2005 年 4 月 1 日 星期五 【暴雨】

追魂記
今日下午幫老媽掉垃圾,但就發生左一件考我智慧考我反應既事...
話說我住既係鄉村喎,所以掉垃圾要親自去垃圾站掉既
我一直推到去垃圾站附近都相安無事,以為附近既野狗都唔會出黎搞事la
點知,突然有一隻好大隻既野狗首領出現左,攔住左我唯一既一條路喎,仲要啤實我添
幹他媽的臭野狗,敢阻我路??
我四圍搵石仔,諗住掟Q死佢la
點知,又有一隻狗出現喎,又係啤實我喎
啍!!
老子我話晒都係鄉村大既,會唔會驚你兩隻臭野狗ar!!??
於是我就四圍搵樹枝or棍狀物體,諗住以一敵二la
點知,又有一次野狗出現左喎,我頭皮開始發麻喇
我一個人梗係打得贏三隻狗la,但係一定會比佢地咬中囉
正當我考慮緊好唔好掉頭走既時候,又有兩隻狗好威勢咁走埋出黎喎,一共五隻狗,不斷敵視我
我個心沉左落去,因為五隻狗開始神色不善咁向我走埋黎喇
o係呢個時候,相信大部份人o係呢個情況都會掉頭跑走既
但係我知道咁樣跑只係落得一個下場---比狗追,之後比狗咬,跟住就係去醫院
所以我冇咁做到
突然,我諗起以前週刊"Yes"既華少教過人如果見到美洲虎既應變方法,就係一直望住佢,一直慢慢咁向後退,仲要唔好咁大動作喎,勁激嬲佢喎
咁我就推住架車漫漫退後la,而隻首領狗大黑(因為佢黑色...)就帶住佢四隻嘍囉一直追住我喎,大黑同我一直只係隔住一架車既距離咋...
我一直望住大黑一路退,突然我架車跌左落去側邊條小路度,發出"卡"的一聲
大黑既嘍囉小齊(個名弩改架,姑且叫住佢小齊先la)就即刻吠左出黎喎,我當堂嚇到個心都就快跳出黎喇
好彩我都係保持冷靜,都係漫漫退
終於,o個五隻狗追到我去到一條分叉路就開始散喇
我即刻有一種好累既感覺,同考完一個好重要既試既感覺一樣ar...
冷風一吹,我突然覺得好凍,原來因為我已經成身都係冷汗喇...

>>April 2, 2005 at 1:43:46 AM GMT+8

2005 年 3 月 31 日 星期四 【雷雨】

今日我同誠大,阿強約左以前教數學個老師肥鶯出黎食飯ar,我期待左好耐喇!!^^
我遲左少少去到學校,要佢地三個等我真係唔好意思!!><
佢有左三個月bb喎,見佢春風滿面成個幸福小婦人咁真係替佢高興ar~~!!^^
我地去左燕雲莊食野,咁多年黎我都係第二次o係呢次食野咋~
成餐都食得好開心,因為我同誠大都已經畢左業既關係,我地已經唔係師生既關係喇,係朋友ar!!
一路食我地一路教肥鶯點樣管教佢個老公,真係開心喇,終於都做返次老師喇~~^^
食左好耐先走,我地送埋肥鶯返學校就走lu

我同誠大去左上水行,睇下d手提咩價ar
我睇中o個部vk900終於比我等到佢跌價喇,決定左~~星期六買手提!!

沒有勇氣...

>>April 2, 2005 at 12:57:02 AM GMT+8

2005 年 3 月 30 日 星期三 【雨】

誠大!!
日日都o係屋企冇野做,又點會有野寫喎~~
不過話時話,你個日記又有野睇咩??=.="

>>March 30, 2005 at 10:48:52 PM GMT+8

2005 年 3 月 29 日 星期二 【晴】

誠大!!
你真係日日都有黎??
咁乖??

嬌老大!!
唔好再諗咁多新酷刑喇!!

>>March 29, 2005 at 12:35:17 AM GMT+8

2005 年 3 月 27 日 星期日 【綿綿細雨】

今朝見天氣好似幾涼咁,所以就約左誠大同阿強去打波
約左佢地三點半,我已經遲左一個字去到la,點知都係我最早到喎
今日再打波我先知,原來我失去左既唔單止係我既技術,仲有我既體能都一概失去埋,我開始擔心遲d既陸運會喇...
打完波我地又係去左老m吹水
吹到七點鐘先返屋企食飯

情況係點我都唔知
我究竟想點我都唔知
最終會變成點我都唔知
我剩係知道我好煩!!

>>March 29, 2005 at 12:32:00 AM GMT+8

2005 年 3 月 26 日 星期六 【晴】

班長姐姐,多謝晒喎~
嬌老大,多d黎la~~
不過返學我都唔會識做架喎,你唔洗旨意我會伸隻手出黎ar...

>>March 26, 2005 at 12:41:54 PM GMT+8

2005 年 3 月 25 日 星期五 【陰】

今日成日都o係屋企睇九把刀大人既小說,冇咩好講

>>March 26, 2005 at 12:36:56 PM GMT+8

2005 年 3 月 24 日 星期四 【微冷】

今日返一點二,但係我遲到,要人等真係唔好意思...=.="
今日第一堂係文化,呢堂都有聽書既
跟住就有一堂空堂,我同誠大,阿Q去左行街,去左信和ar,估唔到信和d老翻仲係咁多喎
行到兩點就返學校lu,上兩堂英文堂,兩堂都上網ar~
最後就係兩堂日文堂,呢兩堂要我地用日文講我地一樣鐘意既野同一樣唔鐘意既野,仲要唔可以同其他人重複喎,真係難到唔知想點咁,非常緊張囉,我可以估計到我既腎上腺素係咁激升ar
放左學就返屋企lu~

返屋企已經發覺好熱鬧喇,老大班fd黎左bbq ar,佢地好耐都冇黎喇~
玩左幾鋪高達,雖然我超級少玩,但好在我既實力都重o係度,玩一對一都仲能夠贏晒~
跟住就打羽毛球,我呢個羽毛球高手不斷輸...=.="
到左十一點幾佢地就走晒lu

熱鬧過後的空虛總是最難熬的......

>>March 26, 2005 at 12:33:49 PM GMT+8

2005 年 3 月 23 日 星期三 【雷雨】

今日頭o個幾堂都冇咩特別,冇咩好講
到左普通話堂,潛伏o係我體入既病魔終於都浦頭出黎搞事lu
兩堂都勁累,訓足堂半,好唔舒服ar...
放左學就同誠大一齊返屋企

現實是殘酷的
我算是甚麼東西??
根本一文不植!!

愛我還是他
歌手：陶吉吉 | 作曲：陶吉吉
填詞：娃娃/陶吉吉 | 編曲：陶吉吉


黑暗中的我們　都沒有說話
你只想回家　不想你回家
寂寞深的像海　太讓人害怕
溫柔你的手　輕輕揉著我的髮
你的眉眼說　你好渴望我擁抱
你身體卻在拚命逃　當慾望在燃燒

你愛我還是他　是不是真的他有比我好
你為誰在掙扎
你愛我還是他　就說出你想說的真心話
你到底要跟我　還是他　愛愛愛他

這是不是命運　對我的懲罰
愛你也沒辦法　恨你也沒辦法
陷在這個漩渦　只想掙脫它
拉住你的手　卻讓我也被拖下
你的眉眼說　你不渴望我擁抱
每當愛變成了煎熬　你就開始要逃

你愛我還是他　是不是我可以做的更好
讓你不再掙扎
你愛我還是他　我寧願聽到殘忍的回答
也不要再被耍

你愛我還是他　我為你找了一百個理由
我就是那麼傻
你愛我還是他　是否沉默代替你的回答
我應該明白吧

你愛我還是他　你都已看不到我們的好
我還為誰牽掛
你愛我還是他　是否沉默就是你的回答
我們都別掙扎　去愛他

>>March 23, 2005 at 9:24:57 PM GMT+8

2005 年 3 月 22 日 星期二 【綿綿細雨】

Alan~~!!!
又係你留言比我,你真係我既好朋友ar~~!!(感激中)
我其餘既好朋友都好似已經忘記左留言呢個功能喇...

今日返八點鐘,好彩老哥返屋企整醒左我,因為我尋晚三點鐘先就寢,得訓左三個鐘,如果唔係老哥我真係起唔到身ar...
頭兩堂係日文堂,個咸濕朱今次要我地one by one聽佢既日文指示再拎佢想要既物品比佢,唔知佢係咪想報復上次比我跟蹤呢,佢竟然要我拎七個書包比佢,好彩老子我神力驚人,單手托住七個書包,即時引起全班既掌聲,哈!你都咪話唔"近"ar!!^^
之後係兩堂普通話,呢堂冇咩特別
原本想去唱k既,但最後都係不了了之,,,
唉...無奈!!=.="
無得唱k就返粉嶺,跟住我同誠大and阿嬌去左大排檔食飯,好耐冇食過大排檔喇!!好懷念ar!!

今日好早食晚飯,只係五點半就食完晚飯喇,因為我地要趕去醫院探阿婆ar,好不幸地阿婆因為咳得太厲害喇,所以尋晚半夜就入左醫院喇,希望唔係好嚴重la~
去到醫院,見到阿婆喇,好彩佢已經好返好多姐,講野仲中氣十足添!!
希望佢快d好返la~

唉...
剪不斷,理還亂
幾時可以冇咁煩?

>>March 23, 2005 at 9:07:19 PM GMT+8