2004 年 11 月 16 日 星期二 【微冷】

沒事的
絕對無問題

>>November 16, 2004 at 11:56:37 PM GMT+8

2004 年 11 月 16 日 星期二 【晴】

天天又down左, 背景張圖無左咯一.一
又唔知要等幾多日先好得番...

呢兩日過得好開心, 人生中好奈無過得咁沖實
我曾經失去o既, 現在對比起來會更加珍惜
更加努力, 唔會再waste左d時間

愛情o既感覺來得好突然, 時間, 心境, 喜好
一息間通通湧上心頭, 真的很奇怪呢

想像不了的事情, 突然發生了
沒一點感慨, 可惜, 後悔
好像來得更令人感覺自然, 珍惜同埋幸福...

雖然只係響短短一兩日發生o既事
卻似是過了很久而恆河沙數般在口中
不斷有發生過的過去跟對方訴說

曾經說過的話未必會全部可以記得好清楚
一陣陣悠長o既生活流進空氣中
亦或在腦海成長中的過去
活在錄影帶般慢慢憶術出來

可以這樣慢慢相愛下去, 是一件很美好的事情了吧
純愛只是生活中的點滴, 一部份
真心相愛, 了解對方, 比心機盡能力幹好自己本份
再談上照顧對方, 還是一個跟自己有很多相同嚐好的人

得到一份世上最了不起的獎金了吧
很幸福, 而又很幸運了吧

這一天, 火星時間三十六小時來說
我覺得只過了一整天了吧
再一日, 心中那塊砌圖的缺口終於可以抓到了
抓住了就不想放手...

只希望你所想的一樣
回憶的, 需要了解的, 慢慢再用時間來補元了吧...
一點一滴, 常在我心...

電話旁有我有你, 在空氣中有著我跟你說話
終究抓住了那份過了一大輩子的人生其中一件寶貴的寶物出現了

繼續努力幹好本份, 照顧您, 努力努力
彼此也在捱, 身邊漸漸出現了一條跟你一起的橋了
心裡的橋, 正不漸申展著....

快樂的, 不快樂的
但願可以在努力中其同渡過...

到時再發掘一個隱藏了的地方一同偷懶了吧
說得有點像去了偷情的地方一樣...(笑)

噢, 早點去沖涼再去睡了
晚安, 夜晚終於可以安樂地去睡了....

明天番工, 繼續升level =______=\

>>November 16, 2004 at 4:37:54 AM GMT+8

2004 年 11 月 14 日 星期日 【晴】

兩日好似過得一日咁...
但係好沖實

詳細o既都係夜d先寫喇...

>>November 14, 2004 at 5:24:13 PM GMT+8

2004 年 11 月 11 日 星期四 【炎熱】

零晨四點鐘
開左一陣冷氣
凍左一陣, 唔經唔覺又過左一日喇...

今日柯左七次屎
都唔知個肚搞乜
食完椰菜就係咁一.一

食雪榚, 飲凍野又唔見我有事wor一.一...

下個星期番工喇, 我仲驚緊一.一...
希望無風無浪了吧...

聽朝約左大京去打波
終於可以出番身汗了
我想出汗已經好奈
但係無從發洩
嗚呀~~~~~~

愈黎愈鍾意占睡聞
佢實在太正喇...
愈黎愈鍾意"在世界中..."
套片實在太正喇...
嗚呀~~~~~~

HELLO KITTY依然儲唔齊
媽的...

拎番D WCCF卡出黎睇
愈睇愈覺得陌生

幾奈無玩過呢隻GAME喇...
可能出2.1果時會再玩下
希望有自己鍾意o既球員啦...

唉, 仲未買番張拉雲...

唔知點解好支力
訓

>>November 11, 2004 at 4:06:26 AM GMT+8

2004 年 11 月 10 日 星期三 【微冷】

失眠都要睡
作曲：側田　（ｏｎ　ｙｏｕｒ　ｍａｒｋ）
填詞：方杰

你　你敢說你做過　你敢說背叛我
還在奚落我分手不願麼
我　話過不會再流淚
喝光冰箱的汽水　你買的一箱汽水
去　我知你要別去　和舊情人分居
要與你新歡抱抱再入睡
我　就算掩耳盜鈴　我也會心虛
還是答應你　就當愛你痛惜你

為你失眠　失眠　你也棄我不理
我夠慘了　給拋棄了　累極還是要睡
認了卑微　不捨難離
仍不敢跟他媲美
你睡床上有一對　留低得我一個
在這裡

我　戒指已買定了　結婚照拍下了
還未決定未來合照　相框怎樣裱
我　是太英勇太傻吧
你對他芳心暗許　至說出應該嫁娶
旁人還談論我　讚頌我肯配合你
讚頌我我肯接受去放棄　放過你
要我承認我很樂意嗎

為你失眠　失眠　再痛你也不理
我夠慘了　給拋棄了　累極還是要睡
是我卑微　這種時期　才顯出他的優美
你睡床上有一對　難得匹配登對
你對

>>November 10, 2004 at 12:41:48 AM GMT+8

2004 年 11 月 9 日 星期二 【微冷】

我習慣幸福了　錯過了便遺憾
註定了　與幸福快樂無緣份
我沒有被需要　我永遠被忘掉
已習慣　我沒擁有權來炫耀

從不敏感　世事毫無原因發生
旁人待我狠　知道你對我沒疑問
唯一對手　我尚流連而不遠走
留著我的心　知道我有你是榮幸
有你是榮幸

我習慣被寵愛　錯過了極無奈
我害怕最後不再來　仍期待
我內裡受傷了　這世界極殘酷
抱著你　我在失控後能平伏

>>November 9, 2004 at 11:46:48 PM GMT+8

2004 年 11 月 8 日 星期一 【微冷】

早上醒來, 發覺自己在哭, 總是這樣...
甚至是否悲傷都分不出了, 感情同眼淚一起流去了哪裡...
正在被窩裡愣愣發呆...
我又開始糊塗起來...

接近半夜三時不久我就睡了過去
我做了個夢, 夢見還跟我一起的宛, 她在夢裡笑著,
仍是以往那張顯得有點困惑的笑臉...
" 呀恩 " 她叫我...
語聲也清晰留在我耳底裡...

但願夢是現實, 現實是夢...
但那是不可能的...
所以醒來時我仍在哭泣...
不是因為悲傷...

從歡欣的夢中返回悲傷的現實, 其中有一道必須跨越的裂口,
而不流淚是跨越不過去的...

嘗試多少次也無濟於事...

>>November 8, 2004 at 12:54:24 PM GMT+8

2004 年 11 月 8 日 星期一 【炎熱】

生還者 余文樂

作曲／編曲：伍仲衡
填詞：陳少琪
監製：金培達

如果需要　耗光最後積蓄
才可得到你的半張感動眉目
挨多少的苦我都　不會哭

這個世界裡我太渺小　生命在溶掉
無心看戰亂有多少　什麼比你的緊要（為你任何事情亦困擾）

努力不懈　愛便生還
我為你何妨上刀山
不管已用幾年時間　一刻躲懶　情便永不返
帶著傷患　最後生還
我願意受多少的白眼
知道感情來得艱難　疲倦也可我不敢　眨眼
（為求留住臂彎　每時每刻　不敢怠慢　我怕看漏眼）

情海翻波　簡單過壞燈膽
如不珍惜　比一切結果怎去承擔
假使單方心淡　會是個災難

如熱愛被我親手割爛　較沒有更貪
無論資質有限　我盡全力不減

努力不懈　愛便生還
我為你何妨上刀山
不管已用幾年時間　一刻躲懶　情便永不返
帶著傷患　最後生還　我願意受多少的白眼
失去感情才慘　時間便過得慢　永久是夜晚...

=================================================

不管已用幾年時間　一刻躲懶　情便永不返
帶著傷患　最後生還　我願意受多少的白眼
失去感情才慘　時間便過得慢　永久是夜晚

呢段好正...

>>November 8, 2004 at 1:40:48 AM GMT+8

2004 年 11 月 7 日 星期日 【晴】

頭先icq o岩o岩想叫個人
佢就offline左喇
真係灰...

呢兩日堂妹都黎左我度話做功課地借d耳打機
玩" 塊魂 ", 曾經一隻我好想同女朋友一齊玩o既game...
可惜果時幾隻老反都玩唔到, 依家終於響部機好辛苦o既情況下玩到...
其實可以同佢一齊玩就好lu...

呢兩日再有女仔響我屋企o既時候
我好miss果種可以有人陪o既感覺, 有人響身邊o既感覺真係好...
一個人o既生活唔係唔好, 但係每當諗到舊時o既日子
開心, 傷心不斷交集著...

分手之後響同呀宛講電話之間, 我曾經講過, 就算你有男朋友我都會照追你
但係每當我諗到, 有第三者介入, 只會令人更加唔開心o既時候
我其實應該比佢靜靜地同個可能可以得到更多幸福, 更多新鮮感o既人一齊
唔應該成日煩住佢, 始終佢都有佢o既生活

果個電話度, 我亦都講左d逃避良心o既說話
叫佢地係埋一齊, 因為佢對你好
而我, 其實仲存唔存在都唔太重要...
因為我覺得如果自己係比人地搶走左女朋友
心情一定不好受, 所以我無再搵佢
推番左我之前會一路搵佢果回事.....

或者, 就好似我同堂妹o既對話咁, 我最好o既朋友就係佢
而佢唔響我身邊o既時候, 我好似無左d野咁
無左o既係最好o既朋友, 同埋一個愛人
所以我份外覺得傷心...

依家, 我就好似已經唔可以搵到一個同我傾到計, 了解自己o既女仔咁
成日都諗住番工, 可以識到新朋友咁...
但係我份人又內向, 又怕羞, 就好似琴日番學咁
見到d人, 想同佢地傾計都唔係太敢

點解...我細細個就要畫畫呢
因為我覺得可以響公仔書度搵到自己平日搵唔到o既野
例如好似係一個我覺得靚o既女仔咁
我見到佢都唔會敢同佢傾計, 淨係識記住佢個樣
畫番響紙度, 自己再去作出一d無謂o既幻想...更甚係, 網想...

同一斑同學裡面, 有兩個人響度講大陸漫畫市場經濟學咁
我覺得佢兩個好煩, 有個人個樣仲有d似九腰
令我直覺上會覺得呢個人係果種死唔份氣死要同你針住某個論點o既人
講真, 有九腰一個呢類o既朋友已經足夠...

另外果d, 我亦都唔想同佢地講野
相對黎講, 我反而想同個呀sir講多d野
因為我覺得佢教到我野...
同斑度, 有個都幾靚o既女仔
同埋一個幾靚o既miss m(__ __)m

我第一個感覺就係, 只能遠觀, 而不能近洩
睇下咪算囉, 我又再自我封閉起黎喇...

一個人o既時候, 我就會對住呢個日記響度申...
記底自己想同人講o既野之餘, 第日睇番, 仲可以知道自己舊時做過d乜...
其實感覺都幾好呃...

其實, 我唔係好鍾意飲可樂同埋d甜野嫁炸
我只係鍾意食糖同埋過下口引咁...

又到左夜晚喇, 我成日都訓唔住, 我都唔知點解
有時想一個人靜下, 但係又想人陪...
有人陪自己o既時候, 又想自己一個人靜下

今晚打番機, 好想打爆隻怪誕城
唔知點解, 好想傻下...

成日覺得自己寂寞, 但係又唔想打開自己o既交友空間...
果日同iris出黎食下野, 行下北角咁
唔知點解我見到佢就好怕羞, 唔知應該同佢講咩, 引下佢笑
大家嘻嘻哈哈又一日咁...

我係咪好失敗呢...(笑)

望住包煙, ...都唔係咁想食
只係食完飯同埋覺得唔開心果時拎一支出黎
拎下拎下有時又會收番落盒度...
其實我都唔想食嫁, 只係口痕痕唔知做乜好
唔想諗野果時偏偏覺得好煩先走去食番飛...

聽日星期日喇又, 又要過苦悶o既一日喇...

今日響呀龍度同max講左句對唔住
或者呀龍講得o岩啦
我同佢就好似細路仔鬥氣咁...

就算係同另外斑人都係一樣
細路仔爭手制打機咁...

呢排已經無好似之前咁嬲老豆喇...
但係其實我最想o既唔係佢同我講野
而係佢打電話比我, 我呢兩日曾經諗過去佢屋企樓下, 寫封信比佢
入落佢信箱, 之後寫底曬我知道響佢面前講出口佢一定黑面o既說話

我好想買個感壓筆呀
已經由九月到依家佢都好似無左件事咁, 我睇完果份單張
擺左響度, 已經唔小心連埋個袋洗埋, 拎番出黎吹番乾tim喇...

好想可以搵到一個可以同自己傾到計, 又可以陪到自己o既人
朋友, 跟本做唔到無時無刻響身邊果種感覺...

無左個女朋友
但係對我黎講跟本好難再識番一個朋友又可以做埋女朋友o既感覺先係最難受
而且要搵到一個同自己有共同興趣o既, 而我又覺得靚o既人
更加難...
一來自己要求高, 同埋又唔識向別人打開自己o既世界o既人
難上加難...

所以見到呀ray同bonnie可以咁開心係埋一齊
我好善暮嫁...
堂妹同男朋友一鬧交, 我見到佢地鬧交就諗番起舊時o既日子
我唔想佢地好似我咁, 所以...我盡可能都會幫佢解決左個問題佢...

其實今晚我好想響屋企食飯, 呀麻煮年榚
之後上下咸網, 上下forum, 同女朋友講電話, 講下聽日去邊度玩咁...
之後自己靜下畫一陣畫, 食支煙, hea下就去訓...

可惜...今日係, 比呀叔叫左出去食飯, 無得食年榚
女朋友已經唔響我身邊喇, 我聽日自己一個出街行下...
堂妹過左黎打機, 無得上咸網, 無得畫畫, 唔係話佢阻住我
而係忽然間有種有人陪自己, 反而覺得更加唔開心o既感覺

佢響度陪下我傾下計其實都無咩野呃...
但係佢訓左之後我反而更加多野諗
想起一d重覆又重覆o既片段...

今日行向碼頭o既時候
我睇住個鐵絲網, 再望上個天
唔知點解會諗起佢, 諗起果種拖住手o既感覺

佢同第二個人一齊喇, 我次次都咁同自己講
叫自己放開d, 個世界唔係淨係得呢個女仔
但係, 每晚靜靜地o既時候, 我就會諗起佢

on左line o既icq無人會add我
所以我寧願invi收埋自己
我好似好奈無笑過喇...

拎住個手電, 我好想send個sms比佢
同佢講, 我好掛住你....
但係我手機係send唔出短訊o既...
e-mail?...... 諗深一層, 又唔想破壞人地o既幸福
果陣真係timing唔甲, 比人借位入左

我, 乜都無, 有o既只係一個未養大o既妹
一個成日問我要錢o既呀媽, 一個成日吹我番黎屋企o既呀麻...
一個算有個錢響袋而我又唔會問佢要錢用o既爺爺, 一個唔會了解我需要d咩o既老爸...

好想喊出黎, 咩都唔記得曬
好想再鍾意o既人過埋下半世
一切一切都唔係我想諗咁樣...

究竟有冇人真係會睇下我日記
了解下我, 同我傾下心事, 又可以借個博頭比我喊下
一齊開開心心睇下漫畫, 打下機, 大癲大肺...

我無左青春喇
見到堂妹開開心心咁同斑同學一齊讀書, 一齊去玩, 食下tea咁
唔洗太擔心無錢用, 無咩負擔咁...

我都唔想怨嫁, 但係發洩左出黎, 係咪會比留響個心度好呢...

講真, 你估我好想出黎搵工做咩
我只係覺得日日o牛響屋企無作為, 不如比d心機向下前途進發
一來可以儲下錢
二來又可以填補左我會覺得空虛o既時間
三來仲可以唔洗向我果個唔知我係討厭定係想佢關心下我o既呀爸要錢...
四來係, 我響成家人之中算係大仔, 雖然有個比我大三年響澳洲仲要個個女洗呀爸錢, 唔知係咪日日hea有冇搵工o既堂家姐, 我應該來得比佢生性, 因為好比佢需要錢o既程度高...同埋我唔做野總係覺得過唔到自己果關...
五來係, 我仲有個無左爸爸照顧o既妹, 同埋一個算係兩個男人都par棄佢o既媽媽, 佢照顧左我咁多年, 小六果時我比工人斬, 佢救左我...我覺得自己點都應該負番d責任...

我博頭好緊, 好想有個人可以幫我輕鬆下
好想兩個人去旅下行, 影下相, 食下野
我無咁o既機會, 我有o既只係某程度上因為窮所以沈重o既負擔...
要破棄呢一切所謂o既煩惱
我就只有不段努力咁去搵銀, 仲有我o既夢想
只有不段不段咁努力, 我響度反問自己, 玩同埋錢邊樣重要d
好貪心地選擇左儲錢去玩, 去睇下個世界...

點解, 點解我會覺得自己無左青春
因為我已經過左讀書果個楷段
果時讀書, 只有一堆番工搵錢同埋女朋友開心o既回憶
依家都變曬心碎回憶喇...

you are always my hero
呢句說話係出自鐵人兄弟o既, 亦都係我覺得世界上最好o既一句英文
我諗我呢世人最鍾意o既漫畫係入樽,龍虎門同埋北斗
最鍾意o既漫畫家係吉崎觀音
最鍾意食甜野
最鍾意o既av係白石
最鍾意o既figure係s.i.c.
最討厭內向奈弱o既自己, 同埋一堆昆蟲湧埋黎o既感覺
夢想係可以做到一個薄有名氣又有d錢o既二流漫畫家, 同埋中六合彩頭獎

好想可以不理價錢地去買衫...
好想坐響爸爸媽媽同埋女朋友身邊食一餐飯
好想身邊o既親人, 朋友長命百歲
好想自今識到o既人可以玩足一世

我其實係咪好貪心呢...
如果身邊o既人得到幸福同埋開開心心
我辛苦一點又有咩所謂, 我浪費左太多時間喇
要追番, 我實在有點乏力

因為...小了一點錢同埋一個可以甲到timingo既機會...
所以我覺得自己搵到一份由呀him介紹o既工, 我應該珍惜同埋覺得幸運...
依家唔洗住響以前又壞廁所又迫o既屋企, 我應該覺得幸福...

但係偏偏, 我唔知足
因為我失去o既好似比起得到o既野多......
而我亦都唔知可以用咩方法去填補...
所以每到左我覺得寂寞o既晚上, 我訓唔著...

命運, 我踏上左呢條路就無得番轉頭
甚至係, 有時好多野都唔到我去簡...
就好似宿命一樣
天誅定我要咁行一樣...

我成日都覺得, 人有三衰亦旺
計落條數, 搵搵陣陣咁行...都係頂多衰三次, 有六次係好野
計番都多三次好野, 唔應該覺得唔滿足咁...

星人都講過, 我o既不幸, 只係三流不幸
我應該可以用努力黎填補, 就好似煉金裡面講o既" 等價交換 "煉金術一樣
我失去左一樣野, 我就會得到番另一樣野...

我所擁有o既其實唔應該係我得到同埋失去o既有幾多
而係我去在乎同埋介意o既野有幾多...

其實, 開心又一日, 唔開心又係咁過一日嫁啦
點解我唔諗辦法去令自己過得開心d呢...
點解, 我做唔到呢......

或多或少, 身邊o既人對我o既影響, 其實都幾大...
好簡單黎講, 我連一個會關心自己, 拍下自己博頭
叫我努力d o既人都只係得一兩個forum友會咁...

見得面同埋打機, 身邊果斑都淨係識玩, 識笑下就算
真係了解到自己o既朋友, 可能真係一個就夠
但係講真, 有時唔想煩住佢咯, 咪自己對住個日記發下溫
當係講左出黎囉...

隨左電腦同埋萬寶路成日陪住我之外
好像只有孤獨, 我都知條路唔應該咁灰
但係每次去到銀行咁錢o既時候
每次都只會心中一沈

我諗最近最開心o既應該係前兩日
幾年以黎第一次同呀媽響某間梅花村坐低
食左碗落左我最討厭o既"鹽"西
而我又食唔曬o既魚皮餃河
果一餐午餐...

雖然已經五點喇, 訓唔著, 但係天都光喇, 點都應該上床訓下
叫到堂妹響床度訓得舒舒服服
而且又話我呢度舒服, 其實我係咪應該安於現狀
唔諗咁多野呢, 好想好似舊時咁番學, 有功課做, 依家我一定唔會再好似以前咁懶
但係我已經搵到一份多錢過我畢到業o既朋友o既工....
番學, 好似對我黎講已經無咁重要...

青春一去不回頭
今日同李電去行北角新都城新開o既吉之島十蚊店
我問佢, 你幾歲喇, 佢話廿六都黎緊咯
我自己響度諗佢三年前果句, 廿三歲
原來不知不覺咁就過左三年
諗番轉頭, 真係過得好q快...

我都話北角會旺, 會好多地方行嫁啦
果時女朋友問我北角有咩好行呀...
我識答佢喇......
我......又諗起佢喇......唉

究竟幾時先會出田屍屍dvd呢...
十二月喇好快又, 我諗我會一個人去買首映o既" 功夫 "戲飛
又或者係, 好奇怪地想約埋星人去睇......

早抖咯, 希望唔好發夢又見到佢啦
已經好一段日子不斷發夢響回憶中不段地陪徊咯...

>>November 7, 2004 at 5:02:14 AM GMT+8

2004 年 11 月 5 日 星期五 【微冷】

唔知點解, 我訓黎訓去都訓唔著
聽緊海闊天空
唯一一首百聽不厭o既歌...

每晚都總係過得唔開心咁
唔知點解, 睇住個天灰曬
就好似我個心一樣
灰媽媽, 有時訓唔著, 我會坐響上格床
吹住出面吹入黎o既海風
點起心愛o既萬寶路, 吸入一口污瀆o既煙霧
再呼出一口滿懷愁悶的煙幕...

夜, 就是這樣子的過下去
一轉眼又到清晨
被陽光照射著的時候, 好像才可以得到一點安寧, 平靜
寂寞o既黑夜又過去了

但願明天不再失眠...
奈唔奈一次都好足夠喇

>>November 5, 2004 at 4:23:56 AM GMT+8