2008 年 2 月 1 日 星期五 【晴】

從某某論壇中看見
【陳冠希咬阿嬌事件簿】

於是俾有網民解釋：
d 相公開亦令到大家了解藝人即係偽人，
希望可以見到佢地更多另一面，假面具之後既真面目。
阿嬌同陳生都否認過相戀，但原來唔拍拖，都可以上床的。
(註: 咬 = 這個字拆開寫會易明白 D，但用呢個字又冇咁色情！)

單用一個字都好有動態呢！讚~

涉嫌在網上發布疑似藝人不雅照片的男子，
被控發布淫褻物品罪名，毋須答辯，還押看管，3月28日再審。

警方前日在新界拘捕被告，
在其住所內兩部電腦，發現12張與案件有關的不雅照片。

據剛才冇線新聞報導, 話條友認左 d 相係佢發。
但係未知判佢乜刑罰, 所以焗佢還押8個禮拜再算。

幾絕啊呢招, 唔知屈你乜野, 先收你監。真係以為可以殺一儆百？
呢條友都唔知係咪代罪羔羊, 甚至係"鷹王"派出既「替死鬼」。

報章今日仲竟然拿《死亡筆記》黎比喻呢件事。
真係咁都俾佢諗得到。參閱見：20080201 蘋果日報 C1
而我就認為寫筆記的係陳公子(記錄)；
死神則係相片發佈者；"懷疑"受害人咪係班女星。(唔知會唔會有男星的份兒呢?)

如果條友(死神)有信心唔俾人搵到, 拖長慢慢玩都好合理。
否則速戰速決, 放哂 d 相出黎, 等 d 網民共存就穩陣, 否則石沉大海。

我幾想睇番當年(幾年前)的「富豪相簿」 d 相, 孫佳君等等果 d.



點解唔搵edison問清楚總共有幾多張相呢？或者幾多段片呢？又或者有幾多個女主角？
咁咪唔使俾發原相果條友咁得戚囉！！哈哈哈~

不過佢拆得掂就唔使避, 逃出香港啦。
話唔定佢趕住去映埋Vincy. hahah.....

如果証實左 d 相片係真既, 唔係偽造(移花接木)出黎 ,
係咪可以告備案既人比假口供同埋彷擬司法公證罪呢 ?

據消息顯示相片既真偽經多方驗証以至警方專家等,
到現時仍未能找到任何証據顯示是偽做相片。

佢地使唔使罰款同坐監呢？

>>February 1, 2008 at 4:58:52 PM GMT+8

2008 年 1 月 31 日 星期四 【晴】

最後的
「愛」

因為... 所以...
回想起那段時間, 才發現那時候妳跟我在「相愛」, 就只有那短短的時光。

終於你離開了 帶走我給你的愛
帶走我的幸福 飛到了天邊
到另一個世界 留下我的傷

那段日子, 我們再次走在一起, 相聚的時間很多, 但愉悅卻不多。
妳說妳早想開口, 但又找不著機會, 拖下一日拖下又一日....
即使妳就在我跟前我身旁, 可是妳的心都不知往哪裡去, 我完全失去感應。

2008 年 1 月 31 日 星期四 【晴】

天 妒
英 才

希 恩 萊 杰 Heath Ledger 1979-2008
出 生 日 期 ： 1979 年 4 月 4 日
出 生 地 點 ： 澳 洲 柏 斯
曾 演 出 重 要 作 品 ：
《 孤 軍 雄 心 》 （ The Patriot ） 2000 、 《 狂 野 武 士 》 （ A Knight's Tale ） 2001
《 格 林 兄 弟 幻 險 記 》 （ The Brothers Grimm ） 2005 、 《 斷 背 山 》 （ Brokeback Mountain ） 2005
《 蝙 蝠 俠 ： 黑 夜 之 神 》 （ The Dark Knight ） 2008

>>January 31, 2008 at 2:35:53 PM GMT+8

2008 年 1 月 31 日 星期四 【晴】

"性‧教育", 永遠趕不及經濟發展。
雖然係咁, 呢件事總算還不賴, 起碼可以俾人放低 d 數字埋一邊唔講住。



「悲哀」, 理應來自發放者？還是拍攝者啊？
我認為, 只不過係「少見多怪」而已。
比起巴黎小姐, 皮毛之嘛~


如果唔係以移花接木手法的照片，就可以刊登嗎？

<人氣: 80220> <首頁: 3363>
>>2008年01月05日 Sat 0:19:33 (GMT+8)

<人氣: 82102> <首頁: 0295>

>>January 31, 2008 at 2:00:02 PM GMT+8

2008 年 1 月 30 日 星期三 【晴】

大吉利是有限公司
The Darjeeling Limited



《大吉利是有限公司》劇本另闢新猷，是一闕失散已久三兄弟重遇後，試圖修復親情的故事。
大佬法蘭（奧雲韋遜 飾）、二佬彼德（艾哲倫保迪 飾）及細佬積克（積遜舒華薩曼 飾）自從於年前摯愛父親的葬禮後，再也沒聯絡過。
一年後的今天法蘭率先破冰，並決定安排一趟橫跨印度的火車探險之旅，企圖從中探索自我，借機重拾久違了兄弟情誼。
沿途中法蘭一如以往展現他喜歡支配的「控制狂」個性，
他不但負責整段旅程緊密安排，就連用膳時也貼心地替兩位弟弟點菜，二人大吃不消卻無可奈何。
同樣地，大家對彼德的古怪行徑，以至積克到處留情的表現也看不過眼──此刻他仨卻擠於同一火車廂內，
彼此差距有如火車內浮誇的顏色分岐般明顯，從而鬧出許多荒誕笑話來。
三兄弟還是一條心，貌似不合卻攜帶相同的LV新款行李，路上遇見不平又會拔刀相助，自由活動時間時更不自覺混在一起。
三人決定拋棄全數十一件行李，一起躍上下班火車，前往不詳的下一站，展開生活另一章……

導演 : 韋斯安德遜
演員 : 艾哲倫保迪, 奧雲韋遜, 積遜舒華薩曼



成套戲出現好多同一個品牌的行李箱/袋, 真係成個collection。
睇完呢套戲, 我都開始鍾意佢地,
佢地真係好掂：款式時尚, 四平八穩, 可攻可守, 坐又得, 拋又得, 差 D 可以上山下海。

成套戲好多時都要主角們去「追」, 追火車不特止, 還追飛機。

(唔計part1)開始時出場先有"標梅利"坐瘋狂的士, 跟住衝入火車站買飛再追火車.....
係呢個時候, 飾演二佬彼德的"艾哲倫保迪"跑出來, 追上了火車, 而標就追唔到。
(大家認識標梅利嘛?)

而結尾,佢地三兄弟又要追火車, 但係今次佢地最後拋低所有行李。
果堆行李collection都是他們亡父的遺物。

我估計他們認為最重要的東西『親情(兄弟)』已經在左右就成了~
兄弟間之感情, 由互不信任, 通過經歷轉為互相扶持。
(如Passport由誰保管可見一二)

我幾欣賞套戲有part 1.
有哂前因後果，好功整。仲幾搞鬼~



Part1 --- 13分鐘的短片(Hotel Chevalier), 女主角原來係Natalie Portman.
仲以為邊個咁索....... 即係下面呢個囉！ Leslie in my blueburry nights.



>>January 31, 2008 at 1:23:36 PM GMT+8

2008 年 1 月 30 日 星期三 【晴】

好凍啊！
水溫還比氣溫暖得多。



>>January 30, 2008 at 2:36:39 PM GMT+8

2008 年 1 月 29 日 星期二 【晴】

唔知聽日「edit臣」上唔上到C1呢？
原來係上埋A1添。

如果真係「移花接木」, 又使唔使搞咁多野呢？
Bobo 同阿嬌以往都有被「造相」, 都好似無咁隆重。
陳冠希有錢有名有地位, 就要搞咁多大龍鳳。
(佢同林建岳都有唔少關係, 真係"禍不單行")

又唔知陳公子同方力申有無交流心得架呢？打籃球呀~


今次淫照風波，網上流傳是陳冠希的電腦遭黑客入侵，
亦有人稱其電腦交由他人維修時被人偷取照片。
不過，不論屬於那種情況，律師梁永鏗表示，
偷取相片者都可能觸犯有犯罪或不誠實意圖而取用電腦罪行。

>>January 29, 2008 at 12:32:59 PM GMT+8

2008 年 1 月 29 日 星期二 【晴】

有百份百的感覺嗎？
【Feel 100%】

你成日都咁夜的~
我有時都會明看你的日記的~
所以都知道你夜睡~
日記有寫我夜訓咩？
時間呀`
活著多好, 來: 咁又係
你的傷無事嘛?
還好
妳又唔訓？唔使返工咩？
做功課~
現在實習緊~好多野做~
今年順利就可以畢業了~
我以前懶嘛~
不過現在都是~
為份工，為自己，都要啦
係保住份工~

喂~27宜嫁好看嗎~
我鍾意架
黎近又有套p.s. i love u
是否死左寄情信比女朋友 / 老婆(唔記得) 個套..?
yup yup ~
都要找時間去看看佢~我指27呀~
之前看過預告~
上畫就話要看~都差不多落畫了~....
都上左一段日子
好快又多戲上
係呀~
旺期嘛~

我現在才看FEEL 100 你就知~
哈哈~
時間唔等人~
物件就可以~
結局幾好，我都幾鍾意
一早都估許樂唔會同CHERRY一起~~
因為JACKIE的FEEL 夾O的~
想想愛的方式不同~~唔擁有都可以愛~這是JERRY最後的愛情方式嗎~?
咁jackie 都正, 重情重義。cherry 好純。
OK LA~ 再看一次~都是喜歡這漫畫的電影感~
忠誠嘛~
應該是忠貞~
jerry 花弗玩世, 係因為逃避得唔到的失落
妳有無睇埋其他相關的小說？
我指CHERRY~~天使嘛~~100%理想~但是曾經滄海都會變凡人~
有呀~
不過無溫書~
cherry, 其實係現代好多女仔的寫照
成日轉人~筆鋒都唔同~
都係的~
由細到大，被受保護，沒有好好接觸個世界。
到初探新知, 忽發好奇樣樣想試
好的人總被壞的吸引~因為是另一個世界的事~
對~
其實佢，唔係太懂得愛。
重點是唔知自己要什麼~
每個人都會凡(~
的~
過程嘛
有誰可以講什麼是懂得愛~?
對~
20幾歲先PROCESS~
唔知是否太遲~?
這類女子~~無得等的~因為一定唔會回頭~~回頭都會分開~~因為太習慣之前的關係~
她的理想就是大家的理想~~這不是兩個人的相處~
可能是我主觀~~
她？
這類女子？
小心身體呀~天氣冷了~讓自己的內心暖些會更好~~
我指CHERRY.....
什麼?
早抖~
好啦
妳快 d 訓

>>January 29, 2008 at 2:24:51 AM GMT+8

2008 年 1 月 25 日 星期五 【晴】

天雨路滑
小心慢駛

自問平時安全駕駛, 可惜偏偏要走路遭殃。

今晨九時許, 本來諗住淨係著件羽絨就出門口,
臨出門口發現有點微雨, 咪著多件風褸擋下 d 雨水囉。
行到出去等電梯, 望落條街, d 雨都好密下, 再抬頭看天上烏雲滿佈, 所以就返入去拎埋把"遮"。
就係咁, 掛彩了！

事發是這樣的：
拎左把"遮", 咪鎖番門行番去𨋢口, 點知架𨋢到, 又俾我聽到開門聲喎！
咁咪行快兩步囉, 誰不知鞋底在之前兩步踩濕左,
而我正要轉一個右彎先可以行向電梯, 於是就在這急轉彎的一步, "跣"腳~~~~
"跣"腳~~~~ 成個人便失去重心, 亦唔知係咪轉右的關係, 我右邊面便撞左埋牆！！！<>
就係咁, 掛彩了！

連眼鏡框都花埋！
塊面都損左些少。

這應該定名為 OMG Story Two. (OMG - O My Glasses)
(Story One 係 跌眼鏡事件 + 釣眼鏡行動)

>>January 26, 2008 at 2:08:32 AM GMT+8

2008 年 1 月 23 日 星期三 【晴】

The Assassination of Jesse James by the Coward Robert Ford
懦夫羅拔福暗殺謝斯占士 <香港譯名：叛逆暗殺>

台版海報

謝斯占士(畢彼特)是美國名副其實的大紅人。
時至今日，已有無數書籍細數這位美國頭號罪犯的精彩事跡，
陳述他鮮明強烈的性格，但只有少數依從真相如實報道。
對於被他洗劫和恐嚇的人、和那些他殺害的人的親屬來說，謝斯占士可能只是個罪犯，
但在1870年代每篇煽情的報章新聞和廉價小說中，謝西占士是人們敬仰和崇拜的對像。
他是真人版的羅賓漢，專門打劫那些剝削貧窮農民的火車公司老闆和銀行家，
他背負著沉重的過去，一位要為自己不幸遭遇討回公道的士兵。
更重要的是，對於絕大部分早已定居城市的人來說，
他是最後一位浪人，象徵著自由和美國精神，是一位充滿魅力的反叛者，
無視法律堅持按照自己的規則做事，是一個活生生的傳奇…



Jesse James是美國的火車大盜，
他和哥哥一起搶劫了多列火車，取了25條人命，是十九世紀美國無人不知的人物。
跟他一起犯下最後一單藍切火車案的人不是死了就是被捉，
他和哥哥卻一直逍遙法外，直至他被暗殺。

戲名已經話左俾觀眾知齣戲會有乜事會發生, 咪就係：Robert Ford 會行刺 Jesse James.
套戲用左兩個鐘舖排呢個情節-- 前因；
另外用左半個鐘黎講Jesse James死左之後既事-- 後果。

那一個暗殺, 其實係叫「自殺」才貼切的。
Jesse James向來槍不離身, 直至......
Robert Ford，殺他的時候才20歲，本來是他的粉絲，
不知為何調轉槍頭，作警方的線人，最後成為刺殺者。

唔知關唔關電影裡面出現的呢一句對白呢？
Jesse James 問 Robert Ford：Do you want to be like me? Or do u want to be me?

而 Jesse James 點解要俾機會 Robert Ford 殺死自己呢？
有感眾叛親離？生無可戀？無哂生存意義？

頭兩個鐘舖排好漫長, 鈙述好仔細, 俾足時間讓觀眾們認識呢個傳奇人物；
反而最後半個鐘則節奏明快, 豐富生動, 亦都係個故事的重點所在。

套戲本身的確戲味十足, 但像花費過量情節形容人物, 拖得太長, 而且枝節繁多。
160分鐘, 係patpat跟座椅的耐力對抗大挑戰。("耐性"因人而異)
畢彼得章顯好演技, 特別係眼睛和面部表情。
抵佢憑呢齣戲拎威尼斯影帝, 呢 d 咪係男主角囉, 論戲份其實.....

從"崇拜"轉為"嫉妒"甚至"憎恨", 後來仲"後悔"添。
我指阿褔特仔。監製(畢仔)俾足機會佢啦！



想起畢哥的舊作《搏擊會》, 故事本身的他都唔係正將, 但係都比較搶戲。
如果兩個角色都唔係由畢彼得演, 又如何呢？

>>January 24, 2008 at 3:08:51 PM GMT+8