2006 年 6 月 15 日 星期四 【晴】

19歲
今年的生日過得很平靜,自己一個人過,沒有蛋糕,沒有慶祝,更沒有禮物,平淡得很
正常!
平凡人有一個平凡的生日
生日的一天,我去了剪髮,大一歲要有個好開始!

人活了19年,卻沒有甚麼成就
想老父19歲的那年,己有老婆孩子要養家了,我卻還像小孩子一般,真是萬分慚愧,萬分汗顏...
人愈大愈踏實,很多事情出發點都是往利益方面看

對生活失去了激情,對愛情失去了憧憬,寫作方面更失去了動力
尤幸者是我還記得自己的夢想,雖則失去了動力,卻還是朝著目標慢慢的推進,算是不枉看書多年了

原本以為自己沒甚麼特別,沒甚麼特出,到最近才知道原來自己有一方面都算是值得驕傲的,19歲生日還是有一點東西值得高興!

事業來得平凡,感情卻來得拖拉
感情方面我實在很機車,龜毛的我明明不喜歡人卻要吻她追求她,實在大違本意與原則,該死之至!
他媽的沒有原則就是十分貼切的形容,這是我在18歲最重要的教訓,該深以為戒

18歲有不少教訓,也有不少得著
期望有個更好的19歲!!

>>June 15, 2006 at 4:46:40 PM GMT+8

2006 年 6 月 15 日 星期四 【晴】

reply mango:哈哈,點會嬲喎,我就快連我自己生日都唔記得喇~點會介意喎^^

>>June 15, 2006 at 4:10:12 PM GMT+8

2006 年 5 月 31 日 星期三 【雨】

結束

又一年了,轉眼間又一年了
時間過得很快,彷彿上一秒鐘還是在開學典禮中,但當我回過神來卻已經結束了

這是很特別的一年
在開學時我是絕對無法想像現在的情況的
無法想像會和現在的同學們這樣好交情
無法想像會進酒店工作
無法想像自己會那麼荒唐

第一年半工讀,很辛苦,但卻學到很多東西
學到工作的態度,學到處理同事的關係
但卻失去了很多的時間,更甚的,是失去了讀書的集中力
一得一失,公平得緊

感情方面,雖然沒有拍拖,但卻發生了很多事
事過境遷,滄海桑田
甚麼也沒有關係了

變了
經過一年,人變得暴躁得多
是成長的代價嗎?

最後一年的學生生涯結束了
變動的一年
充實的一年
該結束的還是要結束,把學生時代結束掉
正正式式的當個大人吧!

>>May 31, 2006 at 1:19:31 AM GMT+8

2006 年 5 月 24 日 星期三 【雷雨】

復活

今日返九點,因為要飽肚食藥既關係,所以被迫要去大家樂食早餐先
返到學校係baby堂,愈黎愈鐘意呢個阿sir,我覺得佢係真心錫我地班架
十點鐘就放我地落去食午餐,有成兩個鐘意,唯有去飲茶啦,又食早餐喇....=.="
點知食食下野收到帝京個電話喎,話有糧出喎,咁我就即刻撲返去出啦,點知都係仲有兩日未出到,兩日糧有成四百蚊架,要搵大佬傾傾至得

返到去學校遲左幾個字,但係呢兩堂都係冇乜野做既,遲左少少冇乜所謂啦
跟住就三堂bob sir,present呀~~~~
因為係英文既關係,所以我竟然好緊張喎....!?
放學放早左一個鐘,五點鐘就返到粉嶺,時間啱啱好,夠鐘去拎眼鏡
拎完眼鏡就返屋企lu




病左幾日,終於都就快病好喇
唔知點解,喺病既時候好想有人照顧下....

>>May 25, 2006 at 12:38:06 AM GMT+8

2006 年 5 月 12 日 星期五 【晴】

自己寫過那麼多文章,但就十分喜歡"失戀病毒"言一篇,大家重溫下吧

>>May 12, 2006 at 1:03:59 AM GMT+8

2006 年 5 月 12 日 星期五 【晴】

失戀病毒

失戀的病毒在這城市到處橫行
喜歡戀愛的天使從來沒有因為我們的期待而在這淡藍色的天空飄然降臨
我們失去了戀愛這種疫苗,只能默默地承受著失戀病毒狂暴的肆虐

也許
天使從沒有打算降臨,也從沒有打算為我們送上粉紅色的祝賀
也許
我們能依靠的,就只是自己!
朋友們,擦乾眼淚勇敢地對抗失戀病毒吧!

>>May 12, 2006 at 1:02:32 AM GMT+8

2006 年 5 月 11 日 星期四 【晴】

今日訓到十點幾先起身,起左身個胃都係仲有啲唔妥........=.="
返學時等車等左幾個字,又肚餓,唯有走一堂食埋個m記先返學啦
食緊野時,隔離個學生妹唔知做乜成日望住我,唔通我個樣真係咁搞笑??

今日頭兩堂都係肥miss,聽人present,好彩未到我地嗰組啫,因為我地唔記得左做.......
跟住兩連堂係bc,呢堂又係好多堂課呀.............
放左學就返屋企lu~~


怎麼那一天的我們,都默默的微笑很久
你聽得到的這句歌詞,正是我追求的東西!!

>>May 11, 2006 at 11:22:49 PM GMT+8

2006 年 5 月 10 日 星期三 【晴】

半醉人間
今日頭兩堂係context,都有聽阿sir講書既~
跟住就放食飯lu
去左味皇食,食左個早餐,今朝七點幾先食左個早餐,十一點鐘又食,真係好飽....

返到學校就係兩堂電腦,冇乜做野
之後係三堂bc,真係做堂課做到死呀...=.="

放左學我同奧雲,誠大阿添就去左九龍灣喇,今日既行程係先打保齡後打邊壚^^
今日我既手風好順呀,第一局就打出我既個人新高158分,第二局都有139,真係開心呀

碌完ling就去左睇奧雲同阿樂打卓球,呢樣野真係冇乜興趣.....

到左八點鐘,我地一行七人就去家豪酒家食野喇
我金仔先生,誠大,奧雲,阿添,朱西研,jacky,阿樂
真係剩係睇個陣容都夠疊馬呀!!!

一路烚下烚下一路猜枚,真係飲左好多呀,七個人飲左三十罐,我同誠大飲得最多,佢就飲左大約六罐,我都有五罐呀
十一點走既時候我都已經覺得個胃有少少唔妥架喇,但係估唔到真係喺巴士度嘔左出黎....
嘔完唯有叫老大順便喺粉嶺"執"我返屋企啦.............=.="
去到軍地又嘔左次,真係好辛苦呀.................
以後真係聽到個酒字都驚呀............



只要你肯細心地去了解,你會發現每個人都有一個有趣的故事,一個獨一無二的故事!!

>>May 11, 2006 at 11:03:28 PM GMT+8

2006 年 5 月 9 日 星期二 【清涼】

今日返兩點,朝早喺屋企打左陣機就出門口喇
第一堂係context,呢堂冇乜野做
跟住兩堂都聽人present
到左五點就放學喇

放左學就返左去粉嶺,去左圖書館還書同埋剪頭髮
今次都剪得幾滿意^^

跟住就返屋企食飯喇







你一笑,就會有一萬個天使在我天空裡飛

>>May 10, 2006 at 2:20:16 AM GMT+8

2006 年 5 月 8 日 星期一 【清涼】

特別事
今日返早,尋晩先收完十一點半,今日又要六點起身,真係冇命喇..............
遲左幾個字起身,但係都冇遲到,真係奇蹟呀!!

頭兩堂係電腦,出奇地我做晒啲堂課喎!
莫非我開始變電腦天才....!!??
跟住兩堂係財務,太過眼訓所以訓足兩堂

十二點鐘放左學原本諗住唱k既,但係冇人去,唯有返屋企啦
返到屋企都點幾鐘喇,一路打機打到四點幾就又再出門口返工喇

五點幾去到旺角,見有時間就去老m食埋個晚餐先返工,我實在忍夠公司啲伙食喇!!!!!!!!!!!!!!!><
就喺我食食下野既時候,發生左一件好特別既事
我即時既反應係o晒咀
幹!
真係咁大個仔都未遇到過咁既事!!

食到差唔多六點就返工喇
今日返工好平淡,冇乜野做,唯一特別少少既係收到一張五蚊歐朗貼士,美金就收得多,歐朗就真係第一次收呀!^^
十一點放左工就返屋企lu~~



願能抱著你在漫無邊際的夜空裡飛翔

>>May 10, 2006 at 2:21:12 AM GMT+8