|
2005 年 3 月 6 日 星期日 【晴】
今日一朝早起身就收到好多人既msg同電話呢~~真係好開心同多謝大家記得小女子既生日!!haha.....
不過今朝最開心既都係收到Daniel o係美國打黎既長途電話呢!! 我成日都覺得呢個世界所有人唔記得我生日都好,Daniel佢都一定會記得!! haha....因為Daniel真係好錫我呢~~(笑) 趁住生日正日既大日子,我又同Daniel宣佈我又拍拖既消息~~一如我所料.......Daniel又好大反應好擔心呢!! (我就黎激死Daniel lu) 佢d語氣真係笑死我呢!! "下?!咩話?!又拍拖?!你係咪又想死過呀?!你應承過我咩架?!下~~~~~呢次又係咩人呀?!係邊識架?!點架佢?!" haha......佢一連串既發炮令我答佢唔到,我最後講左句"佢叫阿鵬呀~佢好好架~係個好人,你放心啦!!" 點知聽完呢句之後Daniel仲擔心......^^" "下?!咩話?!又叫阿鵬?!唉.....俾你激死呀~個個識親既初初都好架啦!!" 聽到呢度我已經淨係識得拎住個電話笑~~之後既對話.....haha......都係一d叮囑我既說話~不過我知道喇~Daniel你放心啦!! 等你番黎我一定會介紹俾你識鵬鵬~等你放心呀下~~(笑)
原本今晚雞頭哥約左我7點半去pizza hut食dinner.......點知又係果隻uncle wu.......又唔知攪乜鬼,要大家一齊等到11點之後至出!! 鵬鵬一早就出左黎陪我一齊等~等到我地兩個死咁滯,雞頭同vickie至出到黎呢......= =" 不過最過分都係隻wuso囉!!! 等到我地4個發晒慌......生日都就黎過埋至出現~~不過真係好攪笑囉~想點蠟燭又冇火,想分蛋糕又冇碟.......資源極度缺乏........好彩果時uncle wu同雞頭哥肯為我呢個好妹妹不辭勞苦跑去seven買番黎~~haha......我既小小生日會得以順利完成,全靠佢地呢~~錫晒你地呀!!! ^3^
今晚收到好多意想不到既禮物呢~~~份份我都好鐘意!! hehe......本來對於雞頭哥送俾我果份有d失望呢.....妹妹已經大個呢....唔駛番學用筆......不過番到屋企見到支筆係我鐘意既粉紅色,又覺得哥哥其實好有妹妹心呢~所以睇睇下都覺得支筆好靚!! haha......
好耐未試過我地一家人一齊夜晚坐o係公園傾偈喇~今晚真係好爽呀!!今晚我屋企多左鵬鵬呢個屋企人....唔知幾時可以我地一對對咁出黎呢?hehe.....
>>March 12, 2005 at 12:57:52 AM GMT+8
2005 年 3 月 5 日 星期六 【乍雨乍晴】
今日係我同阿鵬一齊以來的第一次約會~真係沒想到第一次約會就係同我慶祝生日!! ^-^
6點鐘放工阿鵬已經到左我公司樓下等緊我,見到面既時候我個心真係有一種難以用言語去表達既感動....因為一直以黎都沒想過有一天我既男朋友會黎接我收工.....或者係因為以前阿騏佢地住得太遠唔方便黎沙田(<---一直俾自己既藉口),我都冇奢望過呢一日既來臨,不過自從認識左阿鵬之後,我發覺原來呢一點其實同住得遠近無任何關係.....因為阿鵬讓我明白到只要一個男仔係真正喜歡自己,無論多遠既地方佢都會願意陪自己去.......就這樣,我地就一齊手拖手搭火車去我地今日既目的地旺角~
阿鵬為左令我過一個開心既生日,之前已經買定戲飛訂定位,細心既鵬鵬之前仲上網做晒research,搵左間有好多星星既香葉棧做我地今晚二人晚餐既地方~今晚真係好豐富呢~第一次黎食已經覺得好好味~最正仲要係食完再點埋我好鐘意食既雪糕添!! (笑)
食完之後,距離開場既時間仲有好多,我地決定去影card影貼紙相~鵬鵬真係好似個小朋友咁呢~畫貼紙相果陣好似玩緊d咩新奇刺激既玩具咁囉.......haha.......攪到自己個樣上面d眼呀口呀全部發大晒!!佢自己畫畫下都忍唔住自己狂笑.....v_v"真係俾佢激死呀~~如果我拎呢張相俾我d朋友睇,我估佢地即刻叫我飛左佢都似.....haha.....
笑完一大輪之後,我地去GV睇我地既第一套戲"捉迷藏"~原本以為呢套係一套幾驚既鬼戲,點知係一套家庭慘劇......不過都唔錯~個女仔做得好好呢我覺得!!
我既生日就o係充滿懸疑氣氛既戲院入面同鵬鵬一齊渡過左喇........
返到屋企拆開鵬鵬送俾我既禮物時真係好出奇呢........因為真係好靚,冇想過佢會對自己咁好........我永遠都會記得2005年3月5號同我一起迎接3月6號既你~~~鵬鵬豬......多謝你!!
>>March 11, 2005 at 10:55:17 PM GMT+8
2005 年 3 月 2 日 星期三 【乍雨乍晴】
今晚放工之後約左阿牛阿狗去Alex度睇相~~聽埋上次未講完既野~~今次阿狗又遲大到呢!! = ="......下次我決定會約早佢半個鐘.....
check過我既年月日,Alex話我條命係咁多個人裡面生得最好既~~11歲已經開始行運,一路都會行落去直到我死為止呢~~仲同我講我呢一生都有好多人錫同照顧,周圍會有好多人幫我,我仲會有好多奇蹟發生o係我身上添呀!! 聽佢咁講我真係好開心呢~~~
不過點都好,我最相信都係我自己呢~~第時條路係點,自己會變成點,都係可以自己去選擇架......冇人可以阻止到,o係我心目中,就算遇到幾唔開心既事都好,唔好俾悲觀既自己打敗先,要是打敗左誰都幫不了誰,人一開始都係自己一個人黎到呢個世界,所以要爬番起身我相信都只能靠自己既力量,其他人只可以從旁幫一把,希望.....大家都可以好似我咁有個永不被打敗既心啦!! yeah~ (又不自覺自大左添....haha.....^-^")
>>March 6, 2005 at 5:12:56 PM GMT+8
2005 年 3 月 1 日 星期二 【乍雨乍晴】
由27/2至6/3呢個星期俾我定左為係我既生日週~~呢個星期我同自己講過要過得好充實至得呢!!27/2屋企幫我攪左個生日會,28/2因為係二月最後一日所以全力OT.....haha.....^^"
今晚又有小兒,阿鵬,阿傑同阿中同我唱dinner k慶祝呢~~!! ^0^/ 基仔果首"勁歌金曲"真係好正呢~勁鐘意!! haha.....不過最攪笑就係同小兒唱"後來"既時候......平時唱都冇事架~最衰小兒無啦啦留意埋個男主角個怪表情,攪到我又留意到!! 引我笑到唱唔到歌~~~我真係第一次唱"歡樂版後來"囉!! (笑)
之後又輪到阿鵬,佢唱歌真係好得意呢~可以成日變聲......所以今晚之後我又發現多一樣野,原來阿鵬佢好有潛質做女仔架!! ^^"
同埋今晚收到既禮物好靚好有心意呢~~特別係果幾個公仔畫得好靚呀真係!! ^^ (真係好多謝你地咁錫我呀!!)
★ *. * ★ *. * ★ *. * ★ *. * ★ *. * ★ *. * ★ *. * ★ *. * ★ *. * ★ *. * ★ *. * ★ *. * ★ *. * ★ *. * ★ *. * ★
３月１號係我地一齊既日子......感激主可以俾我找到你......我知道我今次找對了.......
>>March 6, 2005 at 4:19:54 PM GMT+8
2005 年 2 月 27 日 星期日 【寒冷】
~~~~~I LOVE YOU ALL~~~~~
＊＊THANKS FOR ALL YOUR LOVE＊＊
今晚爸爸媽咪為左同我慶祝生日,提早o係今日為我攪生日會~睇見今日既排場完全了解到咩叫"重女輕男"!! haha....無他既~呢個係我屋企既傳統!!! ^0^/
話說今日我8點鍾起身洗面刷牙準備返工之時,爸爸媽咪已經一早起左身拜神同準備今晚既野食!!(我都唔知點解拜神,唔好問我~^^")到我放工7點返到屋企,佢地已經人齊等緊我呢~我哥哥仲帶左佢女朋友同埋佢兩個我好鐘意既契仔黎添呀!! 而我當然叫埋次次有佢份既小兒黎啦~(<---呢層我都唔知點解,已經慣左,我屋企人都已經當左佢係其中一份子喇...哈~)今晚真係有好多"食送"呢~碟碟都係我鐘意食既~仲要有好多係我爸爸自己親自下廚!! hoho....^0^
不過成晚既主角除左係我之外,仲有樂樂同嵐嵐呢兩個咁可愛既BB!! 嵐嵐未出世果時樂樂已經成日黎我屋企玩,我已經好鐘意佢~~~依家多埋個細佬簡直愛死佢地啦~~~今晚個BIRTHDAY CAKE仲要係佢地兩隻小天使送俾我既生日禮物!! 為左多謝佢地既心意我呢個姐姐一定會買多D玩具俾佢地玩架~~~(笑)
＊＊＊今晚有個新發現!!原來我屋企果隻SNOOPY同電子狗仔可以令嵐嵐咁驚架.....HAHA.....以後要佢乖乖地食飯就有辦法LU~~ ^^"
>>March 6, 2005 at 2:27:27 PM GMT+8
2005 年 2 月 23 日 星期三 【晴】
今晚雞頭哥打電話黎同我傾左陣~知道佢依家搵到份新工真係登佢開心!! 希望佢呢份衝勁可以一直延續落去啦!! haha.....^^" 我都唔知點解呢.....呢排心情確實好左好多~我都希望自己可以繼續keep落去~不過我要同哥哥重申一句 !! 我唔係想咁短架次次都....你咁講好hurt呢~~~ = =" 你都明白呢d唔係單方面既事而係需要同時配合好多野先可以耐d架嘛!!
>>February 24, 2005 at 12:09:25 AM GMT+8
2005 年 2 月 12 日 星期六 【陰晴不定】
今日好開心呀~ 又有得睇有得食同有得玩!!
好耐都未試過星期六有假放....今日一訓就訓到成十二點先起身~小兒一早就黎左我屋企等埋我,一齊出去同佢既朋友阿中阿鵬同阿傑食飯睇戲~今日果套"魔間行者"都幾好睇~如果天堂同地獄真係好似戲裡面咁講既話.....地獄就真係好恐怖喇!! 所以一定唔可以走上自殺呢條路.....v_v"
睇完戲之後,我地就成班去買野食到小兒屋企BBQ兼打麻雀!! 佢地三個男仔一人一家,我同小兒一家,初初我同小兒個勢都幾強架~連贏幾鋪....不過最衰都係小兒!! (笑) 都唔明佢點打架....打打下可以少左一隻!! 攪到本來可以食架喇.....變左食唔出~俾佢激死.....^^" 之後我地雖然有贏過下,不過個氣勢已經大不如前.....唉~最後仲變左輸得最多果家添!! haha......
＊＊今晚竟然送我到門口.....多謝你地呀!!＊＊
>>February 13, 2005 at 3:14:52 AM GMT+8
2005 年 2 月 11 日 星期五 【晴】
究竟係自己沒帶眼識人....抑或呢個世界根本已經再沒有可以值得信任既男孩呢?!
今天......我身邊又多了一個喜歡說謊既男孩.....
真可笑......一切都是假的.....
＞＜＞＜＞＜＞＜＞＜＞＜＞＜＞＜＞＜＞＜＞＜＞＜＞＜＞＜＞＜＞＜＞＜＞＜＞＜＞＜＞
如果 沒有初戀感動經過 下個怎會愛得死我
種種因果這日才有我 情實在太多
如果 失戀失得不夠折墮
何來這剎那夠勇敢的我 所有伴侶都有份教我
曾太過拚命愛 壓力大到彼此多麼好也不得不分開
試過友情拿來暫借單戀多悲哀
大概 其實要最真心說聲 多謝愛 學到的多精彩
誰又是做人世 眼淚不等於一切
獻上我的心 亦要適當去自衛
是我好勝 我愛哭 不是問題
不這樣愛下個便傷不到底
誰自願恨成世 愛情不等於一切
共聚又離開 從來並未學到可以發誓
可抱起來 亦拋得低 但學費都真的太貴
過去有人同樣害我少一位知己
別怕 明白你始終都會走 多謝你 如今我輸得起
最需要學的是 如何 麻木了又重頭開始
讓每一次亦似初戀第一次 然後再為了下次開始
轉眼飄流 是哪一位 但學費都真的太貴
>>February 11, 2005 at 8:33:34 PM GMT+8
2005 年 2 月 9 日 星期三 【陰晴不定】
新年快樂!!! 希望大家o係雞年繼續行大運~ 無工有工開!! 無錢中六合彩!! 大行桃花運!! yeah~
恭喜~恭喜~ @^-^@
>>February 9, 2005 at 4:13:38 PM GMT+8
2005 年 2 月 5 日 星期六 【微冷】
內疚......真係好內疚......明知呢種感受咁令人難過痛苦,點解自己偏偏要讓一個好男人去受......
自從琴晚我發出訊息後......我內疚了一整晚......擔心直到依家.....
原來o係要分手既時候.....愛同被愛都係咁難受架.....
我終於傷害左你......對唔住......
真係好對唔住......
你想給我的我沒法要 你說的笑話我沒法笑
給你的 真的太少....
你的心意知了別說了 得到不等於這心會跳
你的厚禮如何能換掉 太大了....
對不起我使你奉獻錯 當初多少的他不愛我
我想報答你也報不起 錯在我....
明知實在不喜歡你 你為何虐待自己
受之有愧 會內疚死....
接受未能付出怎算 愛情
自問實在沒法心領....
>>February 6, 2005 at 12:39:40 AM GMT+8
|
![]()
初戀都是醜小鴨，有一天，我們會懷念當時的脆弱和寒傖，然而，成熟的愛情才是羽化了的天鵝。
|
|
|
人氣: 37261
Design & Scripting by ShowHappy.Net
|
今日一朝早起身就收到好多人既msg同電話呢~~真係好開心同多謝大家記得小女子既生日!!haha.....
今晚放工之後約左阿牛阿狗去Alex度睇相~~聽埋上次未講完既野~~今次阿狗又遲大到呢!! = ="......下次我決定會約早佢半個鐘.....
今晚雞頭哥打電話黎同我傾左陣~知道佢依家搵到份新工真係登佢開心!! 希望佢呢份衝勁可以一直延續落去啦!! haha.....^^" 我都唔知點解呢.....呢排心情確實好左好多~我都希望自己可以繼續keep落去~不過我要同哥哥重申一句 !! 我唔係想咁短架次次都....你咁講好hurt呢~~~ = =" 你都明白呢d唔係單方面既事而係需要同時配合好多野先可以耐d架嘛!!
究竟係自己沒帶眼識人....抑或呢個世界根本已經再沒有可以值得信任既男孩呢?!
內疚......真係好內疚......明知呢種感受咁令人難過痛苦,點解自己偏偏要讓一個好男人去受......