2012 年 8 月 19 日 星期日 【晴】

8-8/9

跟山西團識既JOYCE 去一個CAMP - 青新營

識咗好多小朋友

發覺E + 啲小朋友好成熟

希望我既出現可以令把小朋友更加識得利用將來既時間啦 !!!

我既部落名係 - UNBELIEVABLE

ECHO
拎到學校既SCHOLARSHIP
中英文TOP 5 IN CLASS
數80 分以上
LS TOP 5 IN CLASS
PHY CHEN 80 分以上
ECON 80 分以上

林
1 YR BASKETBALL
1 YR PIANO
2 YR DANCE
3 YR DRUM
3 YR MONEY

IRIS
儲錢去旅行
1. 1年內完成
2. 目標係去韓國先
3. 如果可以去歐洲就好喇

彭愷琪
通識科在上學期考試合格

STEPNEN
同中學同學KEEP 住FRD
每一毎肙食一餐飯
聚會一次每一個月
挑戰
每一毎肙聚會三次

BENNY
DSE 英-4/5 ECON 4/5
增重108-120 磅
入到大學

他們真可愛

>>August 19, 2012 at 12:53:41 PM GMT+8

2012 年 8 月 9 日 星期四 【晴】

A MaY Sing ar !!!
尋晚要約都要排隊先見到 !!!
點知, 今朝返工竟然無端端就遇到 !!!
Grace !!!

送俾 Natalie Cheung ^3^

>>August 9, 2012 at 1:06:27 PM GMT+8

2012 年 8 月 3 日 星期五 【晴】

港大宿舍迎新營 (一)
by Penny Kwok on Thursday, August 2, 2012 at 11:57pm ·
你哋無聽錯, 我無講錯, 今日講o既題目係港大宿舍迎新營, 不是中大O CAMP。
其實O CAMP 就係O CAMP, 點解港大人徧徧要講中文, 迎新營呢？
一句講哂, 就係要『型』囉 !!! 港大人就係要『型』得起 !!!

眼見又有中同師弟妹入讀港大, 與我面對10 前年一模一樣o既問題, 迷思,
所以我想草草几句去解答大家o既問題, 疑問。

單單由『迎新營』3 字的中英不同演繹, 已透露出港大人對迎新營o既理解有几咁唔同。
『迎新營』著重o既係『學習』, 而『O CAMP』講求o既係『開心』。
傳統港大學生老要自己企起德道高地, 搞咩嘢活動都要講求理想, 目的。
依啲係其他大學o既大學生無法理解的。

長話短說, 先講『迎新營』每年都會玩到有freshman 入院o既問題啦 !!!
年年報紙都話某某宿堂搞長跑活動, 有學生體力不繼要入心切治療部, ICU。
依一類事件, 每年都有好多家長, 學生對港人HALL 有負面印象, 甚至反感,
覺得大學生好玩唔玩, 要攞命黎玩。
聽到師弟有一樣o既諗法, 我即刻用接近爆粗o既語氣反問,

『人哋迫你跑, 你就跑o既咩？
如果你真係唔掂, 你可以出聲, call 車, 唔跑休息, 等等。
無人叫你跑到就黎死, 都要死捱死跑, 跑到口吐白沫先停架麻 -____________-
所謂o既『港大人』連一句, 『唔好』, 『唔掂』都唔識講,
就唔該唔好讀港大, 讀其他大學去書算 9 數啦 !!!』

又有好多人會話, 唔跑唔得架, 因為會無HALL 住, 會衰俾人睇, 啲老鬼, HALL 莊啲人迫得好緊...

聽完依句題問, 我又即刻超氣憤咁反問,

『你都18, 9 歲啦 !!! 成年人啦, 我唔信有人會迫到你, 做你唔想做o既嘢囉 !!!
咩你認為有老鬼, 搞手會整專登諗啲活動黎迫大家發癲, 搞到大家入醫先會開心？
你參加每一個活動之前, 都應該諗下點解人哋會搞依個活動。
以長跑為例, 老鬼係想透過一個平常人無諗過自己可以完成o既距離, 利用群眾壓力,
去迫出個人潛能, 去克服面對o既因難。
係一種訓練, 唔係虐待 !!!』

如果你哋明白依個道理, 首先要o既, 係用享受o既心情去經歷迎新營o既活動, 而唔係抗拒, 投訴。
如果你哋明白依個道理, 當玩o既時候, 真係跑唔掂, 就應該出聲, 叫救命啦 !!!
因為老鬼, 搞手要o既係, 想你地明白, 『努力, 經歷, 突破, 長成, 思考』囉; 而唔係, 要咗你地條命。

每年暑假, 一次聽到新聞, 同埋其他院校怒鬧港大宿舍迎新營, 我都以不屑o既態度回應佢哋,
因為佢哋就係唔明港大人, 唔明港大就係要『型』,
唔明港大人永遠企起德道高地上面, 去觀看每件事, 參與每年事。

:
:
:

面對種種迎新營o既題問, 最多想知, 除咗有冇生命危險之外,
就係大學生, 大學啲HALL 係唔係真係好『淫亂』？

依架嘢, 咁精彩, 留番下次再講喇 ^^

>>August 3, 2012 at 12:02:15 AM GMT+8

2012 年 7 月 19 日 星期四 【晴】

放榜E+ 嘢真係好奇妙... 中五會考/ 大學高考... 都已經差唔多係10 前既事...
但係每年放榜, 我都會打電話俾中學班主任, 八下師弟妹O既情況, 考成點...
雖然我真係覺得讀書叻, 唔係太哂...
不過起E 個K 哂型O既香港社會裡面, 讀唔到書O既人, 前路真係好茫茫...
自問都讀唔少書, 不過E+ 都未搵到自己可以發揮所長, 自己鍾意O既工作, 生活...
如果我讀書少啲, 又無一技之長, 真係唔知可以做咩...
E+ 唔同60-70 年代, 勤力唔係大哂, 做得嘢, 都要有老闆鍾意...
E+ 個社會已經唔會再欣賞員工; 大財團, 上市公司搵咗賺錢, 咩都做得出;
人工永遠追唔上通脹, 工人分享唔到社會發展O既成點, 人才已經無VALUE...
個個人, 好似啲靚模咁... 都想搵快錢, 淫業, 賭博, 販毒, 已經無人理啱唔啱,
為咗錢, 人咩都係做...
係E 個人食人O既社會, 一係人要踩住人上位; 如果唔係, 就係俾人踩住上位...
真可悲...

>>July 19, 2012 at 9:57:44 PM GMT+8

2012 年 7 月 17 日 星期二 【晴】

最近工作俾我既辛苦
已經到咗... 要爆既地步...

我要辭職丫 !!!!!!!!!

>>July 17, 2012 at 10:35:00 PM GMT+8

2012 年 6 月 26 日 星期二 【晴】

ICBC 份工見唔成, 好唔開心...

>>June 26, 2012 at 10:23:19 PM GMT+8

2012 年 6 月 16 日 星期六 【晴】

朋友要結婚, 伴郎不是我
by Penny Kwok on Saturday, June 16, 2012 at 12:23am ·
『如果你30 歲時, 仲未嫁得出, 我會頂硬上照顧你... 』
這句氹人的話, 已不記得向過多少女仔說過, 數也數不清。
:
:
:
『將來邊個結婚, 對方就做伴郎啦! 』
這句肉麻話, 十年前向一個朋友說過, 郤記憶猶新。

十歲, 小學四年級, 一次偶然下, 聽說隔離班有人讀好叻,
經一輸打聽後, 知道對方姓名。
之後一齊打籃球, 由小學校隊打到區隊。

中學, 與他升上同一所學校。
我人生中第一次買的送生日禮物, 就是送給他。
中一學期未, 由他介紹下, 一齊加入了排球校隊, 一打三年。

打籃球, 打排球, 比賽, 吹水, 鬥叻, 認叻, 互串... 一齊成長了五年。
第一次約女仔出街, 他也在場。
因為文理一班的關係, 中六, 七一齊玩, 一齊食LUNCH, 一齊讀書, 又過了兩年。

大學一年, 我入了港大, 他入了中大...
聯絡開始變少之際, 我失戀了。

有一晚, 我在前女友HALL 下, 苦苦哀求, 一度尋死之際,
他深夜, 由將軍澳的家飛車入薄扶林陪我。
明早他離開時, 告訴我, 回中大時會順道買一個M 記早餐回去,
因為他新女朋友鍾意食。
:
:
:
一年後, 我由港大轉到中大, 與他又同校了。

以後每年過時過節, 在SEND SMS 給女仔前, 我會先打電話, 或SMS 給他, 祝福, 慰問他。

根本他的朋友基本上就是我的朋友, 有波友, 有雀友...

我姪仔出世當天, 我第一個也是打給他...
:
:
:
時間這麼快就過了二十年, 他今天結婚了!!!
他的老婆, 也就是當時送M 記早餐的那位。

雖然我今天不是伴郎, 但我沒介意。
因為當天那句話, 我牢在心裡的,
不是可以做你的伴郎, 而是牢記著他對我的情義。

朋友, 你今天要結婚了, 令我想起過去二十年內共你一起成長的片段。
:
:
:
我真心要說句, 我高興認識到你。
也衷心說句, 祝你永遠幸福快樂。

KK & IDY, Bless U All ^^

我有個要求, 希望可以做到你地BB 既契爺啊 ^^ OK ???

>>June 16, 2012 at 12:24:23 AM GMT+8

2012 年 6 月 7 日 星期四 【晴】

記得啊木講過一句話: 匯豐係唔係死錯人 !

即係點解？
你依架几多人工, 就因為你既能力只係值得咁多 !!!
即使第2 個老闆唔係咁睇你, 至少依架個老闆係咁睇你 !!!

>>June 7, 2012 at 11:52:40 PM GMT+8

2012 年 6 月 2 日 星期六 【晴】

1989出生的女孩...

朋友告訴我, 最近交上了新男朋友。
我問﹕『為什麼你不早說, 讓我也排隊追求你麻...』
朋友回應﹕『你之前努力追求1989麻, 我費事打擾你啦 XP』

1989年6月4 日凌晨, 几歲的我晚上起身小解, 經過客廳矇矓間見到爸媽在看電視。
新聞現場直播著一班學生在廣場靜坐; 翌日, 新聞報導, 廣場一遍混亂...
這是我小時候其中一段有關六四的回憶。

昨日與同事食午善, 其間也聊起六四的問題,
我﹕『今年六四, 我會去集會...』話未講完,
經理已經急口回應﹕『點解你去六四晚會呀？』
『你當年几歲, 知道發生咩事嗎？』
『當年可能真係有外來勢力介入學生運動, 你仲會支持學生嗎？』
『當年, 如果中國混亂, 美國佬就最開心; 中國四分五裂, 邊個最開心？』
『如果當年真係推反共產黨, 咁中國由咩人黎管？』
『要管一間公司都咁難啦! 如果中國唔用專制方法去管, 點管到咁大, 咁多地方呀？』
『如果可以平反六四, 咁又點？好似五四運動架囉 !!!
以後每年六四, 得番几個人去咩咩記念館, 送個花牌, 掉念兩聲囉？有意思咩？』
面對一連串質問, 我沒有即時回應, 因為知道經理的性格, 與他分析也沒用。
但他的問題, 我心中早有答案, 也自問了好几次才得出, 『今年我仍有參加六四掉念晚會的理由』。

雖然當年無知, 六四學生運動的來龍去, 也在讀大學時才認真了解部份一二。
六四這場學運事件, 對於『新中國』來說, 簡直是史無前例的震撼。
這時新中國政府要面對的問題非常多,
一, 政權不穩, 地方各自為政;
二, 民心不穩, 改革項目太多;
三, 蘇俄共產落幕, 意識形態崩潰;
四, 外國勢力介入, 社會動盪不碪;
五, 百姓生活困苦, 物資短缺不足;
等等等, 為了避免『蘇東波』(今天的亞拉伯之春)重現, 避免國家再度四分五裂,
中國政府當時除了武力陣壓愛國學生外, 我想也必此下下策是迫不得而的。

由日本侵華, 八國侵華, 義和團, 申亥革命, 北伐割據, 第一/ 二次大戰;
國共內戰, 四人邦, 文革, 大躍進; 可憐的祖國大地, 曾未平靜過。
老大哥蘇俄崩漬, 冷戰謝幕後, 中國最怕又次變成東亞病夫;
一怕分裂, 一怕外國介入... 令百姓再度受苦。

我好白明當權者, 鄧伯伯當年出兵的理由...
既然認同要出兵的做法, 但為什麼我仍要出席六四掉念晚會？

因為我有一個堅持,
『釋放民運人士, 平反八九民運, 追究屠成責任, 結束一黨專政, 建設民主中國』。

我要感謝, 欣賞當年天安門的大學生, 因為我深信, 如果我當年就讀北大, 清華,
我一定會出街, 留守廣場, 支持民運。為什麼？
因為我讀過書, 明白事非。我有理想, 有責任去建設祖國, 改善民生。
再次引用孫中山一句話, 『能力越大, 責任越大』。
社會上除了錢, 還有愛。

因為當年的大學生有想理, 有承擔, 對國家有希望, 最後才會犠牲。
是他們代替了我犠性生命﹐換來了今日香港, 中國的繁榮, 進步。
如果當年沒有他們的捨生取義, 今天要上北京, 留守廣場的人, 可能是我。

點解要每年堅持到維園？
因為我信愛。金錢不是萬能。買不到公義, 也買不到愛。
因為我有公義。社會應該和諧, 不自私, 不貪婪。

朋友, 如果六四一日未被平反, 請繼續去維園吧 !!!
就算將來平反以後, 六四變成只有小貓三四隻的記念日, 六四的死難者被忘記之時,
社會的公義, 對祖國大地的愛, 對和平, 平等, 自由的信念都會永遠存在,
因為一個個大學生的犠牲變得更加實在。

>>June 2, 2012 at 12:32:13 AM GMT+8

2012 年 5 月 27 日 星期日 【晴】

睇城市論壇睇到著哂火 !!! 全部都係地產業既仆街, 講埋啲歪理去橕樓市 !!! 話
『市民要記住, 近2, 3 年, 有過百萬人啱啱買樓, 啲樓都係貴樓,
如果樓市跌番落去, 會有好 多負資產 !!! 好可憐...』

依句話真係激興我,
『根本過去5 年既樓年就係貴得唔合理, 只係你地啲地產仆街想樓市年年升咋麻 !!!
係佢地迫啲市民年年買貴樓咋麻, 買埋啲唔合理既資產 !!!

如果依班仆街地產佬個道理啱, 我即刻諗到,
係封建社會, 好多女人搵唔到嘢, 要做" 雞 "... 1 年比1 年多...
之後做靠" 妓女 "搵食既人叫政府唔好取缔色情事業, 話唔好想啲妓女無工做, 好慘 !!!
簡直就係歪理, 一開始就唔應該迫人做妓女啦 !!!
唔通依架變成通街都係妓女, 就話佢地係做正行, 要同政府攞正牌做生意咩？』

>>May 27, 2012 at 10:31:14 PM GMT+8