度幫我們沖走一些病毒；更加想減輕我們的傷痛，令我諗起有個廣告入面，有一位小孩講左句「希望在明天嘛！」冇錯，希望各位香港人都能夠加油，永不氣餒、永不言敗！
講番正題，今日我去左威爾斯覆診，當我呆若木雞地等左好耐時，忽然有兩位穿著制服既男士入黎，另外仲有一位十多歲的小子，最令我印象難忘既就係那小子雙手係用手銬鎖住，至於兩名男士就配備短棍在腰間，故此我相信佢地係懲教署人員，男孩就是在男童院服刑的。佢地一行過，眾人都議論紛紛，不過我就好同情佢，希望呢個世界既人唔好歧視或者對佢存有偏見啦．．．


>>June 13, 2003 at 2:32:43 PM GMT+8

我叫彭婉妤(音愚)，愚人節出生，花名叫阿魚，個名倒轉讀就係魚丸「嘭」（簡稱「魚棚」），國語讀作彭鯇魚，成日俾人瘀，最唔怕瘀！！ 廣告 讀者留言 |  路人留言   | Happy Birthday T >>April 1, 2007 at 11:32:04 AM GMT+8 唔洗覺得, 今本呢到就係一個養懶 >>March 18, 2007 at 3:59:28 AM GMT+8 你係咪沙官人?? >>March 15, 2007 at 1:14:02 PM GMT+8 路遙知馬力、日久見人心 >>March 12, 2007 at 4:22:51 AM GMT+8 你認識TVB記者林小珍嗎？ >>February 28, 2007 at 12:55:45 PM GMT+8 要做一個成功和身心健康的人,就唔 >>January 28, 2007 at 4:15:51 PM GMT+8 乜妳原來咁感性架,真係睇唔出 >>January 21, 2007 at 12:08:32 PM GMT+8 Lonely Lonely Ch >>December 22, 2006 at 3:42:39 PM GMT+8 <br>Love Paradi >>November 22, 2006 at 3:39:12 PM GMT+8 你張相係唔係在屯門拍的呀？ >>November 9, 2006 at 4:35:10 PM GMT+8 You take more re >>October 2, 2006 at 1:10:17 AM GMT+8 真係病就要請假啦，其他人係唔係都 >>September 30, 2006 at 8:39:57 AM GMT+8 很久沒有留言了！我太忘了！ <b >>September 28, 2006 at 4:08:22 PM GMT+8 我相信呢個世界上真的有好人存在的 >>September 14, 2006 at 5:00:52 PM GMT+8 Take care! >>September 14, 2006 at 1:39:06 PM GMT+8 Me too. <br> <br >>September 12, 2006 at 1:39:01 PM GMT+8 秋天 使我想起這首兒歌 <br> >>September 11, 2006 at 3:20:57 PM GMT+8 我對你有信心，你一定得架！ <b >>September 10, 2006 at 6:57:02 AM GMT+8 How are you toda >>September 7, 2006 at 1:31:21 PM GMT+8 送一首歌鼓勵妳！ <br> <b >>September 3, 2006 at 5:08:31 PM GMT+8 彭婉妤，振作呀！Don't gi >>September 3, 2006 at 11:10:02 AM GMT+8 Wei, long time n >>August 30, 2006 at 2:31:20 PM GMT+8 Yuen Yu, what is >>August 29, 2006 at 4:37:43 PM GMT+8 Why do you need >>August 27, 2006 at 12:24:18 PM GMT+8 I never dyed my >>August 27, 2006 at 12:22:24 PM GMT+8 雖然我唔係好清楚你做的工作性質， >>August 24, 2006 at 4:03:50 PM GMT+8 多謝你的回覆！ <br> <br >>August 24, 2006 at 4:00:33 PM GMT+8 呢張相係你剪左頭髮之後的照片嗎？ >>August 22, 2006 at 12:59:56 PM GMT+8 別灰心，我替你加油，打打氣！ < >>August 18, 2006 at 1:01:06 PM GMT+8 Where did you wo >>August 16, 2006 at 12:56:35 PM GMT+8 我都有看魔盜王2！不過我覺得好似 >>August 16, 2006 at 12:55:03 PM GMT+8 首你一首歌鼓勵你！ <br> < >>August 8, 2006 at 11:06:06 PM GMT+8 http://hk.geocit >>August 2, 2006 at 4:02:37 PM GMT+8 Wish you recover >>July 24, 2006 at 3:04:29 PM GMT+8 Hi! How are you? >>July 16, 2006 at 2:49:08 PM GMT+8 我很喜歡約翰衛斯理寫的這個故事， >>July 10, 2006 at 2:20:25 PM GMT+8 剛剛先得閒睇下你的日記，好想知你 >>July 8, 2006 at 6:13:44 AM GMT+8 你靚左好多呀！ >>July 4, 2006 at 3:34:44 PM GMT+8 原來你做左"負離子"!!!張相都 >>June 15, 2006 at 3:33:03 PM GMT+8 Do you go to chu >>June 13, 2006 at 3:34:19 PM GMT+8 做個朋友傾下計丫~ <br>上面 >>June 6, 2006 at 10:38:39 PM GMT+8 你好! 吾有緣在sina遇到你, >>May 27, 2006 at 5:20:27 AM GMT+8 Katie, <br> <br> >>May 22, 2006 at 3:20:25 PM GMT+8 Katie, 呢排公司都好忙呀， >>May 18, 2006 at 1:22:02 PM GMT+8 http://www.pbase >>May 14, 2006 at 7:21:33 AM GMT+8 Hello! Long time >>May 7, 2006 at 4:18:06 PM GMT+8 hello nice to me >>April 27, 2006 at 2:55:48 AM GMT+8 我在 sina 看到妳妳的檔案， >>April 18, 2006 at 5:22:44 AM GMT+8 Hello, I find yo >>April 17, 2006 at 3:40:54 PM GMT+8 Katie, 您好嗎！ <br> >>April 5, 2006 at 4:19:01 AM GMT+8

人氣: 39230

Design & Scripting by ShowHappy.Net