2008 年 3 月 6 日 星期四 【晴】

棟篤笑《林海峰是但噏求其大合唱》
跟他的第七張個人專輯《我地大家》同步面世。



繼睇完【是但噏】《求其大合唱》，
買埋隻林海峰最新專輯《我地大家》黎自我擊炸。

名曲《獅子山下》的其中一句："我地大家"在獅子山下相遇上...
《我地大家》的旋律和編曲有著《始終有你》的影子。
我地大家齊聲歌頌的東西, 甚至仿如詞中頻頻出現的"啦啦"般空洞虛無。
就好似詹瑞文在【萬千師奶賀台慶】中多次唱出《講不出聲》的意思一樣。
當然,我地也可以將"啦啦"填補上我地自己合適的兩個字。適隨尊便~
情況亦如【是但噏】中, 他指：乜人睇乜野。

黃貫中作曲的《Go Go飛龍》, Rock味十足。
"飛龍"二字, 打針都無咁快就能讓我聯想起香港政府洗左幾百萬的「香港‧飛龍」標誌。
一首本土風味內涵的歌曲,當然少不免諷刺時弊。
睇番剛出版的 Jet, 阿Jan解說指《Go Go飛龍》本來其實係《高山青龍》。

高山青龍是甚麼？有無印象上年度的【叱咤】頒獎嘛？(2006年度)
奪得叱o宅樂壇組合金獎同叱o宅樂壇我最喜愛的組合的軟硬, 便以高山青龍造型上台領獎。



林狗訪問(節錄)

在《我哋大家》裡包含了多首Rock-Based的歌曲。
不說不知，原來《我哋大家》這專輯是引伸自2006年軟硬的「高山青龍」Project—
—即源自一齣本是軟硬為黃貫中的《狂人習作音樂會》所拍攝的短片。

「這Project的源頭是由阿Paul提出——找我們在其音樂會裡拍一齣錄像，
扮成典型長髮Rock友形象來罵他，『高山青龍』就是這樣出來。
我很喜歡整件事，再加上那時我看了很多Jack Black、Tenacious D以及Little Britain的東西，
而令我想像到『高山青龍』可以變成這樣的一隊組合。
於是我們想了一連串構思：灌錄唱片、拍紀錄片甚至電影，有好大的幻想。」

他們構想中的「高山青龍」是一個推翻樂壇的組合，憤世嫉俗到處罵人，
最後要在高山劇場開一場音樂會。
那時，Jan已收了黃貫中(〈Gogo飛龍〉)、24味的Eddie(〈你老板〉)、陳奐仁(〈傻婆〉)、楊鎮邦(〈大悶棍〉)、Soler(〈冷面笑匠〉)、區新明(〈齊齊整整〉)等人的歌曲。
可惜這個軟硬的「高山青龍」還是無疾而終，因為他們認為軟硬的復合為只此一次而已。

「『高山青龍』煙消雲散了，
我就拿著這些原本給『高山青龍』的歌曲，變成我自己專輯的作品。」

>>April 1, 2008 at 3:26:07 PM GMT+8

2008 年 3 月 5 日 星期三 【晴】

一連兩個星期三晚都在旺角團團轉。
兩次都係在電影中心睇完戲行過黎。

上周, 睇完 P.S. I Love You；今晚, 睇完 Juno 少女孕記。

亦因為呢兩個夜晚在旺角團團轉, 識多左兩條小巴路線。
旺角去荃灣, & 旺角去元朗、屯門。而呢兩條小巴線都站頭都係朗豪坊附近。

話說回頭, 上個禮拜因為唔知邊度有車入荃灣,
當時已經係深夜一點幾, 自己一個人行來行去都搵唔到,
再行都唔係辦法, 唯有問人, 路經一個報紙檔,
便向阿叔問有無車去荃灣？去邊度有得搭？
於是佢就指引我去朗豪果度搵小巴。臨走我當然向他道謝, 他便回應說下次來幫襯便成了。

事隔一周, 因為在旺角閒逛, 想起了, 便行番去呢個報檔, 買左本林狗封面的《Jet》
雖然可能個阿叔都唔記得我, 但係我應承得幫襯, 今晚我做到了。

>>March 6, 2008 at 4:37:29 AM GMT+8

2008 年 3 月 5 日 星期三 【晴】

生黎
死別

本應是「生離死別」, 我理解係不論生死, 也有離別的時候。
但係我認為叫「生"黎"死別」更合適我。

生命, 有誕生, 有死亡。
誕生出來, 便是"黎"到呢個世界；
壽終死亡, 則極樂遠去告別一生。

最多「生生死死」的地方, 就是醫院。
走入醫院, 經歷生死的人, 總有個係左近。

看過一部電影, 裡頭一個段落是這樣的：
畫面出現主角, 鏡頭跟住主角走入升降機(醫院)。
當𨋢門再次打開, 好些人放聲痛哭, 大概是親人離世。
去到另一層𨋢門又再打開,
有個男人聽到"消息"後, 歡喜若狂興奮不已,
呢一層係產房, 母子平安云云, 其他人都感到喜悅, 紛紛向他祝賀。

問心：
我們自己如何看待生死？
生死, 我們選擇得了嗎？

我自己, 但求「死得痛快」,
我極之唔想要因為傷病, 挨著苦咁慢慢受死。

我明白, 係好自私的想法,
但係批判我之前請想清楚, 傷/痛/病/死 是不能分享的,
全由自己承受, 無得外借, 無得幫人頂。

最近, 變得經常出入醫院, 難免對生死多作反思自省。

某程度上, 我是支持「安樂死」的。
咪同我講道唔道德, 我淨係在乎訓係度果個。
如果我係果個人, 邊個阻住就係同我對作, 我實返黎搵佢~

「自殺」亦一樣, 好似雖然係犯法的, 不過總係一個解決方法。
也許是很不智, 但不能夠否定它確有解決事情的可能性。

「生育」, "來生"不錯是苦樂參半, 懂得苦中作樂才有美滿人生。
但我地有選擇權利, 將生命帶來世界嗎？
有問個小生命想唔想來到呢個世界咩？

相反, 「死刑」(包括：謀殺), 人家有權取決別人的生死嘛？
唔想承擔責任, 便推卸到律法上, 但法律不就是由人編撰架咩？

流年不利,
想不到會有認識的人上A1。
但我尊重那決定。

一個如此重大的決定, 極需要強大的勇氣和堅定的決心才得實行。

節哀順變。

>>March 4, 2008 at 1:07:55 PM GMT+8

2008 年 3 月 4 日 星期二 【晴】

2008年2月,
看了的電影：

01, 長江七號
02, 韓城攻略 (TV)
03, 魔街理髮師 Sweeney Todd: The Demon Barber of Fleet Street
07, 阿森一族大電影 The Simpson Movie (DVD)
08, 濟公 (TV)
09, 賭俠 (TV)
12, 黑超特警組 Men In Black2 (TV)
13, 國產凌凌漆 (TV)
16, 越空行者 Jumper
24, 審死官 (TV)
25, 200萬奪命奇案 No Country For Old Men
26, 霧地異煞 The Mist
27, 留給最愛的情書 P.S. I Love You

人氣: 80220> <首頁: 3363>
>>2008年01月05日 Sat 0:19:33 (GMT+8)

<人氣: 82102> <首頁: 0295>
>>2008年01月31日 Thu 14:00:02 (GMT+8)

<人氣: 83502> <首頁: 0474>
>>2008年02月19日 Tue 15:25:41 (GMT+8)

<人氣: 84680> <首頁: 0538>

>>March 4, 2008 at 1:04:08 PM GMT+8

2008 年 3 月 4 日 星期二 【晴】

自懂性成人以來, 哭過的次數, 一隻手便數得哂。
其中兩次俾左同一個人, 應該咁講係為左同一個人, 算係紀錄。

眼淺, 易哭的人, 其實唔應該稱得上為誰而哭云云,
事關佢地真係可以乜都喊一餐。

我曾懷疑過自己是多麼的冷血, 怎麼都不哭出來。
到後來才發現原來是因為事情根本唔夠入心, 唔能夠觸動我的淚線。

但係我試過，哭不出來是更難受的。

2008 年 3 月 3 日 星期一 【晴】

專輯歌手：林海峰
專輯名稱：我地大家




專輯曲目：
01. 我地大家
02. Go Go飛龍
03. 你老闆
04. 傻婆
05. 三角朱古力
06. 大悶棍
07. 我掉
08. 世界有古怪(有謝安琪)
09. 我係邊個
10. 冷面笑匠
11. 齊齊整整
12. 粒粒
13. 踎低噴飯

首推：大悶棍, 傻婆, Go Go 飛龍, 你老闆, 世界有古怪, 我掉......

>>March 3, 2008 at 11:54:46 AM GMT+8

2008 年 3 月 1 日 星期六 【晴】



>>March 1, 2008 at 11:51:05 PM GMT+8

2008 年 2 月 28 日 星期四 【晴】







>>February 29, 2008 at 3:05:33 PM GMT+8

2008 年 2 月 25 日 星期一 【晴】

與其要看沒有多少；
倒不如看擁有多少。


看到朋友的一篇網誌：

2008 年 2 月 20 日 星期三 【晴】

今日, 吃蘿蔔糕的時候, 問起以前吃過的那辣椒醬還有沒有？
沒有了, 已經買唔番。

先不論係咪真係搵唔到黎買,
因為當時我的確食唔番。 想吃的時候, 吃不到那味道, 難過矣~
曾經也懷疑自己係鍾意食蘿蔔糕, 定係果隻辣椒醬。

果隻辣椒醬質感類似桂林辣椒醬, 但係多左豆豉落去。
少少咸, 但唔太辣, 香香的。抹一點在蘿蔔糕上, 送入口相當滋味。
印象中, 曾經係超市買過一瓶豆豉辣椒醬回來, 味道不同。

大家有無類似經驗？ 遍尋不獲, 難免失落。

哼著：「永遠向前, 永不停步」
同時, 我們在不斷推翻前人種下的各樣成就。



講番些少套戲：小本經營, 難以苛求盡善盡美。
不過它厲害在，好多人都覺得拍得唔好又或者點，
但係睇完都依然會感動，起碼有我是這樣。
而我的確相信「患難見真情」。

"懷愐過去，常陶醉，一半樂事，一半令人流淚。" (節錄：每當變幻時)

可樂事, 故然欣喜。
淚流事, 亦未必傷心。

>>February 20, 2008 at 6:18:21 PM GMT+8