2007 年 12 月 22 日 星期六 【晴】

終於都有機會拿 iPhone 上手玩,
都多得阿珊姐啦~


  
 

映相質素一般, 不過睇相玩放大縮小的確係幾過癮。
部機識得因應手機的橫直擺向, 來調動相片,
唔係話係咩好架勢的功能, 但就實現左科技係以人為本。
介面運作暢順, 都幾易操作, 有得Wi-Fi 亦係重要的一環, 速度上表現不俗。

手感一般, 仲幾墜手, 但係機身都真係算「薄」。
喇叭揚聲器係手機底部, 我個人覺得麻麻地, 唔鍾意。



以現時買 iPhone 的價錢,
可以買得到部國產睇得到電視又可以插孖Sim卡的手機；
另加一台華碩 Eee PC 添~ 據報, 仲會出埋 xp 版, 相當吸引！

2007 年 12 月 21 日 星期五 【晴】

Seafari on 19th Dec @ Victoria Harbour
http://www.seafari.com.hk/













>>December 21, 2007 at 5:10:41 PM GMT+8

2007 年 12 月 21 日 星期五 【晴】

Seafari on 19th Dec @ Victoria Harbour
http://www.seafari.com.hk/













>>December 21, 2007 at 5:10:26 PM GMT+8

2007 年 12 月 21 日 星期五 【晴】

脂粉客, 呢個詞語跟"不羈"一樣,
我唔太拿得準確, 大概還在估估下的階段浮游。

姣婆呢, 倒也有一點見識過：
騷手弄姿的, 唔一定係；常騷手弄姿的, 機會大 d ；
打扮性感的, 唔一定係；過份賣弄性感, 機會大 d ；
熱情友善的, 唔一定係；乜人都黐手黐勢o既, 機會又大 d.....
(抱歉, 未能盡錄)

姣婆和脂粉客, 總會讓人覺得是為禍人間的。
但我認為只要姣婆能遇著脂粉客, 又或者脂粉客跟姣婆遇上,
將會是一個好故事的起始。

當然,
假如有一晚, 姣婆哭著來訴苦的話,
我只會聽說過後回覆一句：唔抵可憐~

這一刻, 我便會想, 「我現在又值得可憐嗎？」
可不是, 我未遇上到姣婆。


<人氣: 77915> <首頁: 3117>
>>2007年12月03日 Mon 1:02:26 (GMT+8)

<人氣: 78137> <首頁: 3166>
>>2007年12月06日 Thu 1:37:27 (GMT+8)

<人氣: 78416> <首頁: 3186>
>>2007年12月10日 Mon 1:27:56 (GMT+8)

<人氣: 78842> <首頁: 3241>
>>2007年12月16日 Sun 2:45:41 (GMT+8)

<人氣: 79277> <首頁: 3290>

>>December 21, 2007 at 5:07:49 PM GMT+8

2007 年 12 月 20 日 星期四 【晴】

聖誕冬日, 總予人寂寞孤單和凍。
凡子我：i don't want to have a lonely x'mas



>>December 5, 2007 at 2:18:36 AM GMT+8

2007 年 12 月 16 日 星期日 【晴】



<人氣: 77915> <首頁: 3117>
>>2007年12月03日 Mon 1:02:26 (GMT+8)

<人氣: 78137> <首頁: 3166>
>>2007年12月06日 Thu 1:37:27 (GMT+8)

<人氣: 78416> <首頁: 3186>
>>2007年12月10日 Mon 1:27:56 (GMT+8)

<人氣: 78842> <首頁: 3241>

>>December 16, 2007 at 2:45:41 AM GMT+8

2007 年 12 月 16 日 星期日 【晴】

「火」, 能給予人光與熱, 是一種不可或缺的東西。
無左「火」, 人類的生活都唔知點過。

易放難收的「火」

話說九號約左三五好友出黎打打籃球,
本來都是玩玩下, 適應一下街場的氣氛先。

直至到左夜晚七八點, 收工趕來的阿魁終於都到達,
本身我地幾個由四五點到依家, 都經已透支得七七八八,
唔好計我啦, 我呢 d 少做帶氧運動的老人家, 街場咁刺激, 我打一場抖兩場都唔夠。
阿傑個frd (唔好意思, 見過幾次都唔記得個名)仲誇到話再打就抽筋行唔到。
阿魁真係好朋友, 山長水遠黎到點可以咁掃興要佢一黎到就走呢, 埋班鬥波啦！

果時個場剛好八九人, 共三隊, 那我便當然和阿傑阿魁一隊。
原本有條友話"四打四", 都低X能, 剛好有人經過, 即刻叫埋黎一齊打, 搞掂。
由於"針波"唔入, 我地跟隊, 佢地打先。
隔離場有班人book左場練波, 基本上都係睇隔離多, 但我都會瞄下呢邊情況。
由於真係無太留心觀察, 只係感覺到有少許火藥味,
佢地打到有 d d 黑面, 都唔知邊班打到樣衰衰。

吹下水, 睇下隔離打全場, 時間溜得很順。
唔係等左好耐佢地就打完, 輪到我地三個上場。

準備開波, 臨開波前聽到對手入面其中一個(灰衫)講：跟高度喇！
應該係佢隊友問佢點mark法。於是乎灰衫的就來到我跟前。

仆街~ 呢條灰衫的, 實情係"蟹"黎, 成日大鵬展翅。
你開屏我唔理, 但係次次都起掙, 點忍？！
還有, 阿傑才準備起手射波, 我都未入到三秒區就已經大字型開閘,
驚死唔夠高就唔夠人搶籃板咁, 相當霸道橫行。
(補充: 正確唔係大字型, 事關佢集合手部動作先行; 而且唔只係三秒區, 牛角位已經開)
我以為係得我唔好彩俾條灰衫揀中, 等我受哂佢 d 惡行,
無幾耐就發現阿傑同阿魁都被受壓力咁認真起來, 看來佢地都實食左幾招。

初時分數上都咬住咬住, 輪住上落一兩分,
但係後來大家都燥了, 唔得冷靜,
幾次浪射, 就咁輸波。

輸波唔係問題, 再打過囉, 等一陣之嘛~
我地三個坐埋, 都唔係話傾下一陣點打, 只係講番條灰衫仔點"豆腐"法。
呢 d 人打波"呀呀喳喳"(丫丫乍乍), 打到起哂掙整到人就當無事發生合法衝撞,
自己被人掂到少少就叫哂犯規, 差 d 連打街場都要俾佢射埋罰球咁。

唔使幾耐, 又俾佢地贏左, 再對番佢地, 我便又對番個灰衫仔。
不知何故, 忽然好有精力, 抖左陣之嘛, 同日頭時唔同哂,
精力旺盛的地步去到一個程度係去主動挑釁對手。

落到場無幾耐, 就硬食左一兩掙, 實在忍無可忍！
個波傳到落我手, 我就帶波迫入籃底,
點都要埋身同佢撞番夠本, 當然仲要係佢面前入波啦~
即使唔入波, 我都衝著搶番個籃板球,
搶到落番黎, 我唔走住, 彎低少少腰"啷"佢一下先走。
出左圈都唔即刻搶攻, 向佢招手引佢埋黎先再迫番入籃底。

唔知係咪有我開初主動打埋身波先,
阿傑亦多次持球以飛將軍之勢, in your face 咁上籃。

同時我亦因應呢條灰衫友死命人釘人的策略,
成日扮走唔走, 走左又會走番轉頭, 因此做成大量空檔俾阿傑阿魁有切入走籃的機會。

而防守時, 我地三個以聯防形式守著,
要入我地三秒區上籃的話, 難免會大量身體碰撞。

後來, 灰衫仔因為好少的觸碰而亂叫犯規,
阿傑跟他便開始口角之戰, 只是輕微口角而已, 仍未影響到場波繼續進行。

跟住唔記得左發生咩事, 灰衫仔突然話唔打, 便走左出場。
就係咁, 場波都未打完, 勝負未分地告終。

>>December 16, 2007 at 2:42:05 AM GMT+8

2007 年 12 月 13 日 星期四 【晴】

Will Smith.
I Am Legend.



熱切期待

睇住 Trailers 先啦！
http://www.apple.com/trailers/wb/iamlegend/

>>November 21, 2007 at 1:27:06 PM GMT+8

2007 年 12 月 11 日 星期二 【晴】

失眠。
好一段日子沒有失眠了, 可是琴晚.......

前陣子鼻塞都上床唔使幾耐便訓得著,
咁晚上左床轉黎轉去,
聽住收音機, 一首又一首歌咁播, 好快就過左半個鐘,
話咁快又過左一個鐘, 訓唔著便落床飲啖水,
唔知係咪難得的打波, 激烈得濟, 搞到腰酸背痛, 手腳都酸痛都開始散出黎,
坐上按摩椅按番個療程, ....... 震下震下, 開始有點睡意, 再返上床訓。

>>December 11, 2007 at 1:28:20 AM GMT+8

2007 年 12 月 10 日 星期一 【晴】

琴日(9號)打波, 出身汗, 成個人舒服哂,
鼻塞都通埋, 呼吸暢順, 雖然係有點腰酸背痛, 老了。

多得一眾好友支持, 我終於都重踏街場。
室內打全場跑來跑去, 跟街場 3on3 始終都係兩個世界。
從 outdoor 日曬雨淋, 到 indoor 有空氣調節有椅坐有更衣室沖涼換衫。

待續吧~ 都已經點七了, 明天還要早起, 不得不收手上床休息。

>>December 10, 2007 at 1:38:02 AM GMT+8