2003 年 6 月 25 日 星期三 【雨】

18歲生日
原來並唔係想像中咁開心既
今日我18歲生日啦
但就好唔開心

今日個天以淚同我慶祝生日
又落過雨啦

生日仲要考試
真係唔多鐘意
仲要今日考果2張paper...我已經好sure炒左囉
唔fail就真係神蹟啦
因為呢2張poorly done papers搞到我冇晒mood
好down呀
唉...其實唔開心仲有其他好多原因既...不過唔想多講

考完個咁差既試
真係唔方高興啦
我生日仲要我做埋d我唔鐘意既野...又煩又討厭

原本呢，想去睇＜千機變＞
但冇乜mood去街同埋太眼訓訓著左...徙左個晏晝

真係好想好想唔大個
好掛住我既童年啦
大個有咩好
咁煩又冇得「恃細凌人」喎
唉

>>August 25, 2003 at 4:41:47 AM GMT+8

2003 年 6 月 24 日 星期二 【晴】

嘩嘩嘩!!! 唔經唔覺，原來我已經有成10日冇寫過日記啦！！
冇計啦，考試大晒架嘛！！now就快考晒lu，得閒ｄ咪就上來寫返ｄ日記囉～
咦......我好唔鐘意個朝１晚８plan呀，勁唔方便，邊個會係呢ｄ時候寫日記架，都唔make sense既！

anyway，今日係我１７歲「兒童」既最後一日啦，個心硬係有d依依不捨既感覺，真係有ｄ唔想咁快大個呀......><""
mom頭先come in，話：「聽日就１８歲啦，大個仔啦，拎成人身分證啦，有咩都要自己負責架啦....」....唉....似乎１８歲都唔係一件好事

yeah,我生日，英皇竟然係今晚就上twins同edison既＜千機變＞呀，簡直係我既「生日禮物」咁話啦，正！我幾時去睇好呢?

>>August 25, 2003 at 4:42:11 AM GMT+8

2003 年 6 月 14 日 星期六 【雨】

呢幾日都係不停咁落雨...
斷斷續續咁掛左幾次黃色暴雨警告...
有時d雨勢都幾大下架，成個天黑晒，就好似想塌下來咁，但就硬係唔肯掛紅雨黑雨...

尋日13號，終於開始左個大考啦...
咁就過左一年...但呢一年我又有d咩得著呢? 做左d乜呢? 好似都唔係太多既得著，做左冇乜幾多野。...有冇d咩野做左又後悔呢?我諗有好多...我就係果挺做完野之後後悔既人，唉!...其實呢年都唔係話真係冇咩「斬獲」既...至起碼我比中四五時勤力左d先啦!

今日o係中央撞到陳膺揚
好多人o係中央努力廝殺
我哩?人在中央，心不在焉
點算?!又有d後悔

今晚上左去我師兄既一個newsgp
睇到呢則新聞：

名校面臨縮班
尖子降要求 提早入大學

【 明 報 專 訊 】 不 愁 學 生 來 源 的 狀 元 名 校 ， 面 對 政 府 可 能 擴 大 「 尖 子 計 劃 」 ， 即 讓 更 多 會 考 成 績 佳 的 中 六 生 優 先 入 大 學 ， 這 些 名 校 或 須 面 對 縮 班 和 超 額 教 師 問 題 。 若 按 教 育 局 長 李 國 章 的 建 議 ， 把 「 尖 子 計 劃 」 的 要 求 由 現 時 的 會 考 「 6A 」 成 績 降 低 至 「 3A 」 ， 部 分 名 校 如 喇 沙 書 院 、 香 港 華 仁 書 院 和 聖 公 會 林 護 紀 念 中 學 ， 將 有 近 半 中 六 生 可 提 早 入 大 學 ， 令 中 七 生 銳 減 ， 教 學 也 受 影 響 。


擴 大 「 尖 子 計 劃 」 ， 對 於 未 能 提 早 入 大 學 的 中 七 生 來 說 ， 會 減 低 爭 取 入 大 學 的 機 會 。 去 年 有 575 人 考 獲 6A 或 以 上 成 績 ， 若 他 們 悉 數 提 早 入 大 學 ， 餘 下 的 高 考 生 ， 須 每 2.52 人 爭 1 個 大 學 學 額 ， 成 功 率 減 至 39.4 ％ ﹔ 若 把 「 尖 子 計 劃 」 擴 大 至 3A 或 以 上 的 成 績 ， 有 2030 人 可 提 早 入 大 學 ， 餘 下 的 高 考 生 入 大 學 的 成 功 率 便 會 降 至 36.8 ％ 。

喇 沙 逾 半 中 六 生 可 成 尖 子

喇 沙 書 院 副 校 長 趙 榮 德 說 ， 當 局 把 「 尖 子 計 劃 」 由 2002/03 學 年 的 7A 降 至 下 學 年 的 6A ， 該 校 提 早 入 大 學 的 中 六 生 已 由 6 人 增 至 16 人 ， 若 進 一 步 降 至 3A ， 估 計 逾 半 中 六 生 符 合 資 格 ， 勢 將 嚴 重 影 響 教 學 。 「 可 提 早 入 大 學 的 中 六 生 ， 一 定 沒 心 機 上 課 ， 不 合 資 格 的 學 生 ， 見 大 學 學 位 競 爭 愈 來 愈 大 ， 只 會 愈 來 愈 驚 。 」 他 說 ， 中 七 生 減 少 ， 除 教 學 困 難 外 ， 教 師 亦 擔 心 教 統 局 會 以 此 為 藉 口 ， 縮 減 教 師 。


英 華 書 院 校 長 楊 寶 坤 坦 言 ， 擴 大 尖 子 計 劃 ， 對 成 績 較 好 的 學 校 影 響 最 大 ， 「 學 生 提 早 入 大 學 ， 留 空 學 位 ， 政 府 計 算 人 頭 給 資 助 ， 資 助 減 少 ， 超 額 教 師 亦 相 應 出 現 」 。 他 不 反 對 擴 大 「 尖 子 計 劃 」 ， 但 大 學 、 中 學 和 政 府 三 方 面 須 有 默 契 ， 「 若 是 一 場 混 亂 ， 只 會 兩 敗 俱 傷 」 。


英 華 憂 減 資 助 裁 教 師


地 區 名 校 聖 公 會 林 護 紀 念 中 學 5 名 尖 子 將 於 下 學 年 提 早 入 大 學 ， 佔 67 名 中 六 生 逾 6% 。 副 校 長 吳 聲 展 說 ， 若 「 尖 子 」 的 成 績 要 求 降 低 至 3A ， 今 年 會 有 39 名 中 六 生 合 資 格 ， 佔 全 部 中 六 生 近 六 成 。


香 港 華 仁 書 院 亦 有 13 名 「 尖 子 」 下 學 年 提 早 入 大 學 ， 校 長 譚 兆 炳 預 計 ， 若 降 低 「 尖 子 」 要 求 至 3A ， 合 資 格 人 數 會 大 增 3 倍 。 他 說 ， 擴 大 「 尖 子 計 劃 」 ， 中 學 須 調 整 課 程 、 班 級 結 構 ， 若 2005 年 推 行 便 不 夠 時 間 準 備 。


教 統 會 主 席 王 易 鳴 說 ， 不 反 對 加 快 大 學 4 年 制 ， 但 要 漸 進 推 行 ， 中 學 須 與 大 學 銜 接 。 她 希 望 整 個 計 劃 以 務 實 態 度 進 行 ， 中 學 「 三 加 三 」 制 高 中 指 引 最 快 可 於 2006 年 公 布 。

睇完成個人當堂灰左
我d自卑感又起啦
我其實係一個好自卑既人...係唔可以受到太大既衝擊
第一灰：拔尖後，餘下中七入U率低左
第二灰：眼看見新聞裡面咁大隻熟悉既校名，話乜乜乜.....勁灰
第三灰：咁多人有咁多A，睇返自己，真係覺得自己好「咋」，咁幾成績上到中六都已經算偷笑
第四灰：熟悉既校名有熟悉既同學，有幾個我仲同佢地幾friend架添，當年跟他們不相伯仲，還可能比他們更好，現在彼君已可憑數條A直搗黃龍（大學），我呢......
第五灰：近日，媽已經不停在講拔尖，話阿乜乜乜又拔左啦，阿物物物又拔左啦，我個心會點諗呢?
第六灰：貼貼切切的極度覺得自己就係果d被稱為既「名校垃圾」、「名校既渣滓」、「名校既籮底橙」、「精英堆中既垃圾」，灰到不能再灰
點解會搞成咁架呢？可唔可以時光倒流，重頭黎過?!定還是係我根本不配係名校生存架呢？入U對我來講其實係咪遙不可及呢?
心裡面好煩，就好似有無數既冷線打左個大KICK咁
灰到有D想喊......

>>August 25, 2003 at 4:45:19 AM GMT+8

2003 年 6 月 9 日 星期一 【雨】

notwithstanding the rain is so heavy, i am in good mood!
今日一早落雨就落到天黑，冇停過咁喎～
朝頭早十一點到下晝兩點幾果陣最大，真係有遮都冇用呀，肯定成身濕晒！
唔知點解天文台又賴死都唔肯掛紅雨禾，淨係掛左個黃雨，唉，有鬼用咩！～

尋晚想做功課，但係太(支力)啦，訓著左...
結果搞到今日要返學拿拿林清晒佢...

放學去左中央圖書館
原本lunch想入大坑食雲吞河，之但係個天好似倒水咁，如果我去果ｄ麵檔食，實連雨水都飲埋嗟，所以唯有去圖書館果間delifrance啦
原來果間野賣ｄ野唔同出面果ｄ delifrance架禾，仲要貴ｄ添呀，唉...算啦...我都好少去果間野食既，我去皇室果間多ｄ
就係咁o係圖書館度度過左我既下晝勒
望住窗出面橫風橫雨又間唔中聽到行雷聲都幾「過癮」架喎
lei hae就係lei hae左ｄ，不過都係一個好日呀

唔，6月9日，係我個website成立一周年紀念禾，都唔知有咩可以賀一賀佢呢?
要host一個site一年都唔係易事架
好佩服ｄ人可以Host個site host到咁耐，仲越黎越靚架添！

>>August 25, 2003 at 4:48:16 AM GMT+8

2003 年 6 月 8 日 星期日 【陰】

好難得今朝一早起身同阿爸阿媽落街散步
行去海旁...個海濱公園...
嘩...仲以為自己去左維園同遮打花園...
事關好多菲藉人士o係度開嘉年華咁...
真係有d慨嘆香港做左菲國既「殖民地」....
anyway, 就係咁就行左成個朝早啦...
下晝自己返上屋企先，好無聊咁聽收音機...
執下野...有冇左個晏晝喎....
冇耐...阿媽返黎...
買左本日記簿仲附有一支玫瑰花添...
話送畀我做生日禮物云云...
我當然唔會就咁便宜左佢架啦...
就扮晒野話：「唔係呀化?!生日禮物?!」
阿媽就好快咁答：「係呀！你尋日舊曆生日丫嘛！」
我真係冇野好講....
話時話喎....尋日係我既舊曆生日...
今日呢...就係我表姊既新曆生日呀...仲有係我阿哥既新舊曆生忌(19歲囉~)
點都好啦...就快大考...個心好煩...唔想講野啦~

>>August 25, 2003 at 4:48:42 AM GMT+8

2003 年 6 月 7 日 星期六 【雨】

我有好多個friend今日都會去果個咩「心連心．香港再起飛」既活動...
個活動係o係赤立角搞既
話咩要藉此同香港人同埋世界講...
香港係唔會畀沙士打死咁話喎
話會再次起飛咁...
聽d friend講...
佢地個個都要朝早5點幾就出門口...><"""
嘩! 咁早...傻架?! 好明顯我果時仲係大覺訓緊囉...
要我去呢個活動? 實又遲硬大到!!! ><"""
點知佢地咁辛苦一早起身去到機場...
就係因為太大雨仲有行雷閃電...驚安全問題而取消!!!!
真係「鄧」d參與者可憐...
要人咁早起身不突止
仲要長途跋涉去到機場淋雨
之後話取消唔搞喎
真係徙晒人地一匡熱誠同精神
唉...天意弄人啦

>>August 25, 2003 at 4:49:09 AM GMT+8

2003 年 6 月 6 日 星期五 【雨】

個天好似穿左個窿咁...係咁不停「漏水」

今日上堂...
太(支力)啦...
又唔係好想聽書...
咁咪「趴」左係張檯度囉...
點知principal就係班房出面經過...
好彩小維即刻撞醒我嗟...
如果唔係就瘀到爆囉....

派返份中化test~~
頂！乜咁低分架
簡直係cannot be accepted!!
點算呀...個final實......

>>August 25, 2003 at 4:50:54 AM GMT+8

2003 年 6 月 5 日 星期四 【晴】

唉，唔係咁開心囉～
關於有人一再公開咁「數臭」我
我真係覺得好無奈、好傷心
尋晚為左抒發自己心中的鬱結
我用左成幾個鐘頭去打左一篇有6k size咁多字既文章上newsgp
打完既時候，時為兩點半
唔知搞d咩，搞呢搞路咁，咁又成4點半先訓啦
所以勁(支力)，勁眼訓囉，個頭仲有d痛咁添～ ><""

上UE Oral，佢地exam，我考左，所以咪打算用呢兩堂黎抄返d notes咁囉
結果呢，頂唔順，抄抄下就係咁托住個頭訓著左！
就係o係度同周公飲緊早茶既時候
突然聽到有幾下「閣閣」聲喎～
一擘大隻眼，就睇到ms. garland企左o係我前面啦～
擺到明頭先果幾下「閣閣」聲係佢敲我張檯啦
唉，勁瘀～～ ><""
ms. garland就問我editorial board d野搞成點
佢突然咁問我，我就即刻brainstorm下做左d乜囉
情況就好似部電腦係閂機狀態下，畀人開張左咁，即刻「啡啡」聲咁run野一樣～
都好彩，我仲用到d fluent english來答返佢，如果唔係就醜死
上完呢個咁既UE堂之後，recess lu~
就拿拿臨襯呢段時間prepare下下果2堂既presentation啦
唉，成組人有5個2個冇返呀，搞到我同小維踢晒腳，anyway，都過得去啦個presentation
又recess lu，吹下水，咁又完左
不過唔知係咪d人活躍過度定係d乜
成日將個排球掟來掟去喎
係人都怕左佢地啦
今日佢地又係度掟
就結果畀ms. wong捉到正，哈哈！
waste左2堂之後就空堂lu
拿拿臨去左library度check野
咁又放學啦
返到屋企，(支力)到我飯都唔想食呀
o係我張書檯面就放左兩張紙
內容係咁既：
「XYZ（小學同學）不用上中七，今年拔尖入讀香港大學法律系...（刪了數十字）...阿婆(該同學的外婆)問你（指我）今年讀哪一所大學和讀哪個學系，說如果是同校同系的話就好了」
我看完後
個心一灰
唉......當年我好多時都考得叻過佢架喎，but now人地都以文科8A成績拔尖入左HKU Law，我呢?...唉！
真係好灰呀
食飯既時候又畀我媽咪寸啦
灰灰灰灰灰灰......... :::><:::

>>August 25, 2003 at 4:53:21 AM GMT+8

2003 年 6 月 4 日 星期三 【陰】

又到「六．四」啦！
話咁快已經十四年lu~~
當年係電視機度睇到既片段仍然瀝瀝在目！～
今年支聯會係維園搞果個燭光晚會加多左個主題－「反對廿三」
唔知會唔會吸引多d人去參與其中呢?

anyway，講返今日先～
「六．四」其實係我婆婆既死忌
所以我屋企一早就去左寶福山度拜山
雖然天陰咋喎
但係就好熱呀
流晒汗
拜完山，我地就去左新城市中央廣場既酒樓度食飯
唉．．．都唔好食既
算啦～～
同舅父舅母表哥表姐阿姨say goodbye之後
就同dad and mom行下專賣傢俬燈飾既新城市中央廣場勒～
d傢俬設計又真係幾靚架喎
我仲諗埋第二時如果裝修架話
會點樣裝修
哈哈！ ^^""
係ikea打左個round
買左個書架
好野～ d folder從此唔駛好似山泥傾瀉咁成日「淋」晒落黎
行完中央就去行沙田公園
呢個公園我好細個既時候係成日到去既
不過面目全非lu
只係淨返個城堡係冇變樣既
但隻船就拆左lu(兒童遊樂場果隻船)
因為太熱既關係
我地決定去食ｄ消暑既野勒
勁正呀～去健康百景食甜品！
食完冇耐準備走既時候
就畀我見到曾Ｘ達同阿魏Ｘ芳手牽手咁暢遊新城市禾！！爆浪漫，真係羨煞旁人！佢地究竟幾時o係埋一齊架，點解我唔知既?!
Anyway，返到屋企勁（支力）～
冇計啦，尋晚都幾係夜訓，成４點先訓呀
今朝又要一早起身喎
尋晚點解咁夜訓？
咪就係走去學人開左個hkflash guestbook囉！
哈哈！～
呢排我都幾係成日跟風咁添．．．heee ^^""

>>August 25, 2003 at 4:54:21 AM GMT+8

2003 年 6 月 3 日 星期二 【陰】

個日記開左咁耐
我都係今日先開始寫咋
原本想o係6月1日寫既
但又勁忙喎
尋日又(支力)得滯 [<<<<乜咁多藉口架 ><"""]
所以都係未開始寫
今日終於的起心肝寫啦
仲一寫就寫成3篇添!!
就係寫緊既時候
toowei問我開始寫返我d日記未
哈哈
畀人催添
咁又係既
開左十世都係吉既內容
唔通開來淨係畀大家睇下後面個夜景咩! 哈哈!~

今日終於派返份 test paper
嘩！好野！
冇溫過書都有咁既成績
算係咁啦
唉，都係唔好咁開心住
個大考來緊啦
都未溫過添呀
都唔知點死~

>>August 25, 2003 at 4:54:58 AM GMT+8