2004 年 6 月 15 日 星期二 【晴】

太耐冇寫日記，成個6月就咁過左一半啦。就等我回顧下呢上半個月做過ｄ乜啦！

6月3日
去左沙田個香港文化博物館度睇「公屋發展50年」及「香港錢幣」展，兩個展覽都分別用左唔同主題去回顧香港既歷史、文化、民生。原來18xx年果時都已經有人造假鈔架啦，勁！

6月4日
15週年啦！當年只有4歲未夠既我睇住新聞報道影既片、講既野，已經好有感覺，好震撼！呢件事我絕對唔會忘記既！邊個話細路仔唔識世界架？！細路仔都識分是非黑白架，唔係你講就會信！我有眼同耳架，聽到睇到，唔通我唔去信自己走去信你地？！
好彩，仲有八萬二千人有ｄ良心，去參加晚會，好似話當中有唔少內地旅客專程參與，仲要帶ｄ小朋友落來香港參加晚會以畀d小朋友知道同感受咩叫民主自由既氣息喎，唔錯唔錯！

6月6日
去左將軍澳既東港城，開左咁耐都係第一次去，都算大喎，個吉之島好行過荃灣屯門果ｄ好多，似返康怡既吉之島，似返間日本百貨公司。不過真係好多人，市道似乎真係好左好多喎！
終於返來東薈城間豐澤買左部SONY WEGA，正！

6月7日
成大班同學去左食PIZZA HUT，有個WAITER叫BILLY，幾鬼搞笑，佢笑起上來幾得意，有D尷尬樣咁，哈哈！鬼咩，畀人玩丫嘛。佢斟完水，斟第二個既時候，畀人夾左塊檸檬落杯水度仲要問：「點解你斟斟下水會有塊檸檬係杯水度既?」哈哈！

6月8日
哥哥生忌and表姐生日。打左畀表姐say happy birthday，結果約左6月14日去食餐飯。

6月11日
我部手機收到個voice msg（下午3點56分)：
女聲：喂，阿希呀？我係阿May呀，好耐冇聯絡啦，有時間畀個電話我呀。61866652，bye bye!
把聲有ｄ豆沙喉。
嘩！我已經唔係第一次收到phone call話揾「阿希」架啦。之前都一直收到唔少不下十個既搵「阿希」既電話，總之我一聽對方就會話：「阿希」呀。今次voice msg，佢明明係聽晒我果個用我把聲錄既原音but勁玩野既開場白佢先錄架，都可以仲話「阿希」既～
好神奇呀！阿希~~~~

6月12日
去維園睇「熊熊愛心連世界」展覽。果度有成120隻巨型bear bear由全球唔同國家既藝術家設計．每隻bear bear代表一個國家，多數都展示左果個國家既文化、特色等咁。最靚既係美國自由熊像同加拿大既瓷碗熊，中國熊果件肚兜wif鬍鬚破壞晒ｄ美感，唉！
係世貿中心買左兩包茶－粉紅玫瑰and唔記得咩菊，個sales叫Joey，好靚女架！
係百老匯睇中左nokia新機6610i，有收音機，有相機，wap，紅外線，彩芒，唔記得幾多和弦鈴聲，many many functions，樣又靚，好正！價錢果度唔太貴果度至正！超級心水機！！！！！

6月13日
yeah yeah yeah!!!!!!!! 去左九龍灣德福，勢估唔到，見到PCCW係果度搞展銷，居然有nokia岩岩係呢個禮拜新出既6610i !!!仲要係One2Free將佢納入學生價範圍出售既機種!!!!! 我只要$1088就買左呢部心水機，勁開心!!!!! Thanks Mom!!!! ^x^ 原本係要證實我上到大學先買架，但而家早左咁多買...唔知..... 跟住，即刻轉埋台去One2Free既學生plan，我睇左好耐架啦，and同parents商量過，估唔到佢地果時已經罕有贊成我用One2Free架啦，今次仲直情人地岩岩同我地推銷完就即刻返轉頭即買即轉台，其爽快程序係我從未見過!!!! 就咁，我就有左部先進咩功能都有既靚手機勒，而我部舊3310賣埋畀PCCW仲有$210回贈，正！勁開心！！乘機轉埋用我個名來登記，哈哈！
買左部新手機同轉埋台後，行到去中原電器，老竇想買鬚刨喎，但冇佢之前係百老匯睇岩果隻款，於是去左泰林睇有冇，結果鬚刨就冇睇到，就去睇左部mini hifi，好靚架又慳位，話擺係mom間房度，睇左價錢都係$998，panasonic，差不多啦！之後，去左對面既百老匯度睇，今次真係睇鬚刨勒，有貨，所以即買，我拿拿臨趁佢未畀錢之前，即刻係佢後面拎個銀包出來畀錢，畀左個好big既surprise佢做父親節禮物，開心到佢面都紅晒，人地試部鬚刨畀佢睇佢都唔睇，哈哈！最重要既係...........佢應承左送部LCD MONITOR畀我做生日禮物呀!!!!! 真係超開心，好少可囉！（原來百老匯賣果部panasonic mini hifi只係$990，平ｄ架！）
返到屋企，老竇即刻走來我間房係度左度右度，打算大執位，書檯上面既掛牆書櫃會拆，轉做層架擺SCANNER, PRINTER，成部電腦會轉過去擺書檯隔離既檯面度，咁樣會方便好多，而原本擺電腦既位置會買個衣櫃加書櫃，嘩哈哈，係正喎！跟住佢研究拉條TV線入我房，擺部電視機仔入來，估唔到咁都畀阿媽贊成，好少可喎！今日真係勁超開心，真係笑逐顏開！

6月14日
應表姐之約去左尖沙咀既tomato cafe度食lunch，唔錯喎．不過食完果時隔離檯有人食煙，即刻趁機走人，想坐耐ｄ都頂唔順。
行海港城，冇乜斬獲。轉戰美麗華千色店，mom買左個鏡盒送畀阿姨做生日禮物，果個鏡盒同佢係月初係文化博物館買既同款，不過千色店貴成五十蚊喎。
送走左表姐，我同mom行返去新港中心，佢唔想入~H2O+，怕D sales煩，叫我去幫佢買，擾攘一輪，去左muji買左本簿仔，去pit>in買左支筆，咁就寫低左佢想要ｄ咩我幫佢去買。
一入到去~H2O+，就畀張紙叫個SALES幫我執啦，佢一睇....... (H:~H2O+ Sales M:Me)
H：哦，全部都係水中美白系列架呵?
M：係呀
H：哦，不如我介紹你買呢隻水中美白系列既GIFT SET啦，有齊晒架啦，$3000咋嘛，仲有埋八杯水。而家買呢隻GIFT SET仲可以即時做埋VIP，咁樣就有即時畀返八五折你架，即係$2550咋。
經一輪比較GIFT SET同散執既價錢後........
M：果個GIFT SET即係平D啦?
H：係呀，仲有因為呢個係$3000架嘛，我地買滿$3000就會送一D旅行裝畀你架，可以任你揀邊幾隻PRODUCT。仲有VIP喎，永久VIP來架，第時再來買有八五折，而家慳返Ｄ，第時又可以慳Ｄ喎。個GIFT SET仲有埋新出既擦斑同眼霜添架！
M：(醒起MOM有興趣買埋果兩隻同LINE新貨)咁好？散買係咪貴Ｄ呀？仲有哩，我媽咪已經係你地既VIP啦喎，我唔駛VIP都得架啦。
H：梗係貴Ｄ啦。原來你媽咪已經係VIP啦，咁我幫你查下丫，你有多張VIP都無壞架。
M：咁又係.....
結果就咁幫MOM買一買野，居然做左~H2O+既VIP。
H：咁乖既，幫媽咪買野。畀我就唔肯LU~你媽咪唔得閒來呀?
M：係呀，咁我行開街咪幫佢買埋囉。
H：係咪送畀媽咪架？
M：唔係架，佢生日過左，送左第二樣野。(之唔係FANCL激白激淡斑囉，好似又填左FORM做MEMBER？唔記得LU~計計下，我又唔買果Ｄ大護膚品牌但居然有齊~H2O+、FANCL同BIOTHERM既會員身份，好似之前mTm都有填過添！奇！）
H：你媽咪張VIP係咪唔係香港申請架？
M：唔係呀，係荃灣果間開架，不過好多年前LU，你地一Launch香港就幫襯，果時佢做埋vip啦。（經查證，~H2O+有既係我屋企既舊電話號碼，我屋企轉左號碼都好幾年，真係幾耐下，而我呢度所講既荃灣門市係指英皇娛樂廣場果間，原來而經執左！我都唔知添！）
H：你係咪係香港住架？
M：(大驚)下？乜你地而家好多內地遊客來買野咩？我梗係住係香港啦。
H：唔係，因為我覺得你好似係外國返來，所以咪問下你係咪住係香港囉。
M：(錯愕)哈哈，點解你會以為我係外國返來既？
H：個feel似囉，同埋好有學生feel，你係學生呀呵?
M：係呀。
奇！認真奇！

6月15日
豐澤終於送左部SONY WEGA來啦，YEAH!!!!!!!!! 有環迴立體聲架，好似有埋DOLBY音響，好正架！樣又靚，好似電影銀幕咁架！

>>June 15, 2004 at 6:23:12 PM GMT+8

2004 年 5 月 31 日 星期一 【酷熱】

wow.......今日真係好熱呀.......32C!
其實考完A-level咁耐都冇乜做過d乜野，日日都好悶，原來百無了賴都幾辛苦架喎。

5月24日同喬烽補慶返生日，遊蕩至11點，都未算夜啦，因為我早走先。濤濤原來已經找到暑期工係One2Free做salesperson，又係呢行.......佢真係對推銷好有興趣。

5月26日去左星光大道度睇，順便睇埋幻彩詠香江。cher～幻彩詠香江一d都唔好睇，反而仲覺得有ｄ悶同無聊，講真丫，香港夜景不嬲都咁靚架啦，咁dum本加左呢ｄ燈我又唔覺得靚左去邊，其實成個海旁既樓咁光殘殘，加左果ｄ「特別效果」燈都唔顯眼啦！有ｄ失望，而且原來冇煙火效果，it sucks.
星光大道其實就係新世界對開既尖沙咀海傍，裝下修就變左著名既旅遊景點。成條大道既design唔錯，不過就嫌唔夠多「星」，有ｄ好有份量既都冇名，其實成條大道咁長，整多幾十個都冇問題，咪咁寒酸啦。

5月28日，好唔開心既一日，其實嚴格來講，呢ｄ唔開心係累積返來既。至於點解唔開心，唔想再提啦。「你跑得太快，我行得太慢。你唔等我趕上，我永遠追不上，我累了。」
去左享受quality of life來安慰自己～行下街，high下breakfast咁.....去左冇野睇既數碼港，果度既百佳用數碼價錢牌，夠晒先進。估唔到方力申會在5月30日係數碼港搞演唱會。近佢屋企啦！
thx for someone makes me feel better.

5月30日，心情好左好多好多，仲幾開心下添。great great great。
去左馬灣玩，原來冇野睇，變相行荃灣，好耐冇去過荃灣，乜原來變左咁多架啦！爭ｄ唔識行．．．哈哈！～
btw，馬灣既珀麗灣開售，搞到好鬼多地產經紀@葵芳，行去搭珀麗灣巴士既時候，畀好多好多agent包圍問：「係咪睇示範單位架?我畀ｄ資料你睇下啦。blah blah blah」認真落力！一心以為去到馬灣就唔會咁煩啦，估唔到行左冇耐，殺出幾個agent出來：「係咪來睇地盆架？」嘩！真係無處不在。奇怪既係，葵芳同馬灣既agent我唔係好見到佢地經常"lau"客架咋喎，企係度多過乜，乜我行過嗟就有咁多agent走埋來架，我樣似來買樓咩？(same thing happened to my mom)
有d annoying～
青馬大橋近睇，初覺好宏偉，但睇得耐有種壓逼感。馬灣上面係飛機航道，ｄ飛機幾係低飛下，係正頭頂經過，都幾嘈下，珀麗灣似乎取代左九龍城......

>>May 31, 2004 at 6:22:21 PM GMT+8

2004 年 5 月 20 日 星期四 【陰】

尋晚突然諗起要check下我有份「投資」既RadioNetwork個email，其實就真係不嬲都冇人會send email來，所以就好少去check，收到既係junk mail居多，更加懶得去清理。好surprise，原來有位聽眾在4月11日send左個email來，仲係「求職」架添，我一睇到之後就立即inform左我地rnhk既ceo－jason，佢同我一樣都好surprised，咁就拿拿聲回覆左果位聽眾「求職者」勒，真係開心，有人支持喎，仲想加盟成為一分子添，難得難得！佢呢一封email令到我地精神為之一振！

講下今日啦。今晚我真係好開心，因為媽咪d朋友約左佢同我地成家去銅鑼灣2000年廣場既音樂農莊民歌餐廳度食飯補祝我媽咪生日。果度ｄ環境超正，好有「動物農莊」feel，又有人現場演繹folk songs，d野食唔錯，我尤其最愛佢既蒜蓉飽，唔食真係蝕晒，好香、好脆，味道岩岩好，真係未試過咁好食既蒜蓉飽，值得推介！媽咪叫左一碟鵝肝，隻碟就大勒，但得三小片鵝肝、三粒藍莓、三小片火龍果做伴碟，賣相夠晒靚，味道都唔錯，但就真係small size左ｄ卦，咁既份量仲少過一個tea set，仲要乜都唔包，淨價$95！堅呀！我就叫左燒大蝦拼薯焗元貝，唔錯架！雖然ｄ野食真係又靚又好食、環境氣氛又一流，不過果度既甜品就差ｄｄ啦，唔好食既，而果度既價錢都幾係貴架，不過算啦，食氣氛環境service同main courses and 蒜蓉飽值返晒！由於係補祝媽咪生日既關係，個live "band"特登唱左首生日歌仲到全場既賓客講"elsa生日快樂！"，仲有蛋糕and即影即有寶麗萊，wow!!!!!
食完我地成行七人落左city'super，食滿記甜品，好正！我叫左芒果豆腐花，佢地叫芒果／榴槤pancake，全部都唔錯唔錯，我地仲買左２盒返屋企食添！

（p.s.：前日去salon剪頭髮，未試過可以咁滿意，好開心呀！今日去biotherm拎試用品，biotherm送左支biotherm anti-age homme畀我，雖然係試版，細細支，但原來要買架話都要成$300i度架！）

>>May 21, 2004 at 3:35:14 PM GMT+8

2004 年 5 月 18 日 星期二 【晴】

今朝去左hku music既aptitude test，原來分左兩場架，我係第一場。入到去個lecturer rm，都唔少人來考喎。
個test分左5個sections，頭2個係listening，全份卷都係music theory and music knowledge。有ｄ題目幾淺，有ｄ就幾係深下。居然畀我估中，一定有問cadence既題目，當然仆直啦，我一早唔記得晒呢ｄ野啦，話晒我係6年前考5級樂理。
有幾多人早走下，唔知係佢地勁得滯定係唔識做，不過我盡左力就算啦。
其實好彩我有去到個test咋，原來話BA music係double major架，而且hku music有得讀pop music，so funny!!!

>>May 19, 2004 at 4:44:47 PM GMT+8

2004 年 5 月 15 日 星期六 【晴】

今日去左HKU個Social Science Orientation Day，估唔到見到好多我識既人喎～
去完個o'day，約左jason畀notes佢，之後去左食豆腐花，唔錯唔錯
Leo聽日去淺水灣豪宅做lifeguard替工，工作順利呀！
冇乜野好講，只係知道好熱! =.="""

>>May 16, 2004 at 3:30:54 PM GMT+8

2004 年 5 月 9 日 星期日 【晴】

今日係母親節，happy mother's day呀媽！

今日趁黑雨翌日去左梧桐寨睇瀑布，行上去係辛苦d，但上到去果三段瀑布（井底瀑、中瀑、主瀑）又真係幾靚既，雖然比起其他國際性既瀑布來講唔算得宏偉，但都算係咁架啦！
估唔到今日都幾多人上去睇瀑布喎，有一定大細、有情侶、又有一d年青人，亦都有幾多外籍人士。
井底瀑係三段瀑布中最低既，好有一種自然既美態。中瀑當然係中段啦，比井底瀑長ｄ同水流急ｄ，有ｄ氣勢。主瀑係最頂既，亦都係最長既一個，水流雖然冇中瀑咁急，但都算有氣勢架。
有個好靚仔既年青男仔索性除左件衫同鞋跳左入去個瀑布底既池度游埋去瀑布度影相，只係聽見佢猛話好凍好凍，影左一張相後，就即刻游返上「岸」，佢都算係幾結實既男仔來既，但都猛話凍喎，可想而知，ｄ水又應該真係幾凍。

返屋企開信箱，發現hku dept of music叫我去參加aptitude test，話我切合左入hku dept of music既基本要求/資格喎，不過就要去測個written test，and之後有可能要interview。REALLY SURPRISED!! 睇來要溫樂理啦~

>>May 9, 2004 at 8:36:15 PM GMT+8

2004 年 5 月 8 日 星期六 【颱風】


嘩！場雨由尋晚凌晨一直落過唔停，我半夜起身閂窗都閂左幾次！真係大雨都無麟！
由凌晨４點幾掛起黃雨警告到朝早六點八掛起紅雨，冇耐到七點四掛起黑雨係今年（其實係幾年來）第一次掛黑色暴雨警告！不過八點度又掛返紅雨啦，因為黑雨掛出既時候，香港上空出現漩渦，帶來更多既雨量，但個漩渦走得好快，所以就掛返紅雨勒。
其實唔單只暴雨，仲有雷暴架！
今朝既英文聆聽會考延期，ｄ form5又多左一日假期勒！
by the way,　我見到隔離山有瀑布睇呀！嘩嘩嘩～～

>>May 8, 2004 at 10:08:39 AM GMT+8

2004 年 5 月 7 日 星期五 【陰】

考完個A-Level之後，成個人既感覺好似好無聊、好空虛咁，又開始有ｄ胡思亂想勒！
我又開始擔心我上唔上到大學同入唔入到我喜愛的大學以及學系既問題
真係越來越覺得「機會」同「命運」對一個人成唔成功都好重要，如果冇左呢兩樣野，縰使你幾咁努力、幾咁有實力都唔會令你成功，呢ｄ咪就係叫「懷才不遇」囉！
命運呢ｄ野冇得強求，係你就係你既，唔係你既就永遠都唔會係你既，冇得好冤，只怪自己條命係咁，見路就行啦。雖然有人會話我咁樣似乎冇乜遠見、冇乜理想，但事實係唔係人人都有條件同際遇、本錢去講遠見同理想囉，係人既理想都係完美架，但係咪真係做得到呢？達到目標之前，仲有好多不明朗因素同埋話唔埋既運氣去改變件事既發展，達唔達到理想有時唔到自己控制。
今日趁得閒睇下ｄ大學升學既野，驚覺hku bjournal可能會係呢個月interview喎！三語齊備但形式未定。煮到埋來就要食架啦，冇得唔食，可以準備既，但都係靠自己臨場表現最重要！不過，我都唔知人地會唔會in我喇....
尋晚係咁耳睇過下今年clc oral既題目，有ｄ都幾難講，真係有ｄ擔心我個人短講點捱三分鐘，不過算啦，淡定有錢剩，唔好嚇自己先。

轉過話題，母親節同媽咪既生日就快到，亦都係我clc oral既日子就快到，過左阿媽生日即係我考晒a-level既時候，d節目有排忙囉....先係即來12號要去港台interview，成功既話，有機會搞太陽計劃。之後呢，就勁多information seminar呀，orientation day呀咁，不過我只係暫時收到hku既野咋喎。聽聞ust bba已經開始左interview啦，但好似話十個有八個都係global business，glo biz呢ｄ野咁勁，點會輪到我丫，何況我冇揀！哈哈！講開ust，前晚ust社際籃球賽有ｄ推撞時件發生搞到好大件事，電台做晒頭條新聞，報紙都連續兩日頭版跟進報道。問下讀緊ust bba既劉浩賢啦，佢話冇傳媒講到咁大件事，係ｄ人煲到咁大嗟，仲話好不滿ｄ人用「群毆」、「校園暴力」來形容喎（that's y i said推撞事件instead)，不如用「劈友」咁仲好啦咁．．．．畀佢激死！咁又難怪既，畀在我呀，如果我都係好似佢咁係ust度讀緊仲要係涉事其中既冰川人(house 3)，就真係唔知好嬲定好瘀啦，實有人問件事係點架，係咪?　佢話我八卦得滯，係佢立場來講，又話得冇錯既。

無聊睇左Austin既diary，有樣野睇完好有共鳴.........
人生就好似一架火車，而個目的地係邊、有幾遠冇人會知，駕駛住呢架列車既係自己本人，每個人生既階段就好似一個個中途站，每個中途站都會有人上車、有人下車，有人搭得耐ｄ，有人好快就會落車，上得車既都可以話同自己係有緣既人，佢地坐係邊個位亦都代表佢地係自己心目中既位置，坐得越近司機位既就越知心，坐得越遠關係越疏離，曾經一度坐得遠遠既人可能會越坐越近，而原本坐得近既，反而可能因為一ｄ誤會、爭執甚或一ｄ雙方都控制唔到既情況下越坐越遠，到最後佢甚至可能落埋車，同你講再見。有人搭車可以即刻坐得好近，有人要慢慢先坐得近，有人可能永遠都坐唔近；有人搭車時間好短但可以坐得很近，有人搭車時間好長反而坐得好遠；有人下車後永遠都冇機會再上車，有人下車後不知那時那後卻可能又再上返架車，只不過在不知道那一個站會再上車；有人的列車走很短而到終站旁人感覺可惜，有人的列車走很長卻才去到終站有人竟然會覺得煩厭；列車駛往終站途中有上斜，也有下斜；它會穿隧道，也奔走橋上；它會經過廣闊光明的草原，也會經過黑暗狹窄的地底隧道；它會走上山頂，也曾走進地底。在行駛途中，列車可能因為耗盡燃料而停下，但也曾踩油加速前進；路軌有時是直的，有時卻要拐彎。有時遇上大霧，有時一片明朗的晴空。有時可能碰上意外，有時卻平安無事；交通指示燈不由自己控制，縱使列車是由自己駕駛著，卻仍要依著這些燈號走自己的路。
我試過曾經跟自己要好的朋友因為大家中途站不同而要分別，當大家再在不知道那一站再碰上時，那種既close又distance，既開心又感失落的感覺非常奇怪，不竟大家中途的經歷、生活環境和圈子已經出現差別，才會弄得如此似熟不熟，親切但又疏離，知心都卻又隔層紗的感覺。
我們不能奢求自己跟自己要好、喜愛的人能永遠走在一起共同到達目的地，因為大家根本是獨立的個體，各有不同的命運、機會、際遇、條件。
我的下一站又會是那裡呢?　八月十日才得知曉，孰生孰死都在一天中決定下來，我的前程也會在一天之內得分解。

最近也看了另一位「朋友」(我不知道我能否稱他作朋友，可能我還當他是朋友，人家可才不當）的日記，他說：「人家在日記上常說今天跟某某某去某某某地方做某某某事，十分多謝某某某or "to某某某：．．．．．"是十分無聊的，有違日記的本意，這不是談天的平台，自己與某某某的私事不應在日記上談，回應在聊天程式或email搞掂便算」（註：以我的理解改寫），我自己看後就覺得，人家在自己的日記上寫上他想要說的話，包括他回應別人的話也並非什麼大不了的問題，他們自有分數，秘密的事還會在這公開平台說的嗎?我想不會，他們也不小了，有自己的分析能力，那些應該說在那裡說應該清楚，不用其他人去操心，還有換過角度看，你在你自己的日記裡品評人家在人家自己日記裡的所作所為，也豈不是跟人家說著，回應著人家，你自己也豈不是把日記當成聊天平台？我說的話，有人可能未必接受，但這是我想說的。

>>May 7, 2004 at 7:23:32 PM GMT+8

2004 年 4 月 30 日 星期五 【晴】

岩岩收到showhappy既warning letter
乜原來我已經有超過14日冇寫日記架拿?!
今朝聽收音機，由997較左去948，先知原來今朝係CE Eng (Syl. A)既listening
估唔到時間過得真係咁快
A-Level都可以叫做過左去
CE都開始左啦
真係好快好快就到放榜
唉，我都唔知會考成點啦......=.=""

>>April 30, 2004 at 10:55:44 AM GMT+8

2004 年 4 月 14 日 星期三 【晴】

尋晚真係冇覺好訓呀
成日都訓訓下就落傾盆大雨
要彈起身行去閂埋少少d窗

哈哈，聽日老豆生日啦，預祝佢生日快樂先！
其實早於４月１１日果日，我地已經去左食buffet慶祝啦
勁多人果晚，maybe係easter長假期既關係
(順道祝jason４月１２日１８歲生日快樂，大個仔囉，呵呵，可以睇咸片囉！嘻嘻～）

果ｄ大料a-level subjects終於殺埋身
等到我hae到唔hae就殺到來啦
下星期來料啦
聽日開始唔開電腦lu
所以而家寫定diary
費事畀無良showhappy kill account!

>>April 14, 2004 at 2:28:48 PM GMT+8