2011 年 8 月 9 日 星期二 【晴】

不知不覺這日記已經有. 10 萬人參觀過,
還記得當初寫日記時, 看見人家日記有1萬看過, 總覺得不可能...

8年了, 因為這日記我認識了不少朋友, 有見過面的, 沒有見面的;

8 年前, 因為失戀, 寫日記為了抒發一下情緒, 記念往書;
8 年後, 時不時都收到" 路人 "留言, 看我日記好看, 搞笑, 也漸漸成了我寫日記, 文章的動力;

幸好, 在這裡我可以說心底話, 真話,
因為真正識的我, 已經去了看我的facebook, 現在的觀眾都是路人, 哈哈哈,

令我可以暢所欲言 ^^

>>August 9, 2011 at 10:47:29 PM GMT+8

2011 年 8 月 7 日 星期日 【晴】

3 條A, 十几年前只會令我聯想起『賭神』/『賭聖』...

3 條A, 今日只會令我想起Credit Rating ...


星期五晚, 與朋友在旺角打邊爐, 一邊食, 一邊留意美國最近非農業職位新增數據;

幸好, 數據比預期好, 支持美股大市。

數據好, 有了心情, 於是決定再晚些, 與另一個朋友夜笙達旦地玩,。

怎知﹐醒來時, 駭然發現, 標普將美國信貸評級下調, 由3 A降至2 A+ ......

星期六下午, 不斷與身邊朋友說﹕

『星期一怎算？沽？不沽？Risk Off？』

大家得出的結論是, 『熊市』的重要特質是, 當投資者發現『熊市』時, 『態市』已過了一半。


『如果美國3 條A沒有了, 怎算？』這個問題, 2 周前我已經不斷與朋友談論;

從前, DEGREE, MASTER, CFA 等都指美國10 年國債評為Risk Free Rate, 無風險投資, 因為美國是AAA 評級。

投資( 債券, 股票, 匯市, 商品等 )市場及貿易市場上, 一切的價格都受Risk Free Rate 影响, 用它計算出自身價值,

今天, AAA 沒有了, 自自然然Risk Free Rate 沒有了, 一切一切物件用什麼來定價呢？


恐慌的是『明天所有東西的價值都沒有價準, 定價不準, 自身價值不能反映出來, 買貴賣錯是必然的結果 !!!』


AAA 與銀行/ 打工仔的關係


根據HKMA 指示, 所有銀行都必需有一定AAA 評級的資產, 去維持Liquidity & Risk Level。

本身AAA 的美債一下子變成AA+, 銀行就要賣掉它們, 買回其他AAA 的債券( 瑞士, 英國, 德國, 法國 ),

但你肯賣, 有誰會買呢？明天全港銀行將要面對『無價無市』的問題。

對於某几間小型銀行, Liquidity & Risk Level 突然下降會引起存款極快溜失, 存戶對銀行失去信心﹐

『銀行擠提』變成『銀行破產』, 一點也不足為奇。几十年前的恒生就是這樣, 被匯豐收購。


恐慌的是『銀行擠提』變成『銀行破產』, 市民的血汗血一晚消失了!!!


為了維持Liquidity & Risk Level 問題, 不斷Call Loan 都有機會發生, 對於現金流Cash Flow 不足的中小型公司會造成威脅。

公司因為現金不足還給銀行, 賣掉資產, 裁員, 最終破產結業就是08 年金融海潚告訴我們的結果。


恐慌的是『失業』, 不單止是銀行員工失業, 更是靠向『百業之母 - 銀行』借銀做生商的中小企公司的員工一齊失業。


AAA 與貨幣/ 市民的關係


美債AAA 沒有了, 人們好自然會想盡辦法賣掉美債, 即想沽出美元, 買入其他Risk Off 無風險資產, 例買入人民幣。

平衡風險, 升值, 通漲, 政治後, 買入人仔是最好不過的選擇, 人民幣大幅升值直接令用人民幣定價的商品價值大幅舉升。

對於凡事靠內地入口的香港, 人民幣不斷升值會令港人生活百上加斤, 輸入通脹令市民生活質數下降。


恐慌的是『輸入通脹』遠高過『收入升幅』, 市民生活百上加斤。


AAA 與中國, 美國的關係


手持2 萬多億外匯存備的中國, 一半資產就是美國國債, 一下子被貶值了。

即係中國身家被貶值了, 身為美國最大的債主的中國會怎樣做？殺咗美國？即係打仗？

對於經過1911 辛亥革命, 1938 8年抗日, 1945 國共內戰, 1950 韓戰, 1970 越戰的中國, 打仗根本不是什麼大新聞。

過去一年, 中美匯率會談已經搞得滿城風雨, 迫使人民幣每年升值 3%已令中國廣東省 20%的製造業出口公司倒閉。

美債( 美元 )的貶值會直接損受中國的利益, 為了確保本身利的共產黨會以什麼方法去解決這個問題？

我估不了, 無論它做什麼, 反正你信不信, 它就信了。


恐慌的是國與國之間因為貿易, 外匯問題的爭拗, 最終怎樣解決, 影響, 破壞力是無人想象到的!!!


:

:

:


我恐慌, 因為我明白經濟與我的關係。

你不恐慌, 我只可以說, 你知識不足, 了解世界不足。

不信？對於有買保險保的你, 請打電話給自己的AGENT/ 公司, 問它們預計30, 40年的回本計劃, 現在還可以做嗎？

如果AGENT/ 公司答你『可以』, 證明它們一定不懂投資, 不懂公司運作, 即係呃你。

因為保險公司規定持有AAA 債券的比重不少20%; 我估計當中AAA 國債當中肯定最少60% 就是美債。

:

:

:


你恐不恐慌？我不知, 反正我恐慌了。

>>August 7, 2011 at 7:25:19 PM GMT+8

2011 年 7 月 30 日 星期六 【晴】

ranee sorry

>>July 30, 2011 at 10:17:08 AM GMT+8

2011 年 7 月 24 日 星期日 【晴】

話說上上星期三, 約了同事Cynthia (小肥羊)食午飯﹐於是俩俩到了ICC 附近的『小點心』橕枱腳。

俩人叫了一個雞飯, 一碟叉燒腸等, 食得飽飽要離開之際, 發現出面正下著大雨。

雖然『小點心』離公司只有短短眼前200 米, 但中間有段路沒有遮蔽, 冒雨硬衝全身定會濕得切底;

由於小肥羊驕生慣養, 我們只好搭的士回去...



『滴, 滴, 滴』...『滴, 滴, 滴』...

不是雨踏聲, 而是咪錶的跳格聲; 短短200 米路程, 最後左兜右兜花上35 元...



在W 酒店下車前, 小肥羊接到芳芳同事電話﹕『喂, 你在哪？』

小肥羊﹕『我搭的士回來中, 你先瞓吧...』

下車了, 咱們經過HMV , 逛逛之後就回辦公室去,

『哎呀. 我部手提電話不見了 !!!!!!!!!!!!!!!!!!!! 』小肥羊不停喊著...


小肥羊首上在網上找到『小點心』電話, 打電話問﹕(上海出生, 在英國留學的小肥羊不純正的廣東話)

『五該, 我ARM ARM 响你哋到食嘢架, 我部電話五見咗, 五知你地有冇人劍到厘？』

職員﹕『無丫...』

:


小肥羊﹕『不對喎, ARM ARM 响車上同過芳芳講電話, 電話可能留在車上厘？』

我﹕『好采, 我啱啱見司機大哥有做CALL 車服務, 有拎到佢咭片, 你可以試下打俾佢...』


小肥羊﹕『師雞丫, 我ARM ARM 坐過你啫, 落車後部電話就五見咗, 五知你E_+見五見到厘？』

司機﹕『我依架做緊生意, 遲啲再傾吧...』

我見小肥羊無功以回再打電話給司機：

『司機大佬, ..., 不如咁啦, 我電話係XXXX, 你一陣搵下, 話番結果我知丫。』

:


萬幸的是, 小肥羊的電話型號比我的還要舊10 倍, 沒有聽歌功能餘, 拍照, 上網更不用話說,

如果有人執了, 賣也賣不到1 個5 亳; 也不怕有什麼性慾圖片/ 短片會留傳出去。


結果1 星期後, 小肥羊買了電話後, 當大家都忘記去電話一事之際, 我的電話響起, 司機大佬﹕

『郭生？我睇番電話MISS CALL, 先記得打番俾你, 你朋友部電話起我度丫, 你諗住几時拎番？』

:


失只了1 星期的舊電話, 竟然失已復得？點解司機大佬要1 星期後, 才通知我們電話一直在他手裡？

我問小肥羊有什麼想法？呆滯笨笨的她沒有意見。我認為﹕

『一, 司機一早就執到電話, 唔出聲;

二, 但見到部電話唔值錢, 想拎唔拎去賣之間; 中間需要時間;

三, 問過了機價, 賣出賺都唔多; 不如花時間看看手機裡有冇什麼圖片/ 短片, 短訊, 值錢, 值得" 勒索 ";

四, 最後發現一點" 勒索 "理由都冇, 希望" 好心 " 俾番電話, 希望你識做俾D 錢佢...

如果唔係, 我諗唔到咩理由, 佢要1 星期後俾番你。』


小肥羊鼓起兩鰓﹕『嘩, 咩D 人咁架 >.<』

:

:

:


我不知『咩D 人咁架』係指司機, 或是我的猜想,

但令我想起最近與朋友R 的一番話﹕『對什麼人, 就應說什麼話。』

人自初, 性本惡, 腦裡要耍古惑有何難？知人口面, 不知心。

現今社會上, 人家幪著面全心去騙你有何難？

要明清楚身邊的人那個對你真, 那個對你假才最難 !!!

要明清楚哪句話真, 哪句假就更難 !!!

也順道回應朋友R , 我對你, 從來都是『真話』。

>>July 24, 2011 at 7:46:36 PM GMT+8

2011 年 7 月 20 日 星期三 【晴】

來回球 - (排球)
by Penny Kwok on Wednesday, July 20, 2011 at 10:35pm
Your note has been created.

眼看對方跳起用『扣球式』發球, 觸球時手包實球, 制成高速漩轉, 直接擊向我方二號位;

二號位球員『下手』接球了! 接到？不如說, 球下錐得太快, 二號位球員來不及移動, 緊用預備動作來接球。



球彈得非常高, 沒有向3 米網飛去, SETTER 只好跑去用『上手』將球用力推高, 作修正球;

同時間, 4 號位的大鎚移去3 米線對出場外, 準備助跑扣球。



修正球飛得高, 兩隊11 個人全部望實4 號位球員躍起擊球, 『砰』!

因為是修正球, 對面攔面球員已經對好封位準備, 『砰』一聲, 球觸到攔網球員的手指,

球速驟減之餘, 路線也變更了。



對方5 號位球員『魚躍』飛身救球, 瞬間SETTER 用身體遮住垂下右手, 伸出『尾指』作指示;

準備就緒的球員, 看見指示後,

後排2 號位首先在3 米線後加速, 預備作『後排攻擊』;

但同時間, 4 號球大鎚也拉長場外, 預備打個『大斜線』!

當SETTER 將球平飛推出後, 3 號位球員就在沒有任何攔截下, 打了個『後排小平拉』, 『砰! 啪! 』

......



來回球瞬間, 要考慮時事, 要觀察的事非常多；

要作出最適合的決定作出回擊, 除了球技, 平日訓練, 經驗也非常重要。

......



知道我暗示什麼嗎？

>>July 20, 2011 at 10:35:43 PM GMT+8

2011 年 7 月 19 日 星期二 【晴】

我要做 TOP SALES .\ _ /.
by Penny Kwok on Tuesday, July 19, 2011 at 11:43pm

近日見朋友R 對自己失去信心, 失去方向似的, 所以特登寫篇故事去鼓勵她。

死亡筆記的R ？當然不是; 但如果她失去信心及向去, 她的前途離死亡應不遠矣...



回到2007 年, 在恒X銀行做SALES 的時候; 以下是我聽過銀行SALES (包括我)與客人講過的話,

『啊, 陳女姐, (40多歲), 恒X咁大間銀行, 唔會呃你既, ED 產品好穏陣架 !』(其實不保本)

『陳生, (50多歲), 你好, ED 計劃最好架喇, 同街比, 回報係最好架喇 !』(分分自己都唔知, 就亂嗡)

『王太, (60多歲), 起E 個時候, ED 儲錢計劃係最好, 回率有每年3 %, 真係好抵, 贏硬通脹 !』(通脹何止3 %)

『李小姐, (30多歲), 拿, 你將舊計劃既錢拎番哂出黎, 做個新計劃, 又唔洗再擺錢落去, 唔係唔好抵丫？』(分明講大話)

:

『肅先生, E+環球市場邊個最好, 唔諗都知係中國, 將全部錢投資落中國既基金就無錯喇 !』(升梗既咩)



曾經有一輪, 我的SALES 成績好好, 主要SALE 投資產品, MANAGER 對我好好, 我想過做TOP SALES, 不過, 慢慢知道...



做SALES, SALE 到嘢就是做到嘢; 有數就係神, 人人贊你醒 ! 上至MANGER 個MANGER 都識你, 下直隔離TEAM 的靚女都會認同你; 不過,

無數就是鬼/ 廢物, 日日返工都會被老闆用粗口問候, 心理壓力大到不想出街見人, 整個人失去信心。



為了追數, 交單交數, 每日都要同客人講好多『大話』, 講好多『自己唔明』, 『客人又唔明』的話;

做了一年銀行SALES, 我發覺自己同街邊的『阿毛』, 或者警訊裡的『神棍』無分別 !

終日『呃神騙鬼』, 為了數/ COMMISSION, 講大話講到一個程度, 令我好驚收尾兩年。

做SALES 識盡, 見盡人面獸心的人; 見盡靠擦馬屁上位的空心老官/ MANAGER;

最大問題是, 在銀行做SALES 全完學不到事, 除了『埋沒良心』, 一點銀行業務也學不到;

做SALES 久了, 只會向錢看, 變得貪心, 短視, 養成過得一日得一日的心態。



一年間, 不斷問自己點解讀這麼多書, 考入港大, 畢業中大, 返工竟然同一個中三/五畢業生差不多,

著上西裝去『呃神騙鬼』, 賺取COMMISSION, 與地產SALES 有什麼分別？



在良心, 自尊心下, 最後決定辭職。

講白一點, 是因為不想收尾兩年折墮, 不想浪費自己多年努力換來的學歷, 我決定轉行, 永不做SALES。

但我辭職不到一星期, 雷曼破產了, 金融海潚來了, 再也找不到銀行的工作, SALES 也做不回了...



失業那年的感受, 比做SALES 還要難受。因為無錢...

一切也是錢的問題, 失業令我初試感受到錢可以買起自尊及良知﹐

可是, 我決定要靠自己的學識去工作, 不要再為錢去工作, 所以我再沒有申請銀行SALES 的工作了。



:

:

:



為了轉行, 我考了. CFA, 用緊餘積蓄報讀了.MASTER OF ACC & FIN; 最後在

機綠巧合下, 我進了XX銀行的投資部工作, (MIDDLE OFFICE), 除了能接觸銀行投資業務外, 也能學會所用。

2 年快要過了, 雖然現時的工資比初入職時多了一佔, 但比起做SALES 時還要少, 但我沒有後悔。

因為我知道自己想要什麼, 想靠什麼去表現自己的能力, 存在價值, 也明白了﹕



1. 人不為錢工作, 為理夢工作;

2. 轉工不轉行, 轉行不轉工;

3. 什麼是好工作 (人工好, 工作環境好, 同事好, 公司好, 前途好, 自己鍾意就最好)

4. 你對人好, 人對你好;

5. 虛心學習, 不怕被人鬧;

6. 做人做事, 要心安理得；

7. 人不為自己工作, 應為家庭, 社會工作;

8. 有了理想, 就要誅付實行;

9. 為目標去努力, 目標不一定會達到, 但成效收穫一定有的



朋友R 你需要什麼？適合什麼？只有你自己知道。

但請記住, 不要失去自信及及方向; 有了自信及方向, 加上努力, 萬事你都一定能成功 !!!

>>July 19, 2011 at 11:58:50 PM GMT+8

2011 年 7 月 18 日 星期一 【晴】

半年前, 一嘢大腳解圍, 除咗將個波踢咗出界, 亦將我既右腳子公既甲踢埋出黎 >.<'
半年後, 以為新甲會好好既生... 點解生得太深, 超痛 !!!
搞到我啱啱用咗"330 "蚊去睇醫生, WTF...
腳趾超痛, 好想聽日著對人字拖返香港最高級既甲級寫字樓, 啤 @X@ OK痛耶 -___+'

>>July 18, 2011 at 11:04:47 PM GMT+8

2011 年 7 月 17 日 星期日 【晴】

遲到 - 相對論
by Penny Kwok on Saturday, July 16, 2011 at 11:36pm
Your changes have been saved.

記得中學時代, 鄭老師說過﹕

『我中學時代, (80時代), " 準時 "係約會時間早15 分鐘... 』

...



FACEBOOK MSG BOX 的一番對話﹐

朋友A﹕『PENNY, 朋友B & C , 約你哋XX朝早9 點飲茶, 大家OK？』

PENNY﹕『食屎啦, 約12 點都驚你2 點先黎啦. 如果約9 點, 睇黎12 點我哋買咗單, 你都未黎啦... 』

...

朋友D﹕『PENNY, 唔洗咁串呀麻？朋友A 會改架喇^^' 』

PENNY﹕『改？上次佢超離譜, 明明約下午2 點東涌等, 點知佢2 點仲起旺角, 定唔知青衣;

又話黎到東涌會打俾我, 又點知... 佢2 點45 分鐘黎到東涌, 我唔打俾佢, 我都唔知佢起FOODCOURT 食緊嘢...

遲到之外, 連一D 搭烚都無囉...』

...



『準時』, 對於80後(包括我), 90後究竟是什麼意思呢？

約會時間早15 分鐘到達？約會時間準時到達？約會時間早遲15 分鐘？遲30 分鐘內？

遲几多都沒有所謂, 約了有到就叫準時？



『遲到』之所以盛行, 相信是大家的科學知識都有所增長﹐對『相對論』的應用, 超于對它的理解!!!

『相對論』有分『狹義』及『廣義』; 『廣義相對論』針對『相對速度, 時間』, 而『狹義相對論』則針對『空間, 質量』。

『廣義相對論』簡單說, 是指不同物件的速度是相對的, 一方快, 一方則相對慢；

當一件物間的速度提高至光速﹐時間就會停止; 無論是『停止時間』!!!

今世界各地科學家都努力尋找接近, 超越光速的方法的時候, 香港人已經可以找到了, 而且好好利及發揚光大!!!



香港人遲到原因, 不乏以下几個﹕

1.『遲到者用作瞓覺/ 化妝的1-2 小時就是" 光陰 ", 而等候者的時間, 則是多餘, 甚至會停止的。』

2.『遲到者感到自己遲到是" 應份 "的, 有權去浪費他人時間, 而他人等候自己是天地之道。』

3.『遲到者覺得自己遲到不是十惡不赦之事, 等候者一定會原諒自己的。』



香港人可以隨時, 隨意令人家的『時間停止』, 如愛因斯坦泉下有知, 一定會彈起並在YOUTUBE 自拍短片開心一番。

香港是國際城市, 每個香港人也變成國際巨星, 要人等自己十分合理, 真是可喜可賀。

香港人情操高尚, 對每個習慣遲到的人都能包容, 發揮儒家之道, 孔子之教。

...



所以我認為, 香港人, 我的朋友遲到得有學識, 有型, 也得體。

:

:

:



(朋友A 請不要嬲, 我只是利用開頭的故事去帶以上的道理呢 ^^

如果我覺得你無藥可救, 我連講道理也廢事呢. )

>>July 17, 2011 at 12:43:33 AM GMT+8

2011 年 7 月 13 日 星期三 【晴】

俾人話係小朋友, 廿歲未夠既傻仔永遠都唔係最慘;
最慘應該就係人哋廢事出聲回應你, 當你唔存在;
唔一定係做錯嘢架, 又唔係Facebook, 可以唔LIKE 架麻;
用心又好. 好心又好. 專心又好. 無心又好. 總之就
咕... 叨... 嗚... 呼... 哎... 唉... 休息一下吧

Ranee

>>July 13, 2011 at 9:04:29 PM GMT+8

2011 年 7 月 13 日 星期三 【晴】

香港是一塊『福地』
by Penny Kwok on Wednesday, July 13, 2011 at 12:54am
Your changes have been saved.

只有首都北京百分之一大小的香港, 由1842年鴉片戰爭計後, 一百五十年後的今天已變成了世界其一塊『福地』。

所以稱得上為『福地』, 因為香港人的人生意義早已由『物理層』, 昇華至『真善美』。

『物理層』至上是『生物邏輯層』, 再上是『生物文化界』, 最後是『道德, 理想, 真善美』。

(註- 殷海光, 人生的意義)



食物與通脹



7月11日是世界人類日, 據聯合國公佈, 人類數目將突破70億, 但活在貧窮線下, 飽受飢餓的人佔了30%;

現在南非, 東非各國，大約2800萬非洲人正急需糧食援助。面對糧食問題, 香港又怎樣？

在隴斷內地豬肉批發的五豐行及人民幣升值下, 肉類價格不斷上升, 豬肉更按年度升了50%, 令食物通脹急升。

比起『無啖好食』, 香港面對的只是『食物通脹』, 香港人當然有『福』。



比起溫餓, 香港人已比較價錢及味道。



打仗與遊行



由3 月開始至今日的利比亞內戰, 政府軍與反對派死傷無數;

當中不斷傳出政府軍『強暴反對人士家屬』的新聞, 內戰人士在街頭弄刀弄槍, 破頭捐軀顯得家常變飯。

同樣面對獨裁政權, 香港又怎樣？

一國兩制, 五十年不變的法制下, 香港人曾發起『7.1遊行』, 『五區公投』去表逹自己意願,

拿樂器, 紙牌, 報紙, 宣傳海報外, 最多也是縳條白絲帶, 點起燭光, 抬副棺材去示威, 遊行。

比起『流血衝突』, 香港人最多只是『流汗喊苦』, 香港人真是有『福』。



比起生存環境, 香港人更重視穩定環境。



搬遷與居屋



巴西將要舉辦『世界盃』, 為了改善治安問題, 出軍隊介入聖保羅貧民區,

先將『保護貧民』的毒犯迁滅, 再將居民趕走, 令人流離失所;

最後在原區興建更多新, 更多, 更貴的渡假村, 豪宅, 制造『太平盛世』。

面對房屋問題, 香港又怎樣？

有樓就不准樓價跌, 無樓又要鬧樓價貴的香港人, 與地產霸權及官商鈎結的政府雙劍合壁下,

無論居屋是否復建, 總可以入住堔水埗/ 土瓜灣的『劏房』﹐而且實用面積100%, 最少『有瓦遮頭』。

面對房屋問題, 香港人再次勝出, 也是『有福』。



比起容身之所, 香港人十分重視居所大小環境。



如果要比較, 我可以找到千百個例子去證明香港是一塊『福地』...

為什麼香港人還這樣不知足呢？



:

:

:



其實, 香港現在面對的問題是什麼？

香港人其實有好多撰擇, 問題在於抉『爛蘋果』或是『爛西瓜』然而。

比起『無得食』, 起碼可以『食爛生果』麻...

>>July 13, 2011 at 8:59:13 AM GMT+8