2003 年 11 月 26 日 星期三 【晴】

若果你發現到有ｄ野
係好值得去保護既時候
就好應該即刻飛奔而至
否則要後悔便來得太遲了

人生往往就係因為咁樣而失去好多好多
開始有d怕, 我每次得到一d野就會失去一d野果種感覺

>>November 26, 2003 at 4:58:28 AM GMT+8

2003 年 11 月 26 日 星期三 【晴】

今日無番到學
地獄傷風又再出現, 鬼叫自己之前果晚沖完涼唔著衫不特只
仲汁野搞到鼻敏感=____=
打左四十個黑痴都有......

睇番D舊相
我發誓以後唔剪短頭髮
個髮線好似愈黎愈高咁...
我老左都係變光頭佬嫁喇=____=

時間過得真係快, 忽然間好想影多D相...
要留保留現在快樂的回憶, 最衰身邊無朋友有MEMORY STICK借
如果唔係我實借多將要黎旅行影野, 唉~

今日六合彩又冇我份喇, 唔知邊個中左咁好彩呢...

距離旅行愈近, 姐係距離呀偉D功課死期愈近...
奠

>>November 26, 2003 at 4:12:15 AM GMT+8

2003 年 11 月 25 日 星期二 【晴】

頹廢的星期一
我終於明白做比人畫既model 既痛苦
冷眼望,細聲笑...
為左果二百蚊...唉 =_____=........

唯一可喜之處
做左好多功課
同埋響呀榮手上拎左第一個響ＣＯ１度功課得到既Ａ
讀左成年喇, 終於有番D野似番D樣
我得知華仔同RYAN都係得Ａ-
而自己就有Ａ
其實真係好開心...
不過無人可以同自己分享...
除了女朋友外, 我粉像無朋友似的

其實我都想過同同學玩MAGIC卡...
但總題不起勁, 而且我跟本唔鍾意著波續流
有時睇到佢地開心...
都已經好好...
呢兩日都無乜洗錢響自己食野度, 留番黎同女朋友出街食野..
今日下午只食了波羅包兩隻- $2.8 X 2

聽日再買平D, 響街口買$2蚊個...
要儲番個錢還番二千蚊比人
拖下拖下, 比下錢屋企咁...
都無錢還番比佢, 反而有錢自己玩野玩...
都係時候良心發現, 節衣縮食了...
想買的東西都盡量壓後......

呀爸終於入錢比我...
我比番錢女朋友, 留番少少自己用到下個月
盡量節儉...
仲要還錢...

今晚食野好好味, 好奈無食一餐咁飽喇...
黎緊星期三要游地鐵河做功課=____='''

>>November 25, 2003 at 2:41:57 AM GMT+8

2003 年 11 月 24 日 星期一 【晴】

不知道大家有沒有買過六合彩
這是一種很有趣的玩意
四十九個號碼
如果你買中了其中六個
那你便會成為頭獎的得主
看似很簡單
但其實中獎的機會低得很
因為六合彩的中獎組合
共有一千三百九十八萬三千一百一十六個
我就試過，半個字也中不到

如果將六合彩變成「理想情人組合遊戲」
四十九個號碼變成四十九種擇偶條件
而每人可以組合六款作為自己的理想對象
再跟自己的情人比較一下
符合了一個條件，我們應該慶幸
符合了三個條件，我們應該酬謝神恩
全中了，那是個奇蹟～～～

人海中
當然不止有一千三百九十八萬三千一百一十六個組合
能夠遇到一個十全十美、稱心滿意的人
固然是一件人間美事
但遇到一個只是稍有不足的
亦屬難得
好好欣賞自己身邊的那個人
因為你們能夠相遇相戀
已經很不平凡

其實人的性格又何止有四十九種
一個人的性格可能比一組六個字的六合彩還要複雜

要找到一個真真正正符合自己要求的理想情人可不是一件易事
就算給你找到了
你亦未必是他心目中的理想
當然
你有權利不斷尋覓那個理想中的情人
但不知滿足
不懂欣賞自己身邊的
將永遠沉淪在尋尋覓覓之中

還有一個有趣的發現：
理想對象的條件
有些人會不停的改變
有些人則一直堅持同樣的條件
就像買六合彩一樣
有人每次都買不同數字
有人就長買相同的

如果你真的能夠六個字全中

我極度強烈建議你不妨在街上大叫一聲：天呀！我中獎了～～～～

啊...難啊...
一個人中六合彩己經是那麼難了...
何況是兩個人同時中同一注六合彩?

>>November 24, 2003 at 4:55:22 AM GMT+8

2003 年 11 月 24 日 星期一 【晴】

不知不覺又四點喇
要嬲呀媽既都已經嬲完....
要發脾四都發完, 對著女朋友發勞蘇既自己的確不好...
但我找不到其他可以交談的對像了...
也許自己一個面壁會比較好...
對不起, 要是沒有幹了討厭的事便不用說對不起了吧...
最討厭的原來就是自己...

o岩o岩睇完本TOKYO GRAFFITI
雖然我始終覺得井上三太既畫功不太土好
但故事超正...
感覺亦來得比其他漫畫書好...
聽朝要早一點回校畫畫......

每次愈是接近睡覺的時候, 靈感就每每出現
每晚如是, 可是我卻沒有花時間去試試從紙上表現出來
由明天開始, 床頭除了是一堆DVD和一堆書之外
就是一本可以畫到自己想要果種FEEL既薄仔同埋一枝筆
希望聽日呀爸真係入錢比我
等我可以響荃灣買到自己想買既畫薄了吧...
仲有筆袋, 同埋一直都想買既一件迷彩嬲...
因為舊公司先要入荃灣...
粉麻煩

由今天開始, 我打算去麥當勞做功課...
橫掂北角果間麥當勞唔會有太多人煩到自己...

呢幾日要做埋下個星期一要交既功課
我好有信心可以做到, 雖然呢個禮拜我始終都係番唔齊
但係我起碼都叫做有盡到力, 聽日要做得比今日更好...

我記得星期四終於都李行乘咯請佢地食下午餐
或者呢一餐係我響CO1唯一一餐可以食得咁安樂
因為就算我番學都好...
我跟本無LUNCH時間留響度好好地咁食個LUNCH
與其講我響都捱, 發勞蘇, 怨天由人...
不如接受命運把啦, 或許我會來得自然一些...

星期日就係人生最後一次學校旅行喇...
講起黎, 其實我一直都好想拎曬全斑同學既ICQ同埋同佢地影相
因為我唔想第時忘記我曾經響度開心過既日子...

無野可以番轉頭, 但係我已經後悔緊過去既日子
我唔想我既將來都一直響度咁樣後悔落去

我諗下年做完作品集之後
就即刻去讀一個自己真真正正想入行既漫畫斑
之後試下究竟自己呢樣野係咪真係適合自己
好想快D可以自由D...

討厭呀

>>November 24, 2003 at 4:09:40 AM GMT+8

2003 年 11 月 23 日 星期日 【晴】

忘了 忘不了 張柏芝 (電影“忘不了你”主題曲)

曲： 金培達 詞 陳少琪

離別你身驅 無論跟他怎相對
仍然像躲於你影子裡
留在你家居 從獲新生都失去
是否生死永久一對

*我蔽上眼聽見你呼吸
如何遺忘一分一秒 印象更真實(只會更真實)

**忘記是極慘忍
傷口中很辛苦 不似真
默默念著又惹起前塵 飄和塵
然後每晚再不敢開燈
殘忍
思憶中洗不去 夜已深
活著睡著共你都彷彿深深抱緊
原來這一種孤苦都算 心心深印

忘了記得起 寧願堅忍不想你
或可遷居到他雙臂

repeat * ** **

忘了記得起 寧願堅忍不想你
或可遷居到他雙臂

(放開你)

出野好好睇...
我以後唔敢去學渣小巴

>>November 23, 2003 at 10:53:47 PM GMT+8

2003 年 11 月 23 日 星期日 【晴】

諗起都把幾火, 以前呀媽成日話呀婆懶
飯都唔廚,佢依家咪又一樣...

我好似幾年無食過屋企煮既野喇...
我就黎唔知自己住響度係為左d乜

為左看著間屋做個管理員?
我咁大個連鎖匙都冇條

究竟我幾時先有一個自己既屋企自出自入呢......
今日到依家都係食左一條腸同西多士
無喇, 搵老豆又搵唔到
有呀媽又等於無呀媽...
究竟我有冇一個似樣少少既家

>>November 23, 2003 at 10:42:14 PM GMT+8

2003 年 11 月 23 日 星期日 【晴】

我比左二千蚊買左個電視番黎
依家響屋企想睇下明珠台都唔得, 我有幾可響屋企睇電視呃

平時都就曬佢啦, 我響屋企郁都冇得郁
想搵d位黎畫下畫做下功課都唔撚得

成日要等到零晨佢死左入房我先有番d位做下野
部機都搬埋上床打喇, 依家想睇下電視都唔撚得

都唔知我買個電視番黎做乜鳩,仆你個街
好撚激氣
我有錢一定唔撚同呀媽住

妖

>>November 23, 2003 at 10:25:41 PM GMT+8

2003 年 11 月 17 日 星期一 【晴】

我好想 張信哲

曲：薛忠銘 詞：李焯雄

下過雨的街冷的夜 空氣也要凝結
流浪沒有終點好想再喊你一遍
才發現開口白茫茫一片往事如煙

你和我之間要如何用再見去總結
愛與恨的細節過去原來太遙遠
一轉眼就變成兩個世界不再重疊

我好想好想擁抱你的一切
一個人的一雙臂 擁抱的只是空虛

我愛你愛你我心沒有冷卻
失去你我的世界
自由和寂寞沒差別我還能夠再愛誰

你和我之間要如何用再見去總結
愛與恨的細節過去儘管太遙遠
那感覺並沒有絲毫退減依然強烈

我好想好想擁抱你的一切
一個人的一雙臂 擁抱的只是後悔

我不能夠再愛誰


>>November 17, 2003 at 12:59:09 AM GMT+8

2003 年 11 月 15 日 星期六 【晴】

人生總有許多心情

為難：在擁擠的電梯裏想放屁

幸運：在屁出來之前，其他人都下電梯了

高興：電梯裏只有自己一人，輕鬆自在的放一個屁

後悔：太臭了，連自己都忍受不了

羞愧：臭味消散之前，有人上電梯

痛苦：電梯裏只有自己和另一個人，那個人放了一個更臭的屁

鬱悶：放屁的那個人裝作若無其事

孤獨：放屁的人先下了電梯，自己獨自忍受屁臭

委屈：屁兒沒散盡之前，又有人上電梯

鬱忿：跟媽媽上電梯的孩子指著我說：媽媽，他放屁

崩潰：媽媽告訴孩子：總有不自愛的人！

>>November 15, 2003 at 1:08:20 AM GMT+8