2013 年 1 月 30 日 星期三 【晴】

『唔該你收皮!!!』

今晚又要八點收工, 真BULL SHIT...
用了30 分鐘搭車回到寶琳MTR 站, 見到一男一女在拗交。

少女:『你唔好再煩我喇, 好唔好啫!!! 』(不耐煩)
少男:『你唔好咁啦... 好唔好...』(苦苦相求)

我邊走邊回望, 心想, 這少女好像認識的, 要不走去慰問一下呢？
還是不要了, 家家有本難念的經, 一切幫助, 只限於掛心, 不要行動為妙, 為尊重。

走多兩步, 仍聽到少女少男在拉拉扯扯, 偶然聽到,
『唔識你, 行開啲啦, 唔好再跟住我啦, 好唔好...』

我覺得少女已經好大方, 不直說『唔該你收皮啦!!!』已經對這少男好俾面。

:
:
:

回到公屋家樓下電梯大堂, 遇上一個女士, 這女士我今朝也遇上。
一日24 小時, 每小時60 分鐘, 每1 分鐘60 秒, 如果兩個人早夜都遇上的機會率有多少？恐怕不多於1%。
(實際只有 1/60/60/24*2*100% = 0.0023%)
算起來簡直是難能可貴, 但我郤一刻都不想遇到。
古語有云, 十年修的同船渡，百年修的共枕眠。如果要一日遇見兩次, 前世又做過什麼？

其實我們是認識的, 中學時間曾經坐隔離, 也是與我一齊考入港大前女友的同房。
不久, 與前女朋友鬧分手後, 我與前女友沒有再聯絡外, 與她的同房也是再沒話好說。
與她倆沒說話似是共識; 不見面是最好的安排。
這樣, 不快的回憶, 就會溺沉。

此事回憶, 不快的回憶, 一時湧起...
每次憶起不快, 第一句情節, 第一句話總聯想到前女友與我朋友一席話:
『其實我已經有新男友, 你千祈唔好同PENNY 講...
原因, 我唔想同PENNY 一齊捱... 想生活好啲...』

『原因, 我唔想同PENNY 一齊捱, 想生活好啲...』對於19 歲的我來說, 與『唔該你收皮!!!』無異。

點解女孩子要分手, 說話總客氣老套？
『我對你已經無哂感覺...』
『我同你既生活節奏已經唔同, 分開下, 對大家或者好會啲...』
『你明唔明啫？我已經唔鍾意你啦... 你將來會搵到一個對你更加好既人...』
而不直接說句『唔該你收皮!!!』來得直接有效。

:
:
:

回到家中與女性朋友WHATAPP 講起生活苦悶, 如果有緣, 介紹几個女仔認識也不錯,
但朋友回了2 句:
『I introduce 2 gals to 2 doctos last month... hehe ^^』
『What are your selling points???』

What are my selling points???
在我腦中閃爍一下,我老豆大把錢？NO;
MASTER 學歷? 通街都係; Assistant Manager? 多9 餘; 年薪40 萬? 同醫生比, 都係乞衣啫...
之後WTATAPP 回了朋友:
『雖然我唔係醫生, 我無錢, 但有腦!!! 心底好, 運動好, 性格好!!! 三好。』
之後對話就中斷了。

人長大了, 會變得好現實。可怕麼？
可怕的是, 每日打開報紙都有新晋靚模為利為錢谷起『事業線』;
更可怕的是,當日 19 歲的女孩子早已拎自己男友與人比較前途, 縑人窮;
更更可怕的是, 現在 12歲的小朋友為分配不到名中學而喊得要生要死;
更更更可怕的是, 現在 3 歲的小朋友每日要課活動3 小時, 學芭蕾舞, 學結他, 學游水;
更更更更可怕的是, 今天我們生存在一個『笑窮不笑娼』的社會。

今日『唔該你收皮!!!』同『嫌棄你無錢』已經係同義詞。
讀書, 通識, 尊師重道, 慎終追遠已經變得毫價值。

港女, 港男是如何形成的？上面的實況已經解答了。

>>January 30, 2013 at 11:02:19 PM GMT+8

2013 年 1 月 24 日 星期四 【晴】

話說, 一朝早忙到甩轆, 搭正12 點即刻拉同事去食LUNCH。
去到LOBBY, 遇到隔離部門"MARKET RISK" 成組人一齊等LIFT 食飯;
雖然人多, 但大家都好快起80/F 落到49/F, 諗住再搭LIFT 由49/F 落到地下時, 『趣事』就發生了。

成身全港高, 號稱甲級之中最甲級既商業大廈ICC , 一共有40 多部LIFT , 但壞LIFT 事故郤數一數二。
今次我們同事及其他公司上班族一齊搭"H" 字母LIFT 就出事了。

當大家肚打緊鼓既時候, "H LIFT" 當然CHOK 一CHOK, 掛了。之後大家就開始竊竊私語。

女同事A: 『嘩, 嚇死我喇...』
男同事B:『頂丫, 困LIFT, 肚餓丫...』
女同事C:『好驚丫, 部LIFT 會唔會再突然跌落去架？...』
男同事D:『拎部手機出黎玩算把啦...』
同LIFT 上班族: 『喂, STEPHEN, 我困LIFT牙, 你唔好等我啦, 自己食住先啦... 』

男同事E: 『PENNY, 你唔驚咩？』
我: 『驚啲咩牙？要死就要死架喇？驚得几多？你唔知"H LIFT" 代表乜咩？』
男同事E: 『唔知...』
我: 『GO to Hell 丫麻!!!』

在大家無助之時, 有人提出, 『快啲搵人噤"驚鐘"啦!!!』

ICC 職員:『喂, 我係ICC 職員, 你哋放心, 我哋已經搵咗師父, 你哋唔洗驚, 我會一直講嘢, 陪住你哋。』
這時我諗, 這職員不錯, 識得安慰一下搭客 , 怎知...
ICC 職員:『請問你哋有邊間公司職員？可以續個續個講出黎, 幫你哋登記嗎？』
搭客:『關咩事牙？關部LIFT 開唔開咩事先？』
:
:
:
當大家議論分分時, ICC 職員再問,
『請問你哋有邊間公司職員？可以續個續個講出黎, 幫你哋登記嗎？』
有一上班族用豪邁粗曠既語氣, 呼罵道:
『我係陳, 我係KVB CEO !!! 你係邊個？即刻答我, 我哋仲要等几耐先可以出去？』

依個比『有雞定有蛋先既問題』, 竟然由一個TOP tier 投資公司既CEO問出, 真係特別有深度!!!
這時, 我總於明白, 做CEO 要有咩能力, 要識咩問題。
做CEO, 要識直接問結果, 几時？几快？... 几錢？... 有咩成效？
問題要複習得來又簡單, 簡單得來又要無結果, 這先會有『先聲奪人』,『嚇爆你個賢』之效。

ICC 職員:『係, 我係ERIC, 我哋已經CALL 咗住場師父去75/F 機房, 請大家放心...』
CEO再問:『我係問你, 即係几時？你連咁簡單既問題都唔知識答？』
ICC職員: 『係係... 係... 我哋已經整緊...』

CEO 轉頭就打電話給祕書:
『CONNIE, 你即刻同我打電話俾新鴻基老闆, 同佢講我困緊LIFT, 你叫佢答我几時可以出得黎!!!』

這時, 我真心明白點解自己打咗几多年工都做不到CEO了!!! 因為我問題太無深度 !!!
最重要係, 我問問題不識重複又重複地問, 問到要人哋老闆來應付先可以。
更重要係我問題成日都問錯人, 一問就應該要問人哋老闆, 問卒仔無用。
情況好似平日鬧交, 要"屌"就唔好屌人, 要"屌"就要直接"屌"人老母!!!

但, 我又諗, 新鴻基老闆？即係叫電話俾郭得勝？郭炳湘？定係郭炳聯先？
唉... 算吧, 難怪我做不到CEO, 因為我從來無訛過會有郭氏三兄弟電話。
如果可以, 我情願要劉德華電話多啲......

CEO, ICC 職員擾攘過後, LIFT 裡面開始有女同事出聲, 可能是為了舒緩緊張既氣氛,
女同事C:『唔知點解？好似開始好焗咁...』
男同事E:『你出少啲聲就無咁焗囉...』
然而女同事C 無駁咀, 明顯是聽不到男同事E 既回聲。
( 我心裡爽了一爽)

當大家等救( 等死 )時, 我在想:
『如果以G force 既力跟住部LIFT 落去, 我應該點先可以保命？』
『身體因為inertial centrifugal force, 會被壓上LIFT 頂, 定係LIFT 底？』
『... 早知買Galaxy 3, 上smartone, 依一刻就可以上恒生WEBpage買多份危險保險...』
『如果報自己係邊間公司做, 係唔係可以減租呢？』
『MARKET RISK 成TEAM 人起度, 一次過死哂既機會率有高多呢？MKT RISK既人會點計依個風險？』
好明顯我關心的事與大眾格格不。不與培塿為類, 可算我這種。

間中, ICC 職員有問:『你哋有6 位人仕嗎？有冇大肚婆？』等等問題。
不過都換來大家, 無語的回應, 因為大家關心既問題不一致。
好似政府既施政, 同市民既期望一樣, 永遠你有你做, 我有我講。

等下等下...
LIFT 門終於門了, 一出門, 就見ICC 職叫我哋留電話, 留姓名。
令我聯想起上年阿根廷礦工被困200百地下重回地上後, 再訪問一刻, 有水, 有記者, 有人拎簽名。
可惜... 我太肚餓, 無諗過投訴ICC, 勒索案ICC 一番, 更沒有心情理會現場『救援善後』工作安排。
:
:
:

LUNCH 後, 女同事F表示自己仍然好驚, 問其他人困LIFT 時要用什麼企姿才可以保命。
有人好心回答:『其實唔冼驚, 因為每部LIFT 都有4-6 鋼纜, 加上緊急刹速系統, 唔會出事。』等等
:
:
:

困LIFT 事件雖然話咁快回了, 但對我來說, 郤百般滋味。

單單一次困LIFT 事件, 我已看到好多人生百態, 有危機下, 有人驚, 有人冷靜, 有人會找其人晦氣, 會救神拜佛...
而我就慣常於大安主意下, 觀察多於發怒, 思考多於說話。

危機也令我明白到,
1. 有『知識』/ COMMON SENCE (知道LIFT 有好安全措事)就會處變不驚, 不致於『盲搶鹽』;
2. 做人要懂得分散風險, 將RISK 減到最少; (好采MKT RISK 成TEAM 不致一穫熟, 不然, 一定會笑死全港銀行)
3. 做領袖的首要條件不是問責, 而是領導大家情緒, 團結大家。

BTW,

以上故事純屬虛構，如有雷同純屬巧合 XD
要SHARE 都好, 但盡量不要SHARE 給KVB 有關員工, 家人.... 呢

>>January 24, 2013 at 11:44:54 PM GMT+8

2013 年 1 月 6 日 星期日 【晴】

R.I.P - 兒時一齊由慈雲山搬到將軍澳的鄰居孩子; 希望蔡媽媽, 蔡爸爸不要太傷心

>>January 6, 2013 at 10:16:56 AM GMT+8

2013 年 1 月 4 日 星期五 【晴】

今日第2次收到 CEO email 話叫我唔好再send email 俾佢啦...
因為佢已經 retired...

send 下 send 下...
我已經send 過差唔有多900 份email/ report 俾佢...

>>January 4, 2013 at 9:48:25 PM GMT+8

2013 年 1 月 4 日 星期五 【晴】

今日做YR START 已經超忙, 又混亂...
點知做到6 點几, 老闆可能見我頭就黎忙到出煙... 走過黎同我吹水...
老闆﹕『喂, PENNY, 我朋友部手機, WALLPAPER 有個靚女 !!! 你無女朋友架麻, 咁不如我介紹俾你識丫 ^^』
我心諗 ( 老闆, 我亂到想死, 吹水唔該聽日先好唔好 )
老闆﹕『喂, PENNY, 個女仔真係好正架 !!! 望下都好呀 ^^』
為咗應酬老闆, 我望咗佢手機兩眼...
心諗 (嘩! 有冇咁靚丫! 又咁性格... 老闆唔係趁依個時間去性誘我呀麻)
老闆﹕『啦! 都話勁索架喇 !!! 』
我﹕『車, 肯定唔係香港人啦! 』
老闆﹕『你傻架? 你見唔到個女仔後面, 分明係香港巴士啦 !!!』
我﹕『係咩？我咩都見唔到喎 !!!!!!!!!!!』
老闆﹕『你盲架？咁清楚都見唔到？』
同事﹕HAHAHAHAHAHA
老闆﹕『你笑咩丫？』
同事：『PENNY 梗係見唔到巴士啦, 佢雙眼只係FOCUS 到對波JA MA 』

>>January 4, 2013 at 12:15:08 AM GMT+8

2013 年 1 月 2 日 星期三 【晴】

見好多人FB總結2012, 我都想寫下, 不過之前1,2日我起咁諗都諗唔到2012我做過啲乜。。。有啲失敗。
今日返工, 見到啲同事成日對我笑, 同我吹水, 講白痴無聊嘢, 我就知道2012, 自己做過啲咩啦! 就係將開心帶俾身邊既人。
開心, 有成就, 有時可以好簡單, 令人諗起你就會笑, 令坐唔定既侄仔乖乖瞓起自己大脾睇電視已經係一種。

>>January 2, 2013 at 11:40:25 PM GMT+8

2013 年 1 月 1 日 星期二 【晴】

2013年 了, 2012年過得怎樣？平淡。

不過每次見到, 遇見到有理想的人, 我都會愛上, 羡慕他, 她。

希望朋友唔好介意, 我FORWARD 朋友既『想做英國人』的web to all pll who still have dreams !!!

http://blog.yahoo.com/chulokyan1019/articles/page/2?detail

>>January 1, 2013 at 10:50:49 AM GMT+8

2012 年 11 月 21 日 星期三 【晴】

電話響起(919xxxxx)
我：yes, specking
對方：。。。
我：邊個搵我？
對方：Edward ar
我：邊個Edward ar?
對方：Edward ar!!
我：邊個丫？(態度開始忟)
：
：
對方：你老闆！Edward ar
我：係係。老闆。

依個故事教大家一定要save底老闆電話。otherwise, so7

>>November 21, 2012 at 11:30:04 PM GMT+8

2012 年 11 月 11 日 星期日 【晴】

城市論壇熱烈討論應否先咨詢, 後決定立法保障『同性戀』免受歧視。
這個問題是否有1, 急切性及2, 必要性。

要討論這命題, 申報自己性傾向是必要的,
因為不同身份, 不同性傾向, 都會影响意見傾向。
雖然單身, 直系家人都沒有同性戀者, 沒有反對同性戀宗教背景,
但對立保法保障『同性戀』我持保留, 甚至反對態度。
原來在於, 『個人價值』不應被立法。

對同性戀缺乏認知的我, 以往總認為
『為何古代5000 年社會, 同性戀地位, 行為都被抑壓？而現代30 年社會, 同性戀忽然被重視, 肯定起來？』
有文化學家認為,
古代社會大多是農業經濟社會, 以人力為生產力來源, 同性關係未能生育, 所以其地, 行為不被肯定。
而現在人類數目暴漲, 加上工業革命, 令經濟轉型, 人力地低大減; 並在代『母』生子科技催生下, 同性關係慢慢在社會接受。
除了將性與社會組織相連, 其實與經濟轉型, 與科技進步也有關係。

所以要探討『同性戀』不應單以1. 『價值觀』; 2. 『宗教』; 3. 『自由, 平等, 博愛』作基本論點;
1. 『人類種族發展』; 2. 『經濟結構』及3.『科技改革』也應一同商討。

對於將『同性戀』合法化, 有社會人士將『嫖妓』合法化混為一談。
嫖妓是古老行業, 歷久不衰, 在社會上比同性戀更有廣泛認同性, 而且在世界各地也有地方合法化, 更有不同法例保障從事色性行業的工作者。
但, 如果在香港來一個『娼妓/ 嫖妓』先咨詢, 後立法, 反應又會怎樣？
我粗略估計, 各『德道婦女』團體會日以繼夜, 夜以繼日到政總示威抗議, 比反國教更勵行。

除了『嫖妓』,『婚前性行為』,『與未成年, 同自願性交少女』等話題也相當爭議。

有些事, 不是歷史早有, 不是多人參與, 不是平等自由, 就需要立法保障的。
道德是人類社會建立發展的一大契機, 要討論不易, 要改變不易;
更何況道德標準各人有異, 何以用自己的標準去衡量別人呢？
抱尊重, 放開的態度就夠了, 咨詢立法太可不必。

>>November 11, 2012 at 2:14:45 PM GMT+8

2012 年 11 月 10 日 星期六 【晴】

香港未來發展看法

本人想透過自身背景及經歷，講出對香港未來發展的看法。『生于斯，長于斯』本人從少就認同，但在香港生活了廿十九個年頭之後，開始有放棄的感覺。因為香港已由一個能『聚人』的地方，變成了一個只能『聚財』的地方。

本人雙親在一九八零由內地偷渡來港，幸獲政府市區抵壘政策寬容，得到港人身份，並落地生根。小時候，一家五口住在慈雲山上的木屋裡，兄弟均在附近的母嬰健康院出世，普在原區幼稚園，小學就讀；後因政府遷折計劃，我們一家被安置入住了將軍澳，當時的新市填。媽媽有了我們三兄弟後，做了全職主婦，一家收入重擔全落在做『三行』裝修工人的爸爸身上。爸媽內地家境貧窮，均沒授過正式教育，但憑努力，也能將我們兄弟養育成人，並大學畢業在金融及資訊科技行業工作。現在想起來，簡直不可思議。

以上簡略一段，一方面能交代本上的成長背景，也說出了本人的成長與1980-1997年代香港政府的民生政策，包括入境，醫護，教育，勞工，房屋城市規劃等政策息息相關。相比之下，本人覺得現今的香港確實缺乏了長遠，為民生著想的政策。回顧童年生活，比較今天社會， 本人對香港的未來有以下的意見﹕

入境處理

單雙非港生子女居港居的爭議，已成大家最關心的社會問題之一。多數市民明白香港已由工業支持經濟，變成由服務業帶動經濟。入境政策應該與時並進，如果施法，立法與行政機構對入境條件有爭辯，為保障原住港人的利益，政府應該利用行政手段，彈性處理入境或獲居港權的人數。

醫療改革

人口過剩對就業造成一定壓力，也使社會福利，醫療資源應付不下。人口超增，醫療系統當然負擔不了，要解決問題，政府可一﹑推行中醫發展，加強專業認可資格，鼓勵保險公司接受中醫投保賠償；二﹑開放外國，內地醫療人才在港就業資格及人數；三﹑在新界(元朗，上水，東涌)加設公立醫院，改善個別社區醫療服務。四﹑對私人醫院收費提出指引，增加公開醫藥，醫療器材價格的透明度，避免私人醫院濫收費，使公/私型醫院醫療費用差距收窄，減輕公型醫院人員工作量。

教育及經濟發展

受恩於九年免費教育，經過中學會考，大學高考制度，本人深感受到香港教育的失敗。失敗在於『求學只是求分數，求學只是為搵錢』的教學觀念。引用古文，教育的目的是『修身，齊家，治天下』。教育的意義應為教導學生思考，不是窂記，是透過分享及辯論，讓真埋變得明白；不是透過背誦，將真理變成答案。由於香港社會經濟發展單向，只有金融及地產，大學也變成了專業學院，過多商業課化課程，忽略了全人教育的理念。更由於社會急功近利的生活模式，令大學，中學，小學不得不就範，令辦學變成了一盤生意； 是一盤為存生爭收生， 為國際名氣爭收生， 為搵錢濫開進修課程的生意。

要決解香港教育制度的不足，先要解決香港經濟的單向性。以台灣為例，台灣入大學錄為百分之九十，台灣大學所提供的學科多元化，社會認同化廣被學生接納，原因在于台灣經濟多元化，讀餐飲，做廚師也可以專業；讀美容，做健美也可以專業，不是金融，地產獨大。使學生可以多從自己興趣抉讀專業。針對此項，香港大學和大學課程資源，應重新分配，減少課程重叠。以理工大學為例，在未升格大學之前，開辦了好多專業科程，為香港培訓出好多人才；但升格大學後，為爭奪學生報讀人數，為爭奪教統局支助，開辦了好多文學課程，使總體學術水平下降。變成貴多不貴精，重量不重質。

勞資雙互利益

本人對於香港由一個充滿人情味，變成一個汝虞我詐的城市，感得非常可惜。九十年代，政府及私人機構的員工都可以準時落班，享有超時工作保償，員工薪酬待遇能遇公司，社會經濟共同增長， 大家互助互利。可惜，近十年官商鈎結情況嚴重，資方不斷剥削勞方，打工仔不能分享社會經濟增長的成果，使仇富，憎恨政府徧幫大財團的情緒日益漸加，已到一個全民爆發的凌界點。當然， 以自由經濟作為發展基石的香港政府不能過份干預市場運作，但合理的法例去保障勞方利益是不爭的事實，是需要。在自由經濟失衡下，最低工資，標準工時是保障勞方的必要。

城市，房屋，運輸規劃

小時候家住山上木屋，每天返學都要花上個多小時由山上走到學校。除了返學，就是呆在山上；每逢假日，跟著爸媽逛逛圖書館，在足球場上亂跑，到茶樓吃大包，到零食店買雪糕，光顧街邊小販已經十分滿足。後來，政府下令清拆慈雲山舊區，本人一家被安置到新市鎮，將軍澳去，那時，我們三兄弟才有機會乘車誇區交遊。因為政府的幫助，一家人終於可以上樓，有一個四百多尺，五人聚住一起的公屋，可叫瓦遮頭。相比過去，近年政府根本沒有關顧民生，沒有對香港城市，房屋，運輸作出長遠的規劃。一個沒有配套的新市鎮，屯門；一個被隔離的新市鎮，天水圍；一個到處充斥著一模一樣商場的將軍澳，就在近十年建起來。這些地方需不建全，但郤住了百萬多市民。來屆政府應該一，復建居屋；二，公開及宣傳市區，新市鎮發展藍圖；三，大力發展地下鐵運輸系統；四，資助及鼓勵本區就業。

『小政府，大市場』的政策已經不合時直，也造成社會以上流通性不足，貧富階級對立嚴重。借用台灣馬總統一句話，改革是痛苦的，會受盡現有利益者的痛罵，但長遠為民措施是需要的。『大政府，小市場』是挽救香港發展路向，一個挽回市民對政府信心的行動。

立法行政機關

相比過去的港英政府，現今市民及立法局議員的權利多了好多，但與政府的衝突郤增加不少。問題顯然于政府在很多民生政策上都缺乏咨詢，及部份政黨盲目支持政府動議所致。作為一個開放的新政府，應盡量邀請各政黨人員加入政府，任為咨詢岡位。同時間，本人認同功能組別員議的重要性，因為立法會除了要有由大眾市民選出來的代表外，也必需要有不同業界人士的專業意見，不能因為某業界工作人數少，而忽略其發言權。要檢討的是功能組別議員的代表性，是否由業界自己推選而出，及議員被委任後有否理行其基本工作，及義務。

結語

本人在學其間曾立志當中學教師，為人帥表，教育人才；但畢業後，發覺香港太過實現，普通一份教職根本不能養活自己及家人，只好投身金融界。但對仍想在工餘時間服務社會，所以在四年前為母校(迦密中恩中學)重新建立校母會，回饋社會及照顧下一代。自知沒有政黨背景，沒有政治工作經驗，但十分關心社會，想為社會不公義之事發聲。本人專業雖在金融方面，但對香港房屋城市規劃有一套理念，如能加入政府，想在土地房屋及發展局中服務。若未能受聘， 也希望新一屆政府能聽取本人以上的意見， 想市民所想， 急市民所想 。

>>November 10, 2012 at 12:58:36 PM GMT+8