2003 年 8 月 23 日 星期六 【雨】

掛三號風球呀!!


上天好衰架！打風， 又落大雨．．．
今日由於有颱風逼近，故此成日都橫風橫雨，屋企簡直三百六十度大反轉！
由於吹西南風，所以屋企好有「食力」，食正西南季候風，結果連走廊既沙塵垃圾等等既物品通通吹左入屋，門口就更加好似拍鬼片咁，又開又關，嚇死我啦！！！
最慘就係屋企既擺設都吹到七零八落，成日要走去執番，做埋清潔阿嬸不特止，仲要撲來撲去，霹靂啪喇，陣風仲吹得呼呼作響咁，嘩，唔駛咁落力、咁搏命卦？　：ｐ

希望快些雨過天晴啦．．．尤其係星期二之後．．．因為唔想迎新營掃興啊～～

>>August 24, 2003 at 7:13:48 PM GMT+8

2003 年 8 月 22 日 星期五 【晴】

好夠薑！！


近幾天家中都充斥住好濃烈既薑味，因為我阿媽買左大量既薑，用來做乜？原來係用來煲薑醋啊～～
我大家姐臨盆在即，預產期在十月初，仲有一個月左右咋，所以我阿媽要準備定好多既薑，原來要準備好都唔容易架，又要刨走晒ｄ皮，再晒乾佢地，成為表面乾乾地既薑，接著再加入浙醋去煲大半日？？
我都唔知道．．．咁就大功告成了～～


>>August 23, 2003 at 2:27:33 PM GMT+8

2003 年 8 月 21 日 星期四 【陰】

覆診



今日去左威爾斯覆診，我準時兩點三十五分到達門診中心，見到不是太多人在等，好野．．．唔知道點解呢？由於呢個原因，所以我只是等左半小時就可見到醫生喇，簡直破晒最短時間內可以見到醫生既記錄！若果每次都係咁就太好啦～～

今次又轉左另一個醫生負責我啦，冇法啦，公立醫院就係咁架喇，半年就會調動一次醫生，到不同醫院工作。依家負責我既叫做陳醫生，都幾靚女架，不過自從我舊年出院之後，都係由女醫生負責我既ｃａｓｅ，真係唔知道點解呢？

成日轉醫生，真是唔係幾好架，奈何冇法啦．．．唉，鬼叫自己窮咩．．．+_+


>>August 22, 2003 at 10:14:18 AM GMT+8

2003 年 8 月 21 日 星期四 【陰】

昨日益智題答案：


1.)點解黑人鐘意食白朱古力？？
2.)牛皮主要作用係乜？？
3.)阿拉丁有幾多個哥哥？？
4.)乜電器係最骯髒？？
5.)越戰之後是什麼？？
6.)點解多數佛教徒都在北半球？？
7.)邊個藝人有個低B老公？？
8.)邊個藝人最鐘意講湊仔經？？
9.)導致離婚的主要原因是什麼？？
10.)叫隻馬唔好跑 (猜一個英文字)

1) 驚咬親手指
2) 包住隻牛
3) 三個 (仲有甲, 乙, 丙)
4) 多士(屎)爐
5) 越勇
6) 因為南(半球)無阿彌勒佛
7) 吳君如 (吾君愚)
8) 譚玉瑛 (談育嬰)
9) 結婚
10) Hospital (Horse別逃)


>>August 22, 2003 at 9:41:05 AM GMT+8

2003 年 8 月 20 日 星期三 【雨】

益智題十則（估下先！答案明天揭曉！）


1.)點解黑人鐘意食白朱古力？？
2.)牛皮主要作用係乜？？
3.)阿拉丁有幾多個哥哥？？
4.)乜電器係最骯髒？？
5.)越戰之後是什麼？？
6.)點解多數佛教徒都在北半球？？
7.)邊個藝人有個低B老公？？
8.)邊個藝人最鐘意講湊仔經？？
9.)導致離婚的主要原因是什麼？？
10.)叫隻馬唔好跑 (猜一個英文字)


>>August 22, 2003 at 9:34:14 AM GMT+8

2003 年 8 月 20 日 星期三 【雨】

ＰＲＥ－ＣＡＭＰ！！！


今日係我地中國研究學會既PRE-CAMP，我地請左絕大部份既中研新生返校為O' CAMP作一次熱身，十二點返到學校聽負責同學講解，之後就陸續有新生黎到，大約一點半左右開始,首先係改組名，接著係熱身遊戲，又有課程主任講解中研既特別之處，再就是分別與不同專業既教授傾偈，高潮本來就係校園追蹤，意即分組比賽走訪成個校園內各重要景點，不過可惜落雨，所以臨時取消，改為室內遊戲。
我們送左幾個「金枕頭」（不是榴槤，只是用金色花紙包裹的咕ｏ臣！）給予那班教授，又玩左兩個遊戲，氣氛都算不俗啦，那些組仔又投入，玩其中一個遊戲時更忘形到被踩甩左隻鞋添！嘩哈哈～～
因為我係工作人員既關係，所以只有在旁邊觀察佢地是否犯規。
今日雖然辛苦一些，不過都係值得的，因為大家都好投入，情緒十分高漲！！！ＹＥＡＨ～～
===============================================================================================================
你是哪一種海洋生物？

水母
3/15~4/14 出生

基本性格：
因洞察力相當敏銳，對方需要什麼，你總是很快地就能知道，而且具有從事公益活動的服務精神，是個很有親切感的人。因有想要證明自已是個可以被拜託、被依賴的傾向，所以很有可能會被心懷不軌的人所騙。不過你卻不會因此而吸取教訓，避免受騙，但在不斷地重蹈覆轍中，你會變得越來越堅強喔！

哈哈...又講得幾正確喎... ^.^


>>August 21, 2003 at 3:15:24 PM GMT+8

2003 年 8 月 19 日 星期二 【陰】

又去Ｎｅｗａｙ唱k啦！


繼星期一之後，今日又約左一位大學同學仔去唱k，不過今次目的地係尖沙咀港晶中心。
去到那裡只係十二點三，我地一行兩人當然即刻開咪啦！由於太早未開聲，所以大家都唱得．．．唔．．．有幾好聽？心照啦～～不過我朋友就駛出一招「食檸檬開聲法」，嘩，我都係第一次見到咋，又學左一樣新知識喇．．^.^
唱左一陣就邊開餐邊唱歌，我揀左我既至愛：鰻魚飯，仲有一杯檸蜜，原價＄３２，但我在附近取得一張傳單，只需＄３０元咋！呵呵，咁好彩喎！
我們不停地唱，特別係千嬅、ｊｏｅｙ同ｔｗｉｎｓ既歌，本來只係唱到兩點半，不過因為今日唔多人，所以可以唱到成四點！唱成四小時，又包埋午餐，都只係三十元，好抵呀．．我仲發掘到朋友仔既天份，原來佢唱張國榮既歌曲好似架！過左一排，終於「漸入佳境」，最攪笑就係搵到一首我們既飲歌，就係「合久必婚」喇！我地一唱一和，佢扮克勤，我就唱陳苑淇那部份，效果竟然出奇地合拍，可謂最佳拍擋！
唱到四點鐘便要走了，雖然把聲已經沙晒，幾乎失聲，不過真係好好玩，好高興啊．．．^_*


>>August 21, 2003 at 12:06:33 AM GMT+8

2003 年 8 月 18 日 星期一 【陰】

喉嚨發炎


昨日去完唱卡拉OK，喉嚨一直都唔妥，今朝開始連食野都好辛苦，勁痛勁想喊！十分要命！
由於今朝唔夠訓，之後就訓到唔知醒，所以本來今日中午一點要返學校開會傾迎新營既流程，不過自己兩點先至到達，好唔好意思～～最後傾到四點左右就散會了．．．
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
新歌精選
一步一生　　許志安　（歌詞好正啊！）

沿途就算跌　要跌得好看
才能不自責　報答別人厚望
然而誰明白我　沒你們所想的堅壯
我很想找個人　對我說別怯慌

前面是誰伴我走　挽我的手
但笑著吃苦的氣力　我有


>>August 19, 2003 at 11:23:53 AM GMT+8

2003 年 8 月 17 日 星期日 【晴】

真情對話+ 旺角唱ｋ+買蜜桃之趣事　
今晨唔知點解徹夜難眠，結果訓到凌晨三點半就起左身！唯有上網解悶喇，恰巧見到一位萍水相逢的網友，由閒話家常慢慢越傾越開心，仲由電腦傾到電話，天黑變成天光，總共傾左成三小時！
之後都只是訓多左一個鐘就要起來，因為約左一個朋友去旺角唱ｋ。嘩，好多新歌唱呢．．．人少少唱ｋ原來幾好架，起碼唔駛掙咪！
不過只有兩小時咋，略嫌唔夠喉。

唱完都只是一點鐘，我又去左買相機電芯，再幫朋友問一些去日本預訂機票既資料，不過由於佢計劃回程既日子就已經滿座呢，所以我即刻急ｃａｌｌ佢睇佢點打算．．．終於都幫佢預留左機位喇，雖然未必合佢心意，不過總算辦妥啦。

返到大圍，去左買些東西，見到有一檔生果檔賣既蜜桃好平喎，十元有七個，雖說冇得選擇，但佢話有壞包換，我心諗都已經好抵喇，冇所謂啦．．．於是向東主買左七個，由一位後生靚仔替我揀選，臨走前仲話「記住下次返黎搵我喎！」。真係攪笑！　
點知我離開不久，檢查一下，發現有一隻真係爛了，於是便向那位後生靚仔反映，佢即刻同我換番一個冇爛掉既，仲靜悄悄送多一個俾我呢！
今日除左買到平水果之外，仲有人讚美自己靚女添！哈哈！真係好好笑又好開心啊．．．呵呵～～
==============================================================================================================
若你真的把我看成你的朋友
就請不要把我看成你生意上的合作夥伴...

>>August 18, 2003 at 5:17:12 PM GMT+8

2003 年 8 月 16 日 星期六 【雨】

我最渴望的...


此時此刻，我最渴望的，就是可以有穩定既工作，我並不要大富大貴，只要夠我日常生活開支，同埋交學費便已足夠，因為我唔想要屋企去支持我既學費！
奈何馬會果份兼職竟然頭三日都冇得返．．．但我阿妹就返足三日！
唉．．．好無奈　@_@
==============================================================================================================
要等到幾時？！
睇番兩個月前既日記，我仲好天真咁諗住這次新嘗試可以作長線發展，一心以為可以順順利利．．．點知依家毫無動靜，唔通．．．自己真係太傻？
只寄望明天、將來會更好一點．．．有些好消息．．．唔想浪費一番心血～
==============================================================================================================
成日都要受阿妹既氣，我今次又衰晒咩？只係識得俾面色我睇，佢自己又有冇做錯喎？！
明知重要o既就好好收起佢o地啦，唉，好嬲呀！>_<

>>August 17, 2003 at 10:32:06 AM GMT+8

我叫彭婉妤(音愚)，愚人節出生，花名叫阿魚，個名倒轉讀就係魚丸「嘭」（簡稱「魚棚」），國語讀作彭鯇魚，成日俾人瘀，最唔怕瘀！！ 廣告 讀者留言 |  路人留言   | Happy Birthday T >>April 1, 2007 at 11:32:04 AM GMT+8 唔洗覺得, 今本呢到就係一個養懶 >>March 18, 2007 at 3:59:28 AM GMT+8 你係咪沙官人?? >>March 15, 2007 at 1:14:02 PM GMT+8 路遙知馬力、日久見人心 >>March 12, 2007 at 4:22:51 AM GMT+8 你認識TVB記者林小珍嗎？ >>February 28, 2007 at 12:55:45 PM GMT+8 要做一個成功和身心健康的人,就唔 >>January 28, 2007 at 4:15:51 PM GMT+8 乜妳原來咁感性架,真係睇唔出 >>January 21, 2007 at 12:08:32 PM GMT+8 Lonely Lonely Ch >>December 22, 2006 at 3:42:39 PM GMT+8 <br>Love Paradi >>November 22, 2006 at 3:39:12 PM GMT+8 你張相係唔係在屯門拍的呀？ >>November 9, 2006 at 4:35:10 PM GMT+8 You take more re >>October 2, 2006 at 1:10:17 AM GMT+8 真係病就要請假啦，其他人係唔係都 >>September 30, 2006 at 8:39:57 AM GMT+8 很久沒有留言了！我太忘了！ <b >>September 28, 2006 at 4:08:22 PM GMT+8 我相信呢個世界上真的有好人存在的 >>September 14, 2006 at 5:00:52 PM GMT+8 Take care! >>September 14, 2006 at 1:39:06 PM GMT+8 Me too. <br> <br >>September 12, 2006 at 1:39:01 PM GMT+8 秋天 使我想起這首兒歌 <br> >>September 11, 2006 at 3:20:57 PM GMT+8 我對你有信心，你一定得架！ <b >>September 10, 2006 at 6:57:02 AM GMT+8 How are you toda >>September 7, 2006 at 1:31:21 PM GMT+8 送一首歌鼓勵妳！ <br> <b >>September 3, 2006 at 5:08:31 PM GMT+8 彭婉妤，振作呀！Don't gi >>September 3, 2006 at 11:10:02 AM GMT+8 Wei, long time n >>August 30, 2006 at 2:31:20 PM GMT+8 Yuen Yu, what is >>August 29, 2006 at 4:37:43 PM GMT+8 Why do you need >>August 27, 2006 at 12:24:18 PM GMT+8 I never dyed my >>August 27, 2006 at 12:22:24 PM GMT+8 雖然我唔係好清楚你做的工作性質， >>August 24, 2006 at 4:03:50 PM GMT+8 多謝你的回覆！ <br> <br >>August 24, 2006 at 4:00:33 PM GMT+8 呢張相係你剪左頭髮之後的照片嗎？ >>August 22, 2006 at 12:59:56 PM GMT+8 別灰心，我替你加油，打打氣！ < >>August 18, 2006 at 1:01:06 PM GMT+8 Where did you wo >>August 16, 2006 at 12:56:35 PM GMT+8 我都有看魔盜王2！不過我覺得好似 >>August 16, 2006 at 12:55:03 PM GMT+8 首你一首歌鼓勵你！ <br> < >>August 8, 2006 at 11:06:06 PM GMT+8 http://hk.geocit >>August 2, 2006 at 4:02:37 PM GMT+8 Wish you recover >>July 24, 2006 at 3:04:29 PM GMT+8 Hi! How are you? >>July 16, 2006 at 2:49:08 PM GMT+8 我很喜歡約翰衛斯理寫的這個故事， >>July 10, 2006 at 2:20:25 PM GMT+8 剛剛先得閒睇下你的日記，好想知你 >>July 8, 2006 at 6:13:44 AM GMT+8 你靚左好多呀！ >>July 4, 2006 at 3:34:44 PM GMT+8 原來你做左"負離子"!!!張相都 >>June 15, 2006 at 3:33:03 PM GMT+8 Do you go to chu >>June 13, 2006 at 3:34:19 PM GMT+8 做個朋友傾下計丫~ <br>上面 >>June 6, 2006 at 10:38:39 PM GMT+8 你好! 吾有緣在sina遇到你, >>May 27, 2006 at 5:20:27 AM GMT+8 Katie, <br> <br> >>May 22, 2006 at 3:20:25 PM GMT+8 Katie, 呢排公司都好忙呀， >>May 18, 2006 at 1:22:02 PM GMT+8 http://www.pbase >>May 14, 2006 at 7:21:33 AM GMT+8 Hello! Long time >>May 7, 2006 at 4:18:06 PM GMT+8 hello nice to me >>April 27, 2006 at 2:55:48 AM GMT+8 我在 sina 看到妳妳的檔案， >>April 18, 2006 at 5:22:44 AM GMT+8 Hello, I find yo >>April 17, 2006 at 3:40:54 PM GMT+8 Katie, 您好嗎！ <br> >>April 5, 2006 at 4:19:01 AM GMT+8

人氣: 39230

Design & Scripting by ShowHappy.Net