2004 年 8 月 13 日 星期五 【晴】

唉...

>>August 13, 2004 at 10:12:09 PM GMT+8

2004 年 8 月 13 日 星期五 【綿綿細雨】

吽...好想買傷追人啊.....
吽嗚..........(狼叫)

好肚餓
都係覺得JUNO首耿耿於懷好好聽.....

>>August 13, 2004 at 3:15:32 AM GMT+8

2004 年 8 月 13 日 星期五 【綿綿細雨】

過了兩天
心情還是比較差勁
期待著不知是好是壞的東西時
心情更是急促得要命...
媽的..

每個人總有一定程度的惰性
問題取決於自己的克制能力
若憧得忙裡偷閒
令繃緊的神經得到鬆弛
再次投入工作便可事半功倍...有利無害

相反若過於放縱
沈溺響惰性之中
只會消磨意智, 變得一蹶不振
不思進取, 甚至蹉跎歲月, 虛渡人生

亦或...太強迫自己短期去達成目標
反而會把這種怨念弄成阻礙...

回頭看, 無論如何怠惰, 當不段重覆單調的生活時
也會生起厭倦感覺, 在這時候能否自我反省便是關鍵所在...

漫畫節後已經一個星期, 每晚亦都萌生出這一大堆想法
每日都睡眠不足似的, 還是習慣不了早起床的習慣
偶爾會有睡遲一點的念頭, 又或者係去個午睡
但...午睡實在太唔要得喇...

唯有過左睇生還者既星期四
響下個星期奧運開始就...
再見電視, 再見黑夜
早點去睡罷了...

暑假都就快過曬, 畫功好似停滯不前
就好似我家下生活咁喇
一樣就去畫畫, 一樣有去影相
但....很多野一樣唔如意

已經大半個月頭無打過wccf
已經好幾個月無剪過頭髮...

又到左頭髮天一半地一半既時候
依家個長度係最難忍既
個型又怪, 長又唔長, 短又唔短
其實把幾火真係想走入髮型屋叫佢幫我剪番短
之後染啡 / 白佢...

奈何荷包無錢
火車損山窿
窮窮窮窮窮窮窮窮...

講真, 呢排既生活改變了...感覺真的有點怪
從前的認識的
現在都變陌生了
從前陌生的, 又好像認識深了

從前明知無可能的, 現在亦或有可能了
從前沒有想到的, 現在又發生了...

好想可以快d買到書檯
偏偏響老豆答應了我超過兩個星期之後既今日都未對現承諾...
首要既問題係無錢
一定要帶埋提款機老豆出法
但係佢又再一次又一次地放我飛機...
莫講話佢同我去睇醫生...
如果佢唔問番我的話, 我都係等十月再覆陳算
唔再依靠個人, 因為佢跟本對我就係無心
除左錢之外, 我開始唔想再同呢個人講野
講心, 我想知佢究竟有冇所謂....果種父子既關心

今日落開去買六合彩
之後入左呀龍度諗著打番場WINNING就走
點知出左隻NEO WAVE KOF...
打落都幾好呃, 之後有對好撚冤既父子黎左
雖然佢地真係好撚冤, 但係睇到佢地既背影既時候...
佢地拖著手, 我諗唔起由細到大我幾時有同呀爸咁樣行過街
呆一呆
真係好笑, 以前我覺得可以當朋友係呀爸
呀爸當朋友, 可惜既係...兩樣都唔得
有錢既話, 睇銀份上, 就可能會
個世界真係好撚現實, 我都唔想打粗口
但係要強調現實響世界上面有幾殘酷....
我不得不打呢隻字~

其實我都唔想當呀爸佢係提款機, 但係每當覺得自己再踏入飲食業既時候...
往往唔想再做呢類工作, 所以等緊一個機會...

我成日覺得老豆唔太重視我
覺得我唔重要, 應該咁講
係無咁重要, 佢個仔出世咁奈, 好似每格無奈就食燕窩
唔係細細樽果d, 係幾千蚊一斤定唔知一兩果d
唔響呢件事上面, 我已經成日覺得佢好大細超...
甚至覺得佢唔應該當我係仔
或許我會更加發憤做人...

相反我諗下呀妹無可能過比起我細佬快樂既童年之後
我決定比左自己部GBA呀妹, 無錯
機本上同比左佢無分別, 只係口頭上話係借...
好豪咁做左呢個決定, 好豪咁買左餅新既哈無太郎比佢
今日拎雀叔番屋企既時候, 同呀媽街邊相遇已經唔知係響呢幾年入面既第幾次...
我由於擔心呀妹唔識玩餅帶而問佢呀妹識唔識玩
佢同我個呀妹識玩, 我心安樂左好多...

我感覺到佢想買D野呀妹個同學
我用盡所有口技令佢相信個同學部機係舊款
唔好亂買帶, 看來...暫時成功了...

已經過了好幾天, 沒有甚麼動力出街似的...
每天都留在家畫畫, 打下機咁....

終於研究到自己部機個BT究竟可能頂到幾多K一秒
總算叫可以用BT了吧, D/L了白石新片
成1GB一.一.........., 總覺得佢肥左, 無左以前果種傻氣...
不過...出得黎搵D咁既錢, 唉, 究竟係為男人眼睛謀幸福
定係害了自己的末來...
或者一個AV心目中都係覺得自己係打一份工
搵一份錢, 再去做自己想做既事?
我唔係AV, 我唔知道...

星期四總是特別多野諗, 因為聽日好多書出
我永遠最期待都係星期五, 因為過左星期五又到星期六日
最憎既係星期三, 因為唔拖唔水響中間好辛苦咁
究竟點解我會有D咁既時間觀念呢一.一
真係奇怪...

早抖...
我忽然間好想訓地下
又或者係檯底, 我聽過人話我性格古怪
又話我係藝術家皮四, 每次聽到都覺得係無關係既
有關係既係我個人怪, 能力範圍內想點就點
早抖~

>>August 13, 2004 at 3:11:36 AM GMT+8

2004 年 8 月 13 日 星期五 【晴】

為自己的夢想而去想，到自己想到的地方，做自己想做的事。
因為你只有一次的人生及一次的機會去做這全部的事.......╰(´Д`)╯

真媽的...

>>August 13, 2004 at 2:12:39 AM GMT+8

2004 年 8 月 7 日 星期六 【綿綿細雨】

再見...警察...再見
已經聽到唔想轉歌

有人同我講, 說話出左就收唔番...
做人其實又洗唔洗做到咁絕呢...

或者我都係一個無乜幾個可以傾到計既朋友
就算有, 我都唔想煩到對方而收口...
反而我覺得可以同我傾計既人
我無咩機會同佢傾計, 例如係MAX, 其實我覺得自己同佢性格幾似...

不過....係咪愈似既人就愈難相處呢

>>August 7, 2004 at 2:20:11 AM GMT+8

2004 年 8 月 7 日 星期六 【綿綿細雨】

或多或少
身邊既人既心情都總會對自己有所影響

今日見到WEAH既屈機
已經無乜心情再玩WCCF咁喇

而SVC亦唔知打乜
條尤魚發揮唔到正常水平以上既水準...

今期神兵同龍虎門都見到自己微少既格數
究竟我幾時先可以響漫畫界有立足之地呢...

心裡面一直一直都浮現住既畫面
一直一直唔想上大陸發展既我...
始終都要上去, 最近身邊好多野都唔同左...
一時之間好迷茫
一時之間好失落
一時之間....不知如何是好

好多決定都跟本唔到自己簡
人總係要為錢低頭...
我真係唔想變成錢既奴隸

做細路真係開心
但...我不竟已經不再是細路
我....係個雙失三無青年....

繼續湧出既寧感
繼續畫好自己既畫...
聽日閉關

口古月～女馬　的...

>>August 7, 2004 at 1:58:04 AM GMT+8

2004 年 8 月 6 日 星期五 【晴】

耿耿於懷

曲、編：伍樂城
詞：黃偉文
唱：麥浚龍

你　最近還好嗎　尚愛看少女漫畫嗎
最近　近乎沒露面　你有新對象嗎

* 真想帶你見見　我剛識到的她
我想聽你意見　這算是病吧
為何無論我　願意怎樣試　怎樣也
不可一樣愛慕她　(沒令自己戀上她)

難道沒練習太耐　感覺都追不回來
試圖再　努力愛　也顯得不自在
不懂得如何談戀愛
還是我太愛你　對過去太放不開

難道是寂寞太耐　生秀的鎖不能開
鑰匙也拆斷了　留在舊患所在
懷內　放滿對你的愛
難怪跟誰也　再沒法戀愛 *

我　有時仍很怕　路過你那從前的家
往事若然未落幕　再揭起有害嗎

Repeat *

難道沒練習太耐　感覺都追不回來
試圖再　努力愛　也顯得不自在
耿耿於懷從前的愛
從沒有　振作過　痛了再痛也應該

難道是寂寞太耐　生秀的鎖不能開
往事卻　似斷箭　還剩下在體內
若懷內　放滿對你的愛
害怕一直也　再沒法戀愛

>>August 6, 2004 at 4:20:03 AM GMT+8

2004 年 8 月 6 日 星期五 【綿綿細雨】

通常星期四都係比較難入睡
同埋最多靈感既...

終於有幸玩到隻迷惑星人
好奈無一種想買正版既感覺
但係基於儲錢計劃既問題
亦因wccf既關係
我決定....暫時唔買正記住

好似係每一個星期我都會響北角見到舊同學
我無同佢打蕉夫
只係擦身而過, 其實...我見到佢有望我
但係講句真既, 如果人地係有心既都會同我打番個蕉夫啦
再者, 見到面都唔知講咩啦..

廿歲仔都總算要投入社會唔應該響度等運到...

果日同張俊偉同埋曬馬石頭去左睇拳王比賽
估唔到 times始終都係輸左
得個天下第四, 我諗係自從我玩wccf之後先開始明白...
一斑所謂既高手, 其實都想對自己打左一隻game咁奈
而有所抱負既果種汁著同埋走上頂點既感覺...

好聽d講既咪証明自己既實力同埋技術
唔好聽既咪又係敗家同埋side時間
大部份香港既家長都睇唔起自己讀唔成書, 靜係識得打機既細路
而又有冇諗過, 其實佢地都有自己既目標同埋夢想呢...

當然唔應該過份沈迷, 同埋要有咁大個頭先好帶咁大頂帽啦
打wccf真係會敗身家...

依家行過機舖既我都好少諗呢味野
因為可能D ATLE無乜邊個我真係特別鍾意咁啦...
反而想儲番D LE卡

終於買左個KEYBROAD可以打番下字咁喇...
呢個神奇既發呆暑假已經過左幾個月
漫畫節亦都過左, 我亦響漫畫節中因為投資左黃生咁多年而有所回報喇...
好神奇地拎左十件金牌~

正值我相信每件事都有所關連
而當過完呢個漫畫節同埋呢兩日之後
我呢個信念更加透徹
因為我睇黃狗仔既公仔書 (敗家)=>我上台識答個問題 (好事)=>拎埋果十個金牌 (好事)=>比左個舊時買落兩舊水而又算係有多既龍虎門金牌比呀康 (敗家)=>之後佢同我講叫人請我做二打六三個鐘七百蚊 (好事)...

有時D因果就係咁水蛇春長...
少D激嬲人, 少D講粗口, 積番D陰德
或者我第時生活都會好過D...

短期目標, 打兩個月工, 搞番掂果一萬蚊
之後入大學讀漫畫, 呢味野真係唔覺意睇到
彧者對我黎講, 比起設計更加有動力...

我曾經講過, 我響CO1已經無咩可以學到
而番到去讀亦只不過會浪費多一年既青春
家下 "二十青春遁走"
要為左自己既目標而做野
錢會繼續黎, 但係唔會跌落黎, 所以要比D心機先得喇真係

不經不覺搬左黎都接近三個月
好似去到邊度都好, 身邊總有人需要我去照顧咁...
又換番轉個角度黎睇, 係我自視過高罷了(笑)

每一次自己走去洗衣機洗衫既時候都有種沈左落去既感覺
空白腦海圈圈轉的重覆又重覆那個反衫的動作
好像按了REPERT的CD機一樣, 要走到無電為只
人生就係咁唔覺唔覺無曬D時間...(笑)

今日好像瘦了
明天又會肥了
到底那一天我才會走紅了呢...

在我而言, 漫畫書一樣有知識
只係世人禺妹還未看得出故中細膩之處
可有人像我一樣會細味一本公仔書呢
當然我亦有不喜歡的看完就罷
但不要忘記, 再番月一次, 或者你總會睇到一些之前你看不到
睇不透的東西....

吽...好像又老了一點
......只是老掉了一天罷
牙還在, 沒甚麼需要可惜
只需要更加珍惜...

>>August 6, 2004 at 4:17:40 AM GMT+8

2004 年 8 月 2 日 星期一 【晴】

唔

>>August 2, 2004 at 2:18:32 PM GMT+8

2004 年 7 月 23 日 星期五 【晴】

靜一日休息下...

>>July 23, 2004 at 4:50:43 PM GMT+8