2003 年 11 月 5 日 星期三 【晴】

唉，果份writing，我至今都仲未寫............超級懶惰！！！抵打！！anyway，今晚今晚一定一定要做啦，希望今晚冇咁(支力)啦~~~

>>November 5, 2003 at 5:43:19 PM GMT+8

2003 年 11 月 4 日 星期二 【晴】

承接尋日既頹勢，今日仲係好頹。不過今日仲衰多樣，就係......謝。唔知點解，我尋晚十一點幾就上床訓覺，連已經係遲左交既UE Writing都唔做住，訓左覺先，一訓就訓到今朝六點九都唔願起身，當然份writing就一定交唔到架啦，嚴重地meet唔到deadline。最弊今日係最多堂上and最煩既一日，又PE又UE RLS test，真係想抖下喘下氣都唔得。唔係講笑，我謝到真係寸步難移，叫我企係度都幾難。至於今晚做唔做writing？唉，我真係好難肯定我聽日交唔交到囉。

>>November 4, 2003 at 11:04:02 PM GMT+8

2003 年 11 月 3 日 星期一 【微雨】

呢幾日都好"ngai"焗下，仲有尋日同今日都好大煙霞，唔駛講都知係污染指數奇高既日子，原因之唔係附近有個熱帶低氣壓，咁搞到香港係高氣壓，空氣下沉，空氣中既微塵粒子係冇風既狀態下走唔到仲反而被高氣壓壓住，所以就搞到有焗、有污染啦！認真壞天氣！！

anyway，中國既「太空英雄」楊利偉呢幾日訪港，搞到香港都掀起一陣陣征空熱潮咁，星期六果日銅鑼灣同尖咀都塞滿晒人，因為ｄ人咪就係去大球場睇歡迎show同科學館個展覽囉......

尋日唔知做咩，好有衝勁呀，好畀心機咁做功課同睇下d notes。尋晚eric無啦啦send左個msg來叫我post一個好嚇人既「扒扒驚畀人強姦」既chat board link上去我個newsgp，我被佢嚇左一跳，咁就當然冇post到上去啦，盞大家飯都食唔落。

今日唔知做咩，尋日既衝勁冇晒，就好似一個行電既玩具車冇左電咁，勁頹，咩都唔想做，唔想郁呀！

(p.s.: pa said, grandpa had passed away at 15:xx on Nov 1)

>>November 3, 2003 at 9:22:43 PM GMT+8

2003 年 10 月 31 日 星期五 【晴】

今日收到封咁既野.......係from showhappy既........


致各用戶

本站日記服務已經回復正常，
所有日記資料沒有遺失，
討論區所有資料全部失去。

本站稍後會交代網站突然停頓而沒有知會大家的原因及事件經過。

本站先對各會員致歉，
稍後會對 VIP 會員作出補償措施，
不便之處，敬希原諒。


如有任何意見歡迎到討論區發表。
需要您們的支持，使網站能邁向將來！
--
Webmaster
http://showhappy.net


你話我應該講d咩好呢???

>>May 5, 2004 at 3:42:22 AM GMT+8

2003 年 10 月 26 日 星期日 【陰】

呢日夠晒special囉，咪就係我地成班第六屆明報校記畢業既大日子囉，李國章有黎做主禮嘉賓喎，第二次見佢啦，我今次又係佢前面影大合照......係席間，見到已經辭左職既前明報市場部總監張麗珊(Jannus)，話晒佢都係一手湊大我地呢屆校記既「媽媽」，今次見返佢，感覺好唔同，好有種親切感，雖然佢好惡，但佢從來都未鬧過我，仲畀左好多機會我，例如做到明報暑期實習、港台實習(仲要做組長!!)同埋去到澳門咁啦......其實成幾百個校記，佢仲記得我、認得到我就已經夠晒我感到安慰無撼啦，聽阿寶講，佢有次同Jannus講起我，Jannus就係度猛笑...哈哈，唔知笑咩呢...我估佢果日都應該幾開心，見到佢成班仔仔女女畢業啦，佢既工作真係功得完滿啦，可能佢以前果種認真做得太好，所以顯到班新人有ｄ........唔好批評人啦，唉.......

>>May 16, 2004 at 3:39:33 PM GMT+8

2003 年 10 月 22 日 星期三 【炎熱】

我個心灰左一大截......點解要係我剛開始重拾自信既時候，要再一次狠狠的打沉我?!我好唔開心，好想喊。係，我係「渣」，但唔駛踩到咁盡，咁傷害我自尊心丫?!你地有冇諗過我既感受架?過唔過份左少少呀?!我個心如今又再一次重重的受到嚴重創傷，我諗都係冇得救架啦。我希望我仲捱得住，未重傷到自我毀滅既地步啦。
另，同日，一單新聞同一個miss講既野，令我好灰，我唔想再面對現實，我好想逃離呢個世界。
希望我唔會嚴重到引發精神病啦。
......

>>October 23, 2003 at 2:15:46 AM GMT+8

2003 年 10 月 21 日 星期二 【乍暖還寒】

都好耐冇掂過個日記，咁就上黎寫下啦......
（其實又冇咩特別野想講想寫既）

話咁快就黎到10月底，時間過得真係快到冇人有
．．．．．．
哎呀，諗唔到記咩好啦
就咁啦　＞＜

>>October 21, 2003 at 9:32:01 PM GMT+8

2003 年 10 月 15 日 星期三 【微冷】

i feel great today!!!
今日PE堂又玩HOCKEY啦！雖然今日都幾係涼下，但我玩完都成身濕晒，冇計啦，跑來跑去，係人都濕晒啦！嘻，我竟然入左兩球呀，勁呀，連我都估唔到我自己係可以咁好波架，我呢d Non-active student平時都唔係好郁架啦，咁都竟然可以玩hockey入左兩球，真係勢估唔到！

最後果堂係中化，又做實用文啦，不過勁（支力）呀，訓著左一陣，不過好快又醒返，fing下個頭又再醒神返，咁就拿拿林搞掂佢啦，放學即閃。

今日係Inter-School Swimming Championships既Division 1 Final呀，所以放左學即飛去九龍公園睇啦，岩岩睇到relay既賽事。好緊湊呀ｄ賽事，St. Joe、DBS、喇沙、英華鬥到難分難解，所以d現場氣氛勁一流，個個都好雀躍咁為自己間學校打氣，場面令我好感動。就係4x50m Free Style Relay Boys B Grade完左之後，協恩個miss(即係大會MC)講左一句好精警既野:"Please go back to the stand. Please go back to the stand. All of you on the pool platform please go back to the stand. I don't think all of you have participated in the 4x50m Free Style Relay Girls A Grade, especially those boys, would there any boys had joined the Girls' Race? And the boys for 4x50m Free Style Relay Boys A Grade are already on the pool platform. Those girls, i suppose you are not going to participate in the Boys A Grade, right? Just all of you on the platform go back to the stand and only working members and participants could stay on the platform. Only if you all go back to the stand, the race for Girls A Grade would not be started!"嘩！好波！一路叫人返stand，一路串人，差不多出動恐嚇咁滯，真係好波，仲要講得好流利架喎，完全唔怯場，真係堅呀！
係勒，係我好投入睇緊場賽事之際，一望右邊，咦，竟然見到Bonita喎！我同佢都好surprise，but唔係話surprise點解會撞到，而係surprise果度咁多人咁都可以撞到，仲要係隔離添！同佢嗲左陣，佢要趕住去搵佢ｄ st. stephen girls 既同學，咁我就繼續睇我既賽事。
嗯，唔知幾時又撞到佢呢? heee

>>October 15, 2003 at 8:39:50 PM GMT+8

2003 年 10 月 14 日 星期二 【微冷】

嘩！原來我已經有成7日冇寫過日記啦，再唔寫實畀人kill account都得啦=.=""

anywayz，今日天氣涼左好多呀，around 20度啦，係就係涼ｄ，不過就好舒服囉，話咁快冬天就快到啦^^""" (不過我都係鍾意夏天多ｄ，clear blue sky with beautiful beach!）

唉，呢幾日心情都好down，係唔知點解架喎，天氣唔好(always cloudy)可能係其中一個原因，但我估另一個原因係我對自己冇信心、睇唔起自己同埋自卑有關。講真，我估好多人都知道，係學界中，同我差不多名or even同名同姓連寫法都一樣既同學仔都係ｄ勁人，有個讀緊喇沙(唉，名人來啦，連英文名都同我差不多=.=""")中七、一個以前讀DBS而家係UST讀緊BBA，而另一個呢現況我就唔係好清楚，but i juz know that佢f.5及以前係QC仔，而我呢，哈哈，係，都係名校生，不過呢，我量估我係4個Lau X Yin之中係最渣果個囉！頓然產生左一種好強烈既感覺：人地叫Lau X Yin，我又叫Lau X Yin，點解人地可以咁叻，而我呢就，睇見都......，我幾承認係我係「名校垃圾學生」來架><"""
前日(12日)去左Channel 1度do UE mock exam，frankly it is 2003年UE RLS既PAPER，好多人去做，當然有ｄ勁人係度啦(joe leung找返佢以前ｄ A/B/C-grade students返來一齊做卷)，即日改完即日拉curve，luckily我有C grade，真係好好彩，我希望a-level果時可以keep到呢個成績，最好就再進步ｄ啦。i told parents for this result, but they said, "cher，咁渣，你最勁果科都得C咋，咁唔駛上U啦！"，聽完個心當堂灰左一大截，就係因為咁，我突然覺得自己真係好咋，所以冇啦啦諗起上面果段野.......
今日摷返我咁多年以來所累積既任何一個獎、獎狀、CERT之類出來，諗住準備下寫果份JUPAS文，好細心咁逐份逐份咁睇，先至發現左好多野我以前係冇留意到既同埋搵返果Ｄ已經遺忘左既，同樣，呢d獎狀、CERT之類又帶到我返入去往事回憶之中，好多感慨，好緬懷過去，同時再重新肯定自己，我，劉正言，絕不比任何一個人「渣」，絕不比其餘3個Lau X Yin「渣」，我同樣都係叻過，得到過好多好多人既肯定，我係有實力既，我邊睇邊問自己：「我仲有ｄ乜野好令我自卑落去先，要話渣，講真，好多人墊我底，當然我唔夠膽話我好好好叻、好好好勁，但一定一定唔係墊底果ｄ！」Self-esteem，我諗我真係好需要呢樣野，自信！
鋼琴試distinction、樂理試distinction、任何類型既大小比賽（校內、校際）冠亞季優異獎數唔到咁多項、權威既academic assessments成績distinction(全港top10%成績)、入到被形容為好難入既大functions（要interview，過五關斬六將果種，全港性既)、入到被譽為好難入好勁好勁既學校、學校裡面做既posts、歷年老師甚至校長既comments、往年（唔計中三打後）既測考成績、明報同港台新聞人既正面評價、入到學校最著名並引以為傲既校隊、紅館及會展演出既experience、QC既接受中一入學測試信(though fail for entry, due to i didn't choose QC in my S1 Places Allocation choices)、模範生候選人(though fail, the Headmistress had written a letter for me to praise my behaviour)、朋輩間既(唔知係唔係tum我開心)認同.......所有所有呢ｄ野，我仲有ｄ咩可以好叫我自卑呢，我唔叻咩、唔勁咩，恕我自大一點，睇返，我真係唔覺我係渣果ｄ人囉。我要restart my engine, 重拾自信，我要話畀全世界人知我唔係垃圾，我唔係「金玉其外」既，只少我要話畀我自己知。我要有返昔日既光輝！

睇返，呢個jupas都可能幫左我，如果唔係要寫篇文，我就唔會無啦啦睇返我又細到大既戰績，咁就唔會有返ｄ原動力，咁就會一路既頹落去.......

(p.s.:突然畀我發現到一樣野，係我以前到而家都唔知既，or maybe forgotten，我有一張學生相係蓋左一個印既，上面係寫住"香港天才教育協會Gifted Education Council Hong Kong"，我都唔記得左係d咩來架啦，總之就畀我發現左呢樣野啦)

>>October 14, 2003 at 11:27:59 PM GMT+8

2003 年 10 月 7 日 星期二 【微雨】


10月7日，HAPPY BIRTHDAY EDISON!哈哈，今日係陳冠希既23歲生日，嗯，仲要去英國拍<時差7小時>喎，嗯，11月陸續有希希既新片上畫喎，嗯，希希真係紅勒!!! ^^

anywayz，尋日既PE堂好正，玩曲棍球，雖然係第一次玩咋喎，但係都幾好玩架喎，好正，係就係熱Ｄ，我成個人都濕晒，但個FEEL好正，終歸我都係Ｄ唔係好點郁既男仔，呢次玩到傻左咁，都唔似我，我都覺得有Ｄ SURPRISED!!!!


>>October 7, 2003 at 5:59:47 PM GMT+8