2003 年 9 月 20 日 星期六 【綿綿細雨】

"加班"的星期日 + 討厭下雨天


今日雖然係星期日,不過都要返學校準備明天政治學既presentation, 所以有點無奈...唉...+____+
返到學校都仲天朗氣清, 點知過左一陣就聽到雷聲...幾勁呀, 我一直在電腦室都感受到果種震撼!!!
之後仲不時落大雨...冇晒心情...+_____+
今日全日都對住部電腦同埋書籍,簡直十分要命... @___@
之後又去左工作坊那兒繼續「搏殺」, 直到九點半先至走呀...

仲有...謝謝各方好友對"小弟"功課上既仗義幫助...我一定會努力以赴既...^o^

>>September 21, 2003 at 10:20:09 PM GMT+8

2003 年 9 月 19 日 星期五 【晴】

開放日


今日係浸大一年一度既開放日, 我因為要上普通話堂, 所以不能幫手。下課後我見到幾位地理系既同學仔, 師兄師姐師弟都有, 哈哈~~
佢地好努力咁派單張, 雖然做到汗流浹背, 不過我同佢地吹o下水咁, 時間好易過, 而且見到好多預科生幾踴躍呀...都幾好玩呢^o^
下午又去左旺角...做咩?? 玩囉..... 因為想輕鬆一下嘛...:p
不過今晚就勁淆底, 因為星期一既presentation仲未準備好, 唯有臨急抱佛腳啦......+_____+


>>September 20, 2003 at 12:21:31 PM GMT+8

2003 年 9 月 18 日 星期四 【晴】

失魂魚

今朝一早返學,由於太多功課未完成,所以自己都失晒魂咁, 去左十樓做普通話功課,自己又一直以為第一堂係十一點半上,所以做到忘晒型,連其他人上緊堂我都唔理,照樣坐在一邊繼續做, 不過最瘀既就係俾阿sir話我嘈住其他人上堂囉... 唉, 真係勁尷尬...>_<

但是後來才發現原來自己記錯時間囉, 應該係十點半上堂才對, 我仲要係十一點半入左課室之後才覺得唔對路,即刻走番出去,先至發現原來自己記錯左時間...好瘀好樣衰呀!!!!!!唯有去搵番個tutor問佢剛才講左d乜啦......
=============================================================================================================
大團聚
今晚係阿媽農曆生日, 由於佢係家鄉下人, 所以特別重視五十一歲壽辰, 仲叫左好多親朋好友一同食晚飯,有家姐、姐夫同佢父母、伯母、舅母同三個表弟妹、我細佬既女朋友( 係!! 佢同我地已經好熟稔..睇怕可能佢地會先結婚添) 唉~~
其實回想起來都已經成好多年未曾試過同家人食飯喇, 唔知道點解,可能自己一直都唔肯去同佢地溝通多點, 不過今晚都總算是一個新開始啦...可能人大左, 思想改變左喇, 會更加珍惜眼前既一切...

>>September 19, 2003 at 4:19:35 PM GMT+8

2003 年 9 月 17 日 星期三 【微雨】

難得的休息日


今日係這星期內唯一真正day off既日子, 當然足不出戶啦,因為近來實在太累了, 元氣大傷...

結果成日斷斷續續咁訓, 訓左兩次,下午訓到夜晚六點至醒, 真的好爽好正好舒服啊~~

>>September 18, 2003 at 2:10:51 PM GMT+8

2003 年 9 月 16 日 星期二 【微雨】

累透了 @__@ + 意外消息


今日一早起來要去西環睇牙醫, 不過今天就遲左少少,因為果個教授好長氣架...
結果都補左一隻牙 , 咁都好, 唔會白行一趟。臨走時仲見到幾個朋友添~~呵呵~~

下午就返左學校搵政治學既導師, 問佢有關星期一presentation既資料,因為始終係第一組,又未曾讀過呢科,梗係大壓力架!! 好彩佢的確幾好人,借左幾本書籍俾我們, 又教我們點去利用圖書館網頁去搵資料, 總算放心一點喇......+__+
今晚原本有馬會返架 ,不過昨晚卻突然打電話叫我今晚唔需要返喎...問佢點解又話唔知道...唉...難道係自己表現太差? 抑或又犯錯了? 真的令人費解...不過我好驚囉, 怕冇左份工...

下午在學校飯堂一個人食緊野既時候, 「筷子一號」打電話俾我, 同我講左一個周刊上刊登既真人真事, 我初時只是當聽故事咁咋, 不過後來佢同我講, 話原來係想鼓勵我唔好咁灰心架... 我聽到之後真係既意外又感動, 因為大家其實性格真的幾夾架, 但是有些地方又剛好相反喎, 互相配合, 簡直好似絕代雙嬌咁, 嘻嘻...
不過佢近來唔開心呀, 真的希望佢可以快些好番, 開心番喇...「筷子二號」等緊你一齊玩架!! ^_^
==============================================================================================================
今朝收到一個中學師弟既ica msg, 駭然得知一件令我驚訝既消息...好意外, 亦好難以置信......

>>September 17, 2003 at 2:23:08 PM GMT+8

2003 年 9 月 15 日 星期一 【乍寒還暖】

手忙腳亂 + 唱K


昨天既政治學課堂,在無奈既情況下我唯有要第一組present, 不過都幾淆底囉,連呢科讀乜都未清楚就要present... 冇法啦, 鬼叫自己心軟咩... 讓左條題目俾其他同學...依家唯有寄望早日攪掂啦!!!!!
晚上約左一個朋友食飯同唱K, 傾落發覺原來大家都有些地方相似, 而又有些地方相反喎,彷彿係"負負得正" , "相輔相承" 呢!!! 勁攪笑又勁投契~~
佢帶我去一間茶餐廳食豬頸肉芝士螺絲粉,看來好像好騎呢,不過原來好好味道呢!!!
之後去左Neway唱K , 唱左成四小時, 我地輪流唱, 又講又笑咁,幾開心呀!! 返到屋企都成一點喇...

最慘既係...今晚竟然失眠囉... @_@

>>September 18, 2003 at 2:12:24 PM GMT+8

2003 年 9 月 14 日 星期日 【溫暖】

歲月不留情


今日我睇左一個留言, 令我諗番起一個好耐之前既花名, 更加令我諗起數年前讀中學既美好回憶, 當時仍然係一個傻瓜,處事唔成熟, 唉... 如果可以時光倒流就好啦...

不過下午就好開心 , 因為遇到一個冇見多年既中學好朋友~~
自從我再發病之後都唔敢搵佢地喇, 因為我曾經傷害左佢地...但是, 現在好似係註定要見番佢地咁... 見到面,我幾興奮呀,又可以知道其他好朋友既近況... yeah!!!

>>September 15, 2003 at 3:12:54 PM GMT+8

2003 年 9 月 13 日 星期六 【乍寒還暖】

腳又腫又痛


今日終於可以留在家中訓餐飽啦...因為自從開學之後都未曾試過訓得好, 對眼袋又大又深呀,自己都唔敢望自己一眼,實在太殘喇...@_@
呢幾日肩膀同雙腳有些酸痛既跡象,可能是疲勞過度罷...有些行屍走肉既感覺....
雙腳仲有些水腫既現象, 找了很久也找不到原因, 自從身體有毛病之後就經常出現喇, 醫生檢查過又話冇事, 唉, 始終好煩惱呀......>.<
================================================================================================================
分手總要在雨天 ?
今日接到兩個朋友既消息 , 竟然都係因為前度情人同另一個人一齊而受到很大打擊, 一時不能適應... 又會咁既? 今日仲不斷落雨, 本來已經好灰啦, 仲雪上加霜... 唉......希望佢地唔好亂諗喇...
================================================================================================================
當四葉草碰上劍尖時
今晚十點半有一套新劇上演, 看來係好像香港版既 "流星花園" 一般, 無論係片頭同角色既性格, 都好似" 流星花園" 咁樣... 冇乜新意~~

>>September 15, 2003 at 1:10:45 AM GMT+8

2003 年 9 月 12 日 星期五 【晴】

特警雄風s.w.a.t.


今朝起來去上普通話堂, 不過就不斷地做測驗同練習囉, 嘩, 真的很辛苦呀!!!
下午就去左灣仔會展睇"特警雄風" (s.w.a.t.)既優先場, 因為有免費戲票嘛, 不過個人感覺一般啦,冇乜特別, 內容都係一些兵捉賊既話題... 好彩係免費咋~~
之後行左一陣銅鑼灣就返左屋企喇, 回程行往搭地鐵途中, 無意中"見" 到一個新消息, 我都未曾聽聞過, 但竟然咁都俾我遇見... 只有說句 : 好邪 !!!
在地鐵車廂內又俾我見到另一位以前教會既朋友, 傾左一陣囉, 又會咁巧合既??
今日行得有些辛苦, 因為一來好熱呀, 二來自己唔夠訓, 所以好累... +___+

>>September 13, 2003 at 10:15:29 PM GMT+8

2003 年 9 月 11 日 星期四 【晴】

加班騎呢事件~~


今朝約左一個朋友去左尖沙咀...嘻嘻...又係去唱K 呢...不過我其實係搵佢傾野既,但是咁巧合大家都想去玩...於是便決定左唱K囉。
下午則要返馬會加班, 主要係因為應付今晚既六合彩攪珠, 有多寶獎金五千萬呀, 難怪他們都咁雀躍, 不過很多人都不清楚今晚有六合彩, 成日打電話問囉!!!
今晚第一次做六合彩,都幾攪鬼架, 試過有客人打電話黎, 我叫佢唔好意思等等,佢竟然話「你把聲咁甜,等耐d都冇所謂啦」, 講完電話仲不斷問我既職員編號, 返咁耐第一次俾人讚咋, 呵呵,好開心呢~~
之後又接到一個男士問我買六合彩「四膽拖十腳」既金額同點樣才算是中獎喎,嘩,咁複雜既??我當時呆左一陣,又周圍望人求助, 看看有沒有人識得答... 唉..結果都係由組長出馬,叫佢打去1817問,因為他們都沒有讀過, 就算連佢地都唔識啦 !!!
另外又有一位女士一次過買左三十注六合彩飛, 打字打到我手軟 , 而且又要快而準喎, 嘩,不知幾驚!!!
好彩,最終都順利過渡, 八點三就放工了。
====================================================================================================================
這是女波蘭作家辛波絲卡的一首愛情詩「一見鍾情」。

他們彼此深信，是瞬間迸發的熱情讓他們相遇，這樣的確是美麗的，但變幻無常更為美麗。他們素未謀面，所以他們確定彼此並無任何瓜葛。但是自街道、樓梯、大堂傳來的說話。他們也許擦肩而過一百萬次了吧﹖

>>September 13, 2003 at 3:36:20 PM GMT+8

我叫彭婉妤(音愚)，愚人節出生，花名叫阿魚，個名倒轉讀就係魚丸「嘭」（簡稱「魚棚」），國語讀作彭鯇魚，成日俾人瘀，最唔怕瘀！！ 廣告 讀者留言 |  路人留言   | Happy Birthday T >>April 1, 2007 at 11:32:04 AM GMT+8 唔洗覺得, 今本呢到就係一個養懶 >>March 18, 2007 at 3:59:28 AM GMT+8 你係咪沙官人?? >>March 15, 2007 at 1:14:02 PM GMT+8 路遙知馬力、日久見人心 >>March 12, 2007 at 4:22:51 AM GMT+8 你認識TVB記者林小珍嗎？ >>February 28, 2007 at 12:55:45 PM GMT+8 要做一個成功和身心健康的人,就唔 >>January 28, 2007 at 4:15:51 PM GMT+8 乜妳原來咁感性架,真係睇唔出 >>January 21, 2007 at 12:08:32 PM GMT+8 Lonely Lonely Ch >>December 22, 2006 at 3:42:39 PM GMT+8 <br>Love Paradi >>November 22, 2006 at 3:39:12 PM GMT+8 你張相係唔係在屯門拍的呀？ >>November 9, 2006 at 4:35:10 PM GMT+8 You take more re >>October 2, 2006 at 1:10:17 AM GMT+8 真係病就要請假啦，其他人係唔係都 >>September 30, 2006 at 8:39:57 AM GMT+8 很久沒有留言了！我太忘了！ <b >>September 28, 2006 at 4:08:22 PM GMT+8 我相信呢個世界上真的有好人存在的 >>September 14, 2006 at 5:00:52 PM GMT+8 Take care! >>September 14, 2006 at 1:39:06 PM GMT+8 Me too. <br> <br >>September 12, 2006 at 1:39:01 PM GMT+8 秋天 使我想起這首兒歌 <br> >>September 11, 2006 at 3:20:57 PM GMT+8 我對你有信心，你一定得架！ <b >>September 10, 2006 at 6:57:02 AM GMT+8 How are you toda >>September 7, 2006 at 1:31:21 PM GMT+8 送一首歌鼓勵妳！ <br> <b >>September 3, 2006 at 5:08:31 PM GMT+8 彭婉妤，振作呀！Don't gi >>September 3, 2006 at 11:10:02 AM GMT+8 Wei, long time n >>August 30, 2006 at 2:31:20 PM GMT+8 Yuen Yu, what is >>August 29, 2006 at 4:37:43 PM GMT+8 Why do you need >>August 27, 2006 at 12:24:18 PM GMT+8 I never dyed my >>August 27, 2006 at 12:22:24 PM GMT+8 雖然我唔係好清楚你做的工作性質， >>August 24, 2006 at 4:03:50 PM GMT+8 多謝你的回覆！ <br> <br >>August 24, 2006 at 4:00:33 PM GMT+8 呢張相係你剪左頭髮之後的照片嗎？ >>August 22, 2006 at 12:59:56 PM GMT+8 別灰心，我替你加油，打打氣！ < >>August 18, 2006 at 1:01:06 PM GMT+8 Where did you wo >>August 16, 2006 at 12:56:35 PM GMT+8 我都有看魔盜王2！不過我覺得好似 >>August 16, 2006 at 12:55:03 PM GMT+8 首你一首歌鼓勵你！ <br> < >>August 8, 2006 at 11:06:06 PM GMT+8 http://hk.geocit >>August 2, 2006 at 4:02:37 PM GMT+8 Wish you recover >>July 24, 2006 at 3:04:29 PM GMT+8 Hi! How are you? >>July 16, 2006 at 2:49:08 PM GMT+8 我很喜歡約翰衛斯理寫的這個故事， >>July 10, 2006 at 2:20:25 PM GMT+8 剛剛先得閒睇下你的日記，好想知你 >>July 8, 2006 at 6:13:44 AM GMT+8 你靚左好多呀！ >>July 4, 2006 at 3:34:44 PM GMT+8 原來你做左"負離子"!!!張相都 >>June 15, 2006 at 3:33:03 PM GMT+8 Do you go to chu >>June 13, 2006 at 3:34:19 PM GMT+8 做個朋友傾下計丫~ <br>上面 >>June 6, 2006 at 10:38:39 PM GMT+8 你好! 吾有緣在sina遇到你, >>May 27, 2006 at 5:20:27 AM GMT+8 Katie, <br> <br> >>May 22, 2006 at 3:20:25 PM GMT+8 Katie, 呢排公司都好忙呀， >>May 18, 2006 at 1:22:02 PM GMT+8 http://www.pbase >>May 14, 2006 at 7:21:33 AM GMT+8 Hello! Long time >>May 7, 2006 at 4:18:06 PM GMT+8 hello nice to me >>April 27, 2006 at 2:55:48 AM GMT+8 我在 sina 看到妳妳的檔案， >>April 18, 2006 at 5:22:44 AM GMT+8 Hello, I find yo >>April 17, 2006 at 3:40:54 PM GMT+8 Katie, 您好嗎！ <br> >>April 5, 2006 at 4:19:01 AM GMT+8

人氣: 39230

Design & Scripting by ShowHappy.Net