2003 年 6 月 2 日 星期一 【晴】

跑步呀．．．
今日我約左德德同Joey一齊返大學運動場跑步，因為我好耐冇做運動喇！唉，點知運動場要維修，冇得跑喎！好失望呀！之後唯有去聯合道公園度跑囉．．．
我因為真係好耐好耐冇跑步，所以我只係跑到８００米（即四個圈左右啦）就頂唔住喇，要停下來休息。自己真係好水皮呀！後來又發覺自己左腹位置勁痛喎，所以之後都只係慢慢行，行左大約六個圈啦，到十二點就離開了。
下午去左GIS電腦室印表格，因為我忘記了網上銀行服務既密碼，要去填表申請重設，點知由於明日放假，銀行勁多人，排左好耐至有得交表！個職員又係度推銷保險，咁我又剛好有需要，於是便買左一生人之中第一份意外保險，七十二蚊一個月，算是差不多啦．．．
但係就搞到成四點半至完畢，令德德呆等左大半個鐘頭！真係非常、非常、非常對不起喇．．．唔好唔開心呀．．．

>>June 3, 2003 at 3:47:18 PM GMT+8

2003 年 6 月 1 日 星期日 【晴】

鄭夏恩師姐走了!!! >_<
今朝一早睇新聞，聽到我中學既一位師姐因為救非典型肺炎病人時受到感染而殉職。唉．．．「人生如弈、世事如棋」，生命真是化學．．．
中午我出左去新城市廣場取回新配的眼鏡同埋搵日本自由行既資料，又行下街，到五點半返屋企。途中撞到馮太，佢係教我中七中史科既，之後我又返校睇下同學佈置鄭夏恩醫生既紀念壁報，竟然見到Miss Chan，佢係我既啟蒙老師，令我鍾意左地理呢一科，我仲陪佢一齊行去火車站添。真係好巧合呀．．．我想探佢好耐喇，估唔到又會咁ｏ岩見到佢喎！大家都對於鄭醫生既離開感到好難過。佢咁年輕，只得三十歲咋．．．我特別搵番本沙官二十周年紀念特刊，裡面果然有佢張班相，我家姐都識得佢架，因為一齊做風紀嘛。
今日好似特別同沙官有緣咁...

>>June 2, 2003 at 2:11:27 PM GMT+8

2003 年 5 月 31 日 星期六 【晴】

好久不見了......
今日教會一位好友約定我返教會 ，因為想一齊去睇一些資料。咁耐冇返過去，我都有點兒怯架，雖然大家幾熟，但我成年幾兩年冇返，唔知大家既反應會係點嘛．．．
我一入門口就搵隻手遮住自己，哈哈，好戇居呀！因為我怕醜嘛 ！不過佢地一見到我就好意外，又驚又喜，我有些不知所措呢．．．由於今日係教會二十一周年堂慶，適逢又有一位前會友結婚，故此人人都喜氣洋洋。崇拜完畢後仲有一個分享會，佢地講番以前既陳年舊事，勁攪笑！～～
之後我地去了飲茶慶祝，再回教會替人慶祝生日，接著便到銅鑼灣陪朋友買數碼相機同拿取旅行資料，吹水吹到七點鐘至走。
今日好充實呀．．．


>>June 2, 2003 at 2:12:10 PM GMT+8

2003 年 5 月 30 日 星期五 【晴】

「英雄」論
昨日行街經過尖沙咀，因為有些肚餓所以上左去一間大快活度坐低食野，聽到附近有兩位大快活員工係度吹水，佢地批評老懵董政府濫用「英雄」字眼，乜人都話佢係英雄，例如謝婉雯醫生、救人殉職的警長、健康服務助理等等既人士，全部都話係英雄，雖然佢地係好偉大，不過呢的都係佢地既職責云云．．．總之唔應該濫用字眼喎。我覺得佢地都言之有理既．．．但係點都好，我諗「英雄」只是一個代號，代表著佢地偉大精神，無論用乜字眼都唔係重要！
****************************************************************************************************************************
今日有時間，忽然好有興趣改歌詞，於是花左幾個鐘頭寫下第一首歌詞（雖然質素麻麻，不過都只是第一次，唔好介意啦！）　>;-)

當這地球沒有SARS（原曲：當這地球沒有花　－　陳奕迅）

疫症亂慌　旁人亂講　人們惶恐　生命無助
遺忘甚麼　原來是錯　毫無意識　保護全球
污染嚴重至此　試問那個　能夠無病痛

當 這地球沒有SARS
友伴忘掉戴mask
你身心舒暢嗎
如何重拾信心嘛 　加重警覺 　 難道

當 這樣行是對嗎
可以防治到SARS
請想起我 無懼怕
當這地球沒有SARS

無論受傷　還是健康　抬頭面對　不應痛楚
齊憑愛心　無限信心　共與各級　醫護人員
積極同渡過SARS　因為你我　同力求突破


>>May 31, 2003 at 8:48:26 AM GMT+8

2003 年 5 月 29 日 星期四 【晴】

行足一日
今朝一早我就出左去西環睇牙醫，同上星期杜左牙根果隻牙「埋尾」。今日整完後要到六月底先至有得再睇ｌｕ，因為佢要考試．．．之後由於想去尖沙咀，所以便試一下由上環行到中環搭小輪．．．冇錯，係行去！因為自己諗住既然考完試大把時間，咁咪慢慢行囉！都用左成個鐘頭行架．．．好耐冇坐船喇，覺得好正好舒服呀！我幾鍾意坐船過海，因為真係好爽，尤其係當天氣暖和既時候，一面坐船一面吹風，果種感覺真的超乎想像咁暢快。到達尖沙咀行左成條加連威老道，想睇下有冇染髮劑，不過隻色唔係好正，所以都係乜都冇買到。
跟住我又發揮我既行路本領，由尖沙咀一直沿彌敦道行去旺角，行到累了就去麥當勞買野飲，抖完又行過，經過太子、石硤尾、又一村同又一居，最後到達又一城，由十二點行到六點，足足行左六個鐘頭，由上環到中環，再由尖沙咀行番又一城，行到腳都軟埋！


>>May 30, 2003 at 10:34:17 PM GMT+8

2003 年 5 月 28 日 星期三 【陰】

見工失敗的一天
今朝去左西貢見工，係民政事務處既臨時合約文員，不過自己表現就強差人意，冇乜準備過就去面試，唉，鬼得咩！
去果陣時一路坐車一路想嘔，都唔知做乜反晒胃，勁辛苦呀．．．到達之後就首先檢查資料，跟住做三個測試，分別有中文輸入法、製圖表以及用ｅｘｃｅｌ運算。我本身都只係半桶水咋，加上有些緊張，結果就梗係好差啦．．．五分鐘內至打得七十四隻字，ｅｘｃｅｌ就仲差，唔識點樣計算；接著佢問我那些問題我又唔識，例如民政事務處既職責、遇見外國人求助時如何應付、自己覺得有甚麼優點可勝任此職位．．．但係我從未準備過囉．．．最衰都係自己無心裝載啦．．因為其實呢份工要做到出年二月底，我都做唔到咁耐啦，而且自己對呢行唔熟悉，都係冇機會架喇！不過我當係爭取面試經驗囉，都學到唔少野呀，起碼知道依家面試時僱主會問乜啦仲有面試時既技巧！！
依家唯有望天打卦，睇睇遲些少有冇其他機會啦．．．　>__<
****************************************************************************************************************************
我討厭我自己
討厭自己那錯誤狂妄易怒的思
討厭自己那忐忑紊亂猶豫的想
討厭自己那空虛失落沉淪的靈
討厭自己那自卑懦弱退縮的魂
討厭自己那天真無知愚昧的品
討厭自己那放縱固執倔強的行


>>May 29, 2003 at 11:48:47 AM GMT+8

2003 年 5 月 27 日 星期二 【晴】

又再買野喇．．．
昨天食完早餐之後無無聊聊，一個人走左出去新城市行，因為唔想係屋企諗埋一些唔等駛既野！
考完試之後成個人好down，於是希望周圍行下，等自己放鬆一下。本來去完美心買左的野之後就打算返屋企啦，點知經過一間眼鏡舖既櫥窗，見到佢地的眼鏡好似幾抵喎，於是乎入左去睇下，聽到佢地職員講幾句自己又心思思．．．終於都即時配左副無框眼鏡！銀色架＆藍色水晶邊，又用了三百五十蚊喇。但係之前經過左咁多事情，呢排諗通左，錢唔需要太多，該用時便應該用，最緊要自己用得有分寸同埋有必要。呢副眼鏡都戴左成兩年啦，差不多要換了．．．
總之我依家成日諗消費下都好，當做刺激一下經濟囉！～～
****************************************************************************************************************************
家姐早排做了電腦掃瞄，知道肚子裡既嬰兒是個女嬰！！哈哈，我就快做阿姨啦！

>>May 27, 2003 at 9:52:01 PM GMT+8

2003 年 5 月 26 日 星期一 【晴】

關門大吉！
昨天行經新城市廣場地下，KFC隔離果間Jolibee，發現竟然執左笠喎！唉，睇怕都係近年來生意難做既結果！雖然佢真係唔多旺，不過的野食都算ｏｋ啦，估唔到都係捱唔過呀．．．以後又少左一個蒲點傾偈同吹水喇．．．
****************************************************************************************************************************
「留港消費、刺激經濟」
昨日本來只係為左去新城市廣場拿回一些資料，不過自己由於太耐冇行街，特別係新城市廣場既關係，於是趁機去逛街！首先估下我去左邊？你地一定估唔到．．．我去左穿耳環呀！我想穿多兩隻耳環好耐喇，但之前要應付考試所以冇時間，見今日出街，於是便睇下沙田廣場有冇得穿耳喇，點知有喎，仲唔貴，三十蚊咋！同旺角差不多；而且又唔需要車費，計落仲有賺！於是梗係即刻穿啦，我連邊個位置都一早諗定晒喇，哈哈，勁呢？！我一隻在左耳下方，一隻在右耳上方即耳骨部份，雖然好似唔係幾正經，不過趁年輕，冇所謂啦！可能因為我份人又鍾意新鮮刺激既玩意啦～～
跟住仲買左一包桂格（真係幾 “貴價格”！）既麥片俾我老豆，佢鍾意食嘛！而且多吃有益。另外又買左兩盒牛奶麥片、一樽阿華田粉、同埋一樽Qoo新出果隻熱情果汁俾阿妹拎去Hall，唉，雖然連Miss Chan都話佢真係同我冇乜兩句，好生疏咁，但係都會買些東西俾佢既，鬼叫佢係我阿妹咩！縱使佢唔鍾意我一些惡習，不過唔會計較既。接著返回屋企一陣放低那些物品後，繼續出左去附近大圍隆亨等地方行一會，爭取多些運動！首先在大圍買左一袋皮蛋，一排香口膠，最後又買左兩杯即食意粉＆薯蓉！計落我今日都買左成一百蚊東西，雖然只係小小既數目，不過同果班年薪過百萬既庸官但只係用幾百蚊去振興經濟黎講，我覺得已經算是盡過綿力了！以我有限既收入來說，總算有一點貢獻吧？>;-)

好喜歡呢個網站．．．超正呀！http://nijam.tsimtung.com/
****************************************************************************************************************************
今日我細佬牛一，雖然佢依家身在美國，不過都要同佢講聲生日快樂既！　^o^


>>May 27, 2003 at 9:37:40 AM GMT+8

2003 年 5 月 25 日 星期日 【陰】

早睡早起
今朝訓到五點鐘就醒左！可能係呢幾日都早訓喇，昨日又因為太累所以訓左晏覺，攪到自己一早就睡不著！！經過昨天既「充電」，終於冇咁累了．．．呢兩星期既考試攪到自己散晒，最慘就係精神上既折磨，簡直累得要命。自己又多野諗喎，一緊張就成日飲水，攪到對眼同對腳都腫起來！
****************************************************************************************************************************
牡羊座的女子　（哈哈，又講得幾ｏ岩喎！）

應該算得上十二個星座中，獨立性最強的女性。她絕對不是那種整天守在家裡，等著你來接她、送她，完全缺乏獨立行動能力的典型。

對於大多數的牡羊座女孩來說，她寧願相信如果沒有你在身邊礙手礙腳，她辦事效率或許要高得多。聽我這麼說，你或許會以為這樣的女人是不需要男人的！那可就錯啦！自信而驕傲的牡羊座女性確有著堅強的獨立生存能力。
但她們內心都深深地渴望著她夢中的白馬王子快點出現呢！很難相信吧！看起來那麼銳利的她，其實是充滿著童話般夢想的。而對所有的牡羊座女子來說，她們心裡最大的矛盾就是渴望征服對方，又期待著被對方征服的微妙心理。
你現在可能有些擔心，不知道該如何扮演好自已的角色了，是嗎？別慌！先把你的「真心」準備好，以後的辦法就好商量了，雖然有一點點辛苦，不過保證值得。
首先，你必須認清，牡羊座的女子基本上是「英雄主義」的。她會傾心於一個令她佩服的男人。她要嫁一個讓她引以為傲的丈夫。她或許會比較欣賞事業有成的男人，但這並不表示她是個拜金主義者。 家財萬貫的花花公子是不會讓她心動的，滿腔理想的熱血青年反而會受她的青睞。
因此，如果你愛上了一個牡羊座的女子，請先不必展開熱烈的追求。哈巴狗一樣的男人會讓她既討厭又害怕，她深怕給你一個禮貌的微笑之後，你就會死纏著她不放了。
你最好先讓她了解你的才幹、你的魅力，引起她對你的好奇（或者應該說引起她征服你的興趣），等你感受到她對你真有好感之後，你再誠懇的對她表示愛意，那麼前途就大有可為了！
你要像個「大男人」的樣子（我說過她很英雄主義），但是你絕不能對她頤指氣使。 你一定要真心的關懷她，但絕對不要太縱容她。我想你應該用一種「英雄惜英雄」的態度來待你的牡羊座女人，才是比較適當的。

絕大多數的牡羊座女子都很好強，她們堅持要在對方的心目中保持最重要的地位。當然她也會把你擺在她心中最重要的位置。而且她很忠實、很大方。她願意與你分享她的一切。
當然，她也會認為你應該與她分享一切，包括你的秘密。欺騙你的牡羊座女人，有如犯了欺君之罪一樣的嚴重。這一點你可千萬要記住，她情願聽你令她心碎的懺悔，也不要接受美麗的謊言。你最好少在她面前誇獎其她的女孩，尤其是那種由衷的讚美，極可能會引起雷霆大火。

我有好幾位牡羊座的好友，每次有聚會的時候，我一定只和她們的另一半保持禮貌性的交談，儘量避免談笑風生的場面。
或許，你也會察覺，她的朋友也在刻意跟你保持一些距離，你可別以為大家都是敬鬼神而遠之。這是因為牡羊座的女人在朋友圈中，多半是大姐頭類型的人物，她很講意氣，很樂意幫助別人，因此，同性的朋友才不願意引起不必要的誤會。

牡羊座的女人確實有點霸道，不過這也是她個性中可愛之處。遇到事情，她常常會挺身而出，她對朋友講義氣，對你也絕對如此。牡羊座的女人是會為愛人拚命的。
我有個經商的朋友娶了位能幹的牡羊座妻子。婚後，她的確成功的扮演著賢內助的角色，使他原本就蒸蒸日上的事業，更加飛黃騰達。
我這個朋友什麼都好，既有才幹又顧家，只可惜風流本性始終改不了，不過索性都是逢場作戲，沒有驚動到太座大人，沒想到有一回遇上了一個厲害角色。這個女人對他死纏不放。尋死要活，搞到最後，他實在沒辦法了，只好老實向太太招供。
或許很多女人會傷痛欲絕的跑回娘家去，要不就是跟老公又吵又鬧。我這個朋友的太太可沒這麼軟弱，她先是把我的朋友好好的數落一頓，然後問清楚了那個女人的住處，立刻趕到那兒去。
她跟那個女人說：「妳要死要活，是妳的事，如果妳再敢找我老公，我就告妳，妳最好不要得寸進尺，否則我就讓妳死的很難看！」
只花了三分鐘，這位牡羊座的妻子就把困擾老公兩個多月的問題解決了！誰敢說她不是賢內助呢！牡羊座女人永遠胳臂朝內，槍口朝外的態度是非常令人激賞的，但是你千萬要記住你們是一體的，吃裡扒外的男人可就要吃不了兜著走囉！

由於她們那麼積極堅強的個性，許多牡羊座的女子都會給人一種尖銳、而且愛找麻煩的印象。在表面上，她們是不會讓別人（尤其是男人）佔便宜的。
很多人會認為牡羊座的女人總是尖嘴利牙的得理不饒人。正因為如此，她們常常會吃些暗虧，受到挫折，她們總是比其他的女孩活得辛苦一些。
其實，你應該明白，她們的內心多半是正直、善良，而且脆弱的。只要你真心的關懷她，在她受了委屈的時侯，給她一個溫暖的懷抱，她會成為你一生忠實可靠的伴侶。

牡羊座的女人幾乎都可以成為出色的職業婦女，也同時能做稱職的家庭主婦。事實上，讓她擁有自已的事業對你們的婚姻是有幫助的。
當她儘量在工作上發揮了她的好勝心和征服慾之後，回到家裡做綿羊的機會就比較大了。
如果要一個精力旺盛的牡羊座女子，把心思全放在「你」的身上，我擔心你會有點受不了的。至於家庭，你大可放心，她雖然柴米油鹽之類的瑣事，不是那麼有興趣，但好強的她，不會讓自已成為一個失敗的主婦的。

還有件事你該慶幸，那就是我很少看到一個邋遢的牡羊座妻子， 她們大多都在婚後依然保持光鮮亮麗，不願意別人譏笑她老公娶了個黃臉婆。就算偶爾懶散一下，只要老公稍加提醒，她們立刻就會警覺。
我有個產後稍微發福的牡羊座女友，就因為老公說了一句「以前我最欣賞妳那雙修長的腿了。」她硬是兩個月減肥了二十磅。
就憑她這股堅強的毅力，你能不相信她會全力以赴的做個好妻子嗎？

有興趣可到以下網址：http://netcity2.web.hinet.net/UserData/chwin/killove5-1.html :P


>>May 26, 2003 at 8:08:34 PM GMT+8

2003 年 5 月 24 日 星期六 【晴】

失敗的我
昨日返工拉工作證時，竟然有"VC" 兩隻字出現，我心諗梗係有問題喇，跟住supervisor一見到呢兩隻字已經即刻特別指定我坐既位置；後來我問Team Leader係咩意思，原來係解「賣錯飛」！嘩．．．我心都寒埋，竟然咁大鑊？最慘就係組長既特殊眼光，攪到自己鬼咁大壓力！我返左工六日咋，唔想咁快就俾人炒！之後有位supervisor見我，交代番我錯既原因，仲俾左餅錄音帶我聽，原來係自己第一日返工時太緊張攪到賣錯左，將孖寶同孖T混淆了。好彩因為係客人話無錯誤我才入飛，所以佢claim唔到錢咋．．．不過呢個已經係一個大錯失，收到警告信喇，仲有個紀錄會保留半個馬季，至十二月底才會清除。好彩我唔係年頭入職咋，若果唔係就會冇左季終服務金，成千蚊架！
唉．．．咁既紀錄，令我本來剛剛有返既「信心」冇左一半．．．經歷左咁多事件，本來呢排我終於開始好番的既時候又整單咁既錯失，真係幾大打擊架！

>>May 25, 2003 at 12:07:44 AM GMT+8

我叫彭婉妤(音愚)，愚人節出生，花名叫阿魚，個名倒轉讀就係魚丸「嘭」（簡稱「魚棚」），國語讀作彭鯇魚，成日俾人瘀，最唔怕瘀！！ 廣告 讀者留言 |  路人留言   | Happy Birthday T >>April 1, 2007 at 11:32:04 AM GMT+8 唔洗覺得, 今本呢到就係一個養懶 >>March 18, 2007 at 3:59:28 AM GMT+8 你係咪沙官人?? >>March 15, 2007 at 1:14:02 PM GMT+8 路遙知馬力、日久見人心 >>March 12, 2007 at 4:22:51 AM GMT+8 你認識TVB記者林小珍嗎？ >>February 28, 2007 at 12:55:45 PM GMT+8 要做一個成功和身心健康的人,就唔 >>January 28, 2007 at 4:15:51 PM GMT+8 乜妳原來咁感性架,真係睇唔出 >>January 21, 2007 at 12:08:32 PM GMT+8 Lonely Lonely Ch >>December 22, 2006 at 3:42:39 PM GMT+8 <br>Love Paradi >>November 22, 2006 at 3:39:12 PM GMT+8 你張相係唔係在屯門拍的呀？ >>November 9, 2006 at 4:35:10 PM GMT+8 You take more re >>October 2, 2006 at 1:10:17 AM GMT+8 真係病就要請假啦，其他人係唔係都 >>September 30, 2006 at 8:39:57 AM GMT+8 很久沒有留言了！我太忘了！ <b >>September 28, 2006 at 4:08:22 PM GMT+8 我相信呢個世界上真的有好人存在的 >>September 14, 2006 at 5:00:52 PM GMT+8 Take care! >>September 14, 2006 at 1:39:06 PM GMT+8 Me too. <br> <br >>September 12, 2006 at 1:39:01 PM GMT+8 秋天 使我想起這首兒歌 <br> >>September 11, 2006 at 3:20:57 PM GMT+8 我對你有信心，你一定得架！ <b >>September 10, 2006 at 6:57:02 AM GMT+8 How are you toda >>September 7, 2006 at 1:31:21 PM GMT+8 送一首歌鼓勵妳！ <br> <b >>September 3, 2006 at 5:08:31 PM GMT+8 彭婉妤，振作呀！Don't gi >>September 3, 2006 at 11:10:02 AM GMT+8 Wei, long time n >>August 30, 2006 at 2:31:20 PM GMT+8 Yuen Yu, what is >>August 29, 2006 at 4:37:43 PM GMT+8 Why do you need >>August 27, 2006 at 12:24:18 PM GMT+8 I never dyed my >>August 27, 2006 at 12:22:24 PM GMT+8 雖然我唔係好清楚你做的工作性質， >>August 24, 2006 at 4:03:50 PM GMT+8 多謝你的回覆！ <br> <br >>August 24, 2006 at 4:00:33 PM GMT+8 呢張相係你剪左頭髮之後的照片嗎？ >>August 22, 2006 at 12:59:56 PM GMT+8 別灰心，我替你加油，打打氣！ < >>August 18, 2006 at 1:01:06 PM GMT+8 Where did you wo >>August 16, 2006 at 12:56:35 PM GMT+8 我都有看魔盜王2！不過我覺得好似 >>August 16, 2006 at 12:55:03 PM GMT+8 首你一首歌鼓勵你！ <br> < >>August 8, 2006 at 11:06:06 PM GMT+8 http://hk.geocit >>August 2, 2006 at 4:02:37 PM GMT+8 Wish you recover >>July 24, 2006 at 3:04:29 PM GMT+8 Hi! How are you? >>July 16, 2006 at 2:49:08 PM GMT+8 我很喜歡約翰衛斯理寫的這個故事， >>July 10, 2006 at 2:20:25 PM GMT+8 剛剛先得閒睇下你的日記，好想知你 >>July 8, 2006 at 6:13:44 AM GMT+8 你靚左好多呀！ >>July 4, 2006 at 3:34:44 PM GMT+8 原來你做左"負離子"!!!張相都 >>June 15, 2006 at 3:33:03 PM GMT+8 Do you go to chu >>June 13, 2006 at 3:34:19 PM GMT+8 做個朋友傾下計丫~ <br>上面 >>June 6, 2006 at 10:38:39 PM GMT+8 你好! 吾有緣在sina遇到你, >>May 27, 2006 at 5:20:27 AM GMT+8 Katie, <br> <br> >>May 22, 2006 at 3:20:25 PM GMT+8 Katie, 呢排公司都好忙呀， >>May 18, 2006 at 1:22:02 PM GMT+8 http://www.pbase >>May 14, 2006 at 7:21:33 AM GMT+8 Hello! Long time >>May 7, 2006 at 4:18:06 PM GMT+8 hello nice to me >>April 27, 2006 at 2:55:48 AM GMT+8 我在 sina 看到妳妳的檔案， >>April 18, 2006 at 5:22:44 AM GMT+8 Hello, I find yo >>April 17, 2006 at 3:40:54 PM GMT+8 Katie, 您好嗎！ <br> >>April 5, 2006 at 4:19:01 AM GMT+8

人氣: 39232

Design & Scripting by ShowHappy.Net