2003 年 7 月 11 日 星期五 【晴】

好熱好悶......　Ooo
今日好累，所以冇心情出街．．．今晚終於可以取回日本之行既相喇，好野！
****************************************************************************************************************************
睇相記
今日我望穿秋水，終於可以睇番日本旅行既相喇，我等到夜晚十一點半才正式取回它們，因為我托我老豆幫忙晒相，點知勁耐先至拿得到．．．＞＿＜
大部分既相都幾好啦，不過今次始終係自由行，顧住影風景又忽略了自己，所以有些會變了大風景、小人物，效果非常有趣！


>>July 15, 2003 at 11:40:08 PM GMT+8

2003 年 7 月 10 日 星期四 【晴】

汀九車禍


汀九車禍　奪命極多
巴士失控　墮下山坡

良師盡責　命卻坎坷
死神降臨　無力抵抗
　　
陰陽相隔　天各一方
學生痛哭　懷念上課

母失孩兒　悲慟無助
天災人禍　誰能阻擋？

>>July 12, 2003 at 12:54:20 AM GMT+8

2003 年 7 月 9 日 星期三 【晴】

鴻運當頭　^_^
今日下午約左個朋友食下午茶，於是出左去銅鑼灣，之後就坐船返尖沙咀買點東西，不過，唔知點解，竟然連續有兩個人問我有冇興趣做模特兒喎，一個係中年既女士，佢話幫佢公司做細碼衫既試身員，嘩，當我傻架，警訊都成日叫我們小心這一類既街頭騙案啦！另一個係一位妹妹仔，佢雖然貌似廿歲但佢同我講，佢只得十六歲咋，佢不斷慫恿叫我留下電話，唉，我反而擔心佢唔知會否俾人搵笨．．．我係咪好傻呢？

>>July 10, 2003 at 5:42:53 PM GMT+8

2003 年 7 月 8 日 星期二 【晴】

又繼續訓 ．．．　Zzz
今日同昨天一樣，又係不斷訓覺！雖然昨晚我已經因為好累，十一點半就訓左，仲要係一覺訓到第二朝八點，但係都好似未訓飽咁，於是下午再訓過！今日又訓左三個鐘呀～～攪到自己成隻豬咁，淨係識食同訓！

>>July 10, 2003 at 12:01:50 AM GMT+8

2003 年 7 月 7 日 星期一 【晴】

夏日炎炎正好眠　＠＿＠
昨晚返到屋企都成半夜十二點鐘，接著又要收拾物品又耍沖涼，結果成三點先訓！所以今日好累好眼訓呀。而返回香港之後最唔適應就是酷熱既天氣，又濕又熱，所以好眼訓．．．結果下午訓左約四個鐘，嘩，真是好舒服啊～～

>>July 10, 2003 at 12:12:13 AM GMT+8

2003 年 7 月 6 日 星期日 【雨】

第八天 －　築地魚市場 + 秋葉原電器街
轉眼間又到最後一日啦，今日都係去左魚市場買了些元貝乾、零食、同埋一些包裝蔬果等等，下午則去了秋葉原電器街睇樂器同埋買電器，大概三點左右就坐火車去機場。最唔方便既就係今日落雨，令我們狼狽不堪．．．

雖然我們已經壓制自己唔好不斷買野，不過最終都係抽左成袋手信返香港．．．　：Ｐ
今次真是玩得十分十分高興呢！　　^O^



>>August 16, 2003 at 11:38:18 PM GMT+8

2003 年 7 月 5 日 星期六 【晴】

第七天 － 原宿 + 池袋 + 上野 + 淺草 大搜查
話咁快就已經到左第七日喇！今、明兩日都係購物時間，但是大部分都係要幫朋友買東西！嗚．．．慘　＞＿＜
首先去左原宿睇左一陣，果然有些衣著打扮極為出位既年輕人在神宮橋聚集，佢地我行我素，別出心裁咁打扮得好時尚，睇見都呆左！接著我們由於肚餓，所以決定買了一些食物吃，有雜菜雞蛋煎餅、仲有我們找尋了很久的「八厘米大八爪魚丸」！！估唔到會咁好彩，竟然會搵得到，唔．．．好好味呀！
下午去池袋睇漫畫店，仲有去上野搵下波鞋，因為我想買對新波鞋！不過都係無功而回。之後又去左淺草，那裡是一處蘊含日本傳統特色既地方，充滿古代日本既色彩，有好多日本摺紙、手袋、掛飾、小食．．．以供選購，最好味就是一種叫做「人形燒」既日式紅豆燒餅，好像以前八佰伴既方式，新鮮製造，香噴噴，熱烘烘，鬆軟美味。
晚上我們去左一間魚生店食４９０yen 既魚生飯，其實第一晚已經想去食，不過由於我們遲了一步，故此今晚堅決要吃到它的飯才滿足！味道果然不俗啊．．．簡直平靚正！

>>August 16, 2003 at 11:39:28 PM GMT+8

2003 年 7 月 4 日 星期五 【晴】

第六天 － 十分好玩既吊椅 + 大雪山峭壁 + 小樽美景 + 極品壽司
早上去左坐吊車上大雪山「黑岳」，之後就再坐一種名為「吊椅」既東西更上一層樓，我們睇書介紹時經已說是十分好玩，到親身體會後更加迷上了呢種玩意！雖然冇安全帶，不過絕不危險，因為離開地面不高，只要我們安定地坐在椅子上，佢就會慢慢移動，全程約十五分鐘喇，我覺得好正呀，因為真係好無拘無束，勁爽勁舒服！原來由山上望下去，真是非常壯觀呢，那些大雪山峭壁既天然又細緻，我見到好多斷層，好開心呀～～因為可以學以致用！
早上上完山，下午就下海，我們去左小樽，那裡是一處渡假勝地，由於在海邊，故此海產新鮮又肥美，我們在那裡品嚐了五色雪糕（綠茶、朱古力、牛奶、芒果、薰衣草），最特別就梗係連薰衣草味既雪糕都有喇，味道如何？唔．．．幾特別啦！
夜晚我們去了一間非常出名既「政」壽司店吃飯，那裡的壽司簡直係頂級好味！那些魚生新鮮程度就如剛剛切出來一般，唔．．．非常非常好味呀～～～～～～

>>July 23, 2003 at 5:33:30 AM GMT+8

2003 年 7 月 3 日 星期四 【晴】

第五天 －　美瑛單車漫遊 + 富良野薰衣草 + 極速狂奔 + 層雲峽浸溫泉
今日既活動可謂十分大運動量，一早離開左民宿之後就去左美瑛踩單車，日本既單車果然新兼靚，又容易控制，我們三人沿著附近既山坡踩上去，原來都幾斜幾辛苦架，邊踩邊喘氣，加上我又好耐冇試過踩單車，所以特別累。
下午坐一架好靚既火車去富良野，車廂內佈置得好像一間茶座，加上鮮花點綴，原來只有優先訂座既才能坐這班車架，所以我們好開心呀！
第一次親身近距離接觸薰衣草，嘩，真係非常十分美麗！不過我們只能逗留五分鐘左右，因為要趕去搭車往溫泉酒店，殊不知列車時間表原來改左，令我們大失預算，最終錯過左班車，下一班則要一小時以後，唉，好慘！我們為了趕車，跑左一大段路，仲辛苦過早上踩單車，但結果．．．嗚嗚！
因為遲左一班車，所以要九點鐘至食晚飯，我們由於太肚餓喇，所以將所有食物吃清光！今餐有日本牛肉火鍋呀，好正，好好味！　：ｐ
跟住又浸溫泉，唔，初時有些熱，不過慢慢就習慣左，而且因為太疲倦，所以浸完之後勁舒服啊～～


>>July 23, 2003 at 6:44:40 AM GMT+8

2003 年 7 月 2 日 星期三 【晴】

第四天 －　北海道之登別　+　狸小路
昨晚係人生第一次坐通宵火車，目的地係去北海道，雖然係殘了一點，不過張軟座椅可以較低變成張臥床咁，算係咁啦，有得訓已經好過冇！
一到步就轉車去登別睇大灰熊，我們餵食物給牠們吃，好攪笑！下午就去了登別伊達時代村參觀，裡面有忍者表演啦，又有日本傳統人物（和服女子、劍客等等）同我們影相，最攪鬼既就係一間「鬼屋」，裡面不單止唔恐怖，我們成班人仲笑到肚痛，因為實在太低Ｂ喇！那些所謂機關真係．．．笑掉大牙！
晚上我們去左一間位於薄野市既民宿居住，附近有一條街道叫做狸小路，其實就好似一條購物大道一般，嘩，見到好多好正既魚生呀，於是我們便去左一間有榻榻米既壽司店食飯，不過今餐我十分不智地選擇了一碗納豆飯，那些納豆有好強烈既酒味，好像話係一些經過發酵既黃豆，但是非常．．．難食！食到我有些反胃．．．：ｐ
臨回家前我們又去了附近既電視塔睇佢既夜景，確實很美啊～～另外又俾我們好好彩地用超值價錢買到北海道名產-----白之戀人！哈哈，勁好彩呢！

>>July 10, 2003 at 5:14:37 PM GMT+8

我叫彭婉妤(音愚)，愚人節出生，花名叫阿魚，個名倒轉讀就係魚丸「嘭」（簡稱「魚棚」），國語讀作彭鯇魚，成日俾人瘀，最唔怕瘀！！ 廣告 讀者留言 |  路人留言   | Happy Birthday T >>April 1, 2007 at 11:32:04 AM GMT+8 唔洗覺得, 今本呢到就係一個養懶 >>March 18, 2007 at 3:59:28 AM GMT+8 你係咪沙官人?? >>March 15, 2007 at 1:14:02 PM GMT+8 路遙知馬力、日久見人心 >>March 12, 2007 at 4:22:51 AM GMT+8 你認識TVB記者林小珍嗎？ >>February 28, 2007 at 12:55:45 PM GMT+8 要做一個成功和身心健康的人,就唔 >>January 28, 2007 at 4:15:51 PM GMT+8 乜妳原來咁感性架,真係睇唔出 >>January 21, 2007 at 12:08:32 PM GMT+8 Lonely Lonely Ch >>December 22, 2006 at 3:42:39 PM GMT+8 <br>Love Paradi >>November 22, 2006 at 3:39:12 PM GMT+8 你張相係唔係在屯門拍的呀？ >>November 9, 2006 at 4:35:10 PM GMT+8 You take more re >>October 2, 2006 at 1:10:17 AM GMT+8 真係病就要請假啦，其他人係唔係都 >>September 30, 2006 at 8:39:57 AM GMT+8 很久沒有留言了！我太忘了！ <b >>September 28, 2006 at 4:08:22 PM GMT+8 我相信呢個世界上真的有好人存在的 >>September 14, 2006 at 5:00:52 PM GMT+8 Take care! >>September 14, 2006 at 1:39:06 PM GMT+8 Me too. <br> <br >>September 12, 2006 at 1:39:01 PM GMT+8 秋天 使我想起這首兒歌 <br> >>September 11, 2006 at 3:20:57 PM GMT+8 我對你有信心，你一定得架！ <b >>September 10, 2006 at 6:57:02 AM GMT+8 How are you toda >>September 7, 2006 at 1:31:21 PM GMT+8 送一首歌鼓勵妳！ <br> <b >>September 3, 2006 at 5:08:31 PM GMT+8 彭婉妤，振作呀！Don't gi >>September 3, 2006 at 11:10:02 AM GMT+8 Wei, long time n >>August 30, 2006 at 2:31:20 PM GMT+8 Yuen Yu, what is >>August 29, 2006 at 4:37:43 PM GMT+8 Why do you need >>August 27, 2006 at 12:24:18 PM GMT+8 I never dyed my >>August 27, 2006 at 12:22:24 PM GMT+8 雖然我唔係好清楚你做的工作性質， >>August 24, 2006 at 4:03:50 PM GMT+8 多謝你的回覆！ <br> <br >>August 24, 2006 at 4:00:33 PM GMT+8 呢張相係你剪左頭髮之後的照片嗎？ >>August 22, 2006 at 12:59:56 PM GMT+8 別灰心，我替你加油，打打氣！ < >>August 18, 2006 at 1:01:06 PM GMT+8 Where did you wo >>August 16, 2006 at 12:56:35 PM GMT+8 我都有看魔盜王2！不過我覺得好似 >>August 16, 2006 at 12:55:03 PM GMT+8 首你一首歌鼓勵你！ <br> < >>August 8, 2006 at 11:06:06 PM GMT+8 http://hk.geocit >>August 2, 2006 at 4:02:37 PM GMT+8 Wish you recover >>July 24, 2006 at 3:04:29 PM GMT+8 Hi! How are you? >>July 16, 2006 at 2:49:08 PM GMT+8 我很喜歡約翰衛斯理寫的這個故事， >>July 10, 2006 at 2:20:25 PM GMT+8 剛剛先得閒睇下你的日記，好想知你 >>July 8, 2006 at 6:13:44 AM GMT+8 你靚左好多呀！ >>July 4, 2006 at 3:34:44 PM GMT+8 原來你做左"負離子"!!!張相都 >>June 15, 2006 at 3:33:03 PM GMT+8 Do you go to chu >>June 13, 2006 at 3:34:19 PM GMT+8 做個朋友傾下計丫~ <br>上面 >>June 6, 2006 at 10:38:39 PM GMT+8 你好! 吾有緣在sina遇到你, >>May 27, 2006 at 5:20:27 AM GMT+8 Katie, <br> <br> >>May 22, 2006 at 3:20:25 PM GMT+8 Katie, 呢排公司都好忙呀， >>May 18, 2006 at 1:22:02 PM GMT+8 http://www.pbase >>May 14, 2006 at 7:21:33 AM GMT+8 Hello! Long time >>May 7, 2006 at 4:18:06 PM GMT+8 hello nice to me >>April 27, 2006 at 2:55:48 AM GMT+8 我在 sina 看到妳妳的檔案， >>April 18, 2006 at 5:22:44 AM GMT+8 Hello, I find yo >>April 17, 2006 at 3:40:54 PM GMT+8 Katie, 您好嗎！ <br> >>April 5, 2006 at 4:19:01 AM GMT+8

人氣: 39231

Design & Scripting by ShowHappy.Net