2004 年 9 月 13 日 星期一 【晴】

菠蘿包/雞尾包



據說，菠蘿包的由來，是因為香港人嗜甜，認為一團麵團做成的包太「寡」(沒有足夠的味道)，於是在包上抹上砂糖之類的餡料，便創造出脆卜卜的金黃色的菠蘿包；而雞尾包則是取其cocktail的意思。戰後物資缺乏，而當時港人對麵包仍不大接受，一些麵包往往即日未能售清，扔掉實在太浪費，於是便有人想到仿傚中秋節過後，把賣剩的月餅改造為雞仔餅的原理，把賣剩的包搓碎，再加進糖變成餡料，於是便創造出雞尾包。這樣一來，除了更適合香港人口味，令銷量提升，也由於雞尾包中間加進了這些餡料，因而減省了麵粉的消耗，可謂一舉兩得。西方的麵包，加上香港人的一點心思，就成為了廣受大眾歡迎的食物。還有其他餘「腸仔包」、「飛碟」等，也是在外國難得一見的食物。大家可別忘記茶餐廳最擅長弄的蛋撻，原理與麵包大同小異，味道卻一點也不遜色！

>>September 13, 2004 at 5:32:22 PM GMT+8

2004 年 9 月 11 日 星期六 【微冷】

又再九一一喇
究竟佢響度做緊乜呢

忽然間好想打比佢
因為琴晚睇完六壯士之後
醒起佢捐完血之後發過燒
要打番去捐血站先得...

呢兩日唔知咩事牙肉又腫左
隻智慧牙又作怪喇...

又到左寂寞o既晚上
抬頭上天又再見到那個月亮
同埋果三粒連埋一齊o既星星...

過多一段時間
我一定會番黎o既
只係...我跟本唔會知響呢段時間
佢又會有咩改變...
依然是朋友了吧...

天氣轉了, 六合彩仲未有人中
星期二, 七千幾萬A__A

可以o既話, 我今日忽然間有種好想打比呀妹個老豆
我想知佢究竟仲有冇當佢有個女o既存在...

所以回憶
都比我放左入鞋盒喇
做男人, 消曬d, 拎得起, 放得底

>>September 11, 2004 at 10:29:17 PM GMT+8

2004 年 9 月 6 日 星期一 【晴】

如何有效地還到學校o既九千蚊
我有想法就係
只要介紹到三十個人去讀o既話
我就成功喇

努力=_____= \

>>September 6, 2004 at 10:24:06 PM GMT+8

2004 年 9 月 6 日 星期一 【晴】

唔覺唔覺
又過左幾日喇, 呢幾日除左入票
同埋送下件之外

用左黎訓覺同埋畫野...
我決定用賭波賺番黎果幾百喇得番
因為拎左錢番屋企...
可以o既話, 今個月尾買感壓筆...

可能因為呢幾日響度諗呀爺響度話我
唔好買咁多公仔書啦, 諗番轉頭
呀媽果時唔多理我呢樣野, 可以話係好
響其他人眼光中可能係放縱啦...

今日連堂妹都同我講話, 唔好比呀爺知道我買左咁多書
呀爺同我講, 都係果d啦
買教科書就有用o既
你買埋買埋咁多公仔書有鬼用咩
但係我又唔係咁諗, 我同佢講, 我想食果行飯
所以呢d對我黎講可以算係教科書, 我甚至真係會拎住本書跟著黎畫...
可能係老人家守舊思想啦
佢唔明我, 而我亦無辦法講得通佢
唯有盡量令佢眼不見為乾淨

通常每每係唔開心o既時候
我都會好想出街出番身汗
但係我又唔鍾意跑步
所以往往響可以算得上係空檔o既時間度行
維園行番屋企
今晚亦由呀姑測漁蔥屋企行番黎
原來路程仲甘過響灣仔行番黎...

headphone終於打左柴
今次叻左喇, 用左年半時間先用壞左一個
可能因為少左聽啦...

昨日o既少林足球
我從另一隻手從新得到
亦得到一份愛...
今日我失去o既係一隻野蠻女友
我唔希望再買番呢隻碟...
因為我已經失去左一份愛...

呢幾日張屋企打掃得好乾淨
甚至係番埋富雅汁野
可惜o既係我o既海報已經比呀媽壓扁曬
我算係大聲左鬧左一句
之後都無嘈落去喇, 個睇法已經唔同左
因為, 可能我會突然因為意外死左咩都拎唔走...嘿
下次再番去喇, 希望可以約到呀媽出黎下午茶啦....(笑)

今晚行番黎果時, 一路行...一路流汗
不, 不是要說這個...

我發覺自己想搵一個可以隨時傾到計o既人都幾難
平日, 我拎起電話
就會按起那個熟悉o既號碼...
今日, 可以再按起那個號碼
不同了的, 是我....
琴日因為得知那個算是新的冷氣機壞了
響屋企做完家務就走落呀龍度
因為我記得佢呀哥係整冷氣o既...
但係原來只係我多心
或者我跟本唔應該再多事
因為果d野, 已經唔關我事
更甚o既, 我係好管閒事...

汗在夏天不斷流著
在我的身上不比人多
亦他媽的不會比兩個人的汗少
好想可以快D冬天
我響今晚終於決定左唔剪頭髮著
依家留到咁o既長度剪左就前工盡廢
留到十月尾
我會去轉造型, 要柒o既就柒埋呢個九月啦

牛仔褲都爛埋
呢排都真係唔知搞乜
乜都死 =______= .......

今日同呀爺呀麻呀嬸打麻雀
甲埋堂妹打, 足足輸左七百幾
好在有呀叔包堂妹, 噢...
唔洗我出錢, 起碼呀爺呀麻開心左一個下午
但我其實好鬼眼訓

話說星期六
好奈無三巨頭一齊出黎活動喇
終於響星期六三條友出黎hea左一晚
打wccf , 好奈無玩, 玩番都無乜feel 喇...
只係想買番張拉雲
始終係由頭到尾最想中果張卡
同黎明玩左五兜就走左喇, 年馮稱號
一切一切都只係過眼雲煙...

之後去左唱K
直落行左去睇相
三條友最易有病果個係我
最長命果個又係我
個相士講D野我覺得好壞參半啦
因為佢話我好多女, 話黎明好顧家
呢兩樣野真係唔多o岩
但係佢話大佬想鬧就鬧, 同埋我成日買埋買埋D唔等洗野咁啦
我響度懷疑佢係咪因為響三個人之間唯一得我有帶下介子咁...
從而我以佢多年經驗而講呢句...不過是旦啦
大佬有樣野都講得好o岩
呢D野始終係有根據o既
始終好多野都係要依靠自己
而佢話我同呀宛甲果樣野
我都唔知應該點做好喇...
有一樣野可以好肯定
佢叫我唔好信曬熟馬o既人粉
即係我老豆=_____= 嘿...

廿八歲之前博有名氣....(笑)
希望啦, 命裡有時終需有
命裡無時靠雙手
我去見完佢同埋三條友hea完之後好似大腦開發又好似加快左咁...
做多d善事啦...買下六合彩=_____= \
今期六合彩
15,17,18,21,28,37, (40)
我兩條加埋四隻半字....(笑)
一條兩個字, 一條兩隻半
又做左件善事喇, 希望我遲早可以一次過收番曬啦...

好想打電話同佢講
我好掛著你...

今晚....用左幾個鐘睇曬成套GTO
我決定燒隻碟比教師MAX
希望佢睇完之後個人更加熱血
而且明白我一片苦心啦
果然係一套好好o既漫畫書...嗚...

10月31日, 地鐵優惠再見了
我要響四十多年後先可以用優惠價了

>>September 6, 2004 at 1:48:50 AM GMT+8

2004 年 9 月 3 日 星期五 【晴】

Ａ：共你相識三千天　我沒名沒姓
慶幸也與你逛過　那一段旅程
曾是日夜期待你　施捨一點同情
我對你是固執　做夢或太熱情
Ｓ：在世上　是你始終不肯退後遺忘我　感激你心意
但情人比　知己分開更易　怕我愛上你壞了事

Ａ：完了吧 如無意外 從今開始該好好戀愛
放下從前一段感情 才能追求將來 你就似沒存在
Ｓ：完了吧　然而你不在　情況未像幻想般變改
告別從前總是不易　原來假如只得我在
我竟未能覓尋下一位摯愛

Ａ：舊訊息應該刪走 再沒留憑證
我共你去到最遠 也只是友情
如現實是場玩笑 一早清楚內情
過去是勇敢　或是未肯適應

Ｓ：是我笨　大概必須先經錯誤才能會分清我心意
共行成長　躲不清的故事
Ｓ：我已愛上你壞了事
Ａ：（我愛你你扮作不知）

Ａ：完了吧　如無意外
Ｓ：（早該散開　縱有感慨）
Ａ：從今開始該好好戀愛
Ｓ： （為何我寂寞不來）
Ａ：放下從前一段感情　才能追求將來　你就似沒存在
Ｓ：（怕在我沒存在）
Ｓ：完了吧
Ａ：（應該放開）
Ｓ：仍能撐起來
Ａ：（沒有感慨）
Ｓ：前進便讓自尊心放開
Ａ：（期望你能尋覓愛）
Ｓ：告別從前總是不易　然而假如只得你在
Ａ：告別從前總是不易　然而假如真得我在
Ｓ：也不願盲目留在這愛海
Ａ：再不願盲目留在這愛海

Ａ：我與你　大概始終不能相愛
Ｓ：可否不離開　講出你的感慨
Ｓ：你用心戀愛
Ａ：我用心戀愛
合：下段道路定更精彩


Ａ：完了吧 如無意外 曾失戀的 都必須戀愛
Ｓ：悔恨從前隱瞞感情　常常猜疑將來
Ｓ：我就似沒存在
Ａ：你就似沒存在
合：完了吧 仍能撐起來 前進便讓自尊心放開
Ｓ：告別從前總是不易　然而假如不止你在
Ａ：告別從前總是不易　然而假如真得我在
Ｓ：你可若來覓尋下一位摯愛
Ａ：你請若來覓尋下一位摯愛

>>September 3, 2004 at 3:48:26 AM GMT+8

2004 年 9 月 3 日 星期五 【晴】

自閉左一日
由朝畫野畫到晚

睇完生還者
頭先用左半個鐘試下上下色咁...
蠻不錯的說...

keep住咁死畫爛畫
一定會畫得更好o既
下次cw係二月
而下一次, 我畫封面
希望搞得好好睇睇啦

經過今次既失敗
大家都會更加努力起黎....
嗚....

reload下個背景
就係幅畫喇....

其實...今日都仲幾唔開心
......因為...佢話我早訓喇
十二點唔洗打比我喇....
不過......就算我唔開心都無用
比d心機去做其他野啦唯有

其他既野
希望我仲有時間去等啦

>>September 3, 2004 at 3:35:39 AM GMT+8

2004 年 9 月 1 日 星期三 【晴】

人總是在陰天雨天才想起睛天
可是就算你珍惜晴天都不代表你可以留著晴天
一定要面對陰天雨天

如果沒有了生命雖然沒有了晴天
但就不用面對陰天和雨天

>>September 1, 2004 at 12:16:58 AM GMT+8

2004 年 8 月 31 日 星期二 【晴】

生日...快樂

>>August 31, 2004 at 11:59:59 PM GMT+8

2004 年 8 月 31 日 星期二 【酷熱】

我 , 每天晚上當我們做夢
身體仍在床上, 但我卻去到別處

晚上我們忘記醒著時的我
日間我們卻忘記睡夢中的我

由此可知所謂既我有著無限既可能性...

終於做起左個完成品喇
訓左一陣, 起左身訓唔番

好似好多野諗咁...
亦都唔到我去諗咁...

好時真係好怕聽到果句
我地依家係咩關係之類既說話
好似係...數緊我咁...

有時其實真係唔想問出口, 你約左邊個呀之類既說話
但係每次都唔知點解會衝口而出...

而家每次約佢, 佢都會約左第二個
而我問佢點解唔可以同我出黎成日, 佢就會好似搵d藉口比另一個人咁
誅多推搪...

或者...我真係唔應該等落去
甚至keep住呢段關係, 因為我覺得
或者我唔煩著佢, 佢生活會過得好一d
而且, 我亦都唔會咁辛苦...

今日整個旦榚既時候, 我覺得個意義好似唔同左咁
其實我係想佢開開心心咁過一個生日....
而唔係好似更硬要佢出黎咁....

其實, 依家一開口同佢講野
甚至係望著佢, 又亦或係對著檯度張相...
我既感覺好難形容...

琴日飲茶既時候, 我得知老豆一家人上大陸番工廠睇下咁
佢都無叫埋我, 而我番學報名果度佢亦都愛理不理咁....

雖然我依家環境的而且確係好左好多
但係我諗番以前, 同呀媽呀妹, 同埋呀宛一齊無鬧交既時候
好似開心過依家自己一個對著個日記版打字咁...

自從分左手之後, 就好似再無左一個可以同我分擔下心事既人
響電話言談間, 其實, 我有時有d野想講比佢知...而又唔話比人知, 但係自己又覺得係好既事
但係往往聽番黎既好似都係, 你既事自己搞番掂啦之類既野...

而且.....有時同佢講左既野, 佢會唔記得左
其實, 我響佢個心或者已經唔存在
亦都唔再重要...

其實, 傷得最深既倒頭來只會係我, 唔會係佢
因為可能佢好快就會唔記得左...

我唔知自己將佢仲放響心度究竟係乜野一回事
好似每次都要厚著面皮咁打比佢
要佢聽我講一輪廢話....

我份人太過小器喇...
而且又執著, 因為我一直相信堅持
終有一日會成功, 但係......響愛情路上, 我係一個失敗者

隨著送左個旦榚比佢之後, 我已經唔知應唔應該再出現
又亦或係, 我唔可以大大方方咁接受佢之後既生活係點

果日比電電完之後, 思路好似有少少唔同左
其實, 我知道自己好鍾意佢
但奈何我要明白, 如何說再見

>>August 31, 2004 at 5:00:11 AM GMT+8

2004 年 8 月 31 日 星期二 【晴】

若這一束吊燈傾瀉下來
或者我已不會存在
即使你不愛 亦不需要分開
若這一刻我竟嚴重痴呆
跟本不需要被愛
永遠在床上發呆
餘生都不會再悲哀

*人總需要勇敢生存
我還是重新許願
例如學會承受失戀

明年今日別要再失眠
床褥都改變
如果有幸會面
或在同伴新婚的盛宴
徨徨地等待你出現

明年今日 未見你一年
誰捨得改變
離開你六十年
但願能認得出你的子女
臨別亦聽得到你講
再見

repeat*

在有生的瞬間能遇到你
竟花光所有運氣
到這日才發現曾呼吸過空氣

>>August 31, 2004 at 4:19:04 AM GMT+8