2007 年 10 月 7 日 星期日 【晴】

海洋公園
"哈囉喂"

第三年參與這盛事。

的確是「盛事」, 實在是一件「盛事」。
只要你曾經入場參與過, 就能體會其盛之有。

承接剛過去的暑假尾去「夏水禮」, 再一次發起聯群結黨咁入去海洋公園玩。

要講「鬼屋」的話, 真係無乜好講。
因為講俾你聽都無用, 呢 d 野係要親身經歷的。
唯一值得講, 就係以下的溫馨提示：提早入場, 盡能力避開人群, 便能爭取時間玩多 d
除非係買 fast pass喇~
或者, 唔至在玩一晚, 會再入去。

唔講 d 基本野, 便輪到 AOB.

相當"過癮"的則是多得一眾好友鼎力支持下係排隊時玩「猜皇帝」。
這遊戲其實想玩左好耐, 可惜一直找不著好地方好時機, 更重要的是一眾"玩得起"的參與者。
話說我地係(跳樓機下斜路)排隊時, 先玩左輪好像有十隻手的"圍枚", 輸家俾人打一巴。
後來轉左個彎繼續上斜, 提議轉玩「猜皇帝」, 一皇一后版。
選一個皇一個后, 其他的排隊輪流跟后和皇猜"包剪槌", 不停猜, 猜輸就排番去後尾。
先要猜贏個后, 才能跟皇猜, 猜贏埋個皇的話便能取替其位並選一位當后位。
當時我地正在排緊隊中, 而我地又係條隊入面再係咁排隊, 相當有趣！

美中不足是今年玩唔哂 d 鬼屋, 非正式統計係去了五間。
唔排除只係去了四間, 有待查問確認。
還有要"鬧爆"啊： 竟然A.P. 沒有購物優惠, 太過份了~

最後, 少不得我們的創舉！

【一眾身穿"校服/睡衣"的狂徒, 衝激「哈囉喂」】

犀利吧！有人還專程搵我地一眾拍照添呢~

2007 年 10 月 6 日 星期六 【晴】

他們...
都是為女人而戰！



一係錢, 一係女人, 讓男人打生打死。

>>October 6, 2007 at 11:29:48 AM GMT+8

2007 年 10 月 6 日 星期六 【晴】

來來來~
學整腸粉





<人氣: 73316> <首頁: 2243>
>>2007年10月01日 Mon 2:30:04 (GMT+8)

<人氣: 73579> <首頁: 2294>
>>2007年10月03日 Wed 22:24:40 (GMT+8)

<人氣: 73761> <首頁: 2336>

>>October 6, 2007 at 1:12:28 AM GMT+8

2007 年 10 月 6 日 星期六 【晴】

如果有一天，妳走出了困局，
我想我都快出來了。

【給我的忠告】

看著你的diary, 就像看著自己一樣, 我看到你是如何的執著,如何的自欺,又是如何的自我困死..即使旁人說甚麼,你依然依舊的去迷戀一個過去的人..想跟你說: 放過自己吧..但又明白你是因為真正的愛過,所以無法輕易忘記..除了說你很傻,並沒有更貼切的字眼了~

>>October 6, 2007 at 12:54:06 AM GMT+8

2007 年 10 月 5 日 星期五 【晴】

04 叱吒頒獎禮
林海峰 與 我最喜愛男女歌手 真情對話



>>October 4, 2007 at 6:10:24 PM GMT+8

2007 年 10 月 4 日 星期四 【晴】

消失。
你從來無消失過........

我問道：
如果有一日，我消失了，妳會感到哀傷嗎？

回應：
艾鵅I講緊正經事就斷線！
如果你消失左，我諗，我會掛住你，
今日經過深水灣，我都有諗起你，原來，拍住你都幾開心！
(你唔會突然消失掛？)

======================================================

一年之前, 杜導演的《放‧逐》上映。
日前中秋, 再次欣賞《放‧逐》。
《放‧逐》裡, 吳鎮宇對住黃秋生鬧張家輝：" 你死左架喇..... 你死左架喇！"

呢句對白, 深深的打入我的心房。
一年前的這個時候, 我應該死了, 我本該死的。

>>October 4, 2007 at 6:40:52 PM GMT+8

2007 年 10 月 3 日 星期三 【晴】

CityChase2007
ChasePoint #2 用鏟子看看掘到香港的甚麼？

從舢舨返番上岸, 看見阿占同阿Man佢地兩組上左另一隻舢舨解決呢一站。
而我同Vicky就研究下一站去邊？去尋找哪一個ChasePoint.

ChasePoint #2 用鏟子看看掘到香港的甚麼？
要完成這個挑戰，你必須具備能夠游泳200米的能力。
如果你不能游到深水的地方，你將不能接受這項挑戰。
走向南方，努力的踢水努力的掘，你就會在沙堆中找到你所需要的。
這個 CHASEPOINT 將於6PM關閉

ChasePoint #3 與遊客一同揮桿
在水的另一面，揮桿打出小鳥。
當你看到一橦建築物的大塊面子，一雙長短的手，你就在這裡遠望並解開一個有趣的疑難吧。

睇到呢度, 見到"游泳"和"深水的地方", 還有"水的另一面"和"揮桿",
不奇然就讓我聯想起來, 也許就是---「深水灣」。
而且只要能交埋 d 答案, 就可以搞掂埋 ChasePoint#16.

ChasePoint #16 你認為你夠認識你的香港嗎？
在這提示紙的背面，你會找到一堆的問題，
解答其中的10條，然後將它們交回 ChasePoint #2 核對吧。

邊走邊跑過對面巴士站, 偏偏在這時候無乜小巴。
平時唔搭時, 就大把車經過； 要搭時就係會無，天意弄人。

好彩上左小巴好快就去到深水灣。
車程中, 打俾我地的資源中心總管阿正, 問佢答案。

在高球會門口落車, 篇尋不獲ChasePoint#3, 也許是估計錯誤。
亦無謂浪費時間, 轉方向尋找那深水地方的ChasePoint #2
行經"Uno" Beach Cafe, 見有個身穿藍色Tee的工作人員,
無死錯人呢, 呢度一定是有 point的。

行到近燒烤場的沙灘邊緣, 終於都發現我地第二個ChasePoint, ChasePoint#2.
任務相當簡單, 真係要游水。
游出浮台, 向浮台上的工作人員取指示卡，游返埋岸，
跟住係沙灘上指定的區域內, 按指示卡掘出相配的「麻雀」。

Vicky說時遲那時快, 三扒兩撥就除哂 d 衫褲落水,
放心~ 佢有著泳衣。
看著她很努力的游向浮台, 離我越來越遠, 但我亦唔心急落水。
事關我發現從燒烤場落水游向浮台的距離實在不少, 我無咁笨, 便慢慢走向更衣室對開, 
打斜游得遠啦, 係沙灘行兩步先落水游直線快得多。

游出浮台當然唔難,
不過睇見工作人員一個人坐係個浮台上面, 等 d 參賽者黎探佢, 呢個係個好位。
就在等埋Vicky游埋黎時, 跟工作人員聊幾句, 又問下佢人工收入好唔好做.....
無幾耐Vicky就黎到, 上一上浮台抖抖氣, 我則接過工作人員兩張的指示卡, 便同Vicky準備落水。

繼續以最短的路程游番埋岸。
一齊上岸, 跟住就跑番過去掘麻雀區掘麻雀,
按兩張指示卡指示, 我地要搵：一隻東和一隻北。

我一手插入沙一抽, 再逐隻麻雀扳開, 第一下就俾我搵到隻"東"了。
尚欠隻北, 於是便再一手插沙撈起, 一堆麻雀浮現出來, 逐一扳開, 但係無"北"。
又一手抽入撈起, 又一堆麻雀, 又係無"北", 反而"東"有幾隻。
擴大範圍繼續在沙中打撈,
由於游完水成身濕既關係, 水同沙最可愛的作用就係會黐起上黎, 於是便黐到成身沙。
真係好唔容易先搵到隻"北", 開心死我！

但是不幸的消息好快就傳達過來,
我地落水前交低果張答案紙, 有一題錯左, 所以我地完成唔到ChasePoint#16.

2007 年 10 月 3 日 星期三 【晴】

幾時去睇埋套《保姆日記》好呢？
再唔睇，我怕好似《出埃及記》咁錯過左。



<人氣: 73316> <首頁: 2243>
>>2007年10月01日 Mon 2:30:04 (GMT+8)

<人氣: 73579> <首頁: 2294>

>>October 3, 2007 at 10:24:40 PM GMT+8

2007 年 10 月 2 日 星期二 【晴】

人人都講港深融合之際，八達通已先行一步，
一張八達通卡短期內將會通行港深的城市鐵路網。

九廣鐵路公司與深圳地鐵達成協議，
把八達通卡擴展至深圳市地鐵，
現只待技術性研究解決兩地的匯率差別問題，
日後市民乘搭東鐵過境後，便可以再用八達通轉乘深圳地鐵，
毋須為排隊找換零錢購車票煩惱。

自深圳建好了地鐵真係便利好多。
但係買票時往往都係麻煩 d d , 真係試過你就知。

>>October 2, 2007 at 10:10:00 AM GMT+8

2007 年 10 月 1 日 星期一 【晴】

色 戒
皇 后

在這個集團經營的年代，提供特大座椅、手劃戲票、超等座位的皇后戲院，
昨日最後一天營業。不少巿民湧到這家有82年歷史的戲院趕買最後一場戲票，
接近12時，戲院大門穩穩關上，戲院所在的陸海通大廈亦即將重建。

中 環 皇 后 大 道 中 陸 海 通 大 廈 將 於 今 年 底 清 拆 ，
重 建 成 27 層 高 的 甲 級 商 廈 ， 包 括 皇 后 戲 院 在 內 的 建 築 物 均 受 到 影 響 。
昨 晚 7 時 開 始 ， 平 時 冷 清 的 戲 院 大 堂 已 擠 滿 遊 人 ，
排 隊 跟 皇 后 的 招 牌 合 照 ， 鎂 光 燈 閃 個 不 停 ，
都 在 懷 緬 兒 時 在 傳 統 戲 院 看 電 影 的 美 好 回 憶 ，
不 少 人 欲 購 票 入 座 ， 卻 因 座 位 爆 滿 ， 都 失 望 而 回 。



色，戒
Lust Caution

一群愛國青年在香港組成話劇團，為國家募款抗戰。
劇團團長鄺裕民(王力宏飾)對汪精衛等一眾漢奸極為憤恨，
當他得知汪手下的一個特務頭目易先生(梁朝偉飾)身在香港，決定夥同團員，展開暗殺行動。
易先生機警精明，等閒之輩難以接近，唯一缺點是好女色；
團員決定以美人計對付易先生：由劇團台柱王佳芝(湯唯飾)假扮香港貴婦，
先與易太太混熟，繼而藉機色誘易先生，從中製造暗殺機會......

導演 : 李安
演員 : 梁朝偉, 湯唯, 王力宏
片長 : 159 分鐘

評論說, 王力宏跟湯唯的情, 之前除左有一兩次專登的眼神交流外, 不外了了。

>>October 6, 2007 at 1:01:37 AM GMT+8