2008 年 2 月 20 日 星期三 【晴】

有趣的連環圖！
來看看吧~









>>February 20, 2008 at 12:52:45 AM GMT+8

2008 年 2 月 19 日 星期二 【晴】

當年今日：

<人氣: 80220> <首頁: 3363>
>>2008年01月05日 Sat 0:19:33 (GMT+8)

<人氣: 82102> <首頁: 0295>
>>2008年01月31日 Thu 14:00:02 (GMT+8)

<人氣: 83502> <首頁: 0474>

>>February 19, 2008 at 3:25:41 PM GMT+8

2008 年 2 月 19 日 星期二 【晴】

叉燒牛一, 適逢農曆新年, 所以有見面的活動都幾連續下。
不過後來聽他說, 他本是慶祝農曆生日。

想不到買乜禮物, 唯有多動腦筋, 弄些有趣的點子。

希望佢喜歡這些吧~

2008 年 2 月 16 日 星期六 【晴】

百年一遇的持續寒冷天氣下, 有熱鬧全城的"革命"。
edc房事相簿流出, "朋友"間互相傳閱, 新春次話題。


誰是誰非呢？
「你們中間誰沒有罪，先向她投石罷！」(若8:7)


【性愛無罪‧拍照有理】
性行為乃溝通方門之一, 假如能建基於戀愛中, 事半功倍。
純性慾關系亦無不妥, 妳情我願+無強迫成份又有何不可。
拍照留念也是平常不過的事情, 比文字記錄易憶起回味。(偷拍除外)

果堆相片本身係無問題的, 有幾多美感則見人見志。
而流出相片大概都係因為疏忽管理資料被盜。
維修電腦果個抄個copy出黎就梗係有錯喇！
但係放相上網的所謂"奇拿"則唔一定係佢, 係佢的話應該早早就流出左。
看來佢都只係燒幾隻碟出黎做「手信」而已, 派俾相熟親戚朋友。

一間唔係Apple合約商號的電腦鋪頭, 開在一間Apple合約商號隔離。
兩間鋪又裝潢都好鬼似樣咁, 唔熟行都未必知原來係兩間唔同鋪頭。

月薪幾千蚊的技術員, 收到edc部手提電腦維修,
整好開黎試下機, 發現左有堆明星私房相, 係咪好有趣先？
不過我就唔認為佢有計劃用 d 相黎搵錢囉。
佢唔好彩啦, 有條友唔生性放埋上網公諸同好, 連累佢俾人擺上檯。

又唔知幾時開始, 新聞從業員都紛紛在網際中搵料報導, 特別係遊走於不同論壇。
一路以來都係「呢度講呢度散」的消息, 就俾呢班人公諸於世, 好快就見報。
呢頭見報, 轉過頭英皇就做大龍鳳, 高調備案聲稱相中人乃移花接木之外,
做到咁出面, 都唔知博乜？未搞清楚發生乜事, 就以為可以先發制人, 弄巧反拙。
映相果個都即刻離港避風頭, 如果係做假又使唔使攪到雞飛狗走？

事件中, 警方的確行動迅速, 相當有效率, 但係效能就....
29號報警, 31號就宣佈捉到人, 明眼人都知係祭旗喇！
未知判佢乜刑罰, 所以焗佢還押8個禮拜再算。仲揭埋佢拖欠卡數。
幾絕啊呢招, 唔知屈你乜野, 先收你監。
真係以為可以殺一儆百？
呢條友都唔知係咪代罪羔羊, 甚至係"鷹王"派出既「替死鬼」。

後來又調捉左多名年輕男女, 係咁易話佢地同案件有關。
未捉到源頭, 就求其捉幾個先, 捉到個源頭就放番之前既, 香港警察真本事！

還不特止, 更私發白色恐怖。加上連番失言, 激起(網)民憤。
「一哥」鄧竟成"釋法", 揚言網民藏有淫照都可能犯法。
以我理解, 係視乎照片數量儲藏方法等引發的"目的", 咁即係「屈得就屈」！
跟住又有助理處長(刑事)黃福全在記者會上"大膽"發言：
「我可以好大膽咁講句，呢件案源頭已經搵得到，因為有人整電腦，俾人用違法方法攞d資料出黎。」

警方強詞奪理, 屈打成招, 選擇性執法。『法律面前，窮人含忍』

無幾耐, 奇拿又出招, 盡落警方的面子。
純以此來睇, 確實『大快民心』。
可不幸是相片被如此利用, 相中人的確無辜。

凡塵中, 你我皆微不足度。
寄浮遊於天地，眇滄海之一粟！

>>February 19, 2008 at 3:24:59 PM GMT+8

2008 年 2 月 16 日 星期六 【晴】

越空行者
Jumper



這是圍繞著一名典型美國青年Davey（凱頓基斯登遜 飾），
他自小在暴力家庭陰影中長大，造成鬱鬱不得志的消極性格。
直到他在意外中發現跨躍時空方法，方始改寫其命運──
他先藉著這種超能力尋找弒母真兇，同時又遇上同樣擁有越空秘技的另一位青年朋友Griffin（占米比爾 飾）。
可是他倆的出位行徑，最終觸發國安局監視，事情一發不可收拾…



第一次趕唔切入場, 要朋友放低戲票係票房；
第一次係票房講完自己過名就有張飛, 而唔使簽卡俾錢；
第一次差不多開場先起身, 睇940, 我932先起身；
第一次泊架車0向銅鑼灣海旁個油站果度；
第一次遲左十幾廿分鐘先坐低睇戲。

由於自己遲入場, 睇少左幾段,
所以我會將故事無交代的都假設係哂漏左果 d 段落。

講完。

如果真係有續集, 好希望編劇能交代清楚番哂。

>>February 19, 2008 at 3:15:55 PM GMT+8

2008 年 2 月 14 日 星期四 【晴】

如果我和妳的距離只有 0.02
【又一個情人節】

對住無情人的我, 呢個節日根本就係多餘。
雖然我一直都覺得情人節只不過係其中一個純商業化節日。

聖誕節同復活節,
都話有班所謂信徒會紀念一下果個o係本書裡面記載唔少佢o既事的人物。
但係後來呢？
呢個節日咪見得最普遍都係聖誕老人聖誕樹復活蛋同復活兔。

有幾多個訂左花, 聽日仲要帶住 d 花周街行o既情侶, 真係知道情人節的起源呢？
起源之說都有唔少, 真係信不信由你。
有興趣就自己查下喇！唔排除可以為你和另一半帶來更多話題。

有情人咪過情人節；無情人咪過愁人節。
究竟有情人愁 d ？定係無情人愁 d 呢？哈哈哈~

咩人最愁呢？
一到 d 大時大節, 就會有 d 機構/團體走出黎,
講話擔心年輕人係呢 d 節日氣氛下, 好易發生性關係。戇居！
咪咁愚昧啦！真係想搞野果 d, 唔使等呢一日喇！
又唔見係新年重陽出黎咁講, 屋企人出哂去, 叫人上黎搞乜都得呀, 死蠢！

如果真係好擔心個仔搞大人地個肚, 又驚個女個肚俾人搞大,
最有效的方法咪當佢地係貓貓狗狗, 早早幫佢地絕育囉, 咁咪唔怕囉！

就這樣簡單, 可不是。
除左會有BB, 還要怕感染性病嘛, 安全套condom少不了。

0.02 相信係現時最薄的吧, 年輕人有試過嘛？

唔明點解"衛生巾"會入學校同女仔講月經而無"安全套"入學校講安全性行為呢？
衛生巾咁做都擺到明係商業策略黎架啦！
(以我當年讀書時計。唔排除依家有, 不過我認為都係無)



>>February 21, 2008 at 1:10:14 AM GMT+8

2008 年 2 月 14 日 星期四 【晴】

情人節精選：
【留給最愛的情書】



導演 : 李察拿加雲尼斯
演員 : 希拉莉詩韻, 謝拉畢查, 嘉菲比絲, 麗莎古杜
片長 : 126 分鐘

荷莉甘迺迪 (希拉莉詩韻飾) 是一位美麗時髦的時代女性，
與青梅竹馬的玩伴謝利甘迺迪﹝謝拉畢查飾﹞結了婚，
謝利是一位有趣但又性急魯莽的愛爾蘭人，他們互相了解，熟悉對方的一切。
兩人生活原本幸福美滿，羨煞旁人，
但天意弄人，謝利不幸得了腦腫瘤去世，留下荷莉一個人，獨自面對未來。
謝利的離世幾乎令荷莉崩潰，可以令荷莉再站起來的相信只有最了解她的丈夫，
幸好謝利在離世前已作好安排，他了解荷莉會因他的離世而沮喪，
所以事先預備了12封信，伴她度過頭12個月沒有他的日子。

第一封信在荷莉30歲的生日送到，
並附上生日蛋糕及謝利的錄音帶，囑咐她要出外和朋友慶祝生日。
之後她陸陸續續收到謝利以不同方式留給她的信，
每一次她都有一個新的體驗，有新的得著並重新認識自己‧‧‧
每一封信，謝利都以一句 “P.S. I love you” 作結尾，讓荷莉仍然感受到他對她的愛。

>>January 9, 2008 at 5:01:33 PM GMT+8

2008 年 2 月 10 日 星期日 【晴】

~香港地~
好在有「警察」：經已係好大成就！

面對神秘人(killer)連環出擊，
警方商業罪案調查科的科技罪案組除了密切留意香港網站有沒有被人上載淫照外，
現階段只能透過通知國際刑警作「消極抵抗」。

警方消息指出，香港警察只能根據香港的法例執法，
「控制到冇網民再敢係香港上載，經已係好大成就！」
消息稱，現時每出現多一名「受害人」，
香港警方都會追查伺服器的所在地，再透過國際刑警通知當地警方。

唔止會「人多蝦人少」；
仲會「自打嘴巴」, 知講錯說話就換另一個上場面對群眾, 再錯咪再換囉；
更會「吹雞」, 自己搞唔掂就搵人幫手。(國際刑警都唔知幫乜好： 咁少事就搞我地)

香港, 好在有「警察」, 佢地有好大成就架！
<關於我與呢個職務的恩怨, 不日待續>

2008 年 2 月 7 日 星期四 【晴】

睇《長江七號》得不到周星馳慰值的,
呢個年初二不妨追看電影一台。

2008年2月8日 星期五		Friday, 8thFebruary, 2008
上午 AM
07:55	花田囍事
09:35	整蠱專家
11:45	少林足球
下午 PM
02:00	雀聖
04:00	審死官
06:00	大內密探零零發
07:45	金雞
09:55	龍咁威 2003
凌晨 AM
12:00	唐伯虎點秋香
02:00	九品芝麻官
04:05	97'家有囍事
05:50	逃學威龍

2008 年 2 月 4 日 星期一 【晴】



>>February 4, 2008 at 1:19:56 AM GMT+8