2005 年 4 月 12 日 星期二 【雨】

今日返早,因為尋日比賽既關係,今朝差d起唔到身,好彩都起到姐
頭兩堂係日文堂,好眼訓ar~~又唔可以訓著,真辛苦
之後兩堂係普通話堂,我有聽書ar
放左學我同誠大去食"點jack",食完就上左佢屋企幫我部電話入歌喇
但係搞左好耐都係搞唔掂
跟住我地唱左陣k就走lu

腦子空白中

>>April 15, 2005 at 1:19:36 AM GMT+8

2005 年 4 月 11 日 星期一 【晴】

今日係陸運會,約左佢地八點三o係火車站等,不過我成七點十一先起到身,所以八點半先去到火車站,要人等真係唔好意思喇><
不過我地去到荔枝角地鐵站都未夠鐘
跟住就開始左個好悶既陸運喇,而我地就交換相睇,個個都話我細個得意喎,不過大個左唔得意就冇用la...
我地上午冇賽事,要下午先跑,所以都好悶下
十二點食lunch,我同andy,我媽咪yoyo,誠大等等一行十一人去左長沙灣廣埸既一間酒樓飲茶,d野食勁Q貴囉...埋單一人四十蚊喎

返到去運動場,遲左一個字之嘛,咁都當我地遲到,真係冇人情ar
我地等左一陣就要跑喇,我跑4 x 100同4 x 400,我兩棒都係最後o個棒,不過兩棒我接捧時都係落後人地超級多,兩捧都係跑包尾...=.="
阿miffy就喪勁喎,千五米同八百米都跑第一,個身體真係唔知用咩做架...
個陸運會到左五點幾就散lu~
跟住我地就返屋企~


跑既時候我成班朋友都叫得好大聲,o個一刻我真係好感動,就算我地接力跑包尾都冇所謂,因為我仲有一大班朋友!!

>>April 13, 2005 at 12:48:35 AM GMT+8

2005 年 4 月 10 日 星期日 【晴】

義工

因為有一科規定我地一定要做一次義工既關係,所以今日我,誠大,阿嬌,小雲,miffy同埋cm就一齊去做義工喇
我地幾個住粉嶺上水既就一齊搭巴士去大窩口,我地去到大窩口會合左miffy and cm,跟住就去大窩口社區中心lu
去到見到d殘障人士,發覺並唔係我想像中咁差咋喎,佢地有d都幾醒架喎,智商應該有七,八歲
其實我地都幾無用架,只係幫手搬野姐
我地要同佢地玩game,都係二人三足等game,我又係幫手搬野...好無用...
跟住阿miffy同cm就表演魔術喇,超勁囉佢地,不過比起我尋晚睇既大衛布來恩既魔術差好多好多...
不過班殘障人士都睇得好開心,miffy佢地一定好有成功感姐
玩完魔術之後就同佢地玩煮飯仔,整野食ar
整野食整到五點幾就完喇,我地就玩佢地中心o個d玩具,打卓球ar
唉...又要我呢個粉嶺享特利出手喇
玩到六點度就走lu
miffy and cm搭地鐵返屋企,小雲去旺角,我同誠大阿嬌就搭巴士返粉嶺
去到粉嶺我地食"點jack"ar,食完就同左佢地傾左好耐先走,跟住就各自各散lu

我發覺誠大而家同一年前既好相似,成日都唔敢行出第一步
但唔去爭取,又點知成唔成功先?

>>April 13, 2005 at 12:48:49 AM GMT+8

2005 年 4 月 9 日 星期六 【陰】

算數la阿雞,下次一定要去ar!!

今日原本諗住去打波既,但因為阿雞唔舒服而取消左
所以整日都係o係屋企打機上網

如果呢d咁清閒既日子能夠有拖拍就好喇...

>>April 12, 2005 at 12:14:53 AM GMT+8

2005 年 4 月 7 日 星期四 【晴】

嬌老大,o個隻係換左第二件衫既瑪利奧黎架

今日綁左條小馬尾返學,不過後來上到課室都係拆左,因為我地要present,都係整齊d好喇
不過因為阿man o個組present得太耐既關係,所以我地下個星期先present ar,真好彩,又多一個星期時間準備
想完倫理就有一堂空堂,我同誠大去左旺角行街,本身諗住買衫既,但係睇唔o岩
跟住我地就返學校上堂,上英文堂,呢兩堂上網過
最後就係兩堂日文堂,個阿sir突擊默書,比佢玩死...
呢兩堂都度日如年ar~~~
六點四放學,聽誠大講有兼職做,我都心郁郁ar~~
跟住o係粉嶺買左d小食醫肚,就返屋企lu~

天氣終於放晴,突然覺得人生充滿希望!!

>>April 8, 2005 at 12:05:51 AM GMT+8

2005 年 4 月 6 日 星期三 【陰】

今日終於都返學喇,返十點八,好在咁耐冇返學都可以準時起身姐~
今日第一堂係marketing,悶ar~~
第二堂係地埋,有聽書喎~
第三四堂係電腦,一路聽書一路玩百萬富翁
之後就係兩堂普通話,有讀書架我
跟住就放學lu~
放左學就返屋企~
我正在期待下一位女神的出現

>>April 7, 2005 at 11:50:32 PM GMT+8

2005 年 4 月 5 日 星期二 【陰】

今日約左誠大,阿雞同阿全去打波
哇~~~好耐都未打過波喇,仲要係同阿雞同阿全添~~
去到華明村會合左阿雞阿全,跟住我地去左和興打波,誠大要掃墓ar,遲d先到
等左n咁耐先到我地打,但我發覺我地都變到超唔掂囉,係咁輸,如果比著以前校隊o個時既話,仲唔贏晒佢地咩~~
誠大到左之後我地去左雍盛打,對住d超弱既隊都輸
唉....
睇黎真係需要一段時間操返起d狀態先得喇!!!
打完波我地去左華明村既公園吹水,好耐冇同阿雞阿全吹水喇,發覺佢地都變左唔少,成熟晒咁囉
阿雞話我一d都冇變,都係咁鐘意玩低b野,但係佢並唔知道其實係我特登玩低b野既,做人咁認真做咩喎,同朋友一齊時玩下低b野大家開心下又有乜所謂喎
我到吹到七點半就走lu~

感覺消失...

>>April 7, 2005 at 11:20:16 PM GMT+8

2005 年 4 月 4 日 星期一 【陰】

兒童節
今日下午一點約左誠大,阿嬌同小雲去圖書館做報告,不過我未食野,所以我會合完佢地之後就自己去左老m食"點jack",新味都唔錯喎~
食完就去返圖書館搵佢地,做到三點零鐘就走喇
轉去阿嬌屋企整powerpoint
去到阿嬌屋企都係玩既時間多過做野,玩公仔大戰ar,比小雲同阿嬌圍,勁無奈...=.="
不過最後經過我努力之下終於都搞掂左個powerpoint喇~~!!^^
做到六點鐘先走,跟住我就提議去黃金樂園玩喎,估唔到小雲第一個讚成喎!!
我玩左應該有一百蚊,一個月都去唔到一次,玩多少少錢都無所謂la~^^
我地弩玩推銀機,我就一般la,但誠大運氣超好囉,真係估佢唔到ar!!
跟住我地四個人總共玩左三千幾百票,個數量好嚇人ar!!
我就換左兩個yoyo,我細個時好鐘意玩架!!^^
跟住誠大就換左條鏈比佢細佬,小雲換左個玉貴狗既公仔,阿嬌換左個瑪利奧公仔
七點幾就好開心咁散喇~

最後一個兒童節終於都過左喇,出年就係大人lu~~
個心有d唔係咁舒服咁喎...

>>April 6, 2005 at 11:02:38 PM GMT+8

2005 年 4 月 3 日 星期日 【晴】

今日下午o係屋企睇左套"十三太保"
哇哇哇,真係不得了喇,好好睇囉真係,不愧係經典ar!!
狄龍死得超級型,如果第日老子我都可以死得咁型就真係死而無憾喇!!

睇完十三太保我就去左上水換手提,個職員超級豪氣,都唔洗檢查部機有乜問題就換第二部比我喇
大公司果然唔同d喎!!^^
換完就返屋企喇
唉...
換完就走,我覺得好似好無聊咁喎

我開始懷疑自己的感覺,究竟是時間沖淡了,還是我感覺錯了?

>>April 6, 2005 at 10:36:14 PM GMT+8

2005 年 4 月 2 日 星期六 【晴】

今日下午我出左去上水買手提,其實都諗左好耐架喇,終於都係買左!!
我買左部vk900,廿六萬色,一百三十萬像素,有得聽mp3,支援mini sd card,二千七百五十蚊有呢d功能算係唔錯la
但係,返到屋企先發覺原來部機既鏡頭係壞壞地既,真係激氣ar!!><
唔得,聽日要去衛訊換過部機先,好彩佢寫明七日內有壞包換姐~~

好想好想
好想我的手提電話能有攝影功能,那我可以隨時把生活上的美好東西拍下來
好想好想
好想把你最自然最美麗的一刻偷偷拍下來
好想好想
好想把你永遠藏在我的手提電話裡

>>April 6, 2005 at 12:21:43 AM GMT+8