2005 年 4 月 28 日 星期四 【晴】

今日返下午,但我訓到十一點半先起到身,所以遲左少少
返到去上左一堂文化就去食野,我同阿Q and誠大又去左吉野家食野,生雞蛋加牛肉飯真係一絕ar!!
食完就返去上堂,上兩堂英文,上網過la
跟住就係兩堂好悶既日文堂,呢兩堂我就幫手提既五十張相打名ar,打足兩堂ar
放學就散lu~~

今日係以前既一個朋友生日,雖然我已經冇左恨
但我都係鼓唔起勇氣去講句生日快樂,或者係當初鬧得太過唔開心既關係la,但其實真正既原因好可能係因為我係一個懦夫!!
一個冇膽既懦夫!!

>>April 30, 2005 at 1:24:51 PM GMT+8

2005 年 4 月 27 日 星期三 【晴】

今日唔洗返學,但要返夜校,所以我同誠大就o係下午四點零鐘一齊返學喇
我地o係旺角行左一陣,就會合阿蓓and班長姐姐and阿ling喇
我地去左間車仔面食野,跟住阿嬌and陳曉就黎左會合我地
幹他媽的超貴,成廿幾蚊個車仔面,當老子係肥羊,由得你地宰割!!??
下次一定唔會再去呢間黑店!!
食完我地就一齊返學校
今日上堂又係超悶,不過我地又係有比心機咁上堂la
仲有一樣野就係,我愈睇就愈覺得個阿sir似少林足球個鐵布衫田雞
呢~係秒秒鐘幾廿萬上落o個個田雞ar,個阿sir真係超似囉
上到九點半就返粉嶺lu~
返到黎我地就決定上陳曉屋企吹水,吹到十二點我地就散lu~
好險,差d上唔到尾班車!!

雖然我有好多好多緋聞,但係其實我好專一架!!

>>April 30, 2005 at 1:01:57 PM GMT+8

2005 年 4 月 24 日 星期日 【陰】

今日一家人and 大肚may姨一家去飲茶,九點幾就起身lu~
難得既係老大都出席喎,真少有

好耐冇黎過呢間彩城酒樓飲茶喇,細個每個星期都會一家人黎呢間酒樓飲茶,勁多童年回憶喎,童年既日子就好似發生左唔係好耐咁,轉眼間就十八歲lu~真唏噓!!

飲完茶老爸走先,咁我地就join埋老媽o係外國返黎既表姐and佢個幾歲既仔去唱k
我地去左創興唱ar,呢間green box勁正喎,間房有ps2打喎,所以個超級百厭星可以掛住打機唔洗煩我地兩兄弟,真係可以鬆一口氣喇,但係今次唱k都好悶下ar,冇咩興趣唱k囉
五點鐘老大走埋,即係話我要一個人應付個超級百厭星喇,唉...
唱完k我地就走lu,行緊去火車站時竟然撞到個內地人問我路喎,佢問我點樣去尖咀喎,咁我就將我上堂學既普通話學以致用,成功地教個內地人搭地鐵去尖咀,勁有成功感囉

我地去左新世紀廣場間香葉棧食野,一路食心情一路咁差落去,我都唔知點解ar,真係好耐都冇試過心情咁差囉...
食完就終於可以返屋企lu~終於可以唔洗對住個百厭星喇!!

我開始唔清楚自己諗咩喇...

>>April 25, 2005 at 1:20:56 AM GMT+8

2005 年 4 月 23 日 星期六 【晴】

羽毛球
今日約左誠大阿蓓去打羽毛球,所以好早就起左身喇
打開個銀包我先發覺原來我不知不覺間已經變左個窮鬼lu,所以我早餐都係買左個面包就算,連野飲錢都唔敢用ar
我同誠大去到九龍灣都好準時,不過阿蓓同佢個fd大隻佬已經到左喇
我地去左個地鐵公司既康樂中心打羽毛球,因為阿蓓既爸爸係地鐵公司職員囉
打足兩個鐘頭冇停過,我發覺原來我都打得ok喎
打完阿蓓返工,大隻佬哥哥送佢去返工,我同誠大就返屋企

低v大露背,唔洗咁性感下嘛...=.="

>>April 25, 2005 at 12:05:09 AM GMT+8

2005 年 4 月 22 日 星期五 【晴】

今日返下午兩點,我去左圖書館編履歷表先返學
本身諗住早半粒鐘返學打字既,但係誠大竟然遲左四個字先出現,真係吹脹,仲可以打咩??
去到九龍塘竟然撞到阿蓓喎,真係天涯何處不相逢ar
咁我地就一齊返學la,點知就返到學校時竟然超級肚痛,無奈地再跑足九層樓上去廁所解決la

今日上既堂,只可以用天昏地暗黎形容,因為除左兩堂打字堂打唔停外,仲有堂英文堂都係用黎打字ar,因為實在有太多野要打喇,打足三堂都打唔晒,可見個miss比功課比得幾喪,又唔諗下我地個個都冇打字機喎,仲比功課,都唔係咩意思ar

最後兩堂係倫理,有兩組人persent ar,佢地講乜我都唔係好聽到,成堂都係同波子傾計,原來佢都係雙子座既,唔怪得性格同我咁似la~

六點幾放左學就幾個同學仔一齊返屋企lu~
返到去粉嶺,見到一個帶住個細路女既中年女人o係天穚度拉住個中年男人唔比佢走
個女人既眼神話比我知,佢係個男人既老婆,而個老公搶左d家用去賭,個女既書薄費又未交,水電費又未交,點算好呢??所以唔可以比個衰佬走!!
而個男人既眼神話比我知,佢係個女人既老公,精英大師星期日就跑喇,佢決定要周圍籌期刀仔鋸大樹,搵返千零二千蚊都好ar,偏偏呢個衰婆又要阻頭阻勢,阻住發達喎,所以佢一定要走!!
唉...
十足十電視劇咁喎
睇完呢一幕家庭悲劇後,我亦覺得好唏噓,因為不知不覺之下我已經變得好識睇人喇,竟然可以由人地既眼神睇得出人地背後既故事,真係勁ar!!

>>April 24, 2005 at 11:37:50 PM GMT+8

2005 年 4 月 21 日 星期四 【晴】

等待

男孩一直看著電話,一直等待著幸福的鈴聲響起,雖然幸福的鈴聲從不曾響起......

深夜二時了,男孩仍然不肯安心睡覺,原因只是怕女孩上網時見不著他,男孩怕女孩見不著他時會悶,在女孩的面前,男主角並不介意當個小丑,男孩只想女孩能開懷地笑
男孩沒有膽子撥電話給女孩,因為男孩怕女孩正在睡覺,怕驚擾女孩的美夢,男孩只能一直在網上等待,等待女孩的出現....痛苦的等待!!
就在平凡的一日,讓男孩知道甚麼是喜歡,甚麼是瘋狂愛上,從那一日起,男孩的目光總離不開女孩
但如果能夠讓男孩選擇,男孩一定不會選擇喜歡上女孩
因為單戀從來都是最痛苦的

就在另一個平凡日子,女孩的男朋友出現了,讓男孩知道甚麼痛,甚麼是最痛
但看到女孩幸福的笑容,男孩只能把眼淚強忍著,在一旁默默地替她高興....

在十七歲的這年,男孩知道甚麼是喜歡,知道甚麼是痛,但他並沒有嘗到相戀的滋味
男孩不能得到女孩的愛,男孩得到的只是一次又一次的空等,等待女孩的電話,等待女孩在網上出現,等待一次又一次的絕望
只會懂等待的人真是傻,只會等待著沒有結果的愛情的人就更傻,但男孩就是這麼傻的一個人
曾有人說過,偉大的愛就是無條件的付出,但男孩並不認為自己的愛偉大,男孩只知道喜歡一個人就應該為她付出,為她奉獻

已半夜三時了,男孩決定去睡了,但明天呢??男孩仍然會等嗎??

這樣殘忍的問題男孩不知道答案,男孩只知道這一刻他很愛女孩,很愛很愛...

>>April 21, 2005 at 11:55:13 PM GMT+8

2005 年 4 月 21 日 星期四 【晴】

好耐都冇寫過日記喇~~~因為呢期好忙下ar,同埋阿哥又休息多左,所以有時用唔到電腦囉

今日返一點二,我地要present ar,所以唔遲到得架!!
返到去收到陳曉比我既一包潤喉糖,雖然我同佢唔熟,但佢知道我喉嚨唔舒服就即比包潤喉糖我,呢個朋友果然交得過ar!!果然女仔係細心d既!!好感動ar!!^^
要present喇,見佢地一個二個都咁緊張,我好驚會好低分囉
唔知點解佢地都放左好多期望落我度,好似我最勁咁,仲要搵我壓軸喎,搞到我好大壓力ar
佢地present完最後就到我喇,我一路都冇問題ar,讀得幾好la,但係佢地就突然話冇時間,咁我唯有放棄左三分一既稿la,再自己爆肚做返個收尾la,好彩個效果都唔錯
最後個成績就中上la,我都滿意ar,最開心係個power point做得好ar,miss讚ar,個power point係我一手一腳做出黎架,勁開心!!

present完就落去食野,又去左吉野家食,食到夠鐘上堂就走lu
又係上英文堂,都係上網過
跟住就係日文堂,難得地聽到個阿sir講左好多廣東話ar,好驚訝ar~~@@
放左學就搭火車返屋企lu~~

最後倒數喇...!!

>>April 21, 2005 at 11:22:31 PM GMT+8

2005 年 4 月 18 日 星期一 【晴】

多謝關心,我就梗係冇再等個女仔la,呢d係以前既事黎喇...
只係寫返不久前既經歷出黎,並唔係而家架
我要迎接新既愛情就一定要放開無結果既情感,我已經振作左好耐架喇,唔洗擔心,我好ok ar

>>April 18, 2005 at 12:46:43 AM GMT+8

2005 年 4 月 15 日 星期五 【晴】

你的美
從來就是我一生追求的極致

你的愛
也許沒有東西比它更有價值

但是
我從來也不知道因何會愛上你
也知道我永遠也沒可能得到你

愛情
從來就是那麼愛作弄人,作弄世人
但是
愛情就是要那樣子才夠刻骨銘心

最令人心痛的,是愛情
最今人甜蜜的,也是愛情

我們,就是被這種奇妙的情感吸引著,纏擾著
一直在愛情的渦流裡不能自拔,至死方休

這就是愛情

>>April 15, 2005 at 1:31:29 AM GMT+8

2005 年 4 月 15 日 星期五 【晴】

誠大,我地都係過來人黎架,點會唔明ar
唔明o個個係你至o岩ar

>>April 15, 2005 at 1:30:17 AM GMT+8