2003 年 12 月 5 日 星期五 【乍雨乍晴】

繼續功課進度...

呀偉
書-做左70%
盒-雖然界曬件,但係我覺得得30%
普通薄同普通盒已經搞掂

國強
牛奶盒-完成, 聽朝早d番去print =____= /

校長
改字- 未比佢睇
歌詞- 又未比佢睇

唉..聽日比埋校長睇先

本書因為電腦問題遲遲未能完成
如果星期日都係咁就拎去呀宛屋企做...

free hand 10 既file
轉落photoshop6度
之後轉左做layer
cmyk file太大save左行唔到
行rgb, 一開 ai 諗著paste落去
一paste個ai就自己收左皮...
之後photoshop死埋...
photoshop d野好在之前save左=_____=
唔係就前功盡廢
燒左碟等緊拎番學做好過=_____=

頂...
原來做功課都做唔到仲嬲過打機用唔到金手指......

諗真d...如果真係要買s.i.c.隻十面鬼...
我不如買左個hardisk好過...
又係八百 , 雖然我覺得依兩樣野好難取捨......
但係目前必要既真係hardisk...

我係咪叫做生性左同識諗左...
有時真係唔知... (笑)

終於等到隻 z 高達番黎屋企
但係機於自己未做好功課
我唔比自己掂部ps2...

睇完生還者5喇, 雖然好早之前偷雞上網睇左邊個嬴
但係今日睇唔知點解仲係好緊張咁...
今集好睇過第四輯, 第四輯d人太賤格
睇到好悶...
今集可能係因為由頭睇到尾...
寧捨好睇咁...

一點睇到三點幾 =_____= .......
太奈無坐響電視前面既感覺有點食不宵.........

講真, 今日落左呀龍度HEA真係衰仔=____=
本來話明番屋企做野..........(爆)
有少少嬲緊自己

睇完呀強本野之後, 有D啟發...
諗深一層, 被迫的, 失敗的...
到最後都終於有成功的一天...

依家既我唔寄望第時既我可以成功
我只係寄望可以做到問心無愧就夠喇...

今晚食左點心王...
佢地今晚最後一條30蚊蒸魚+油菜+白飯+餐茶...
節儉...

仲有今日終於又中番廿蚊六合彩, 之後第一次去收番廿蚊響手...
通常我去親都係飛換飛, 今期中廿蚊, 要黎買下期...
今日拎番廿蚊, 點都放響銀包留番真係無錢先算
仲有抽中左最後一隻麵包超人隱藏留旦T_____T

諗番起都有D邪 , 或者都係依味野旺我六合彩多D
咁老黎, 以後都唔鬼改咯....

依家睇番個真既牛奶盒...
打番d字落去我個FILE再燒埋碟就得......
之後畫埋doris個LAYOUT先訓
忽然間好想畫野 ＊____＊~

我仲爭扎緊做SVC攻略定係彼岸之飛花好....
雖然都係諗著後者, 呢兩日都係響屋企睇多幾本書好D
屋企咁鬼多書.....

好, 做野

( =__=)＞ ~ 就黎上無間道III喇......

>>December 5, 2003 at 5:10:39 AM GMT+8

2003 年 12 月 5 日 星期五 【晴】

日記薄的作用

我粉覺得只有網上面既朋友
同埋身邊有我ＩＣＱ既同學先知我有呢個日記
出面機舖既朋友, 仲有我既親戚...
就算係呀爸同呀媽都無乜好了解咁睇過呢個屬於我既日記薄
所以跟本無咩留言

呢個地方係用作比我發洩
亦都係將平日無可能向人講出口既記錄
而自己又可以留番低有過一段咁既事發生過...
又藉著日記孫洩下自己做唔成大文人, 大作家既偉大情懷...(笑)

再者自己亦無咁口齒靈利可以用錄音機錄低自己講既野
再三...無地方可以比我錄...(汗)

打下囉, 又唔洗死既
遲D轉做VIP先~

>>December 5, 2003 at 5:06:39 AM GMT+8

2003 年 12 月 3 日 星期三 【乍雨乍晴】

琴晚食左三十一蚊魚旦粉....
仲有個雪榚, 好開心...

今日星期三放假...
又係做功課, 努力既成果究竟係乜野呢...

聽日星期四, 唔好比我批死
呀媽一定遲番, 我番點半果堂一定遲到...

唔記得打比老朋友........起身出街先打啦~
好, 訓覺

>>December 3, 2003 at 6:53:02 AM GMT+8

2003 年 12 月 3 日 星期三 【乍雨乍晴】

我決定從此放棄買s.i.c了
因為...我再沒有甚麼可以再繼續這玩意的本錢了
而且...最近甚麼也題不起勁

就算洗澡, 睡覺時閃著的一息間也沒想到甚麼靈感似的...
只知道自己好像機器一樣過人生
忽視間很想哭...

被迫得很辛苦
係自己, 定係比人迫?
有時真係分唔清
自己比自己既界線定位太高?
定係身邊既壓迫感太強...

或者我想要既除左自由自在既生活之外
最想要既只係一間可以活動既房

其實我每次見到女朋友都將依家打既野講出黎....
但係次次見到佢都會覺得舒服, 開心...
然後就不太想這些不幸的事
不想不想還是想, 結果又是回到這個壓迫的家

每次去到爺爺度
我都好鐘意關埋門自己一個響房度既感覺
唔洗比呀媽煩著, 管著.........

>>December 3, 2003 at 6:44:06 AM GMT+8

2003 年 12 月 3 日 星期三 【乍雨乍晴】

呢幾日都燃燒做功課
令到部機不知hand左幾多次

已經連續幾日無訓六個鐘或以上
都仲未做曬本書
我唔想做垃圾, 所以到今日都未做曬
12月2號已經係dead line

雖然交唔到, 但係我都決定做埋佢
所以今晚都無訓, 依家先死去訓, 因間起身又做過
務求完成曬為只
但係始終都係成日比呀媽阻著曬...
如果真係過到呢一水功課, 到作品集我都唔知點算

日日都同呀媽鬧交, 講真
有錢我先唔會同佢住,

琴日為左搵番一件冬天衫, 已經要好似玩砌磚咁
響一個無位再郁既廚房( 廢墟 )搞左半個鐘
之後搵番雖然好開心, 但係又比呀媽話我整爛左佢d野
於是我又同佢鬧交, 因為...如果佢唔係佢咁多野, 我點會有可能踩到...
我想拎番自己既野姐...
犯法咩...

成屋都係垃圾.....
每日都聽著呀媽無時間汁既藉口
話幫佢都唔肯, 成日都係拖

每日一番學就聽著同學在說我
沒功課交跟本說的是藉口
究竟哪一個才是藉口

我都要做功課, 但每天媽媽只會顧著妹妹的功課
我怎麼了....跟本沒人會知真正的結果

我搞唔清楚了
我只知依家應該update電腦
總好過依家用三分鐘左右就要關photoshop , ai, fh等..............
否則就會被電腦視為記憶體不足的令file完旦
已經試過十多次了, 開始很討厭在家中的感覺...

有時唔係唔想番學做, 學校跟本唔可以留到通宵
就算係女朋友屋企都唔得, 依家諗番轉頭
或者我應該響pizza hut 繼續做落去, 唔繼續讀
但係我跟本就唔想咁, 又係我自己一手做成今日既局面麼...
打日記就好似成日都對住一幅牆講野咁...
好多唔想同人講既心事就咁寫曬出黎
好支力呀...

我愈知道自己不應該頹廢
但環境卻令我每況氣餒

隨著媽媽將屋企唯一既冷行都積埋雜物既時候
我每是往下沉落去....

我只知道自己應該繼續捱下去
每次番學就叫我交學費
呀媽成日同我講無錢
呀爸無過數比我...........
有時真係唔知應該點捱落去...

或者終有一日我會發癲
係我既上一代一手做成?
還是我自己做不好身邊的事....
我也搞不清了

我知道自己應該搵人傾下
但係往往無人幫到自己
唔諗, 但係問題依舊繼續擴大...

每天也有每天煩惱的增加
就算我講出黎又有咩用

================================

這麼寬廣的世界 億個萬個也在捱
請不必將你我突然放大
我這麼小小痛苦都不會被了解
假使想輕鬆過我生涯
難免如若自我縮細再拼命去踩

>>December 3, 2003 at 6:32:02 AM GMT+8

2003 年 11 月 30 日 星期日 【晴】

”人類憑空想像出來的任何事，都是可能成真的現實 ”

物理學家
威利．葛儂

>>November 30, 2003 at 3:53:33 AM GMT+8

2003 年 11 月 29 日 星期六 【颳風】

大家想要既野唔同左
仲有目標方向溝通少左

最近乜野都好似好難解決
其實跟本就唔洗解決

我發覺自己講野愈描愈黑
有時都係做好自己應該做既野就夠

當我處於一個客觀既角度去睇件事既時候...
但係我又唔了解件事
而且我又唔鐘意呢個人
咁緊係鬧佢嫁啦, 大家都火爆......點忍

對方唔了解成件事既, 又好似好明白我而係咁鬧
或者睇呢D野真係好主觀嫁啦

我又唔知你諗乜
你又唔知我諗乜
我唔出聲就係逃避
出句聲話明我係咁嫁喇...
結果又係咁R落去=____=

究竟鬧交係要黎增進感情
定係會令其他人對自己失去信心
負面居多

doris 講 - 一個人既taste 係教唔到 , 咁佢bad taste既時候都唔知佢自己係bad taste 咁冇得好講
咁大家口味唔同呃馬 =___=
我鐘意S.I.C.
你鐘意HELLO KITTY
喂, 好主觀嫁WOR =___=

你話我教唔聽
諗唔明
明左就會好通透, 參透萬物?

我始終都係覺得
無錯, 係我自己覺得
有時有D野唔清唔楚少出聲無件事
總好過知清楚而跟本無辦法解決
大家都有自己一套方法去正視或者了解事情...
固有角度, 比較, 好多方法

如果問題係我度...
我自我, 會係因為我身邊除左個女朋友之外
已經無任何人值得我去信任...

點解會形成我咁...當
呀媽, 呀爸 對我誠樂過既跟本無一樣野對現
連我最應該信既都信唔過
我咪唯有信自己囉...

個世界好似乜都係講錢
因為我相信自己一個無野搞唔掂既, 幾唔掂既野
幾難頂既野我都捱過
響屋企洗廁所, 通屎渠...
番去頂人洗碗幾個星期
番工所賺黎既錢無啦啦就咁買左個電視
如事者我番學LUNCH唔食接妹妹放學
無左同同學一齊玩既開心時光

再因為自己無精神番學, 改善自己既生活習慣
直到依家可以番學比較正常D
雖然呀媽同呀妹依舊朱多事幹...
有時都因為佢地而阻左我唔少時間...

都唔緊要...
到住響一個唔係人住既地方...
有時有D野係為世所迫
就算有人會幫我又點
大都愛莫能助

當打燒了自殺念頭,
每每諗到死係解決唔到問題...
再打燒了自我憐傷,
就算你係點 , 跟本無人會理你 , 個社會係咁嫁啦...

自從我明白左自己處境
化解曬呢D負面念頭之後
暗暗見到屋企家不成家既時候...
都每況失落

但係因為我相信
要自己捱過, 頂得著所有野
結果就繼續撐落去

辛苦, 唔緊要, 食得咸魚底得渴
唯有好大方咁捱著同埋接受現實
有時真係捱唔著, 咪用訓覺, 玩, 同埋上網黎燒磨下時間
等自己好過D, 我咪咁囉, 我自我 ?

其實人人性格都唔係天生
而係隨著好多身邊發生既野而轉變
到左今日大家都轉到唔可以溝通到...
係對對方有誤解, 定係跟本你已經用左一個固有角度黎睇我
我都唔明你諗緊乜...

無人可以完全了解另一個人
假設真係捉到佢一舉一動, 就算捉到
或者都只係一部份....
終究大家所走既路都有所不同

我不幸運, 但亦不是一個不幸的人
至少, 我可以用自己一套思考方式去解決問題....

講真, 自己睇番個日記都覺得自己諗通左唔少野
你咪又係覺得我係咁

>>November 29, 2003 at 4:07:08 AM GMT+8

2003 年 11 月 29 日 星期六 【晴】

我正在半放棄隻十面鬼中
雖然真係好鐘意
但係一諗到成千銀咁放落去幾個月.......
仲有無左成千銀.......

買隻咁既野...
諗諗下, 我都仲係放唔到決定
聽日下午要去搵資料做埋本書...

頭先諗左幾個整法
畫好曬 LAT OUT , 跟著買埋面紙就得喇...
下個星期一次過交七份功課 A___A

偉 - 盒
偉 - 正盒
偉 - 薄
偉 - 書
國強 - 牛奶盒
校長 - 歌詞
校長 - 字體

我都未試過交咁多功課既....
有D奇怪...最近比心機左...?

其實我都唔係好知自己聽日會點
例如係... 我究竟會做番DESIGN工, 定係漫畫工

雖然依家諗都仲係早左D
但係點都好過12月先諗
唯一決定左既係響12月前完全要將PHOTOSHOP運用自如...

仲有星期二KENNTH要既資料...
仲有PIZZA HUT果度......
呢排真係多野搞.........

奠

>>November 29, 2003 at 3:08:55 AM GMT+8

2003 年 11 月 27 日 星期四 【晴】

其實呢兩日真係唔多開心
唔知呀宛呀媽想點...
最緊要就係無事...

呢幾晚倣功課都做得唔多好
個腦又空白一片, 訓醒先做?
定係唔訓去做好....

我都係覺得訓夠跟著先做會好d
訓夠同訓醒唔同, 訓醒係自己唔想醒既
訓夠係自動會醒...

最近跟本無機會一覺訓到大天光
一定會比呀媽嘈醒幾次
想發個好夢都唔得........唉

有時發到d 咸濕夢之後比人叫醒真係好鬼頹嫁
上又頹, 下又頹......

>>November 27, 2003 at 7:59:25 AM GMT+8

2003 年 11 月 27 日 星期四 【晴】

我甚麼都不是
你的支撐比我多 願我的擔憂比你少
如若我沒你重要 未見得開心比你少
你愛惜的比我多 我只像微塵 有些失當我不要
多麼好 縮小了的我 就算苦不算緊要

*我甚麼都不是 我是二等兵士
因國捐軀都難記於正史
我是九等天使 我做甚麼天都懶知
我甚麼都不是 帶著自己心事
想告解只可請教牧師
然後便答我 你們再苦也如玩意*

你的身份比我高 願我的資質比你低
寧願我是隻白蟻 木屑中開心的吃虧
你的戀愛比我傷 我只像微塵 就算傷口也很細
多麼好 縮小了的我 讓痛苦都會很細

Repeat*

這麼寬廣的世界 億個萬個也在捱
請不必將你我突然放大
我這麼小小痛苦都不會被了解
假使想輕鬆過我生涯
難免如若自我縮細再拼命去踩

Repeat*

>>November 27, 2003 at 7:20:23 AM GMT+8