2004 年 10 月 25 日 星期一 【微冷】

分享過你這種漂亮
離得開了你令我堅強
讓我的乾燥皮膚擦響
願我的內心未擦傷

* 假使當初可以為了你 忘了愛所有人
分開手去追尋 足可擁抱千萬人
即使天空海闊沒有愛 還有你這個人
燒光一個森林 將灰燼裡的熱能
當做一點陪襯 *

請不要說改天再會
何不乾脆說下次失陪
讓那張溫暖床單曬乾
路過的地方別再躺
Repeat *

假使當初可以為了你 忘了愛所有人
分開手去追尋 足可擁抱千萬人
即使天空海闊沒有愛 還有你這個人
即使不再光臨 一想起你
怎麼可以 對任何人熱吻

=============================

我終於有次可以一次過睇曬出半支煙喇...
估唔到會係今晚...

首沒有煙抽的日子好好聽

終於知道我一路響度諗
" 除了你我不能感到一絲絲情意 " 果首歌叫" 我只在乎你 "...

十月二十五號
我搵唔番佢icq, update完icq之後就唔見左佢喇....

今晚食飯好迫, 食得好辛苦
又好熱...

d/l 緊琴晚睇唔到o既搵jack嫂大結局
等埋呢兩分鐘, 睇埋就去訓喇, 今晚會唔會失眠呢...

呀麻今日臨走果時同老豆講, 得閒打電話同你個仔傾下計啦
呢排我有時間就打番去比呀媽, 雖然佢無時無刻都好火爆
但係呢個呀媽其實都幾好呃...
只係硬頸左d...

今日有鮑魚同佢女朋友問我拎左個日記黎睇
我相信佢地都唔會長期咁睇, 而且...
我打完之後, 其實有時真係想有人可以留下言比我
話曬都係一個公開日記, 但係比任何日記都來得冷清...

今日, click番個願望樽果條link
我好想搵個人可以講曬我心裡面所諗o既野出黎
好想大喊一場, 但係...我只係對住一個冷冰冰o既日記響度過日晨

對住一張空白o既a4紙
最近好似乜野都畫唔出咁, 我都唔明白點解
好似乜野都飛走曬咁, 靈感, 親情...

今晚食飯, 細佬講左句, 我鍾意坐響爹o地媽咪中間...
我響度諗, 如果果個係我就好喇...

我真係好想約老豆出黎
兩個人食下煙傾下計
同呀媽去飲下茶...

唔知點解我真係喊左出黎...
心靈o既空虛唔係錢同埋玩可以填補...

時間可以沖淡一些感覺...
時間亦都會令一個人改變...
比起兩年前, 其實呢兩個月o既我變化最大
果時我認為, 我冇爸爸媽媽o既愛護
我可以擁有愛情而獨立起黎兩口子過活...

兩個月之前, 我失去左愛情
友情真係可以填補到所有o既空間?

我好奈弱, 成日都好自卑
今日其實好想搵堂妹出黎陪下我
但係知道佢做功課做到朝早而訓覺o既時候我就無再阻住佢喇...

零晨三點喇, 喊完出黎好似舒服左d...
icq就算online都唔會有人add我
只會冷清咁對住個list...

喊係一種relax...?
或者真係啦...

====================
假使當初可以為了你 忘了愛所有人
分開手去追尋 足可擁抱千萬人
即使天空海闊沒有愛 還有你這個人
燒光一個森林 將灰燼裡的熱能
當做一點陪襯...
====================

>>October 25, 2004 at 2:54:21 AM GMT+8

2004 年 10 月 24 日 星期日 【炎熱】

愛一個人, 你會將所有最好o既野都留番比佢


你睇過一本好好睇o既小說, 你會即刻買多一本, 等佢悶o既時候拎比佢睇
你食過一件好好味o既cheece cake, 你會記著果種味道, 得閒果時, 整比佢食
你睇緊一部好好睇o既電影, 明明睇到一半, 你都會離開戲院, 因為你想佢陪自己入戲院睇埋果段戲....-stepy

就算心碎, 心依然會跳
日子總要繼續過落去...

我聽完, 初初都有d唔相信呢兩句說話...
但係諗諗下我終於明白個道理喇...

果晚上左呀龍度玩
整左個旦榚, 佢地都幾鍾意食m(__ __)m
但我自覺整得好樣衰...
不過都仲過得去....

果晚本來十二點應承左番黎
結果第二朝成九點先番到黎...
人都癲...

唔知點解朝頭早走o既時候, 食完早餐行去個巴士站突然間諗起佢
好似錄影帶咁, 重覆又重覆咁不斷響度重播d片段

果晚總算睇完青出於藍
唔知點解我覺得條感情線寫得好過響學校o既生活
可惜o既係爛尾...

果晚響呀龍度, 都幾開心呃, 第一次咁樣約一大斑人出黎
響呀龍果度就真係成日見, 真真正正約出黎玩
就真係第一次

佢地話聖誕節又出黎一擭wor
都好o既, 朋友出黎一齊hea下

之後果晚就約左賴應龍一大斑人出黎
打邊爐果度仲見到王老闆
佢好似相睇緊...

好奈無試過咁樣一大斑forum人一齊出黎
其實都過得幾開心...

我對著呀ray同bonnie
alex同pauly都講左句
可以捉得住幸福, 就唔好放手喇...

我曾經衰過, 做錯過o既, 辛苦小小
我呢一世都唔會再做錯, 無論我再幾自我憐傷都冇用
所謂o既化悲憤為力量, 我要比依家更加努力

星人果時真係講得好o岩
你連自己都養唔掂, 結咩婚呀, 餓死老婆溫臭屋...

我倒番轉頭諗, 我就連拍拖o既資格都無
所以我寧願自己一個, 買下s.i.c., 打下機咁好好過仲好...

今朝響星人果個 " 這個秋天叫你忘不了我" topic度
11點半第一個post出到要左nds T___T , $648
好感動, 我成功地bid到, 我相信應該洗小左成六百蚊
到時出機果時坐底都千二啦
再者我依家又比左部gba呀妹玩, 我都無機仔玩
家下買部gb sp都要六百幾, 月尾跌水都要五百幾六百
我家下六百幾買左真係好抵

好開心...

無論係開心, 唔開心日子都要咁過落去
做好自己, 就咩動物都會鍾意你嫁啦...

唔經唔覺, 2002年3月到依家寫日記都寫左兩年幾...
有時想睇番舊時d日記
都有d無眼睇o既感覺, 人都癲

>>October 24, 2004 at 4:20:59 PM GMT+8

2004 年 10 月 22 日 星期五 【晴】

忽然間諗起成年前果次九腰對個 jolly sandy姐姐起譚果次
果次叫左成廿一碟肥牛
果次真係好開心嫁...

下星期一如果唔洗番工, 就番去桂華山行下...

>>October 22, 2004 at 5:00:12 PM GMT+8

2004 年 10 月 22 日 星期五 【晴】

重新做人\ =_____= /

>>October 22, 2004 at 2:16:28 PM GMT+8

2004 年 10 月 22 日 星期五 【晴】

琴晚轉左個icq ver.
以前唔想轉因為我覺得有寶貴o既回憶響度...
依家都2004年喇

轉左做03, 與時並進
delay no more XD

呢幾日因為唔洗番工
畫完野, 食野, 落呀龍度, 畫野, 睇鋼煉
要等到下個星期先有工開...

老細又番左大陸
都好o既, 起碼重陽都可以留響屋企o牛下

今晚拉大隊上呀龍度玩...
睇番d結婚相咁...

或者呀蘿撚屎都講得o岩
食煙, 想食口痕咪食番飛囉....
唔想食, 咪唔食囉..
無話戎唔戎嫁...

前兩日呀宛icq話我知
佢同靚仔係埋一齊喇...
希望佢地開心啦

呀龍死要響度話, 愛情係自私嫁
你邊會放得開呃, 又有人同我講, "關你咩事je"

可能真係咁啦, 就算我真係鐘意佢
響街見到佢地, 都係頂多點個頭
就咁刷身而過...

琴晚響度整旦榚拎上呀龍度
唔知點解流左滴眼淚落去....

如果佢地開心, 我應該登佢地開心
因為佢可以比到佢幸福...
愛, 唔係佔有...
如果佢地真係幸福o既, 我係點亦都影響唔到人地

我決定左如果佢地真係係埋一齊
就唔會再搵佢, 因為, 我已經唔再認識佢
佢唔再係我以前身邊所熟識果個人

依家諗好儲錢去日本, 大京話我知
佢來回日本自由行都係三千幾
我同佢講, 咁我儲一萬蚊, 下次一齊去=_____=＼
佢都應承左我...

我想去睇下個世界
家下已經唔想去台灣喇...
去到又係食, 我不如去日本行下仲好啦
大京話住下果度d民宿, 又唔係貴, 幾好呀...

我發覺原來要識一個同自己甲o既人都幾難
我鍾意o既野, 人地未必鍾意
要搵個同自己智趣雙投o既人其實都幾難...
見到呀ray同bonnie, him同hidie咁...
如果捉得住幸福, 就千其唔好放手喇...

或者真係一個人o既生活o既我多d
我唔鍾意自由, 我好想可以同鍾意o既人係埋一齊
結婚, 生仔, 但係呢d一切一切o既野
都只不過係妄想...

因為我已經失去左佢...

一年之後, 無論個世界變成點
我一定會努力, 更加接近我o既夢想...

星期六好奈無咁樣約到一大斑人出黎喇...
去打下邊爐食下野咁, 其實都幾好呃...

>>October 22, 2004 at 2:14:40 PM GMT+8

2004 年 10 月 21 日 星期四 【晴】

琴晚睇完波, 咁又汁番幾百蚊
但係唔知點解我無開心...

琴日可能係成世人最難捱o既一日
精神上真係好難受

我琴晚睇完波到依家起碼扎醒過六次...

或者都好o既
放底一樣野, 11月喇
要去努力尋找我o既夢想, 我要比之前更加努力

除此之外
我...別無他求

>>October 21, 2004 at 11:37:22 AM GMT+8

2004 年 10 月 21 日 星期四 【晴】

03.下一次再見
作詞：林若寧　作曲：林若寧　編曲：林潤明

童年友好的　留堂鬥嘴的　抹去黑版粉筆的字句
從前暗戀的　球場競爭的　尚有幾位餐廳中共聚
聯歡會結束　哪個通宵舞伴會逗留
來回幾班客機　送去舊朋友

＊流過淚都要繼續笑　能夠學識說再會了
　朋友認識兩秒　就失散了　想起多少
　過去合照　就算少　留下每位的歡笑　和歲月講句再會了

從前錯失的　來年結識的　頓覺揮手握手的樂趣
臨行轉身的　重逢抱擁的　讓我不枉開心得落淚
誰揮揮兩手　擦過身邊再沒法逗留
原來輕輕的放手　回頭未能夠　望轉頭

Repeat ＊

好不好　原地守候　在昨天溫室中的知己
可不可讓我保留　誰也別走

流過淚都要繼續笑　能夠學識說再會了
朋友認識兩秒　就失散了　想起多少
過去合照　就算少　留下每位的歡笑

Repeat ＊

>>October 21, 2004 at 2:21:11 AM GMT+8

2004 年 10 月 20 日 星期三 【晴】

我今晚可以正正式式放底條頸巾喇...(笑)

>>October 20, 2004 at 11:32:26 PM GMT+8

2004 年 10 月 18 日 星期一 【晴】

點解我想去台灣
台灣就車禍死左五件香港人

睇一睇新聞先知
奠.......

呀爺話台灣d司機渣車好狼
唔, 我都係睇下d大陸團好過咯

又可以唔整passport
又熟路多d....唉

遲下先算...

>>October 18, 2004 at 11:52:20 PM GMT+8

2004 年 10 月 18 日 星期一 【微冷】

星期五
拓水跟左我番一日工
因為我覺得佢溝緊女, 又唔搵下part time做
咪叫埋佢黎抬下野做一日囉

果日佢六點幾收左工喇, 佢都幾抵
都係搬左兩塊石版就三百五喇
真係好...

不過佢已經覺得果度做野似地獄喇
咁我咪HELLBOY, 佢大概只係O幾O幾級的傢伙...

我果日抬果塊1250X1250, 二百幾磅X4 O既石版
都係插左刺發炎, 今日已經好番曬喇...YEAH~

我果晚開工開到點幾鐘
唔係支力, 係精神上有D頂唔順
因為成日O牛響果度真係悶到眼訓

點幾鐘響荔枝角拎埋野番觀塘工場
之後再坐N619番屋企, 嫁車響觀塘=>灣仔來回經北角
以後去到觀塘通宵都識番黎喇....

番到黎開左BT 繼續D/L 我已經DOWN左成個禮拜o既一套白石新片
沖涼, 訓覺, 三點半...
已經係星期六o既零晨
...四點鐘呀媽突然打黎話呀妹發高燒
我用左十分鐘飛落街, 開頭諗著跑番屋企
莫奈何開左成日工真係做到個人好散, 拓水做左半日已經散左...
我懷住鐵一般o既鬥志
由廿五樓等lep時諗好跑落街飛的
好喇, 跑到落去有嫁的走左埋黎夠膽死話唔識北角d路
我大聲渴左佢一句, 你識唔識渣車嫁
由於我無上到車, 跑出渣華道, 我o既意識依然好似發緊夢咁...
一路跑, d小巴係咁洗埋黎以為我追車
阻q住曬, 終於跑左一條街, 有嫁的士埋左黎
我又大渴佢, 救命嫁
快d去富雅, 飛到去樓下
我比五十蚊, 叫佢收二十, 十五蚊無跳標, 佢抓八十比我
即時反應我係比番錢佢, 我太善良了...
本能反應大概最能表現一個人o既內心究竟係點

搞掂就飛上樓, 打去1083 call的
呀媽搞左五分鐘先出到門口
我搵到個電話call的 , 個call台話依家無車就咁cut左我線
頂, 之後我同呀媽落去飛左嫁車上黎交低錢就上樓做門神喇

上到去我發覺我舊時訓果張床已經比呀妹放曬玩具/ =_____= \
我有好多野都未清番出黎, 頂...

等電話, 等到訓著左響地下
五點幾喇, 鐵人都支力啦...
六點呀媽打黎話呀媽39度幾
不過退左燒喇=____= ....唉
個心安樂曬...

等到六點九佢地番左黎喇, 我番和富屋企, 星期五出o既書我都未買
響樓下書檔o岩o岩開工o既情況下迫佢地搵神兵, 龍虎門同武神比我
當時隻腳已經行唔到正常步速...

人都癲, 番到黎, 就換衫死左上床訓喇
我好記得睇鐘係七點十一
十點鐘呀媽又打黎話驚呀妹響屋企又成身震抽筋
問我一個好奇怪o既問題, 意思其實可以用一句就搞掂
佢up左一大輪廢話之後, 我問佢係咪即係問我介唔介意同我去社處搵社工拎藥紙 , 去銀行咁我d錢, 醫院拎藥同埋學校拎功課
之後我答 : 介意, 不過我都要去嫁啦呀妹有事, 十五分鐘行到番去...

呀爺呀麻望著我咁忙都唔知講乜好...

搞左一大輪, 我已經死了...
兩點幾搞掂曬去買飯, 粥比佢地食我都未食野o既時候
我發覺自己跑跑下飛甩左md 機 re-毛個hold制
我汁唔番T_________T
嗚....

我用左等外賣O既時間響馬路中間O親無車周圍搵
完全感受到果種大海LAIR針o既支味....
終於我放棄左, 等飯時候到了, 算啦, 呀妹需要我多d...
我番左去搞掂左佢兩件友, 我叫呀媽有咩事就打比我
再一次行唔到正常步速地行番屋企...

行行下諗諗下
好驚佢又黎個電話我又要跑番黎
所以我決定響呀龍度等一個下午
六點先走...

響佢度o牛左幾個好支力o既鐘頭
再打番去我終於敢番和富喇...

番到黎食完飯, 睇完搵jack嫂
睇到我四大皆空...
見到兩個互相喜歡對方o既人被迫分開...
我唔知點解喊左出黎...
眼角有淚....男兒有淚不興彈

但我總是容易被動容而流淚...

響呢幾日, 我都不斷響度諗...
如果有人響我身邊, 或者我可以同人分享下
生活會過得開心一d...

算了, 已經唔記得果日幾點訓喇...
第二朝星期日...起身比人響gaf ban左 x__x
可能無得搶nds................T__________T

不過好在星期六唔洗番
唔係呀妹就麻煩咯...

其實星期五零晨我堂妹已經上左黎做功課...
即係星期四-星期五之間, 即係拓水地獄果日o既朝早...
佢做功課我都好似係四點幾五點先訓
個時間線即係咁---

星期四- 10:00p.m. - 我已經番完一日工...堂妹仲上黎做功課
星期五- 05:00a.m. - 同佢界完card-broad終於可以訓覺
星期五- 07:00a.m. - 堂妹起身嘈醒左我少少, 我訓番
星期五- 08:00a.m. - 打比拓水叫佢起身番工, 打左兩次比佢都無聽...
星期五- 08:33a.m. - 佢條死仔打比我話醒左一.一
星期五- 09:00a.m. - 我起身番工一.一............
星期五- 06:43p.m. - 拓水收工...=____='''
星期六- 01:27a.m. - 我收工, 唔知三工定雙工...A__A
星期六- 03:30a.m. - 終於有得訓覺 ,諗著星期六唔洗番有得訓.......
星期六- 04:00a.m. - 呀媽打黎話呀妹發燒抽筋成身震...
星期六- 04:12a.m. - 到事發地點
星期六- 06:44a.m. - 搞掂一.一'''
星期六- 07:45a.m. - 訓覺............
星期六- 10:00a.m. - 呀媽再召喚...................
星期六- 02:xxp.m. - 再見md hold 制........
星期六- 04:xxp.m. - 好在記得買六合彩....
.
.
.
.
.
.
.
呢三定唔知四日
我覺得好似過左兩日咁小咁......

件事就係咁喇, 我邊有正式休息過一.一'''
之後星期日訓又訓唔著, d麻雀聲實在太煩了...
兩點幾自己落街行下, 行過許留山...
好想再入去裡面坐下, 食下糖水咁, 不過自己一個
我放棄左, 去左魚旦佬度買左串魚旦同埋飲左支檸茶...
無無聊聊咁去左呀龍度, 諗著搵個地方休息下吹下水...

呀龍條粉人又串我有冇打比呀宛(阮)..(長音).....志能呀
=_____=...

阮志能即係max, 一個死要同我互串o既人
魚旦佬都覺得我地有仇, 但係其實我同佢無乜野o既...
比呀龍串都串左兩個月, 我習慣左, 但係都唔想聽...

其實呀妹響醫院五點幾我響富雅地下訓緊o既時候我都響度諗
如果可以打比佢就好喇........

坐坐下打打下機
電話響, 呀妹打黎問我有冇7仔果d hello kitty遲石....=_____=.............
佢唔係病o既咩, 頂...

之後坐左一兩分鐘
我拎起電話以為又係呀妹打黎o既時候
竟然係呀宛打黎, 佢睇下我響唔響旺角...
出去食下波蘿油, 其實我求知不得...
簡直想即時就飛出旺角, 但係奈何佢夜晚六點又要番屋企
當時傾左無奈都好似係四點喇, 出到去都四點半
所以佢就叫我唔好出黎喇, 我....咪約佢下個星期日囉, 佢都應承左...

或者大家之間都因為分開左而過著一d正常
番工, 放工, 好dry o既日子...

就係咁
我入到呀龍度又比人串我春風滿面
又乜又七咁喇.......

番到屋企之後
呀堂妹都係未做曬d功課
星期日十點打後, 同佢死做爛做
我終於明白白英奇點解會讀到人痴線......

搞到五點幾, 我地先去訓
第二朝我又要番工, 呀堂妹響做到就死o既情況下同我講左句
" brother, i love you 呀 ..." (佢懷住一面瀕死o既樣)
所以今日我放工, 都打比佢睇下佢搞成點...
希望佢搞得掂過兩日有"覺"好訓啦...

最記得堂妹佢琴晚講果幾句野
" 我呢幾日過得好沖實...... "
" 呀哥你個樣好DRY呀, 哇哈哈哈... "
我點左下頭, 苦笑咁答佢 " 有心做o既, 比心機做野啦~ "
之後繼續同佢做喇...

其實我呢幾日都好沖實...
只係無辦法解釋到, 同埋作出大家不公平o既比較下
我苦笑一下就算...

呢一排, 我試過去接受其他外面世界o既女仔
但係我依然覺得呀宛佢好好
就算佢係點諗都好, 我就唯有一步一步咁爬番上黎
我依家只係廿歲, 可能未必及得上一個大過我更甚係比我有錢o既人
但係我有抱負, 我決心今次一定會做得更好
只係唔知對方點諗....

今日睇青出於藍
呀陶大宇因為以前o既一件事
後悔一世, 分分鐘仲比波比校長搞掂埋郭可盈
果個郭可盈, 果個雨天, 陶大宇果種感受
我又好似睇到代左入去電視o既世界咁
點解我會係陶大宇o既角色／=_____=＼......

現實還現實, 努力番工
無時間賭波喇, 上幾個星期嬴埋最後果次錢
暫時可以靠雙手黎養活自己喇...
仲可以植住番工o既錢, 約佢
約埋佢媽咪出黎食飯...

下年二月出果本同人誌, 唔好話打響名堂
起碼我要有人記得我...
我係有料o既, 我會努力用我雙手去証明

為左自己又好, 係為左將來又好
乜野都要按步就斑...

我都明白黎緊呢幾年佢會過得好辛苦
而我亦都做唔到d咩, 唯有努力上進
係為左咩都好, 我知道有信心
未必乜都可以做到, 但係, 最起碼o既底線係, 我絕對會比舊時對得住自己...

口古月～

頸巾停滯多時, 聽日去織埋舊冷就去買冷喇......
呢五日o既光陰
好像只過了三日似的......
今晚要好好昏迷了...

>>October 18, 2004 at 11:24:01 PM GMT+8