2014 年 9 月 7 日 星期日 【晴】

港台節目播有關佔中既內容。。。總括一句，有人反佔中，係因為覺得無補於事，中央政唔會理。。。老實講，我都覺得佔中威迫唔到中央，唔可以改變香港政府做事行為。。。
但，官商地產勾結，經濟產業單向，內地人霸佔港人福利(醫療，教育，房屋)，沒有長遠發展藍圖(房屋，產業，教育，城規)，選舉貪污。。。等等大議題，市民可以點發聲，用行動去爭取改善呢?
固有利益者反對佔中，反對已有利益，優勢被重新分配，道理同新界丁權一樣。。。郁邊個，死邊個。。。
今日，80後，90後反社會最為激烈，原因為何?一來，佢地無法從1980至1997，香港經濟起飛時得到利益，而且被壓抑，努力向上既機會，既路被倒塞。。。80，90後大多無親身經歷過8964，但也能身心感受專制政權既可怕。為何?因為97回歸至今，在香港政府身上已能深深體驗到。。。

我也想反對佔中，但做咩先可以令政府聽市民既意見?做啲咩先可以發揮到政府重新分配，好好利用社會資源。。。
寫信唔得，遊行唔得，選舉唔得。。。仲有啲咩可以做?

>>September 7, 2014 at 8:34:10 PM GMT+8

2014 年 8 月 19 日 星期二 【晴】

welcome back, Cassie Chu, from UK
U are so nice and find ur happiness from UK life

>>August 19, 2014 at 12:08:04 AM GMT+8

2014 年 7 月 23 日 星期三 【晴】

最近反反覆覆地問, 如果有將她留下的機會, 會留嗎？
答案仍是, 留下她, 留下理想; 讓她走, 帶著理想...
我仍揀後者...
有多少人, 會有勇氣去追尋自己既理想, 追尋自己既趣興?
我沒有, 難道要再令她停止尋夢嗎？

Karine, Go ahead !!!
I love you, and hope you have a new life in Japan, and your BF loves u, treat u well

>>July 23, 2014 at 12:01:28 AM GMT+8

2014 年 7 月 15 日 星期二 【晴】

【放榜後記】

記者致電詢問成績都是慣常的情況，還記得當年張秀賢通識5**也上了明報蘋果A1，但不出所料，縱使校方多番向記者說明「我不會回校」，早上同學傳來照片，結果學校外也齊集各大電台 / 電視 / 網媒 / 報紙的行家等待……

坦白說，我也不介意在媒體曝光，但我的同學和老師也不一定想被我連累吧，因此我一早便找了同校的學民思潮成員，在八點多的時候，低調地運送成績表至我手上。

直至中午，忙著在城大處理副學士申請，也按慣例地調較了電話靜音，每幾分鐘就有電話和whatsapp，結果一天以來的misscall應該接近70個有多……拿到Asso PAM Offer，原本只打算同周庭去canteen做個簡短訪問，講講考dse的感受，結果行家收到風聲得知我和周庭出現，又無理由只做A傳媒而唔做B傳媒，在「開誠報公」的情況下，就引來十多個傳媒到場，什至成隊crew到齊。

無奈之下，cityu公關見狀就借房給我們，我入去後發現接近30個記者朋友，5部cam，10枝咪已經stand by，感覺上甚至至同622差在不多，已經完全超出我想像，無奈下變相做了放榜記招，感覺真的不太舒服，結果出現了香港首次公開試考生的成績公佈記者會……

我知道有記者因著採訪主任的要求，由陽光普照至落雨，再由遍地雨水轉為放晴，在我校門外等了超過三小時，要CHUR我沒有問題，但連累到同學老師，令他們被迫上鏡就不是一件好事，希望大家諒解我不回學校的選擇，雖然我都明白大家會關注學民同學的考試成績，但同時都希望大家會給予些少空間。

除了身邊的朋友不斷被人追問黃之鋒是否有conditional offer，在此順便澄清，到目前為止都沒有任何大學conditional offer的。（否則我就唔洗in asso啦）……我想大家也會很關注一點：搞學運同成績有關係嗎？我答你無，就梗係假既。

人人每天只有24小時，這些時間是怎安排，去接訪問？上電台？行動？開會？還是去溫多陣書？每個選擇也有得有失，既然決定權在自已的手上，那只要對得住父母和自已問心無愧，那就不會後悔。

對於我的成績，也是在我預期之內，我亦坦然接受這個結果。因此，我從來不會認為自已是因為學運而導致成績差了，老實說，就算沒有參加學運，也不見得公開試的成績會有進步。

一整天來，也很感謝老師同學、教會朋友、學民思潮戰友和網友的關心和意見，同時辛苦曬今日整天被迫跟著我的記者朋友，接下來不論是讀associate degree還是degree，黃之鋒還是黃之鋒，我還是會繼續參與學生運動，在政改餘下一年的日子，繼續推動公民提名和公民抗命，三年前投身學運的決定，今天依舊無悔。

說到尾，我都仍是一個剛剛放榜的學生，今天過於疲累，對著各位傳媒朋友黑口黑面，態度令各位不舒服的也謹此致歉，請大家給我一點時間休息，休息過後，明天則會在立法會嚴陣以待，要求和林鄭司長對話，正面回應72萬支持公民提名方案的投票結果。

路還是要走，請繼續支持我們。

>>July 15, 2014 at 11:53:20 PM GMT+8

2014 年 7 月 5 日 星期六 【晴】

511 分之1
2014-7-4 17:32:57
Share on facebookShare on twitterShare on sinaweiboShare on email

7月2日清晨，警方將示威者抬上旅遊車。（主場新聞記者攝）
7月2日清晨，警方將示威者抬上旅遊車。（主場新聞記者攝）

【文：陳澤滔】

首先自我介紹， 我叫阿滔， 八十後， 係一間算幾大嘅公司做緊一個so-called engineer， 公屋仔， 無任何犯法紀錄。

七月二號我係中環俾人拉左， 罪名係1)參與未經批准集結 2)對公眾哋方造成阻礙。 我唔係咩資深社運人士， 亦無參加過咩組織。 我只係想講， 今次俾人拉左嘅， 其實好多都唔係啲 超級熱血社運份子。 請唔好覺得俾人拉呢班友係怪獸/痴線佬， 亦唔好覺得佢哋係英雄。 其實大家都係好普通好普通嘅香港市民， 可能係學生， 可能返緊工， 俾人拉完仲要諗辦法打返公司請病假， 之後擔心個樣上左電視俾老闆發覺俾人炒。 我想講嘅係其實社運並唔係大家想像中咁遙遠嘅。 只要大家有果個心， 無需預演， 無需準備， 一齊坐底， 你就已經係一個社運人士。

由晏晝三點半行到十點半， 之後就係坐。 其實大部分呢啲 集會都係「鳩坐」， 國教如是， HKTV 如是， 東北最後果兩個集會如是。 坐得幾次其實自己都好懷疑呢啲 叫口號式集會有乜作用， 但每次見到政府亂咁黎又抵唔住頸又去坐過。 高登仔好鍾意講 「行完坐完好快啲 返屋企， 聽日仲要早起身返工」 或者係中左激將法， 但我都好想同佢哋講， 好啦今次真係有組織搞公民抗命啦， 我哋真係俾人拉左啦， 咁你哋班自命勇武抗爭念力抗共嘅又係邊度？？

基本上坐嘅時候大部分都係幫自己個心理輔導。 問得自己最多嘅問題係自己叫做有份唔錯嘅工， 值唔值得為呢個預演佔中俾人拉呢？ 如果留案底會唔會連工都無埋呢？ 自己辛辛苦苦讀左咁多年書， 雖然唔叻但總算大學畢業， 因為咁而影響前途好似好蠢咁。

咁上下又聽到幾行後嘅果個女仔用爆大聲嘅語氣對住個電話「我又唔係為自己又唔係去玩， 我係為香港呀！！」 之後cut 左線。 我見到附近啲 人都好似眼濕濕咁。 其實係我眼濕濕咁。 最怕嘅未必係俾人拉俾人政治檢控， 而係怕屋企人擔心難過。 我同自己做足心理輔導， 但其實好少同屋企人做。 佢哋可能甚至唔知咁俾人拉同偷野俾人拉係有乜分別。 佢哋亦都未必明白犯法同公義有乜關係。 不過就算佢明我估佢都會係果句 「人哋衝人哋犯法你咪企埋一邊囉。」

不過我要多謝吳亮星， 因為佢我晒少左好多口水去解釋點解我要去遊行， 亦都令屋企人明白左咩係議會暴力。 我諗下次要說服佢唔好投謝偉俊應該會容易啲啲。。。。

講左咁多野都仲未開始。 其實過程只係三樣野， 等， 叫口號， 同埋俾人抬。 其實我搞唔清楚係「希望始於人民」 定係「人民始於抗爭」， 亦都唔明白零晨四點幾係中環路中心叫「林鄭出黎對話」 有乜意義， 不過未嘗唔係一種令自己無咁驚嘅辦法黎嘅。

講真今次我對警察其實無乜負面評價， 可能最大原因係我睇唔到佢哋點對果啲 資深社運份子， 我聽到佢哋又話插眼又話鍊鼻， 不過我俾啲 記者遮住乜都睇唔到。 現場唯一令我反感嘅警察係個鬼頭， 我唔知佢係乜來頭但佢真係極不客氣， 最柒係佢見啲 手下抬唔掂之後一下「讓老子來！！」 但仲衰過之前， 佢隔離果幾個差佬都唔知係咪特登要佢出洋相， hea 幫之下令鬼頭求仁得仁， 柒返出去。

最煽情嘅係有個唔係好大嘅男仔， 聲已經係沙哂走哂音， 佢又爆喊情緒異常咁激動 「警察我真係好心痛呀， 哩哋當初為乜要當差呀」 「柯哋爭緊嘅野， 哩哋都有份架」 「柯好驚呀， 但我唔會走」我唯一希望嘅就係佢嘅朋友唔好睇到佢嘅片， 又或者佢嘅朋友唔似我咁仆街， 唔係嘅話俾人笑成世都似。

等俾人抬其實除左叫口號之外， 仲有一樣就係叫啲 警察嘅number， 「56447 唔好咁扭佢手腕， 佢痛呀」 「15423 唔好扯呀」 當然佢哋都唔多會理你嘅， 而你事後亦都唔會記得呢啲 number。 唯一例外嘅係警員3310， 佢應該係比較多經驗啲， 抬人亦比較直接， 我哋叫左幾句「3310 唔好咁大力」佢就當然唔會理我哋啦。 點知後面有人爆左句「nokia 唔好咁大力， nokia 3310 我話你呀」 我見到白衫果個差佬當堂陰陰咀咁笑， 仲同隔離果個咬耳仔tim！ 之後nokia 先生就無再出現過啦。 3310 我記得你呀， 唔好咁大力呀！！

中途有班好天真嘅小女孩諗住手拖手幫我哋擋住警察。 雖然係幾感動但心諗 「你咁咪仲激過我哋坐係度等俾人拉」 anyway， 多謝香港市民嘅聲援， 令我知道我哋並不孤單。

其實抬走無乜野好講， 都係咁上下。 雖然睇世界盃學會左詐死， 但無奈係啲 警察唔係果個亞洲之光嘅球證。 我想講嘅反而係隔離果兩位一齊俾人拉嘅暴民。 右手面嘅係一個講國語嘅阿叔， 佢話佢係旅客， 五十歲， 係我之後偷睇佢本passport 發現嘅。 呢個阿叔本來我以為係黎自台灣， 應該係陳為廷啲 同學， 但佢竟然話佢來自深圳！！ 我真係想同佢講 「喂你哋都有搞71佔深喎」

呢個阿叔其實相當有心， 佢黎香港一日就淨係為支持七一同佔中， 聽佢講應該咩哋方都無去過。 我只有講 「香港人， 你話七一好忙唔得閒黎， 我問你慚唔慚愧？」 我真係諗唔到佢黎七一遊行究竟對佢有乜幫助， 我相信佢亦都唔會天真到以為香港有普選會令中國有普選。 佢只係為公義， 只係為對民主嘅追求。 呢個世界就係有啲 咁單純嘅人， 單純得令人慚愧， 單純得令人肅然起敬。 我不禁搭一搭佢膊頭 「鄧依沙禾嘲梨乸騾埋賴焚， 爭依頂騾揮耶姣。」

而左手面果位兄弟呢， 就係有一個一歲仔仔嘅香港爸爸。 「下？ 仔細老婆嫩喎」 佢就答我 「就係為個仔先黎」 呢個真係算係出生入死嘅好兄弟。 平時啲 好兄弟最多都係唱K 無帶錢借住俾你先， 佢呢就係拉住我唔俾差佬抬走。 因為佢， 我足足拖多左十幾秒。 全靠佢夾住我隻手， 我先唔洗咁瘀兩秒就俾人「的」 走左。

五點唔知幾多分， 我終於俾警察拘捕左。

俾人「的」 左去旅遊巴途中， 我見到好多好多嘅差佬， 個個望住我， 搞到我都有啲 心虛。 果一刻我真係想問佢哋 「可唔可以黑布蒙頭？？ 不如落埋孖葉呀？ 人一世物一世俾人拉無黑布蒙頭同孖葉點對得住阿爸阿媽呀！！」

去到等搜身嘅時候， 鐵馬外有個講唔正嘅阿姐同對住每一個被拘捕嘅人講 「你係香港人嘅驕傲」 亦都有個好似記者嘅哥仔同我點點頭。 真心多謝。 其實我唔知香港人會點評價我哋呢班傻佬傻婆嘅行為。 我真係好怕出到黎嘅輿論係呢班友淨係係度搗亂， 搞亂香港。

「的」住我隻左手果個警察話「嘩你隻手好震喎」 我真係想答佢 「dllm 不如你試下無食野十幾個鐘之後俾人咁樣屈住隻手呀！ 你都on99」當然我無咁on99， 「係呀， 攰呀嘛」 最緊要扮乖！ 不過之後佢都鬆左好多。

六點四十分， 到達警署。 係警署門口有班人同我哋揮手， 有一刻我真係諗 「你哋得閒黎警署門口揮手不如一齊佔啦」

去到警署， in charge 嘅沙展出奇咁好人， 佢同我哋呢24男11女講 「我明白你哋嘅訴求。 要記住我哋唔係對立嘅」 其實我都同意佢嘅講法。 遊行或者示威人士最大嘅問題往往就係將警察放左去絕對嘅對立面。 你對住佢鬧/講粗口/挑撥其實只會將佢哋推去走向建制。 可能你會話 「喂佢哋應該要有良知架喎」 又或者好似啲 學者講 「平庸之惡」。 但我覺得呢個講法有一個非常非常大嘅問題， 就係太深。 一般人未聽你講乜乜 「平庸之惡」 點解已經嬲左啦。 「DLLM 你話我又平庸又惡， 吃胡椒噴霧吧。」

我認為啲 警察呀， 和理非非呀， 或者任何嘅建制支持者都搞錯左一個問題 -- 佢哋認為秩序係善嘅， 所以所有搞亂秩序嘅人就係惡啦。 而我呢， 我就認為秩序係中性， 無善惡之分嘅。 秩序就好似一把劍， 而警察就係鑄劍師。 當然鑄劍師會盡力令把劍保持鋒利， 呢個係佢哋嘅職責， 亦都係佢哋嘅專業。 無人會鍾意一把爛劍嘅， 所以我唔會怪佢哋。 之但係呢把劍係善定惡呢？ 就其實要視乎用呢把劍嘅人。 如果用果個係善嘅， 當然係世界和平。 但如果用果個係惡人嘅， 把劍利啲 只會令更多人受害。

好似北韓咁， 北韓係非常之咁好秩序， 但係呢個世界上會唔會有個facebook page 係「對北韓嘅秘密警察致敬」？？ 只要大家都諗明白呢個問題， 其實示威者同警察或者啲 和理非非人都係普通市民， 個對立面唔應該咁遠嘅。 而我更希望每一個鑄劍師要睇清楚究竟咩人用你呢把劍， 呢個人用你呢把劍去做乜。 必要嘅時候展現你嘅勇氣， 向亂用利劍嘅人說不。

呢個沙展對我哋好好， 甚至啲 普通警察都係好好禮貌。 我哋要去廁所呀， 飲水呀， 食少少野呀都盡量滿足到我哋。 當然你會話呢啲 係佢哋嘅職責， 係我哋嘅人權， 但我覺得警察對犯尊重唔係必然嘅。

可能你睇到呢度你會話 「dllm 睇你兩篇咁嘅野原來你黎維穩？！！」

我會話你推班有絕對武力嘅人做你敵人唔通會令反抗之路容易左？？ 拉攏所有市民對抗高官， 大有錢佬同共產黨先係最後出路。

其實吳亮星係好好， 我甚至覺得應該封佢做香港抗爭之父。 佢用一個好簡單嘅方法話到俾大家聽什麼係議會暴力， 那怕係警察/穩定派都會覺得佢嘅開會方法係非常無恥。 而呢個就係我哋嘅切入點， 叫沈默嘅人都出黎反抗， 叫對面嘅勢力倒戈。

如果我係活動嘅搞手， 會唔會試下咁呢？ 對傳媒高調向警察伸出友誼之手， 約束示威者唔好同警察爭執。 只有警察同示威者嘅對立面消失，秩序同善惡嘅矛盾消失， 我哋先會有感染更多建制支持者嘅機會。 我， 係咪太天真呢？？

好， 講返差館嘅事。 沙展對我哋唯一最衰嘅就係均左我哋一鑊。 當我哋要求早餐嘅時候佢話 「應該好快搞掂架啦， 叫都唔係唔得不過叫左嘅話就要食埋先走得。」嘩， 你講到咁我點敢叫呀。 好呀， 我哋等下啦。。。。 等到最後我哋足足由七點等到一點先走得。。。。。。

同一道理， 當我哋覺得過幾個字就走得嘅狀態之下， 又點會問俾唔俾打電話呢？ 令屋企人同朋友擔心， 真心覺得對唔住。

其實我諗未必關佢事嘅， 佢無乜必要均我， 不過警察做paper work 嘅效率啦喎。。。 唉。。。

師姐係白板寫左我哋嘅罪名: 參于未經批淮集結對公眾哋方造成阻礙。 十七隻字， 錯左三隻半個(個參字同結字佢寫錯左)。 我哋提佢 「喂喂個『准』字錯左」， 師姐好似叮一聲咁然後竟然改左做「準」！！ 認字特警呀， 幫幫佢好唔好？

我不斷練習如何霸氣哋講 「我無野講」。 到最後先知竟然係唔會同我落口供！！

之後呢個二號房應該就變成左一個好奇怪嘅狀態。 班犯呢？ 眼訓果啲 就好安心咁訓覺， 唔眼訓果啲 就好hyper 咁係度吹水。 犯法犯得咁開心仲要個個話下次一定要再黎， 呢班友真係傻的嗎。 而警察呢？ 一係玩手機一係就訓覺。 有時社會就係咁荒謬。

係交談之中， 我發覺原來呢班友雖然從不相識， 但大家諗嘅野竟然會係咁相近。

「從來都係守法好市民， 甚至連亂過馬路都唔會， 竟然會因為咁樣犯法而俾人拉左」

「睇到爺爺果一輩為香港做左咁多， 我哋竟然將一個爛哂嘅香港交俾下一代， 我接受唔到囉。」

「你哋可以蝦我， 但唔可以蝦細路同老人家」

「本身我唔係好鍾意陳志全， 但呢半年佢做嘅野令我改觀」

「我淨係會捐錢俾學民， 社民連同人民力量」

聽到相同嘅價值觀其實係相當感動嘅， 特別係我呢啲 無參加過任何組織嘅小市民。 我唔知大家有無嘗試過同朋友討論過長毛。 「長毛掉野就係唔岩！」「返兩分鐘工就俾人趕走去食tea」 我係無可能講得佢哋服架。 佢哋一尾就係講 「你可以用和平嘅方法架嘛」， 「掉野對件事有乜幫助呢」， 同朋友討論長毛係相當傷感情嘅一件事黎。

傾黎傾去， 我發覺原來大部分人都係返緊工嘅。 個比例大約係10:1 咁上下， 乜原來我哋呢30 人就係保護緊你呢5 條友？？！！！ 你當自己奧巴馬呀？
其實我相信警察果邊係相當混亂嘅。 佢哋搞唔掂呢幾百人。 中途成日有啲 阿sir 出出入入， 好混亂咁問一大輪野之後又發覺乜都唔係。 入黎話律師想見以下呢班人， 但係讀左三版紙讀哂所有人名都無我哋份。 我有一刻係懷疑緊我哋係咪俾人放棄左。

警司警誡完又要等一大輪先走得， 我就望住個警司睇住佢用電腦。 唔知點解我硬係凝住佢係睇緊高登， 因為佢係完全唔洗用keyboard架。 而我就昅實佢有無禁f5 掣。

最後， 大約一點半， 我哋就俾人掉低左係香港仔運動場(我估)外面， 一落車就有記者， 我就當然係一向嘅迷茫樣。 後面果幾個就犀利啦， 一落車就叫「公民抗爭無罪」， 影哂相做哂訪問咁。 我就同左深圳叔叔搭車返銅鑼灣， 送佢搭哋鐵之後食埋野就返左屋企。



後記

我唔知大家會點評價我哋呢511 個人嘅行為。 我都係一個普通嘅男仔， 鍾意打機睇波溝女， 都想安安穩穩咁生活。 我都係一個膽小鬼， 好多時見到哋鐵有人打尖明明好想出聲但係又怕羞。 我都係打一件牛工， 儲緊一份永遠儲唔到嘅首期。

我想講嘅係我同大家無唔同， 我唔係英雄亦都唔希望做英雄。 今日留係度嘅係我， 我希望他朝留係度嘅係大家。

最後， 天佑香港！



作者簡介：7.2遮打道集會參與者

>>July 5, 2014 at 1:12:07 AM GMT+8

2014 年 7 月 2 日 星期三 【晴】

昨日遊行完, 集會完, 今日準時上班。令我有啲人格分裂。
如果我還是學生, 我早上應在政總的石磚上。

遊行期間, 我時不時上轉最新實況, 寫上心中感受:
氣憤, 感動, 羞恥, 百感交集。

1. 出發前一晚, 鼓勵大家企出來:

仍是那句,如果89那年,我是北京城的學生, 我會上街, 可能會死。
今日，身為知識份子, 我不走出街頭, 向政府表達不相任票, 我那對得住同樣那社會公義, 犧牲性命既學生。

2. 出發前一晚, 看了一名當警察朋友的臉書留言, 恐嚇遊行抗爭的人後, 寫了:

請警方, 給學生有靜坐，理智表達意見既機會。

3. 出發當日朝早, 看了黃之鋒的留言, 轉載加留言:

他只活了17個年頭，理念郤比活多一倍歲數的人清晰, 更有承擔。
如果一般靜坐, 寫信, 遊行, 政府也不視若無賭, 公民抗民就有理。
警方, 希望除了保守大眾安全之餘, 也請多體諒他們的出發點。
你們為了工作, 他們郤為了社會, 為了我們的將來。

4. 出門前, 上載可愛侄仔的圖片:

請給可愛既小朋友, 有公義, 有愛心嘅社會長成！！！

5. SOGO 對出, 等待加入人群時:

多謝多謝, 今日上街既香港人。

6. 出發, 下雨, 暴曬太陽, 終於到了灣仔:

灣仔。。。下一站金鐘。。。再下一站中環。。。再下一站民主。。。

7. 途中, 辛辛苦苦見到了金鐘, 留言:

金鐘, 那怕香港變得窮, 香港窮下來還有公義。

8. 到達中環後, 在遮打道坐下:

站在遮打道。。。
官迫民反。。。
要未成年既學生走上最前頭，對抗政府, 爭取公義。。。
我, 你, 又為香港幹了什麼?
我想喊。。。陪學生。。。守護學生。。。

遮打道。。。攰。。。但仍留守著。。。
行咗三個鐘, 維園仲有一大班人未出發！！！
誰是大多數?加油！！！香港人！！！朋友走咗，但我一個人仍然會行落去！！！


9. 遮打道, 大會宣佈最後一批遊行人士, 終到達, 也宣佈人數只得9萬2千人, 心怒:

行到十點半都未行完, 警方話得九萬二千。。。
不如, 你話得三個人落街散步, 或者得十人去排隊買iphone。。。
請做警察既朋友向我解釋用咩科學準則計數；
或, 我永遠不再信警察。。。
你既答案，遠超我九年免費教學數學科既認知。。。

10. WTAPP中看到朋友途中的圖片, 分享:

夜晚九點既銅鑼灣。。。心傷。。。政府傷透人的心。。。

11. 坐在遮打道, 11點:

警察先生, 人有所為, 有所不為

12. 走到政總, 陪學生, 12點:

有多。。。警察。。。在政總。。。
還好。。。有一大班市民跟隨學民思潮去特首辦。。。守護學生。。。

13. 今日, 情緒還未平伏:

如果7.1只有十萬人, 我們只有大約百分之一的人走上街頭。。。
攰嗎? 改變別人, 不如改變自己, 你認同嗎?
但如果你能感染九十九個人, 不一定要上街, 也可以關心社會, 你就不會覺累。
而且成能為百分之一百的一份子！！！請從今日做起！！！

14. 看了新聞報導, 坐在遮打道的人俾警察帶走:

昨晚, 我也見到作伯伯。。。
學生走上街頭, 老人家走上街頭, 你郤坐在冷氣機底下, 休息, 逛街。。。你有良知嗎?
國民教育你不鍾意，連公民教育你也不喜歡，為什麼，你郤享有公民權益?
交咗稅就係盡咗公民義務, 你覺得有錢大哂, 咁同有錢既共產政權有咩分別? 憑咩去罵有錢既自由行?

香港七百萬人, 肯付出, 犧牲只500人, 他們為了誰?竟是為了沉默的七百萬人。。。
心酸。。。心傷。。。

如果你從未參加過遊行, 集合, 每天單靠看CCTVB 新聞, 就覺得和平坐滿遮打道, 坐滿政總就係暴力。。。
咁, 我可以話俾你知, 吳亮星強行通過撥款就係強姦！！！

:
:
:

我講了那麼多話, 有動感你嗎？有感染你嗎？除了LIKE之外, 你會關心社會嗎？
今日, 我仍要死死氣地聽李家誠講, 準時返工, 但我不服氣！！！

我氣憤, 不服氣, 因為社會不公, 因為身邊遇有好多人對政治冷感。
為何？

『700萬人中只有500人肯付出, 犠牲; 為的只是那沉默的700萬人發聲！！！』

人家無私付出, 犠牲爭取, 你就可以坐在冷氣室下重手可得！！！???

:
:
:

如何改變？一切源於教育。

社會一直有不公, 我仍會寫, 寫更多去感染人。

>>July 2, 2014 at 11:22:36 PM GMT+8

2014 年 6 月 29 日 星期日 【晴】

一年前, 我已唔係唔係學生, 但去了一星期政總, 支持反國教;
半年前, 我一向唔睇電視咁濟, 但又去了一星期政總, 支持發牌;
今日, 我唔係住大東北, 但反對議會被無恥既建制派『強姦』;
3 件事, 表面上都唔關我事, 點解仍會關心？

我依兩日努力叫朋友, 七一去遊行, 表達對政府既不滿;
朋友問咗我一句, " 咩你覺得香港有救嗎？"
我無諗過就答咗, " 無得救 !!! "

但係,
" 如果, 我今日唔出聲, 達表不滿, 唔成日起FACEBOOK 叫人關心社會, 我會後悔"
" 我係一個低下階層, 遊行完, 六四完, 聽日都要返工, 我可以做既唔多, 不過我連留言, 鼓勵大家關心事是, 遊行都唔做, 我會好對唔住社會, 對唔住下一代, 對唔起有份教育過我既人 !!! "

現依, 竟然仲有人講, 政治, 事是唔關自己事, 依啲人真係自私到爆, 無知都爆 !!!
你起依個社會, 一切資源都係共同擁有, 共同享用, 你行緊馬路, 街上既燈, ..., 9 年免費教育都係納稅人俾錢, 取至社會, 用於社會, 點會有唔關你事既嘢？

我唔祈救, 大家要同我一樣, 成日SHARE, 但希望大家多關心事是, 關心社會, 多為不公義既事表達意見...

雖然, 你我, 到最後, 可以都改變唔到啲咩？不過, 我無悔, 無對唔住下一代, 無對唔住我讀過既書, 無對唔住良心 !!!

>>June 29, 2014 at 12:29:42 AM GMT+8

2014 年 6 月 26 日 星期四 【晴】

準時OT, 晚上八點收工, 拖著疲累的身軀離開公司, 慢慢走向地鐵站,
習慣地拿起手機看信報新聞, 刹時間被人則介紹日本, 東京風景的報導吸引著。

日本, 這個名字, 令我想起四年前發生過的一件佚事。

四年前, 第一次與家人跟團去日本旅行, 遊樂數天回程。
在回程機上, 因時際遇, 與一位少女同坐, 因為年紀相約, 我俩傾得十分投契, 也交換了聯絡方法。

回家安頓後, 一如以往, 登入臉書看看, 八卦那少女的臉書,
了解她的背景, 興趣, 關顧的事等......
嚇然發展, 我們有同共朋友, COMMON FRIEND, 令我對她的興趣增加不少。

知道她, 猶由喜愛日韓文化, 所以隻身去日本WORKING VISE一年, 當天巧遇回港探親望親人。
也由於, 她對日本文化的熱愛, 在某機會下, 成功領了奬學金去東京早稻田大學研修碩士課程,
也在認識我那天後計, 一個月再次離開香港, 一去兩年。

在港期間, 我與她約會數次, 差不多晚晚聊天, 發現她一點也不港女,
性格可愛, 容易知足, 有耐性教養, 而且熱愛本土文化, 留意政治, 關顧香港, 愛自己的家, 實屬難得。
地道得來, 不老土, 有學識得來, 不知誇, 平以近人得難易自信。

食大排檔, 食土道小糖水鋪, 看戲, 散步...
一齊來得好自然。

:
:
:

開心的時間往往過得快, 她要離港的日子還只差一天。

當晚我有想過, 向她表白, 留她在香港。


:
:
:

當初, 與她傾計時, 知道她對留學兩年未有明確意向, 反正學費全是奬學金出資, 去也不去, 錢不是問題。
她除了愛家人, 也愛香港, 也想在港發展, 放棄了遲來的求學夢。

最後一晚, 我們相見, 『不如你留起香港, 留底, 給我照顧你』這句話在我腦中浮出好几次,
倆人緩步間, 好几次按不住口, 想攬住她, 衝口說出。

可惜, 沒有。

因為我知道, 她在日本有個剛認識的男朋友,
也知道日本留意機會難得, 入讀早稻田更加難得,
也認為, 她還算青年, 出外走走, 擴闊眼光, 比什麼都重要。

如果有個秤, 將她留在我身邊, 與她的將來, 人生閱歷相比,
我不應該留她, 而且要更加鼓勵她外闖多兩年。

而我可以等, 寂寂的等待兩年。

:
:
:

半年後, 興她的共同朋友告訴我知, 她在日本生活得好開心, 與當地男朋友感情也穩定。

我的等待, 變成了小學雞的愛你一萬的口號。

四年後的今日, 我有時會想, 如果時光可以回流, 當夜我會表白, 嘗試留她在港, 不去日本嗎？

:
:
:

答案可能不變, 因為我自己, 就算成功留她, 只是滿足自己, 自私。
由她自已選擇, 外闖一番, 對她人生最好, 讓她喜歡做自己喜歡的事。

喜歡, 不一定要擁有, 有時候, 放手, 也是一種。

朋友, 如果你是當事人, 你當夜會表白, 去留住她嗎？

最後, 我親手送了她上機, 也送了她給他人。

>>June 26, 2014 at 11:27:28 PM GMT+8

2014 年 6 月 21 日 星期六 【晴】

Florence tells me the truth, the truth I knew long time a ago...
Karine has a boy friend in Japan... and they are planning their future...
well... I know but still sad...

>>June 21, 2014 at 10:31:34 PM GMT+8

2014 年 6 月 19 日 星期四 【晴】

是咁的。

話說, 開完迦密主恩校董會定期會議, 一個人孤伶伶搭巴士, 再轉地鐵返屋企。
起港鐵車廂中, 聽到一對爸子既對話。。。

小朋友問﹕ 依個字點讀丫？寻淫滋事罪？

爸爸答﹕ 係寻釁滋事先啱。。。

小朋友續問﹕ 寻釁滋事, 點解丫？

爸爸答﹕ 即係不斷上訪, 政府機構唔受理, 迫於無奈係街頭示威, 抗議。。。

小朋友又問﹕ 又即係點？

爸爸不嫌其煩又答﹕ 即係『厚多士』囉!!!

小朋友﹕ 明白哂!!!

:
:
:

隔了一陣, 小朋友又有唔明白地方, 問爸爸,

小朋友﹕ 點解『厚多士』係犯法, 犯罪既？

爸爸答﹕

是咁的。你諗下, 如果你去咗一間茶餐廳, 招牌寫住, 鋪內咩都可叫, 自由咁叫,

你講得出, 合理既, 簡單既, 廚師都會煮俾你食, 為你服務。。。

但係, 無啦啦有個客, 不斷咁叫, 要食『厚多士』, 點知伙計竟然話無。。。

跟住個客人, 不停咁叫, 話要食『厚多士』, 如果你係個伙計, 你會點？

小朋友答﹕ 我丫。。。 我會同佢講無囉。。。

爸爸又問﹕ 但係, 個客人話, 依啲咁簡單既茶餐廳菜色, 你都無, 點做生意架？咁你又會呢？

小朋友答﹕ 無就無架喇？咁要解釋咁多咩？唔做佢生意囉, 趕佢走。

爸爸續問﹕ 如果, 個客人聽日又黎過, 又叫食『厚多士』, 『西多士』, 『炸薯條』, 『午香肉丁』, 依啲基根要求菜色, 但係你個廚又唔肯整, 你又點？

小朋友話﹕ 無架喎。。。可以點？

爸爸答﹕ 你唔想佢繼續嘈, 可以捉鬼咗佢, 困住佢一年半載, 叫佢改口味, 等佢聽聽話話先放出黎, 未得囉!!!

:
:
:

小朋友﹕ 咁, 爸爸, 你都未解釋到點解『厚多士』係罪？

爸爸﹕

係唔係罪, 唔係你定架麻, 係有權有勢既廚定架麻。。。

雖然有份寫咗50 年不變既餐牌, 係寫既姐, 到時廚房話無料, 要改, 叫你食第二啲都要架喇。。。

:
:
:

聽完後, 我只可以講一句, 師父明白了。。。

>>June 19, 2014 at 12:38:30 AM GMT+8