2003 年 9 月 10 日 星期三 【晴】

與眾不同的9 . 11


今年的9 . 11 可說是一個有雙重意義的日子。
在中國人而言, 今天係農曆八月十五中秋節, 可說是一個團聚的好日子, 而且月光是最大最圓最靚架, 一家大小又會去邊賞月邊吃月餅, 好不浪漫又高興!!!

然而, 在太平洋的另一方, 卻是世貿中心受襲後剛好兩周年。回憶起當時的情景, 真的猶如拍攝電影般, 太可怕太可悲了。。。我對於那一刻所發生的,仍然留有餘悸......
=============================================================================================================
我和幾米有個約會
今晚係中秋節, 我約左朋友去銅鑼灣食飯, 之後就去睇我期待已久既電影 --- 冇錯, 就係「向左走向右走」喇 !!!
這套戲好看嗎? 唔...我個人覺得不俗, 因為雖然佢加插了一些情節, 不過大多數係攪笑料, 我就覺得幾好笑喇, 雖說因此而增加了商業味, 減低了原來的藝術價值, 不過都算是唔錯喇...
回家時候發生了一段小插曲,話說上巴士時,因為分開了兩條隊, 所以上車時大家都爭先恐後, 互不相讓, 差點發生爭執, 幸好最後都相安無事, 但是當時既氣氛的確很僵...

今晚天氣真係好喇,可以見到那個咸蛋黃般的月光, 而且又睇到一套幾好既電影...唔, 希望呢個世界可以繼續好似今日咁美好就最好了!! ~~

>>September 13, 2003 at 1:40:49 PM GMT+8

2003 年 9 月 9 日 星期二 【晴】

好唔習慣...Zzz



昨天上兩個政治學既課程, 一個上四點半至六點半,另一個上六點半王八點半 , 可能因為今朝太早起來去補牙啦, 之後又要去交grant loan form, 頻頻撲撲, 所以下午都有些累, 上堂時勁打瞌睡...Ooo
上完第一堂,又要即刻跑去上第二堂, 呢堂仲慘,因為有exchange students既關係, 所以一定要講英文, 不過有一個男仔既exchange student, 佢好有型架, 除左靚仔之外, 上堂時候仲開著本notebook, 邊聽課邊打notes, 嘩, 真是大開眼界呢!!
==================================================================================================================
返馬會
今晚係放完暑假之後第一次返工, 除左多了一些新人之外, 仲四處都係賭波既資料, 我由於太耐冇返,所以都有些生疏, 又口窒窒, 好彩都仲記得大部分既方法, 不過都有些怯, 而且時間又長, 簡直好像渡日如年咁, 講到口都乾, 仲有些喉嚨痛添!!!!!!
所以馬會雖然人工較高,不過都唔易做架...

>>September 10, 2003 at 5:55:43 PM GMT+8

2003 年 9 月 8 日 星期一 【晴】

補牙+ 得償所願


今朝一早去左西環睇牙醫, 佢幫我補左兩隻牙,不過都幾辛苦架,我之後都忍不住要食兩粒止痛藥,才慢慢好轉咋。食完午餐之後我就住地鐵去左長沙灣交Grant loan接受貸款既表格, 我早到左,所以企響門口等左一陣, 之後再等左十五分鐘就完成晒所有程序喇, 真係破紀錄地快!!!

下午返學校上兩科共四堂 ,都係有關Politics既科目, 之前竟然知道左一個好消息, 哈哈...好開心呢...我都係試一試咋,估唔到得左喎 ~~ 好野 ^o^


>>September 10, 2003 at 4:37:44 AM GMT+8

2003 年 9 月 7 日 星期日 【綿綿細雨】

一個意外的消息


今日第一次上Dr.Chung 既堂,佢係我們中研地理第一屆既畢業生, 即係我們既大大大師兄, 負責教Regional geography既。佢都幾靚仔架, 又年輕有為呢... ^^,
佢係我們明年Field trip既領隊, 佢同我地講, 由於今年既清華大學普通話班,因為SARS事件延遲左, 所以我們明年既Field trip 都要順延至五月尾考試過後既時間, 以便有足夠人手喎...
對於我來說,梗係唔係太好啦, 因為我們六月中又要返北京清華大學讀普通話, 兩個trip時間差不多, 都咪話唔辛苦呀!!!
不過, 比較起來,今年既field trip看來會幾精彩,因為Dr.Chung打算去馬來西亞或者南韓,兩處都係幾好玩既國家, budget呢...就大概四千多元。
雖然日期改左, 不過唔緊要喇, 只要好玩就得架喇,希望一切如願以償啦~~

>>September 8, 2003 at 5:58:29 AM GMT+8

2003 年 9 月 6 日 星期六 【乍寒還暖】

出左GRANT LOAN啦 + 業餘水喉技工


昨晚收到GRANT LOAN既結果, 可能因為我上年入左醫院, 又有病歷證明, 所以批左多些貸款,仲幾多添...不過助學金都係同以前差不多咋, 唉, 都冇法... 借多些又要還多點, 阿媽仲話不如唔好借添, 但是唔借又...都係借左先啦... 唯有努力吧 !

今晚屋企既洗手盆堵塞左, 我見到咁, 就諗住拆左條喉黎清理一下啦, 不過我實在係太業餘既水喉技工, 結果...就攪到...唔識得砌回原形 !! 哈哈...唯有等待我老豆回家後才收拾呢個爛攤子啦~~~~~~

>>September 7, 2003 at 3:19:52 PM GMT+8

2003 年 9 月 5 日 星期五 【綿綿細雨】

唱足五小時!!


今朝第一次返普通話中級班既課堂, 一共有十六人上堂呀, 今年第一堂, 老師就要我們用五分鐘時間準備, 之後用普通話講三分鐘說話... 嘩... 第一日上堂就咁啦, 好淆底...>_<
今堂都幾攪笑呀, 而且仲有一個英文系既女仔add左我們呢班添,佢細細粒架, 幾得意!!
之後就出左去銅鑼灣,因為約左兩個朋友唱K呀 。但今次既組合有些奇怪既, 因為其他兩個朋友只識得我, 佢地係唔識架, 開始時大家都有些唔自然, 不過過左一陣佢地就開始交談, 傾下傾下竟然傾起生意喎...哈哈...笑死我呢...我仲忽然覺得自己好勁, 竟然拉攏左兩個人傾生意喎!! 好意外...呵呵^o^
今次去加洲紅GREEN BOX, 由下午三點鐘開始, 佢地又唔會趕走我們喎,結果唱到成八點至走, 足足唱左五個小時。唱到把聲都沙埋!! 不過我們覺得好抵玩同好夠喉囉~~
唱完就去左紅螞蟻餐廳食飯, 到十時半左右就返屋企喇, 今日成日笑話百出,令我笑到面部肌肉都好累!!

>>September 7, 2003 at 2:53:47 PM GMT+8

2003 年 9 月 4 日 星期四 【微雨】

九龍蘭桂坊~~


今日只要上兩堂 , 由下午四點半上到六點半, 之後就約左一位朋友去尖沙咀食飯, 佢帶我去左諾士弗台度食野, 坦白講, 我咁耐都係第一次去果度咋... :P
好一個大鄉里出城!! ~~

我們到達時已經八點鐘喇, 由於較晚了, 所以原本打算去既餐廳暫時滿座, 於是改為去另一間意式餐廳喇...我們睇左個餐牌好耐都毫無頭緒, 因為張牌... 太長太多字啦 !!! 結果我們問侍應有何好介紹, 佢建議可試試牛排同龍蝦意粉...
我們見到個賣相都已經覺得不錯喇, 味道就更加OK啦!!! 真的不錯,幾好味呢...;P
食飽飽過後, 我就返屋企啦...因為明天要上普通話堂,九點半至十二點半...
唉...三小時不停止一站式課堂啊... >_<


>>September 7, 2003 at 7:12:51 AM GMT+8

2003 年 9 月 3 日 星期三 【微雨】

暈陀陀 @_@


今朝起身暈陀陀
不過一早要上堂
唯有靠意志去擋
提起精神到落堂
=========================================================================================================
升左級??
今朝上完普通話堂,老師叫了我與其餘五位同學留下來 , 原來我們在昨天既筆試中表現較好, 所以可以升讀中級班, 不過要星期六早上返學呀... 哎呀...今個sem 又少左一個早上既休息時間喇...Ooo
仲有呀, 老師想找一個人做「班長」喎...我們本來有班代表既不過佢又成日玩失蹤...結果有人叫我去做喎,咁我咪是但囉... 自從小學之後都好少聽到班長呢個名啦...現在聽來, 覺得好攪笑呀~~
呵呵...我竟然做左班長?!

經過多番頻頻撲撲, 終於都攪掂左個時間表...
好開心呀,因為今個sem有兩日day off !! 星期三、四都唔駛返學 !! 雖然星期六早上返半日,不過都幾滿意架喇...yeah~~

>>September 4, 2003 at 8:53:36 AM GMT+8

2003 年 9 月 3 日 星期三 【乍寒還暖】

原來係呢首歌... 哈哈 ^^


家有小熊 (Fancl 廣告歌) 梁詠琪

長年住在我家　小小一個家
小熊像不說話　
日夕亦共伴上學上路　
上盡也在秘密對話

過去這戴眼鏡少女一針一針去 細緻親手製造你
每次我洩氣　垂頭哭泣中多得你可一起緊皺著眉
最愛每晚與你分析他一切　我說多少有運氣
你或有點生氣　擔心不可再去分半張被
常熊抱　燈熄了開心傷心都細訴
白毛毛　漆黑中起舞當世界睡了 定會在暗中給我去禱告

長年住在我家　小小一個家
小熊像不說話　
伴著做運動 我若笑吧 你亦笑吧
長年住在我家　小小一個家
小熊像不說話　
日夕亦共伴上學上路　上盡也在秘密對話

過去這戴眼鏡少女一針一針去細緻親手製造你
每次你破相仍然花心機修補你　ＤＩＹ很有趣味
最愛每晚與你分析他一切　我說多少有運氣
你令我有福氣　天天督促我要比昨天美
常熊抱　燈熄了開心傷心都細訴
白毛毛　漆黑中起舞當世界睡了　定會在暗中給我去禱告

>>September 4, 2003 at 8:22:06 AM GMT+8

2003 年 9 月 2 日 星期二 【溫暖】

第一日返學


最討厭剛剛開學的日子!!! 因為要改科!! 好煩!! +_+
昨晚既"杜鵑"風來去匆匆, 今朝天文台已經除下所有風球, 不過我為左要add科, 所以都要一早返去學校。
一早起來個人未訓醒, 所以仲係發緊夢, 遊晒魂...Zzz
由於我要找教授簽名add位,所以去左10樓既GIS lab度等,不過佢唔得閒,我唯有改左其他科目先, 之後再補番,前後來回左兩次...
12點半就上普通話堂, 今日第一日上堂就要測驗喇,有聽寫練習,分辨四聲,填拼音,填"聲母,韻母"等等既task, 嘩,我由小學讀過到依家,隔左成十年冇讀喇, 所以都幾生疏呀...不過算數啦,又唔係計分既,所以都冇所謂啦~~
之後就要每人用國語介紹自己,各人都講得好攪笑囉~~

返到屋企,就不斷地打掃,因為昨晚打風好勁呀,將垃圾吹到周圍都係, 又多灰塵喎,好污穢...>_<


>>September 4, 2003 at 3:10:58 AM GMT+8

我叫彭婉妤(音愚)，愚人節出生，花名叫阿魚，個名倒轉讀就係魚丸「嘭」（簡稱「魚棚」），國語讀作彭鯇魚，成日俾人瘀，最唔怕瘀！！ 廣告 讀者留言 |  路人留言   | Happy Birthday T >>April 1, 2007 at 11:32:04 AM GMT+8 唔洗覺得, 今本呢到就係一個養懶 >>March 18, 2007 at 3:59:28 AM GMT+8 你係咪沙官人?? >>March 15, 2007 at 1:14:02 PM GMT+8 路遙知馬力、日久見人心 >>March 12, 2007 at 4:22:51 AM GMT+8 你認識TVB記者林小珍嗎？ >>February 28, 2007 at 12:55:45 PM GMT+8 要做一個成功和身心健康的人,就唔 >>January 28, 2007 at 4:15:51 PM GMT+8 乜妳原來咁感性架,真係睇唔出 >>January 21, 2007 at 12:08:32 PM GMT+8 Lonely Lonely Ch >>December 22, 2006 at 3:42:39 PM GMT+8 <br>Love Paradi >>November 22, 2006 at 3:39:12 PM GMT+8 你張相係唔係在屯門拍的呀？ >>November 9, 2006 at 4:35:10 PM GMT+8 You take more re >>October 2, 2006 at 1:10:17 AM GMT+8 真係病就要請假啦，其他人係唔係都 >>September 30, 2006 at 8:39:57 AM GMT+8 很久沒有留言了！我太忘了！ <b >>September 28, 2006 at 4:08:22 PM GMT+8 我相信呢個世界上真的有好人存在的 >>September 14, 2006 at 5:00:52 PM GMT+8 Take care! >>September 14, 2006 at 1:39:06 PM GMT+8 Me too. <br> <br >>September 12, 2006 at 1:39:01 PM GMT+8 秋天 使我想起這首兒歌 <br> >>September 11, 2006 at 3:20:57 PM GMT+8 我對你有信心，你一定得架！ <b >>September 10, 2006 at 6:57:02 AM GMT+8 How are you toda >>September 7, 2006 at 1:31:21 PM GMT+8 送一首歌鼓勵妳！ <br> <b >>September 3, 2006 at 5:08:31 PM GMT+8 彭婉妤，振作呀！Don't gi >>September 3, 2006 at 11:10:02 AM GMT+8 Wei, long time n >>August 30, 2006 at 2:31:20 PM GMT+8 Yuen Yu, what is >>August 29, 2006 at 4:37:43 PM GMT+8 Why do you need >>August 27, 2006 at 12:24:18 PM GMT+8 I never dyed my >>August 27, 2006 at 12:22:24 PM GMT+8 雖然我唔係好清楚你做的工作性質， >>August 24, 2006 at 4:03:50 PM GMT+8 多謝你的回覆！ <br> <br >>August 24, 2006 at 4:00:33 PM GMT+8 呢張相係你剪左頭髮之後的照片嗎？ >>August 22, 2006 at 12:59:56 PM GMT+8 別灰心，我替你加油，打打氣！ < >>August 18, 2006 at 1:01:06 PM GMT+8 Where did you wo >>August 16, 2006 at 12:56:35 PM GMT+8 我都有看魔盜王2！不過我覺得好似 >>August 16, 2006 at 12:55:03 PM GMT+8 首你一首歌鼓勵你！ <br> < >>August 8, 2006 at 11:06:06 PM GMT+8 http://hk.geocit >>August 2, 2006 at 4:02:37 PM GMT+8 Wish you recover >>July 24, 2006 at 3:04:29 PM GMT+8 Hi! How are you? >>July 16, 2006 at 2:49:08 PM GMT+8 我很喜歡約翰衛斯理寫的這個故事， >>July 10, 2006 at 2:20:25 PM GMT+8 剛剛先得閒睇下你的日記，好想知你 >>July 8, 2006 at 6:13:44 AM GMT+8 你靚左好多呀！ >>July 4, 2006 at 3:34:44 PM GMT+8 原來你做左"負離子"!!!張相都 >>June 15, 2006 at 3:33:03 PM GMT+8 Do you go to chu >>June 13, 2006 at 3:34:19 PM GMT+8 做個朋友傾下計丫~ <br>上面 >>June 6, 2006 at 10:38:39 PM GMT+8 你好! 吾有緣在sina遇到你, >>May 27, 2006 at 5:20:27 AM GMT+8 Katie, <br> <br> >>May 22, 2006 at 3:20:25 PM GMT+8 Katie, 呢排公司都好忙呀， >>May 18, 2006 at 1:22:02 PM GMT+8 http://www.pbase >>May 14, 2006 at 7:21:33 AM GMT+8 Hello! Long time >>May 7, 2006 at 4:18:06 PM GMT+8 hello nice to me >>April 27, 2006 at 2:55:48 AM GMT+8 我在 sina 看到妳妳的檔案， >>April 18, 2006 at 5:22:44 AM GMT+8 Hello, I find yo >>April 17, 2006 at 3:40:54 PM GMT+8 Katie, 您好嗎！ <br> >>April 5, 2006 at 4:19:01 AM GMT+8

人氣: 39229

Design & Scripting by ShowHappy.Net