2006 年 8 月 12 日 星期六 【晴】

如果有女孩因為我而哭,真是朝生夕死也甘願......

>>August 12, 2006 at 9:31:12 PM GMT+8

2006 年 8 月 12 日 星期六 【晴】

著迷
一向覺得自己過於冷靜；無論是看最動人的戲劇又或是最感動的小說,都總是不哭
但最近卻動不動便很感動
不知是不是因為一直在潛意識中壓抑著自己的感情,經過年月的洗禮,終於把真性情釋放出來
看到美麗的女孩,會很容易著迷
聽到動人的歌曲,會很容易感動
同一時間為了多樣東西著迷,真是太不成話了...=.="

>>August 12, 2006 at 9:29:35 PM GMT+8

2006 年 8 月 8 日 星期二 【晴】

逃避

畢業了兩個月,但卻一直找不到工作
與其說是找不到,倒不如說是沒有用心去找
天天無所事事、沒責任在身地過日子；一直以為是痛苦的悠閒,但原來我卻一直沒出息地享受著
害怕困身的長工,卻憧憬著既高人工又容易的兼職
當最不想發生的情況追趕著我時,我一切都明白了
全部也明白了
我在逃避
可笑地逃避著一定會降臨到我身上的責任
也可以說是害怕
白痴地害怕失去自由與自我
對!很孩子氣
也許我還是那個終日在跑跑跳跳的孩子,從沒有長大

沒有長大的大孩子!

>>August 8, 2006 at 8:52:37 PM GMT+8

2006 年 7 月 21 日 星期五 【晴】

七次奇蹟

九把刀說過,一個人一生會出現七次奇蹟,只是每當奇蹟出現時我們每每不能把握,讓天使悄悄地從我們的身邊飛過
我不知道我的十九年生命中曾經出現過多少次奇蹟,但我在剛過去的日子裡卻曉得原來我曾經放過了一次奇蹟,一次大奇蹟,只恨我當初太膽少,讓天使白白的飛過我身邊

悔不當初啊!

我不肯定是不是有這七次奇蹟存在,又或者根本每個人的配額不同
阿甲聰明所以有十個奇蹟
阿乙愚蠢所以只得四次
人人不同,殊不公平

可能當你的配額用盡時,俏皮的天使飛過時會可憐你,給你多一次機會
可能.............
可能............

更有可能的是,根本就沒有甚麼奇績,我不肯定啊

但如果你肯嘗試多些留意身邊,盡力去把握每一個可能的機遇
那我相信你的一生一定不止出現七次奇蹟!

>>July 21, 2006 at 10:13:32 PM GMT+8

2006 年 7 月 20 日 星期四 【晴】

我要做楊過呀!!!!
姑姑!!!!!!!!!!!!!

>>July 20, 2006 at 11:47:23 PM GMT+8

2006 年 7 月 4 日 星期二 【晴】

好想,好想.........
但總是力不從心,好無奈...........

>>July 4, 2006 at 12:09:51 AM GMT+8

2006 年 6 月 29 日 星期四 【晴】

招聘會加落河馬吧
今日係好忙碌既一日,行程係上午去中環既招聘會,夜晚再出去同去cammy既生日會
晨早七點幾就起左身,除左半個月前返學後都未試過咁早起身喇

同誠大喺大家樂食完野就搭火車出尖東,去到尖東再搖船仔去中環
一落船就係招聘喇,同我想像中既人數差好遠,都唔係太多人姐
喺個招聘會度交左幾張表,跟住到左點幾鐘就返粉嶺喇
喺大快活食左個下午茶,就去左華明嗰邊買ps2既games,買左三隻就返屋企lu

到左夜晚八點幾就出發今日既第二場喇
去左尖咀既河馬吧會合stephen同cammy佢地
本來唔識去架,多得阿嬌,kitson,咖哩同iris佢地特登出黎接我地,多謝晒佢地

去camp既除左阿樂外都好似到齊,連miffy都出左黎喎,佢仲話想加入我地四虎,想做第五虎喎
發夢冇咁早,唔去camp就想加入,呢個世界冇咁著數既野架
一路飲一路猜玫,跟住又同咖哩miffy同kenny猜玫講心事,知道左好多野.........

因為空肚既關係,所以飲到十二點零鐘就差唔多夠lu,經過上次飲到嘔既慘痛經歷後,決定要適可而止,唔扮飲得呀!!
到左兩點鐘誠大同owen都醉左lu
好搞笑,owen醉左就好典型既,啲情緒起伏好大,而誠大就係非典型既,佢不斷話人醉,其實自己最醉,最搞笑既係誠大不斷攬住owen,話佢醉,而owen比佢攬到勁火,推開佢佢又攬過,兩個醉左既人攬埋一舊真係好好笑

四點零鐘就散lu,埋單時竟然唔夠錢比,真係好瘀呀...............
搭通霄小巴返粉嶺,送埋誠大返屋企,條友醉到路都就快行唔到,仲要係咁問我洗唔洗通知我阿哥黎接我返去喎,又係咁話我醉喎
唔係我醉喎,通知我阿哥做乜!?
真係吹脹~~~
喺華心行去粉嶺火車站搭的士返屋企,一路上都係諗緊同一樣野,呢樣野好震撼,可惜要守秘密...

果然每個人都有一個深刻故事呀

>>July 3, 2006 at 1:55:13 PM GMT+8

2006 年 6 月 22 日 星期四 【綿綿細雨】

長洲三日兩夜camp---完結

今朝十二點先起身,由四點鐘訓到十二點,訓左咁多個鐘就梗係正啦
一起身就要準備走lu,一路執野一路都有啲唔捨得,因為呢幾日喺呢間房裡面都過得好開心,又同班同學仔熟絡左,如果呢個camp係一開學時搞既話,我諗大家呢一年讀書一定會更加開心

十二點半交房,我地一行十四日就一齊去碼頭lu
喺尋日食lunch嗰間食,尋日食左個滑蛋雞絲飯,今日就決定換下口味,食滑蛋肉片飯!
但係好似雞絲飯好食啲喎..........

上左兩點零鐘嗰班船,喺船上面望住長洲啲屋漸漸變細,個心都有好多感慨
因為同大家喺呢幾日裡面玩得好開心,老實講都有啲意外
因為可以同事前一啲唔係好鐘意既人玩得好開心,實在好意外
大家都好希望可以有另一次咁好玩既camp,但係其實每一位都好清楚呢一個機會係好少架啫
廢話唔講喇

最後一句
希望大家可以有另一次更好玩既旅程啦

>>July 3, 2006 at 1:19:35 PM GMT+8

2006 年 6 月 21 日 星期三 【雨】

扯旗山四虎

今日訓到一點幾先起身,訓左四至五個鐘,但係訓醒之後發覺好似有冇訓到咁
梗係啦,左邊既owen訓到好恐怖呀....
基本上都唔洗轉側呀,因為都冇位比我轉...=.="
訓醒左之後諗住同佢地出去食野既,但係竟然冇人肯喎,唯有同誠大兩個去食啦,食左個好平既滑蛋雞絲飯,又幾好食喎!!!!!!!!

返到去等佢地食完啲外賣就出去海灘喇
本身諗住唔落水既,但係最後都係比佢地扯左落去...
其實都冇乜swim到,只係浸左陣姐
跟住我,誠大,stephen,owen就返去沖涼先lu
期間發生左一樣好搞笑既野,就係行行下時有個大約十歲既小朋友撞到我喎,咁我咪望下佢囉,點知佢竟然一路走時一路凶我喎,真係o晒咀,我咁大個仔都係第一次比個咁細年紀既小朋友凶咋
返去既時候都係傾同一樣野,大家既睇法都係一樣

等大家沖完晒涼就去食野喇,我地四個同四小花去左碼頭嗰邊食野
而打機既就繼續打機...(又打!?)
啲野好唔掂喎..................~"~
跟住我地就買酒,買完就返去喇
點知一買完野就落勁大雨,咁唯有避雨啦,點知大家因為我用女仔聲講既一句"人地都冇載bra~~"而笑到反艇.........
乜真係咁好笑咩?!

返到去又玩"x街x家鏟",跟住仲入埋房玩"killer"添,owen仲突然幫我地四個改左名添
扯旗山四虎驚世誕生!!

玩到四點幾我終於都唔夠睡魔鬥,成為第三個訓覺既人.............

>>June 26, 2006 at 4:55:21 PM GMT+8

2006 年 6 月 20 日 星期二 【晴】

長洲三日兩夜camp
今日係去camp既大日子,約左誠大九點半喺火車站等,但係佢十點鐘先出現,真係....
十點半去到太子地鐵站,等齊人就出發喇
總人數有14人:我,誠大,owen,steven,阿樂,Patrick,kitson,kenny,大鼻,iris,yuki,咖哩,cammy,阿嬌
我地搭到去中環落車,再搭船去長洲
我地兩點零鐘去到,跟住就去屋喇
我地放低左啲野就出去買野,買完就返去屋lu
返到去我地就開ps2玩我地既長洲winning盃,七個人玩,一個電腦
好可惜既係,我抽籤竟然抽到同電腦5粒星既巴西打
他媽的...
最後力戰下打成一比一平手,射十二碼出局....
搞笑既係最後竟然比電腦巴西過五關斬六將拎左我地既長洲盃走,真係慘烈呀...
夜晚我地bbq,b到十點零就同誠大,owen,steven出左去買酒玩
返到黎同四小花,阿嬌玩,個game叫"x街x家鏟",好好玩架
輸左要飲"橙汁+威士忌",杯酒都幾勁架...
玩到兩點幾,我地四子同四小花就出去茶餐廳睇波
英格蘭大戰瑞典
呢場真係未看不可啦
可惜既係我睇到十幾分鐘就訓著左,要到六十分鐘先起返身,好彩最精采既係最後呢十分鐘
謝拉特大發神威,謝老四萬歲!!!!!!!!!!!!!!!!!!
睇到五點零鐘就返去屋lu
沖完涼六點鐘先訓,跟住我地四子就喺房度傾男人既祕密喇...........

生保床訓唔著,成八點鐘先訓著...............

>>June 23, 2006 at 10:01:45 PM GMT+8