2004 年 4 月 6 日 星期二 【陰】

等我講下份UE卷啦
UE既Writing正常返少少啦，我寫左第二題(即係volutary work project either for poor elderly or for primary schoolchildren newly arrived from mainland)，我揀左寫schoolchildren。寫左3版紙，自己感覺寫得麻麻，冇mock果時寫得咁暢快，mock個UE Writing我有15/18架！呢個我估冇咁高分啦~
跟住講下個RLS。頂！簡直係十年既卷最難做既一份卷！個MATCHING簡直唔係人做既！聽講話好多人都做唔切喎，好彩我做得切嗟，不過做得岩唔岩、出來既成績好唔好又係另一回事~
晏晝份PRACTICAL SKILL，變態囉，得2個TASK，但係TASK 1(寫REPORT)已經要成四十幾個POINTS！總共五十幾分一個TASK 1！我做左task 1先，結果份task 2好易執成30幾分既，就做唔切，剩返７個blanks，total唔見１４分(both content scores and grammar scores)，what a disaster!!!　不過又咁，好多人都做唔晒，但有好多人做左task 2先，穩揸30分先啦！
星期六份listening，又玩野囉，轉晒format，感覺上好似做junior form既listening咁，勁多表and pictures，even part 3果度要畫公仔囉，幾激！最搞野係個task 1有個calender，但做做下task 3係要你揭返轉頭做返task 1呢個calender架，真係史無前例！另外冇晒年年都有既"what does she want to know:_____"同埋"his question is about:_______"呢ｄ野囉。份卷由２ parts改左做３ parts囉！

星期日去左拜山，d 親戚好surprised咁話：「個高考開左波啦喎，你仲來？真係乖勒！」 -.-""
我個表姐係培正中學度教，佢係english同history既panel，做緊7A既班主任，哈哈！我都係7A喎，不過唔係培正之嘛！嘻嘻！成個朝早就係同呢位表姐狂傾計，係度講下個A-Level，佢今年又做examiner啦，係九龍城區做ue oral既examiner，but of coz唔係我個考場啦，因為我見唔到佢，佢又唔肯講係邊間做，話唔講得架喎，佢仲話做examiner之前要填一張form，聲明識唔識ｄ而家讀緊form 7既學生將會係同一個試場度考，佢當時係度諗：「咦，我表弟今年都form 7喎，但應該唔係呢區度考。」所以佢就冇「申報」到啦！～anyways，除左做oral examiner，佢今年都有做監考，已經做左中化同ue既監考啦，佢話今年ｄ卷好abnormal，尤其當佢睇到份中化速讀，佢話：「真係鄧你地ｄ考生可憐囉，邊有人咁變態要人一個小時睇成八篇野，仲要比較先得架，以前六篇individual架之嘛，搞到我勁擔心我班學生會考成點。」
佢話ue既writing最好揀#2同#3，佢話我揀得醒目喎，呢兩題會比較易作，佢仲話#4係trap來既，因為要寫晒3個人對瘦身既睇法，呢樣野會比較難；至於#1，唔係間間學校都有mmlc，所以可能會較為唔公平，最麻煩既係要講晒２面既好處同畀advice。
佢都聽佢ｄ學生report話份RLS好難，問我係唔係，我梗係話係啦，哈哈！
講到份LISTENING，佢就冇去監考，只係係屋企度聽，佢話：「咁多description既，係咪有好多圖?聽落份卷唔太難。係咪要做做下後面要揭返轉頭做返前面，果度混唔混亂，d instruction清唔清晰？我係度wonder緊卷份係點set囉。」當我同佢講返份卷係點樣，佢係度笑:「哈哈！乜咁junior form既卷咁既。畫公仔添呀？哈哈！」
作為佢既表弟，當然過左幾招畀我啦，呢ｄ咁私伙既野，梗係唔公開啦，嘻嘻，要問既，可以問返下培正今年7A既人（如果你識既話），佢話佢都係咁教佢Ｄ學生架咋，都係咁樣同佢地講。
佢問到我JUPAS揀左Ｄ乜，我同佢講左係HKU Journal、BU Broadcast Journal同HKU BA係BAND A，佢問我有冇揀cu journal，我話冇呀，佢問點解唔揀，我話佢咁難入，所以唔揀lu，佢話你既成績應該得架喎(=.=""")，要畀ｄ信心自己架嘛！（p.s.:佢係CU出身既，所以狂Sell CU畀我)
講講下就講左去方力申，佢話佢識SJC既林SIR（我一聽到就好SHOCKING，一聽就知係講緊林華棠啦，呢個世界真係細=.="""，我都唔係好知點解佢會識林SIR)，佢問林SIR有冇教過方力申，林SIR話冇，不過就盛讚Alex好乖仔，讀書都唔差架，表姐講完當然忍唔住自己加多幾句comment係度盛讚Alex「又乖仔，又叻仔，唔單止游水叻，讀書都唔差，真係全能，唔似喇沙同DB有Ｄ學生只係專責游水，咁唔全面」，跟住講完又講鄧兆尊，佢話：「聽St. Joe既老師講，鄧兆尊都係乖仔一名喎，出晒名好孝順。真係好仔勒！」（突然之間講咁多St. Joseph's既野，嚇到我傻左，最shocking係佢識林華棠囉！仲要講出來！之後又拉到去喇沙同DB來講，都唔知佢搞乜鬼）
冇耐，成班親戚就走來問我係咪個A-level已經開左波，仲叫我加油努力呀咁！（似足十atheletic meet and swimming gala時候，ｄ cheering team點樣yell for support咁！係Yell囉！唔係傾計咁講話加油就算！）
死啦，班親戚對我期望好高呀，搞到我ｄ壓力大到不得了！no offer就真係冇面囉！
唔衰得架今次！
加油！努力！ Do my very Best in all Subjects in the exam!

>>April 6, 2004 at 1:07:36 PM GMT+8

2004 年 4 月 1 日 星期四 【溫暖】

今日係愚人節
又係張國榮逝世1周年
時間都真係過得幾快
我仲好記得去年既今日聽到呢個消息既時候果種複雜既心情

過去既兩天
考左中國語文及文化科
考得好唔好就唔知啦
不過今年d format轉晒囉
速讀既文章數目由六變八
害死好多考生(好多人做唔切喎)
我就亂隊d答案落去
有做仲好過冇做既
聆聽就改左唔駛寫字，全部TICK格仔，史無前例!
實用文、文化同尋日既聆聽......唉......唔好講啦，費事小氣。

聽日考UE
希望來緊所有既科目都可以考得好好睇睇啦

打　呢　場　仗
絕　不　手　痠

>>May 5, 2004 at 3:34:43 AM GMT+8

2004 年 3 月 23 日 星期二 【微冷】

嗚.......好辛苦呀.......原來感冒係咁辛苦架!!!!!!
又頭痛、又發燒、又嘔又咳.........................乜都有!!!!
辛苦到真係坐立躺不安
病到我要申請reschedule個UE ASL Oral exam
我星期六晚開始發病架啦....到今日都仲未好返..... =.=""""
希望可以快d好返啦......

P.S.: ue oral 由3月22日考改左去3月26日6點檔考
Leo 3月22日21歲生日快樂

>>March 23, 2004 at 5:39:38 PM GMT+8

2004 年 3 月 19 日 星期五 【炎熱】

嗯，今日係台灣總統大選前夕，下午一點九，係台南就發生左一件好大件事既事件－台灣陳水扁總統及呂秀蓮副總統（執政民進黨候選人）係遊行拜票期間，被人用槍擊傷，幸無大礙，這件事分明就係一件政治暗殺／行刺事件，而且發生係總統大選前夕，令人更加憂慮台灣今次總統大選既安全以及台灣的前途同和平。儘管睇下聽日既結果，會唔會因為槍擊事件而令失去民心的民進黨挽回劣勢，成功連任，再次擊敗國民、親民兩黨聯盟。

>>March 20, 2004 at 3:17:00 AM GMT+8

2004 年 3 月 14 日 星期日 【陰】

今日聽到一個好shocking既消息
濤濤得到尤德爵士紀念基金高中學生獎
佢尋晚提都冇提過呢樣野
如果唔係Leo都有得到and同我吹噓
我一定唔知
點都好
恭喜晒兩位啦!!!~

今日係一年一度既SJC Green and White Day
今年已經係Saint Joe既129週年
仲記得上年既情景......
唉......時間係唔會等人既.......咁快又過左一年啦
諗返轉頭......我真係幾後悔果晚冇去Saint Joe搵陳道維
而家樓房仍在，人面全非.......
我諗返當時邊有人諗到過左幾個禮拜之後，香港死左咁多人，學校要停課，爆世紀絕症SARS丫
至起碼果日既GnW Day.......個個都好high、好投入，冇乜顧慮
但係原來「歡欣」背後，有好多野既發生係我地唔知，外表睇唔見，尤其是埋係人心入面既野
不竟過左一年，該聚再聚，該散就散，就係咁，人根本係冇選擇既權利既，一切隨命運所擺佈，縱使你有幾頑固、幾put effort落去，但到最後你都係要向現實低頭，冇人逼過你放棄、心淡、心灰，而係現實、命運要你咁樣。
今年因為冇人同我去Green and White Day，所以我最後都冇去到。
出年啦，130校慶再見！


P.S.: 劉浩賢 3月8日 20歲生日快樂!

>>March 15, 2004 at 1:34:51 AM GMT+8

2004 年 3 月 5 日 星期五 【微冷】

我個screen唔知點解好奇怪呀．．．冇開幾日電腦嗟，就好似short short地咁．．．成日係咁閃
一時放大一時縮細，當然唔係話好誇張咁，不過都好顯眼
嘻嘻，似乎我既lock機計劃幾成功咁喎，起碼我可以唔開機４日咁多．．哈哈
話時話，就快考a-level勒，連准考證都拎埋，真係要好收拾心情準備呢個一戰定生死既高考啦
第一日考既日子係３月２２日，去聖母院書院考UE Oral，真正既考驗係３月３０日開始，戰場係長天既連續幾日中英大戰，其他既科係協同、銘賢、彭學高、劉皇發，同埋最後５月１１日(mom's birthday!)戰場係鄧鏡波既中化oral勒！
加油呀！

>>March 5, 2004 at 9:57:53 PM GMT+8

2004 年 2 月 29 日 星期日 【微雨】

4年1度既2月29日......祝今日生日既Andrew生日快樂先，好難得呀，哈哈，20歲仔只係過左5個生日！～

聽日開始就踏入作戰期啦.......我會少ｄ開電腦架啦......個newsgroup就情商左eric同我代為保管，really really needa give thanks to ERIC啦!!!!.......但個日記呢，真係唔知點算好......我盡量抽ｄ時間寫啦唯有........

尋日終於買左EDISON最新既大碟《PLEASE STEAL THIS ALBUM》，我格過價先買架，有$89、$95、$98、$109、$130不等，我就以$89買左勒，最搞笑就係賣$109果間係Ｄ舖頭仔，即係係街邊成日有Ｄ VCD SHOP大嗌$10隻VCD果Ｄ，但係$89就係CD WAREHOUSE呢Ｄ大舖！
我初時仲以為隻碟會好大隻架添，原來係細SIZE，岩岩係一隻碟既SIZE，乜都冇，相冇，詞冇，只有８個封套（岩岩入到一隻碟咁多既紙套）同一隻CD、一隻VCD，勁簡陋，BUT D歌既質素唔錯架，係香港樂壇既突破！
誠意推介《香港地》

>>May 5, 2004 at 3:35:17 AM GMT+8

2004 年 2 月 25 日 星期三 【陰晴不定】

睇下，話咁快就來到２月底啦，仲有一個月唔夠(計埋oral）就要考A-level啦！
為左面子又好，為左唔想再後悔又好，為左理想又好，我無論如何都要考好佢架啦！
呢排諗返起過去呢七年，其實我都幾多得著架啦．．．詳細既，考完個a-level先再寫啦~~

>>February 25, 2004 at 5:48:17 PM GMT+8

2004 年 2 月 15 日 星期日 【晴】

嘩！好彩個日記仲未摺嗟！我咁耐都冇寫過，真係好驚佢就此摺埋！～

前日係濤濤生日，happy birthday ar!!! 19歲!!!!

尋日既情人節，我真係多人約勒，因為我約左鋼琴miss啦同埋d補習阿sir，仲唔多人約?!嘻嘻

講返今日啦，我岩岩係黃埔返來冇耐，點解去黃埔？之唔係去考柏斯既升級試囉，唉，我都唔知考得好唔好架，我自知既意外(即係大意外)就冇乜勒，細意外就要睇ｄ專家點評啦~~~

就快考a-level，2004呢個考試年，加油啦！一日未到終點，冇人知結果既！多謝eric既一番激勵呀！

>>February 15, 2004 at 4:39:44 PM GMT+8

2004 年 2 月 2 日 星期一 【陰晴不定】

嗯，近排好多野煩，個mock同A-LEVEL已經迫在眉睫，但我仍然未好有系統咁將個SYLLABUS溫過，只係碎碎濕濕咁睇下，分分鐘過眼雲煙果種，大鑊啦咁！而果個TAS既PROJECT，就真係凍過水，我而家都仲未開始寫呀，２月１６日一定要交啦，真係A HUGE CAN OF PEPSI TWIST!!!　今日睇左份TEST卷，唉，真係灰左囉......點算?我真係唔知點算......

toowei told me his final decision on that incident, i feel pity abt it. but what can we do for that? we can't choose the way, God knows it. he saw pc got online but i can't see that...what does it imply? does pc feel angry or whatever negative feeling on my participation in this incident? i dunno...juz feel mo dare....

今晚終於收到明報打來既電話，話會畀返我係舊年暑假去佢地度做實習既「糧」我啦，我仲以為我份「糧」會凍過水既添！～哈哈，支票抬頭係寫我個名架，哈哈！第二次出「糧」既感覺就係冇乜野咁，唔似我第一次出「糧」既時候（2001 census)咁興奮。

我個樣係咪真係好水魚feel呢? 點解我上個禮拜六(1月31日)發生左一連串咁奇怪既野係我身上架呢?
早上去２００４香港郵票博覽，岩岩傾完電話，估唔到人就已經行左去「我的郵票」(影你張相來做郵票）果個展館，畀成班為數3-4個臨時工作人員（中學生）截住我，係度氹我去影呢個郵票，講真我冇打算去影，我問佢地幾＄，佢地話$80，嘩，真係好貴，但畀佢地成班係度用ｄ口甜舌滑既咀頭圍攻下，搞到我要駛左呢$80佢....臨影既時候，見到997既李麗蕊同鄭啟泰，佢地個兒童節目好似都係果日去郵展。 anywayz, 係個郵展度都有斬獲既，駛左唔少＄，唉。
跟住落銅鑼灣補習，一補完落樓，就畀California Fitness既promoter截停，係度同我hard sell佢地果個一個月$150試玩懶係抵既優惠，of coz又係果句：「做埋今日架咋」and一大輪好好聽既說話，and好多反駁我既拒絕，如：「A-level梗係要做多ｄ運動，等個腦醒ｄand個人健康ｄ去打呢場仗啦，仲有呀，你都會諗住升U架啦，U入面有咁多呢ＤGYM野，而家$150咋喎有埋BODY CHECK，有埋健身教練，仲有乜野都可以任玩喎，又可以參加Ｄ興趣班學下HIP HOP咁，去到O CAMP都醒過人啦，上到U用到GYM野，又可以識用喎仲可以教埋Ｄ同學點用添呀！仲有男仔要"FALL" d先好睇，咁先至吸引女仔架嘛~」......由於我畀佢地為數２人咁前後夾攻逼到我去欄杆，搞到我冇得走，唯有駛＄１５０啦，唉，揀左尖沙咀HMV對面果間CALIFORNIA。個PLAN話係申請日起計20日內生效，為期一個月，我問佢係點解，佢講左一次，我問佢：「咁係咪即係話我要係2月19日要去第一次CALIFORNIA，假設我係18日去既，就3月17日到期？」佢話：「乜你咁醒目既，我同Ｄ下屬講解左３個月佢地先明，我講一次你就明左啦，咁醒實入到大學啦....」...................
根住我過左尖沙咀，係海防道又企左Ｄ人做問卷調查，其實果份關於PART TIME既問卷我做過架啦，亦都推左唔少次，今次係一個後生仔來截停我，我同佢講：「我做過架啦。」，佢：「咁你記唔記得邊位同事同你做架?」我：「太耐啦，唔記得啦。」佢：「哦，冇，想睇下而家Ｄ年青人會點找PART TIME嗟。你應該FORM 7啦呵？」我：「係呀?」佢：「有諗住升U架啦?」我：「有啦梗係。」佢：「我覺得你係Ｄ名校生來既，咁你係邊間名校出來架?」．．．「我係喇沙仔來架，而家讀緊UST BBA既YEAR 3。」(咦，即係ERIC同ANDREW既UST師兄)．．．「留低我個電話啦，你５月都考完A-LEVEL啦，我到時CALL你，睇下有咩工OFFER畀你啦」........

同晚，我同劉浩賢講返呢單野，佢話呢３件事實在太好笑啦，AND SAY ME SO STUPID喎，車，你呢個ERIC咪又係成日畀日當水魚，好似佢果單保險儲蓄咪又肯落搭，仲有佢Ｄ CLUBS呀，果Ｄ呀，佢咪又係都係咁，仲好話我喎，五十步笑百步。

*星期日補返上鋼琴，STAFF話:「丫，呢個MISS D學生個個都咁有書卷味既，咁斯文......你係咪又係讀緊大學架啦？」我：「未，FORM 7之嘛。」STAFF:「都就快啦，咦，年級同學琴級數成正比喎，阿XXX佢YEAR 1，8級，你就7級，學8級考試歌未呀?」我：「未呀，唔知幾時呀。」STAFF:「都就快啦，睇你個樣都實升到大學啦。」.............上堂>>MISS:「丫，我有野想問你，你點樣係喇沙行去太子站架?」...........

>>February 3, 2004 at 1:20:40 AM GMT+8