2008 年 1 月 23 日 星期三 【晴】

2007年度評論學會大獎得獎名單公佈
(節錄)

以下為各獎項的得獎理由撮要：

最佳編劇：韋家輝、歐健兒《神探》

糅合了《我左眼見到鬼》的放低過去，及《大隻佬》因果業障等命題，韋家輝的編劇團隊在《神探》延展新章，設計出既被過去縈繞，卻又能看穿人人心中有鬼的「異人」。被視為「神經」的停職探員，縱有唯我獨醒的蠻勇，卻與其他人物一樣，綑綁於自我的心魔。韋氏編劇下的佛理循環，作了另行的悲劇詮釋，屬港片罕見新鮮的題材。



最佳男演員：梁家輝﹙《跟蹤》﹚

梁家輝一改近年身體與表情同步發揮的奔放情調，轉為表情壓抑，處處低調的肢體語言，力度沉著，一觸即發。謀略、孤僻、警覺、暴戾的狀況都蘊含其中，罪犯介乎人性情義與獸性捕殺，既交融又抵觸的壓力心態及悲劇命運，被收放自如的演技張力層層推進，高度化提鍊過來。

推薦電影

《跟蹤》

幕後編劇游乃海初執導筒，以技法先聲奪人，電影既見銀河映像風格蹤跡，又融會導演個人視野，老嫩演員表現優異，師徒傳承之要旨在戲裡戲外俱成功實現。

《投名狀》

一齣成功召喚荷里活戰爭電影魂歸的華語大片，表面上重拍《刺馬》，卻引入「水滸」元素，把兄弟情義的矛盾推上新的高度，把從死人堆裡爬出來之後的成功，詮釋為加倍而雙向的自欺，用血和淚撰寫一闕命運哀歌。

《性工作者十日談》

邱禮濤重現社會性題材的一次寫實主義示範，多角度視點，本地及內地性工作者的較量和互相諒解，社會工作者的良心與無知的質疑，還有變性人與雙性戀舞男的心境。整體演員在信任導演之下，表現非凡，質感十足。

《每當變幻時》

以面臨清拆的富貴墟作為香港的縮影，從小市民角度出發，拍出回歸十年的人心起伏，以愛情的悵惘側寫時代變遷。沒有吹噓明天會更好，而是叫人好好面對失敗，並且帶出「Miss」的主題：是錯失亦是懷念。雖是通俗劇格局，卻勝在誠實動人。

《神探》

杜琪峰、韋家輝及劉青雲多年後再聚首一堂，拍出技術風格及內容深度都令人嘖嘖稱奇的作品。影片借用名噪一時的魔警徐步高案，以影像化的方式呈現心魔；多重支線出發，環環相扣，跳脫了類型電影框框。很少再有電影讓人看得如斯津津有味，單是割耳一場就引起無數的解讀及遐想。

《鐵三角》

三個剛陽大導以戲論劍！出招凶、狠、靈、奇，往往不留餘地，應招者卻又扭盡六壬，絕境重生！既保留三大導各自不羈之風格，但又裡應外合將故事融為一體。為九七之後十年回應當今世局，「死心．不息」，情義兩存之絕世佳作！

《門徒》

香港電影中一次最全面剖析吸毒者與犯毒者心理狀態的作品，爾冬陞以出色的講故事手法，以戲劇包裝一個深刻而感人的題旨，毒品和犯毒者如何摧毀人和社會。影片描述犯毒流程、毒品加工等情節的實感和戲味，令人歎為觀止。

《C+偵探》

明為偵探片，暗是鬼片，在明處查案，在暗處尋親，兩者皆在結局處渾然匯聚。於泰國取景，讓彭順導演儼然回到第二故鄉，如魚得水，活力盎然。

>>January 23, 2008 at 6:14:11 PM GMT+8

2008 年 1 月 22 日 星期二 【晴】

27 宜嫁
27 Dresses

一名總被愛神遺忘的辦公室女郎Jane（嘉芙蓮希歌 飾），
她平生當過27次伴娘，卻始終無緣披起嫁衣成為婚禮女主角，
為此她焦慮不了，開始著急於尋覓真命天子。
可惜事與願遺，當身邊男伴買少見少，唯一能夠安慰她弱小心靈的，
只有每天呆望著鑽石王老五上司George（艾活賓斯 飾）不下數十次……
誰不知，家姐的一聲喜訊徹底其美夢破滅──這位未來姐夫，居然是她夢寐以求的白馬王子George！
Jane硬著頭皮俾面家姐出席婚禮，心情忐忑極落，
卻險些錯失了最後成眷屬的如意郎君、報導婚禮盛況的記者Kevin（占士馬斯頓 飾）……



由 「二十世紀霍士影片」榮譽發行
繼《穿 PRADA 的惡魔》再次推荐瘋魔全港 女性的浪漫喜劇 ── 《 27 宜嫁》 (27 Dresses) ，
由《穿 PRADA 的惡魔》王牌編劇 艾蓮保舒米堅娜 二次出 擊，
《戀愛大爆髮》首席排舞師兼《舞出真我》導演 安妮費查熱情掌舵，
並找來憑億萬票房喜劇 《弊傢伙，搞大咗》成功上位的靚女嘉芙蓮希歌、
《變種特攻》《戀愛 大爆髮》靚仔 占士馬斯頓 、《緣份精華遊》型男艾活賓斯等傾力演出，難得矚目。



真係好可惜, 套戲排唔到2月上映,
撞埋情人節兩口子去睇的話一定更sweet.
可惜, 我未有這褔份。

早前看過一篇專輯, 講"劈炮", 訪問左一個當了好幾年大律師的女人,
放棄年薪過百萬的優差, 去當婚紗店員做到一腳踏, 咁當然間店佢係有份架啦。
最初她只抱著投資心態，鮮有參與婚紗店的日常工作。
直至有次回到店鋪，聽到店員七嘴八舌說起客人A小姐穿上某件婚紗歡天喜地、B小姐瘦了很多似在擔心什麼的種種有趣瑣碎事……
她突然覺得妒忌起來，「我當時諗，原來我錯過有咁多難得時刻，呢度原來另一種精彩，如果我係度就好！」

>>January 24, 2008 at 3:43:35 PM GMT+8

2008 年 1 月 20 日 星期日 【晴】

13 駭人遊戲
13 beloved

泰語原名：13 เกมสยอง 或 13 Game Sayong, 是一部於2006年上映的泰國驚悚懸疑電影。
電影是根據泰國漫畫《The 13th Quiz Show》(第十三項智力競賽節目) 改編，
漫畫原作者Ekasit Thairat亦參與電影編劇過程。
此片尖銳地批判了現代曼谷的虛偽氣息與拜金主義。
本片由楚克‧薩克瑞科執導，庫薩達‧蘇庫尚主演。

《13 駭人遊戲》敘述殘酷競爭之下，
人在面臨絕境時的真實面貌，帶有濃厚的社會諷刺意涵。
從1997年金融危機後，泰國經濟迅速復甦，經歷了海嘯與政變。
一切變化得快，變動最大的還是人心。
和大部分地方一樣，金錢沖淡了人情義理，曼谷也逐漸變成一個一切向錢看的慾望城市。
本片常使觀眾想像若自己像劇中主角般，面臨失業、卡債壓力，
而突然有人告訴你，只要完成十三個任務，就可以拿到一億元，會選擇玩還是不玩？



「沒有什麼不可能，只要你敢玩......為了一億，你願意付出多少？」

《13》是一場極度神秘且競爭相當激烈的遊戲，最終的遊戲贏家將可獲得一億元。

參賽者都是各自在家庭、經濟、金錢上遭遇困境的平凡人。
如果他們能夠完成這十三個遊戲，便可獲得天大的鉅額獎金。
這些任務將會挑戰人類在愛情、宗教、道德、善良風俗、價值觀等各方面的極限。
到最後根本是在考驗參賽者是否仍具有人性。如果失敗，參賽者將失去遊戲資格。

遊戲規則
每完成一個任務，獎金都以倍數成長，完成十三個任務後就可以獲得一億元。
但如果你放棄了，一毛都拿不到，全盤皆輸。

遊戲進行時，只有三個限制：

一、不能任意放棄遊戲；
二、不能告訴別人自己在玩這個遊戲；
三、禁止去探查遊戲的起源和遊戲的一切。

一旦違反了上述的任何一項，遊戲亦會自動結束，所有獎金歸零。

>>January 20, 2008 at 4:51:57 PM GMT+8

2008 年 1 月 19 日 星期六 【晴】

聲音專欄？
My Sound Blog.

"三R無湯有野飲 每人五十算係咁"



TVB晨早新聞??
My Questons??
Facebook??

>>January 19, 2008 at 2:18:10 PM GMT+8

2008 年 1 月 17 日 星期四 【晴】

末世凶煞
Cloverfield

一夜之間，紐約滅亡。
在毫無預兆下，紐約夜空仿如發生核爆，一瞬間天崩地裂，
巨大的怒吼、沉重的腳步由遠逼近，自由神像的頭顱墜落街頭，軍方介入激烈開火，
全城陷入末世災難，人們慌亂逃生，
只是大家都不知道他們逃避的是什麼？是異形？巨獸？恐怖襲擊？
目擊過程的只有少數人倖存，真相可能永遠沒有人知道…



大熱劇集《迷》(Lost) 監製JJ Abrams 最新神秘力作，被指為荷里活史上最「保密」的製作，
電影公司一直嚴防洩露劇情，至今故事介紹、製作資料，以至劇照也未有正式發放。
第一段預告片於暑期《變形金剛》上映時首度曝光，當時連片名也沒有，
卻憑著片段的神秘感、出色的特技製作和JJ Abrams的號召力，
在傳媒和網上社群引起熱烈討論和迴響，
有網民更特別為電影成立網站，憑片段的蛛絲馬跡作出各種揣測，
有人認為電影中的「謎災」是由外星人造成、有說是類似哥斯拉或日本機械人的巨獸，
亦有可能是變種異形，甚至是類似911恐怖襲擊，或是《迷》劇的外傳。
愈是眾說紛紜，電影公司愈是神秘，
甚至連最後敲定的片名《Cloverfield》，也只是JJ Abrams的洛杉磯辦公室所在的街名。
成功的宣傳手法，令電影成為2008年最令人期待的新作，為免「穿橋」，更特別安排全球同步公映，
香港的上映時間，還會比美國早一天，香港觀眾今次真正先睹為快，預先揭開神秘真相！



睇呢套Cloverfield, 真係挑戰左我的極限！

大概係半年前, 友人介紹左個 trailer 我睇,
呢段片 "模擬DV" 以 handheld 拍攝, 內容方面基本上係無乜內容,
畫面見到有班人開開下Party, 忽然地地動山搖, 間歇停電,
跟住班人走上天台睇下發生乜事, 突然間不遠處就爆炸起來,
炸出來的碎片向四方八面亂飛, 於是佢地就連搶帶跑逃離天台,
走到落街, 兵荒馬亂, 大家都唔知發生乜事之際, 犀利啊~
犀利啊！自由神像個頭從遠處飛到過黎, 碰撞中幾座大廈再"轟隆"落地。
就係咁多, 連埋講話幾時公映, 同埋係拍《lost》條友監制外, 便乜都無。

架勢呢~ 完全唔知發生乜事, 只有期待！
唯一可以肯定的是, 災難片。
咩災難啊？唔知~ 死未！？
向來都喜歡看災難片, 不管是自然災害, 還是外星怪獸, 所以好想睇。
因為越唔知佢搞乜, 越係吊癮！

終於都等到上畫呢一日, 約埋三五好友一齊入場觀賞。
未入場前一晚, 有朋友報料：
今日萬世巨星有講首映後既感想,有人唔夠瞓去睇睇到暈睇到嘔

我仲話：第一身角度黎拍攝, 又跑又跳又叫又炸....... 睇到暈睇到嘔, 呢 d 副作用黎, 好正常啊！

誰不知.... 真搖到七彩，睇到中段, 大概四十五分鐘已經開始作嘔。
我久唔久要合埋眼唔睇淨聽。
相信呢套戲的長度已經係我的極限。
如果我坐走廊位, 唔排除我會走左出去嘔。

我要補充一下, 我係連打機都可以打到作嘔, 所以我係唔打得《MHP》。
想當年打《無雙》, 我打半粒鐘就要休息, 真係頂唔得順。
真係佩服果 d 可以打到部機無哂電, 更加可以係 d 亡命小巴上打的《屠龍獵人》機迷。



揀左去圓方 The Grand Cinema 睇呢套戲絕對係好享受。
點解, 梗係唔少得上圖呢段啦！
從座椅近距離傳送來的強勁低音震撼, 無得頂呀！
而且放映的戲院係幾百個位闊銀幕的大院 Manhattan Galaxy. 極具視聽享受！



《末世凶煞》不是什麼過億美元大製作，只係僅用三千萬美金。
應該賺到流眼淚都唔掂！！！！

>>January 19, 2008 at 1:32:51 AM GMT+8

2008 年 1 月 16 日 星期三 【晴】

年前, 行街經過 d 影碟鋪。
好多人聚集係門口, 就係因為下面呢段片：



原來呢段片, 出自 Date Movie, 英文名可能大家唔知係乜東東。
中文譯名係：搞乜鬼愛情爛片王

想當年應該無入場睇, 大概係揀左睇其他戲。
琴日睇碟睇番, 仍保持著搞乜鬼系列, 抵死搞野, 玩人套戲玩得出色真係好過癮！



She is Sophie Monk.
係 youtube 搵到佢有兩首歌：Push it 同埋 Inside Outside.
Push it 簡直係 Push Up Bra 的廣告歌；而 Inside Outside 其實幾好聽。

>>January 16, 2008 at 5:11:37 PM GMT+8

2008 年 1 月 16 日 星期三 【晴】

大家行過報紙攤,
有無留意到雜誌堆中,
有個大大紅色的文件袋？

文件袋？？
錯了, 那是一個「紅封包」"利是封"哦！
紅底金字, 封面有圖案, 封底有賀詞。
睇真 d 個公仔, 塊面有「ΛΛΛΛ」(將呢四個符號合埋黎睇呀唔該), "4A", 即係阿葛啦。
心口有個「Ｍ」, 仲有句「I'm lovin' it」, "McDonald's", 麥當勞是也。

揭起其他「紅封包」, 原來仲有一款。
阿葛係「4A雞」, 而阿Jan則是「●●●鼠」(三個大圓實心點即係3omething...)

新年快到啦~
軟硬又黎喇！

已經記不起幾多年前,「SOFTHARDｘMcDonald's」開始同大家拜年。
呢個相信只係"軟硬"今年的「頭炮」,
接下來佢地會不斷發作, 以唔同形式同大家見面。(可惜始終都要洗$$)
阿葛"4A"大把crossover量產品製作發售；阿Jan就出唱片, 開"是但噏"。

大家儲定錢~
軟硬又黎料！

>>January 16, 2008 at 2:05:13 PM GMT+8

2008 年 1 月 15 日 星期二 【晴】

PSP
Virtual Tennis 3


終極大戰, The King of Tennis.


最後以6比1贏左, 成功奪得世界排名第一位。


以這個遊戲的進程, 我用左六年時間, 從排名300開始打上去。
其實玩到第五年我的排名已經去到第2, 但係要等到一年一度的 The King of Tennis 才可以成為第1。
終於等到了, 可是最終以0比6輸掉了, 輸得相當難睇。


但係打完呢場波便即告受傷....


這個遊戲可以自己創造一個人物,
著咩衫咩褲咩鞋咩配件, 當然仲可以揀用咩球拍啦！

只要不斷參加世界各地的球賽,
贏到冠軍就會得到些新裝備。


話說可以創造一個人物來參加比賽, 於是我便以自己的模樣來創造一個。


當與其他各國球員走在一起時, 總是矮成個頭, 哈哈哈

>>January 15, 2008 at 1:11:51 PM GMT+8

2008 年 1 月 8 日 星期二 【晴】

支持夢工場支持林海峰
支持蜜蜂電影 Bee Movie

剛啱大學畢業的蜜蜂仔Barry，意外流落紐約，幸得女花王Vanessa打救和收留，
Barry卻因而發現他們辛苦採來的蜜糖，一直被人類免費任飲任食！
Barry決定正式控告人類偷竊蜜糖，展開史上最不可思議的蜜蜂仔打官司，千億元蜜糖爭產案！

夢工場優質出品，吸引了一眾荷里活巨星蜂擁而至，開聲力撐，
主打「聲」光演出的有美國最受歡迎電視劇《宋飛正傳》的男主角、金球獎得主謝利宋飛 (Jerry Seinfeld)

角色人性化令主角巴里生動活潑，牠不願意一世為一份工作營營役役，
對人生重新思考，再次尋找目標，正是以蜜蜂的角度看人生。



專登走到過去康怡睇, 事關唔多院線上呢套戲, 更莫論原裝英語版。
香港發行商搞噱頭, 組成「七蜂俠」為一眾蜜蜂發聲，
陣容包括：林海峰、林曉峰、蘇民峰、胡楓、鄧梓峰、周國豐及范振鋒。
除左林氏兄弟和胡楓, 其他的我都聽唔出。
林海峰配音, 入型入格, 但係以佢咁老資歷, 呢次輕鬆執豆啦。
反而(印象中)好少聽佢兩兄弟(林曉峰)同場聲演, 有的話可以提番我唔該。
女聲方面有鄭融, 其實佢都配得唔錯, 好有氣氛架。
尾段極級地似【五星級大鼠】(Ratatouille), 都係大堆頭的場面。

裡頭有一點點訊息告訴我們, 可惜不宜在此言明, 入場睇或者等出碟啦~

>>January 9, 2008 at 3:21:24 AM GMT+8

2008 年 1 月 6 日 星期日 【晴】

呢個星期六晚, 成晚電視都係開左有線娛樂台,
連唔多睇的我都坐低睇, 差不多睇足一晚。

========================
19:00 活得很滋味之旅遊篇
20:00 一粒鐘真人蘇
21:00 大小愛吃
22:00 40日「峰」狂嘆世界
========================

先有譚詠麟+衛志豪去意大利米蘭的【活得很滋味】,
超級球迷阿麟先帶觀眾入場睇波(AC米蘭呢?), 又上雪山(阿爾卑斯山?),
作為旅遊節目, 總離不開飲飲食食, 睇阿麟帶大家買料食火鍋已經夠過癮啦！
仲有揀酒買酒, 在一個好大的酒窖走來走去, 衛志豪問阿麟點揀酒, 呢條問題難唔到阿麟啦~
之後衛志豪再問阿麟最好飲果支酒係邊支？咁阿麟就答喇：係82年, 82年出品的「青島」。
還有介紹一間全部設施都冰封左的酒吧, 冰封了的牆壁、梳化、吧檯、仲有連酒杯都係冰。
節目尾聲, 還天寒地凍買齊料走上山搵地方墊個位黎野餐, 野餐之嘛有咩咁特別呢？
就係兩個大男人開極支香檳都開唔到, 十幾個 take 都搞唔掂, 最後...
反而最難頂, 係衛志豪同阿麟倚著欄居高臨下咁,
衛志豪問阿麟怎樣才是活得很滋味？使唔使咁"向世界出發"啊。

跟住輪到我開飯, 一面食飯一面睇【一粒鐘真人蘇】。
最近幾個禮拜六老豆都有入黎食飯, 所以呢排都有睇呢個節目, 的確係幾過癮。
今集, 用左大部份篇幅黎講"匡智會", 搞到好似就黎要幫佢籌款咁, 差在未講捐款熱線。
無左以往的去好多地方食野的讚人彈人, 對一 d 唔多識匡智會的香港人黎講, 蠻教育意義吧。

記得大概半年前, 有日路經太安樓, 為食的我點會錯過呢一站。
今次諗住食格仔餅啦, 誰不知大排長龍, 仲要在有限的地方內打哂蛇餅, 相當誇張。
去過太安樓的朋友應該都見識過那裡的通道有幾寬落, 當日簡直係阻住條路, 影響其他檔口。
唔多歡喜要排隊的我, 唯有打消念頭, 吃其他東西啦~
回家吃飯時講開上述見聞, 老豆就話我知事關那格仔餅剛被阿蘇介紹過, 於是乎就搞成咁。
如果我係個老闆, 我唔會多謝阿蘇, 依家俾妳搞亂個場,
不過香港人黎得快去得更快, 好快就復原。格仔餅, 妳等我。

下星期, 蘇絲黃的【一粒鐘真人蘇】就會播埋最後一集,
接佢力的是谷德昭, 加四個女仔, 節目名為「味力 "昭"人」, 即管釋目以待。

之後有台灣節目, 由大S小s主持的【大小愛吃】。
每集都會邀請嘉賓上黎煮下野食, 又傾下計咁。
如果以為係一般傾計就錯了, 大小S電個辣妹, 唔辣的都唔問, 而且還會耍技巧。
可是, 我對台灣節目的注意力不及老豆大。

最後有最使我不亦樂乎的【40日「峰」狂嘆世界 】。
蘇民峰同佢老婆帶埋女主播 Priscilla 黃翠如, 仲有班crew周圍去玩, 今集就去到巴西。
師傅表現相當生鬼, 睇住佢同班crew玩得好開心, Priscilla 笑容甜美, 睇節目不外乎求賞心悅目。
阿瑪遜間樹屋旅館, 淨係睇佢玩個"夾萬"保險箱, 已經笑口長開。條友真係好貪玩。
蘇民峰, 當代最潮最過癮的風水算命師。有人批評佢串, 不過我覺得佢係串得起。

>>January 6, 2008 at 3:32:29 PM GMT+8