2006 年 3 月 17 日 星期五 【陰】

今朝唔知醒,所以走左兩堂先返學,真慚愧...><
返到去上金sir堂,呢兩堂冇乜特別
跟住係食lunch,因為我冇耐之前先食完早餐,所以冇去食到,幫奧雲去馬會收錢,收完就去左機鋪打機,打到夠鐘就返去上堂lu
兩堂都係hrm,聽左堂半,訓左半堂
死喇....
個project未做過添,睇黎又要趕工喇....

放左學就返工,今日返四點呀,返七個鐘呀,幾時先等到收工!?

今日返工冇乜特別,同阿強吹水吹足一晚,咁樣又一日喇^^








突然問左自己一個問題,一個好令人心灰既問題
而我自己亦都比左自己一個好心灰既答案...

>>March 19, 2006 at 2:22:33 AM GMT+8

2006 年 3 月 16 日 星期四 【陰】

睇戲加保齡
今日返九點,不過我唔知醒,走左兩堂,變左返十二點
頭兩堂都係im,呢兩堂知道左個壞消息,就係我地條二串一波膽衰左呀....!
鬼知利物浦可以贏到五球咁多咩...=.="

跟住係一堂倫理,今堂講賭博呀,開正奧雲嗰瓣呀真係
之後兩堂係b.c,傾下計咁過啦
放左學就同阿嬌,誠大同奧雲先去吉野家食野,再去九龍灣睇"極地雪犬"
不過要成七點二先開場,仲有成粒鐘時間空左出黎,咁我地就去打機喇
唱左十蚊散紙,入左兩蚊玩高達,點知一玩就玩左半個鐘頭冇死過,真係想不到的好成績呀

開場前去左百佳買野食,夠鐘就入場lu

睇到九點零鐘就散場,又真係幾好睇喎^^

睇完戲冇乜野做,突然保齡癮大作,唯有去隔離陶大花園碌下頂下癮啦
今日打得唔算好,冇乜球運呀
兩局都係得百零分

打到十一點零就走喇,跟住叫埋朱石言落黎食糖水,食到十一點十就走lu
跟住我同阿嬌誠大就搭巴士返屋企lu

好充實既一日呀!!

>>March 17, 2006 at 2:33:53 AM GMT+8

2006 年 3 月 15 日 星期三 【陰】

博一博,單車都變摩托
今日返學返朝九晚五,七點未夠就起左身喇,去左大家樂食埋個早餐就返學lu

頭兩堂係context,呢兩堂冇咩特別野好講
到左十一點就放食午飯喇,我地去左扒王食飯,野又唔好食,態度又差喎
食到十二點零就返學lu

兩堂都係im,上上下堂奧雲問我買波膽d野喎,咁我又有興趣喎,咁咪同佢夾份囉
點知就係咁,就扯起左我地dhm2a既賭風喇...
我地度左幾條二串一波膽,一人夾四十蚊,如果中既話,起碼中四百幾蚊呀
奧雲講左句好精警說話

博一博,單車都變摩托

當堂笑爆咀
到左跟住既倫理堂,已經有成十個人跟住我地買喇....
我同奧雲真係勁大壓力,因為係我地買先架嘛
拿
講明呀,一早講左如果輸既話冇得怨架

到左五點鐘就放學返屋企lu






黎多d啦阿研

>>March 16, 2006 at 2:33:36 AM GMT+8

2006 年 3 月 15 日 星期三 【晴】

阿嬌,多d黎睇啦^^

誠大,我個肚好肥架...

>>March 15, 2006 at 2:38:44 AM GMT+8

2006 年 3 月 14 日 星期二 【陰】

都係冇乜特別既一日

今日訓到十二點先起身,搞到又冇時間食野,唯有又去老m買包搭車食啦

第一堂係context,冇乜聽到書添...

跟住兩堂係肥miss堂,今日交project呀

放左學就返工,今日酒店有生抄骨食喎,真係有口福喇^^
今日開工同阿強拍住上,佢有進步喎!!
之但係今日食白果,零貼士呀...=.="

遲左成三個字先放工,收左工就同阿強返粉嶺lu~

>>March 15, 2006 at 2:37:27 AM GMT+8

2006 年 3 月 13 日 星期一 【雨】

打機

今日上午上堂時冇乜特別,但係我地下午就約左就黎唔教要去日本讀書既胡sir品茗(即係飲茶呀)
放學等阿sir時發生左件事,阿添激嬲左人呀!!!!
其實都係小事黎姐,希望佢地可以快d和好如初啦^^

我地一行成廿個人去左學校對面既花園酒家品茗(即係飲茶呀)
我地開左兩張枱,一張食煙一張唔食煙既,但竟然食煙嗰枱既人仲多過唔食煙嗰枱喎,真係多煙民呀
品完茗(飲完茶)我地就捉左阿sir去太子間超級大既機鋪打機,一個阿sir帶住班學生去機鋪打機,呢個場面真係怪到無倫呀....=.="
阿sir同劈柴kitson佢地去打頭文字d,而我就同阿研打nba,真係超好玩囉,好多鋪都係打到最後一秒先分到勝負,真係好激烈呀!!!

阿sir打到三點幾就走左喇,而我地就打到五點先走,之後搭巴士返屋企
六點幾返到粉嶺,之後同老大去左剪髮
今次就剪得唔錯喇^^
剪完就返屋企lu~








大發現,原來橙色涵既奶黃包係超好食架!!
果然,奶黃包先係王道!!

>>March 15, 2006 at 2:28:43 AM GMT+8

2006 年 3 月 12 日 星期日 【雷雨】

今朝早出左去食野喎,點知出到去先知間鋪頭冇開喎,真係吹脹呀...=.="
跟住成日都係打機同做project咁過囉,無乜特別咁la




夜晚睇左一個好好睇既mv,好感動呀~~~!!!

>>March 12, 2006 at 11:56:12 PM GMT+8

2006 年 3 月 11 日 星期六 【晴】

無乜特別既一日
今朝訓到十二點鐘先起身,遲左少少起身添~><
跟住十二點幾就出門口返工lu~
點知等車等左勁耐,無奈下唯有搭的士喇....
返到去酒店d時間都係好唔夠用,差少少遲到添

今日酒店好旺呀,成日做唔停
原本十點鐘收工既,但係遲左四個幾字先收工
今日貼士有成五十五蚊,呢期黎講算係好好架喇
跟住就返屋企lu~





減肥第一日,好似冇乜肚餓咁既....!?

>>March 12, 2006 at 1:37:12 AM GMT+8

2006 年 3 月 10 日 星期五 【微冷】

偽君子去死

今日頭兩堂係偽君子曹sir既堂,條友痴線架,遲五分鐘都冇人情講,所以我地就好準時咁返學喇
我就早左好多出門口,去老m食埋個早餐都仲係最早到嗰個,真係少有!!

呢兩堂個曹sir針對阿研針到出面,叫人起身答問題,數左三聲就唔比佢再答,仲要一路企唔準坐喎,但係其他人又可以唔識答到識為止,真係大細超到傻呀
見到呢d咁既事情發生,我都好嬲下,但係又自問玩曹sir唔起喎,因為佢話晒都係糞便主任,要玩死我真係易如反掌呀,所以我真係好無奈囉,見到呢d仆街做埋呢d殘格野都冇得還拖

但係我最睇唔過眼既就係有一d人喺曹sir背面就話佢好仆街,但係喺曹sir面前就扮晒乖擦晒鞋咁,仲要唔止一個人係咁喎,做人洗唔洗咁假先?!
我呢世人最憎就係一d虛偽既人架喇!!!!
啍!!!!真係好嬲呀!!><

跟住係兩堂金sir堂,呢兩堂傾下計過啦
之後收到個消息喎,原來下午既兩堂因為miss病左而唔洗返,所以今日就放十二點鐘lu~

咁就死喇!
我返工返四點喎,四個鐘去邊度r?
原本諗住去睇戲既,但係個個都話唔想去,咁唯有唔睇囉
咁我地就去左食飯,去食好平既日本野
一路食一路吹水,原來唔妥某一d偽君子既人唔止我一個架!

食完飯就同阿嬌佢地行左陣新之城,行完就同誠大and阿tim去左機鋪打機,打到兩點幾就去左圖書館睡覺
係!!
你冇睇錯!
係睡覺!
好混帳既我地就係咁喺圖書館訓到不醒人事,而我就喺三點幾就走先返工喇

今日返工同阿tim拍,佢果然成個長工咁呀,成日可以上房,埋單計數佢有一百蚊貼士呀,而我只得嗰區區既廿皮....
今日好旺呀,好多人黎住呀,成晚都唔得閒,但係時間亦相對地黎講變得好快過
到左十一點鐘就收工返屋企lu~~

p.s:開始認真減肥!!

>>March 11, 2006 at 2:28:36 AM GMT+8

2006 年 3 月 9 日 星期四 【晴】

今日起身起遲左,所以走左一堂,仲順便去埋m記食"點jack",都係覺得甜酸醬先至係王道!!

頭兩堂係marketing,真係好鬼憎個死人肥miss,唔係幾想見到佢
跟住兩堂係胡sir堂,佢冇乜幾多堂架喇,所以我決定呢兩堂比面佢,唔傾計!!
上上下堂個仆街曹sir又o係出面"裝"我地有冇唔上堂
我x!!
呢條友真係好鬼煩,當正我地係犯人咁,一得閒就過黎"裝",咁樣上堂真係冇乜意思,成日比人當犯人咁看待,遲早忍唔住寸個曹sir

放左學就返屋企喇,本身顧住打機都唔想打日記架,但係終於都有人吹我喇,唯有寫返啦...
唔得,呢排好懶呀,連日記都唔想打,要諗諗計先得,,,,,,









心癮...

>>March 9, 2006 at 10:37:18 PM GMT+8