2003 年 9 月 11 日 星期四 【酷熱】

今日係中秋佳節，係度講返句「中秋節快樂呀」！
今日雖然仲要返學，但我一放學就已經即閃返屋企。
mom and dad已經一早出左門口行街街啦，我呢就打算七點先出去。
返到屋企，梗係第一時間開機啦，toowei就send左個好正既game畀我，真係好正架，好pro，d畫面好smooth，講真，都幾係刺激架，尤其係臨尾就死果時，我最叻都只係玩到6xx分咋，但toowei已經有成6xxxx分（x既數量係我既一倍><"")，真係好佩服ｄ人點解可以整到ｄ咁pro既computer game，不過，咁搞野既game就最好唔好傳到返去個game入面既主角or其他有關人士度啦，or就大鑊啦! (p.s.: 我成日都畀「鐵拳」打死，好難過到關 ><""")

係勒，唔經唔覺，原來今日已經係９．１１事件２週年啦，乜咁快就２年架拿?我仲好記得果晚(2001.9.11)8點幾，我唔知做緊ｄ咩既時候，電視台突然中斷廣播，只傳來「特別新聞報告」既音樂，以我咁八卦既性格，就梗係第一時間衝去電視機面前睇下發生緊ｄ咩事啦，點知，原來係話紐約既世貿中心著火喎，本應就唔係咩咁大件事既，但講講下，係9:03既時候，有一架飛機撞左落世貿既另一棟大樓裡面，當然又係大火啦，冇耐，就話，世貿南北兩翼同樣係畀人以飛機撞擊既恐怖襲擊，而五角大樓同樣都係中招，有幾架飛機畀人劫機，過多陣世貿兩棟大樓就先後倒塌了....
呢個世界真係好恐怖，人原來係活在一個咁牙煙既地方，人命原來係咁兒戲，時間原來係過得咁快，世界依然係咁混亂，恐怖襲擊、戰爭，一個接一個，同時，有ｄ科學家話，係火星同木星之間既小行星，有幾粒會係十幾年後撞落地球，意味著地球既滅亡，人類生命既大終結，莫非這就應驗了聖經or其他宗教所講既新世紀就係末日既來臨?難道，聖經中既撒旦就係拉登?暫且唔講神怪迷信，但人類近年既科學昌明，已經到左一個恐怖既極點，咩複製技術，第二時，人類or任何生物唔駛再透過異性交合就可以生下一代，嘩，真係「造人」囉！你話到時個世界真係唔方唔恐怖勒!

>>September 12, 2003 at 8:29:58 PM GMT+8

2003 年 9 月 3 日 星期三 【雨】

咦，乜個杜鵑咁快走架，仲要一起身，本以為教統局會大發慈悲，可以有多一日假期既時候，扭開收音機，竟然話所有風球o係凌晨3:30取消晒啦，最慘情既係連一個紅雨、黑雨都冇，即係話照常上課啦！唉，或者呢ｄ就叫做天意啦！

係喎，媽咪今晚問我聽晚去唔去跑馬地食飯，嘩，我梗係去啦，雖然到時又會見到d uncle呀、auntie呀咁，不過算啦，仲好過要我自己出錢，自己一個食呀！佢叫我放學後先落中央等佢地，因為有個uncle係o係中央度做高層架，我咪笑問返佢，咁係咪即係叫我上10樓搵佢呀，點知我媽話：梗係可以啦，至多我打電話畀佢通知佢，我回敬一句：咁咪好威囉！一個著住校服既學生公然踩上中央既office度喎！heee ^^"""

>>September 3, 2003 at 9:49:47 PM GMT+8

2003 年 9 月 2 日 星期二 【驟雨】

開學第2日咋，就已經打風啦，又放過假啦(係得半日既假）
呢個颱風杜鵑都算勁啦，行得快，又好鬼強勁，好似話係最近28年來最強勁的一個颱風，話仲犀利過99年既約克喎！佢仲要係勁到係雙風眼既颱風黎架囉，唔大既颱風都唔會有！
台灣都畀佢打到停電，大陸就話佢會影響到六個省咁多！
尋日夜晚掛一號風球，今朝十點度改掛三號，教統局隨即宣佈停課呀！正呀！又放假啦！之後，兩點四掛八號，八點二掛九號風球，但好快就落左啦（點解唔掛十號喎!!），十點二改掛返八號，天文台仲話聽朝清晨考慮改掛三號添，唉，咁咪要返學?唔好啦掛，寄望而家既黃雨，到聽朝可以到紅雨啦，阿李國章唔該生生性性，為莘莘學子著想，係你話既，要從學生既立場定教育政策架嘛，所以呢，聽我地呢ｄ學生既心聲，明天照樣停課啦！

>>September 3, 2003 at 12:33:47 AM GMT+8

2003 年 8 月 31 日 星期日 【酷熱】

嘩！原來我都有成個幾月冇來寫過日記啦，認真過份呀！抵打！><"""
anyway, 咦，多左好多「天氣」既選擇呀，正！唔駛咁悶and not accurate, only just 晴陰雨...

講返呢個幾月做咩咁忙，連日記都唔得閒寫啦
冇計呀，七月近尾，我要去明報做實習記者喎，之後呢，又要去明報既澳門交流團，去交流團唔野少架，又要開會又要寫文夾稿咁，都幾係多野搞，本以為可以鬆一口氣之際，明報又打來話我被挑選左去香港電台度做實習呀，正呀！真係好正呀，諗起都回味呀！

早幾日，Jason問我做唔做web j，都好喎，咪做囉，原來唔易做架都，我地聽日就正式啟播啦，希望多ｄ人來聽啦! 個電台網址係呢度：www.rnhk.hk.st

好啦，唔講咁多啦，聽日9月1，又開學啦，丫，係喎，好似今個星期會打風架喎，咁又可以放過假，趕返我ｄ功課勒，yeah!!!

>>September 3, 2003 at 12:36:26 AM GMT+8

2003 年 7 月 16 日 星期三 【晴】

wow!!! 話咁快個form six咁就完左啦禾，時間過得真係好快，一年前我仲係無比既咁得閒，因為考完個會考等放榜嘛，而家呢，就忙到隻積咁，補課補到天昏地暗...... ><

點都好啦，好快好快就到我考完個A-LEVEL，去搞JUPAS既野，唉，「人窮志短」，我點可以好似我有D同學咁一係就拔左尖、一係就唔駛憂咁揀佢想讀既科丫，上到大學已經係萬幸啦! ><

上星期9號去左買新電腦呀，用左四千幾蚊度，全部都係我既財產來架，哈哈!
係度真係要多謝喬烽同濤濤啦，佢地真係幫左我好大好大好多好多既忙呀，呢D認真老友呀!

今日呢，就係第一日用新電腦寫日記啦，個FEEL好正呀，正過舊果部好多呀，又快喎，哈哈，總之係爽啦。

講返今日搞左D乜先...
下晝阿媽無啦啦話去大澳睇下喎，話睇下佢變作幾多
嘩，又真係變左好多咁喎，我爭D就唔認得佢啦，哈哈　><"""
坐住隻觀光艇係D水道行，個FEEL好正，好似同大自然接近左好多咁，而坐住隻艇出到大海，好大浪，隻艇拋得好犀利呀，就好似海盜船咁，好激呀！
坐出海做乜？咪就係睇鼎鼎大名既將軍石囉，又真係幾神似架喎
大自然既天斧神功真係令人歎為觀止架

>>August 25, 2003 at 4:35:20 AM GMT+8

2003 年 7 月 7 日 星期一 【晴】

今日去左申領成人智能身分證
yeah, 第一批用!!!
不過勁多人呀，痴線，邊有可能咁多人都係6月尾生日架!?
我發現勁多唔係11歲同18歲既人去囉
我諗好多人扮唔見左張身分證
之後搏拎新既智能身分證囉
仲有好多賓賓，呢個我真係大為不解
係等既時候，我發現到Nelson都係度禾，佢又係呢個時候申領身分證禾，係既，佢大我幾日之嘛，不過佢見唔到我，我亦都冇叫佢

好講返尋日先
一早去左同dad and mom飲茶
之後，mom提議去遊車河
一遊就遊左入遠到無倫既天水圍
係嘉湖銀座買左盞檯燈，幾正唔錯架，慳位之餘，又護眼，又可以做夜燈，總之正啦!
mom就買左件衫
跟住響果度既屈臣氏度買左個電子磅
wow，真係出門小破財
行左銀座一輪，其實個幾鐘度，就跟住雅興大發
直飛返落銅鑼灣
嘩
呢獲甘喎，又呢個世界既盡頭去到果個世界既盡頭，冇話唔激
諗返都真係幾痴線
成個鐘度啦，就去到銅鑼灣啦，我真係坐車坐到藕晒囉
點都好，即飛入維園睇「太陽計劃2003-青年向上日」既live show啦
去到中央咋，已經聽到TWINS唱《千金》
行快幾步，入到維園，TWINS就岩岩唱完
接棒既有BOY'Z，嘩，乜STEVEN黑左咁多既，真係好阿叉FEEL
跟住睇埋JUNO、JOLIN、EMME、YUMIKO....唔制呀，YUMIKO唔唱《舞吧!舞吧!》、SHINE、HOCC......
哈哈，最重要既就係睇到EDISON陳冠希勒！！YEAH YEAH YEAH!!!勁開心
佢都黑左好多呀，仲有佢唱LIVE呀，仲加埋陳奐仁既演繹，簡直PERFECT!!!!
希希唱左2首歌咁多呀，好多歌手都係唱得一首架咋，希希仲要唱押軸尾三位喎，地位超然呀，掂！佢唱左一首翻唱改編張國榮既作品《無心睡眠》，我估就快派台架啦，有RAP既部分既，跟住佢就唱返《I NEVER TOLD YOU》禾，哈哈，正正呀！！
希希唱完到GIGI，最後就係EASON勒
正呀，我想參加今年太陽計劃呀，因為可以有希希設計既太陽計劃衫架．．但唔知點參加架呢?!

>>August 25, 2003 at 4:36:37 AM GMT+8

2003 年 7 月 4 日 星期五 【晴】

今日係美國獨立紀念日呀!

講返尋日先...
尋日我原本想寫日記架啦
點知下晝兩點開始停電禾
仲一停就停到五點幾
咩都冇得做
連開把風扇都唔得呀 ><"""
熱到爆囉

今日呢，梗係要拿拿臨咁上黎寫返啦
點知...
頂！！又來咩「朝２晚７」政策禾
見到都想爆粗
痴線架咩，朝２晚７
邊有人會等到凌晨２點先寫日記架
晚７喎，唉，都寫飯啦，點寫到
anyway，喬烽今日好似話去睇《新紮師妹２》喎，居然唔等埋我先去睇！可惡~~ ^^""

唔制呀，今次考得麻麻咋，都升到班既我估，但我唔甘心呀，冇一科有第一呀 :::><:::
係喎，今日係A-LEVEL放榜呀！
出年既今日就輪到我啦
都唔知點算

>>August 25, 2003 at 4:38:38 AM GMT+8

2003 年 7 月 2 日 星期三 【晴】

好鬼曬好鬼熱呀!!!!!
熱到我就快溶啦~~ ><""
anyway, 尋日「七．一」既「反對廿三、還政於民」既五十萬市民上街遊行
我都有去喎
好開心可以係呢項歷史盛事既參與者呀
好啦好啦，等我講返ｄ正經野先啦
就係講下尋日遊行既趣事啦

尋日我兩點幾係金鐘出發
諗住搭巴士落維園
後備巴士好多呀
人都好多啦
PP既電車站一早逼爆晒人
好彩冇去搭地鐵咋，尋日睇電視同今日睇報紙，嘩，地鐵癱瘓呀!
好容易就上左架唔知咩NUMBER既巴士，因為多巴士得滯，我都唔知上左邊架，總之有車就上啦^^"""
估唔到上車既全部人都係一條心要去維園倒董反廿三喎
黑衣人滿街都係
嘿嘿，以前天時暑熱邊有人著黑衫架，你咁著到乜到黑，警察一定上來check你身分證囉
今日就唔同呢
勁多人著黑衫呀，好齊心呀！
去到馬師道果頭，竟然大塞車喎，動彈不得
突然有把後生男仔既聲大大聲咁話：「司機可唔可以係度落車呀?」
就係因為呢一句，全車人響應，落晒車咁滯
落車後，大家都向著同一個方向，向住大遊行起點維園進發
原來銅鑼灣已經逼爆晒人啦，每一條街都逼滿黑壓壓既人群
有好多人高舉反廿三、不要董建華既標語呀、poster呀、banner呀，總之遊行用品啦
好熱鬧
我入唔到維園，就咁企響渣甸街度等啦，冇耐，張文光議員企左上石壆，指示大家點做
三點一度啦，我就插左隊出發啦
我一路跟住架指揮車呀
勁有氣氛
行到三越門口啦，有個印巴裔人士以字正腔圓既流利廣東話大嗌：「打倒董建華，葉劉淑儀正臭Ｘ！！！」為之矚目
三越門口就企左阿長毛
佢整左老董同葉劉既假人像，好矚目呀！
行到去鵝頸街市
果度掛左塊「支持基本法23條立法」既banner
我行果時
全部人見到塊banner立即向住塊banner狂噓，仲有人大豎粗口手勢呀
(我都噓埋一份 ^^""")
跟住有架968號巴士行過
上層既乘客全部將蘋果尋日既「不要董建華」張貼在車窗
更在車頭既窗上貼上「反對23條立法」既字樣
好正呀
十足遊行車咁
全部人見到即刻舉起拇指同勝利手勢同車上既人一齊歡呼喝采
氣氛好好呀
行呀行．．．行到六點終於上到政府總部啦，冇錯，就係我熟悉既CGO（中區政府合署），但個感覺同以前英國統治既時候完全好唔同，以前果度我覺得幾有親切感，NOW？只可遠觀而不可走近也，冰冷的鐵馬圍欄，在我這個以前經常出入CGO既公務員子女心中，感到有點悲憤、可惜，更覺「以董建華為首的特區政府」的可惡、可厭！
遊完行都成六點幾，走去蘭桂芳打左個ROUND，冇乜人，肚餓去左士丹利街食飯，咁一日又完左啦
唉好累好熱好曬，但值得
7月9，23條立法當日好似話會包圍立法會喎，唉，睇下去唔去好啦




>>August 25, 2003 at 4:39:06 AM GMT+8

2003 年 6 月 28 日 星期六 【陰】


嘩哈哈，又會咁岩既~~~heee...

St. Jo~
Appearance and image are extremely important to
you. You strive hard to build a playful yet
high achieving impression on others and you are
proud of it.


which hk secondary school do you belong?
brought to you by Quizilla

>>June 28, 2003 at 1:09:03 PM GMT+8