|
2005 年 12 月 4 日 星期日 【乍雨乍晴】
小情人,
我真係好鐘意呢首歌架....留意歌詞呀~
<<舊日回憶的山丘>>
你我八歲某日裡 手牽手一起歡笑
於這山丘曾幻想變一雙飛鳥
你老了我也大了 想飛始終飛不了
這山丘被埋沒於鋼筋不太緊要
就算摩天建築也可於一轉眼之間永沒再
讓記憶只記載 風景美好過
當它並未塌下來
* 就當所有痛楚 成長的經過
能夠學在回憶中止痛亦算不錯
若我心愛的歌 明天都不再播
能夠腦內重溫聽多次亦會溫暖我
明白經歷太多 樂與悲我永不可操縱
讓記憶中只記最好 忘記當中所有痛
你試過記過罰企 我試過欠交功課
扭起耳朵 仍學不會將功補過
我跌過你挫敗過 放棄過放聲哭過
收起記憶最苦的才是寶貴一課
沒有斧頭 那麼華盛頓
永不懂勇敢的 去認錯
讓記憶只記載 花瓣再開
來忘掉大樹塌下來
Repeat *
沒有起跌痛楚 成長怎麼過
能夠學在回憶中止痛亦算不錯
若你不辭而別 留低這一個我
求你記住甜筒都跟我共吃一個
無論怎樣結果 避免不了箇中的差錯
讓記憶中不記太多 剩最好的經過
就算山丘不再美好 在記憶中它美好過
＊＊＊＊＊＊＊＊＊＊＊＊＊＊＊＊
你既經歷只有你一個人只有架咋....正如我既經歷只有我一個人知道一樣....
無論係d好既記憶又好,唔好既記憶都好,好好珍惜只有屬於你既記憶,屬於你同佢既記憶....
捱過呢一關,你就會發覺自己唔同左大個左架喇....信我....
我之前都以為自己捱唔過....除左諗住佢之外就只係識得喊....好似你依家咁....番工又喊o係屋企又喊等車時又喊搭車時又喊....總之一想起佢就忍唔住喊....好似全世界最慘果個就係自己咁,冇左佢就冇左方向....咩都冇晒一樣....不過你知嘛? 就咁喊喊下,不知不覺你就會開始發現你唔會再喊得出架喇.....因為"時間先生"同"事實先生"佢地已經o係你不知不覺間慢慢把你醫好~加埋你身邊朋友俾你"愛心維他命"同俾自己休息一下....就會捱得過架喇~
點都好啦,呢一刻你可能仲未覺得自己做得到....慢慢來喇~我會一直企o係你側邊架!!
"總有一天會開花結果架"
>>December 4, 2005 at 10:57:11 PM GMT+8
2005 年 12 月 3 日 星期六 【微冷】
煩....唔想諗呀~~~~ >_<
都唔知點做好.....唉.....
自知唔係做女強人既材料.....簡簡單單已經足夠架喇......唉......怯.....
>>December 4, 2005 at 1:40:19 AM GMT+8
2005 年 12 月 2 日 星期五 【炎熱】
收到今年第一張聖誕卡.......一張獨一無二既聖誕卡~
我呢一世都會好好咁保存佢架!! 因為佢係我咁耐以黎見過最靚最特別既聖誕卡!!
真係真係好多謝你呀~~可以同你做到朋友真係好呀.....因為你令我好快樂呀~ (give u a christmas kiss first~ ^3^ hehe....)
>>December 4, 2005 at 1:45:43 AM GMT+8
2005 年 11 月 29 日 星期二 【微冷】
番10放11....haha~真係好耐未試過咁lu!!
呢個月簡直feel到自己變左隻"牛"呀.....= ="
－－－－－－－－－－－－－－－－－－－
小情人,
愈去想知更多....就只會有更多既唔開心....
有時唔知道個真相,唔知道個理由或者會更好....
既然最後留俾自己既只有回憶同佢o係自己心目中既好印象....
就更加唔好再去破壞佢....
我知道掛住一個人又見唔到係一件好辛苦既事....
但比起你俾佢知道你掛住佢,而佢對你再也毫無反應,我相信咁樣比起見唔到更加辛苦....
盡量唔好再搵佢...唔好再知道佢既近況喇....咁樣你會舒服d架....信我啦~
佢已經唔會再錫你架喇....你要自己錫自己架喇,知嘛?!
>>November 30, 2005 at 1:38:41 AM GMT+8
2005 年 11 月 27 日 星期日 【微冷】
番公司ＯＴ到４點....阿威佢地話我已經觸犯左勞工法例~ 連續3個禮拜做野冇放假....HAHA....要我匿埋咁話~~傻架!! ^^" 黎緊呢個星期我會放假架喇....HAHA....
之後去左會合小強....一齊去左學聯買機票....
原來買機票係咁既~個情況同個價錢同我想像中都差唔多!!
今次既人肉禮物運送機---小強~HAHA.....真係辛苦晒小強喇~~(笑)
ｈａｈａ....好開心~~番到屋企又收到email!!
睇到相入面d雪.....真係好想走入去摸下呀~~~
唔知真既雪係咩感覺架呢?!
真係好想試下過一個white christmas呀.....+^_^+
．．．．．．．．．．．．．．．．．．．．．．．．．．．．．．
小情人,
堅強d呀~~知道嘛??你要做個好傍樣俾我睇先得架!! 我一直都覺得你係個好堅強既人黎架!! 我仲記得我同阿騏分手之後....好在有你係度陪住我....所以我都會陪住你架~不過呢我成日都同你講~女仔唔開心就梗係要喊架啦~係咪?!點可以唔俾自己喊呢?!咁樣令到自己仲辛苦呀~最多喊完要識企番起身!! 知道自己行錯左....知錯喇....係時候行番o岩架喇~基哥哥講得好o岩架....兩個唔同世界既人就算點就大家都係唔得架.....就算俾大家捱得一年.....未必可以捱到兩年呀....捱多d咪只會令自己仲唔捨得放手....傻女~(我都好慶幸我同騏分左手架,因為佢同我真係兩個世界既人咁.....一齊係開心.....但唔開心既比開心既多.....日日提心吊膽.....捱番黎既日子再長都冇用喇.....)
我知你係好唔甘心.....好唔甘心點解佢要選擇你做代替品.....好唔甘心點解全心全意去愛佢,佢最愛既始終係果個女人....我知有好多好多既唔甘心......但你再唔甘心都冇用喇.....佢都唔會回心轉意.....拍拖就係咁架喇....好多野都o係冇任何答案之下完結.....呢個時候唯有同自己講要學習去死心.....明唔明呀?唔好再去搵佢....唔好再接觸佢既一切.....對你對佢都會好d~
唉~我又唔知自己寫左d咩喇....haha....
anyway....from heart架!! 小情人~
p.s. 我仍然相信一個真正鐘意你既人係唔會令你唔開心令你受傷害架~你明嘛?
>>November 28, 2005 at 12:03:54 AM GMT+8
2005 年 11 月 26 日 星期六 【炎熱】
今日o係公司真係free....不知不覺間竟然同小兒傾左成個半鐘頭長途電話~~ ^^"
ok過分啦~haha....冇法啦~我地有講不完既topic嘛!! (笑)
夜晚嵐嵐又黎左我屋企玩~haha....好鐘意聽佢牙牙學語咁講野....真係好kawaii~~~ \^3^/ 忍唔住捉左佢去影幾幅相!!
之後同ray去左行西田~各有睇中左野既...不過大家都決定要忍下手!! >_<
唔可以亂買野呢....去旅行緊要d呀~~
(haha....今晚好似同左個女仔出街咁....^^")
聽日繼續番工!! OT已經有成果喇~下個月起碼多成千蚊用lu....hoho~~
．．．．．．．．．．．．．．．．．．．．．．．．．．．．．．．．．．．．．．．
？＝？＝？＝？＝？＝？＝？
ＦＲＩＥＮＤ底
平常心＋悶
鈍.........>_<"
？＝？＝？＝？＝？＝？＝？
小兒......= ="
我......真係唔知呀~~~~~真係唔覺呀~~~~~
我咩都唔知.....唔好要我估呢....我唔識架!!
我係呢方面.....一向好鈍架.....V_V"
你知架.....唉~
>>November 27, 2005 at 8:30:04 PM GMT+8
2005 年 11 月 25 日 星期五 【微冷】
今晚Animals family gathering....又o係老地方見!!
就黎盲左都識去架喇我~~ (笑)
7點半開始飲飲食食講講笑笑.....成晚笑唔停!!
狗狗既"閃電式"同魚魚既"自殺式"真係各自各精彩~
各位~放心啦!! 我會努力架~~ ^_<
>>November 27, 2005 at 10:53:34 PM GMT+8
2005 年 11 月 24 日 星期四 【微冷】
今日一朝早開icq....check email~就俾我見到d好靚既野!! haha.....
十個開心呀真係!! yeah~ 個感覺係好出奇好驚喜!!
因為真係俾我想像中靚好多好多倍呀~~~
真係好難想像係出自你既手呀....
我諗當我有機會見到幅實物時....再用手摸下佢....我一定會大叫起上黎呀!! haha....
因為實在太正喇~~~^_<
真係...好想同你講一聲...."多謝你"呀!! ^3^ kiss kiss...
>>November 25, 2005 at 1:12:30 AM GMT+8
2005 年 11 月 22 日 星期二 【颳風】
天氣愈來愈凍喇.....起身愈來愈難....>_<
朝早沖涼真係有種受刑中既感覺~~~不過唔沖又唔舒服.....冇計啦~~
已經連續做野做左18日喇!! 今日開始有d頭痛同小小唔舒服.....唔知我仲可以捱多幾多日呢?!
點都好.....一定要堅持落去~~~
＠＠＠＠＠＠＠＠＠＠＠＠＠＠＠
第一次聽人背報紙我聽......haha.....都值得去欣賞既.....= ="
起碼俾我知道今日既頭條係咩囉!! (笑)
>>November 23, 2005 at 1:18:32 AM GMT+8
2005 年 11 月 21 日 星期一 【颳風】
唉.....今日測驗....簡單係一塌糊塗.....
做到都唔知自己寫緊d咩......>_<
"ni"..."mo"..."wa"...o係個腦到亂晒!!! 一定好低分喇今次~~~唉....
>>November 22, 2005 at 12:46:08 AM GMT+8
|
![]()
初戀都是醜小鴨，有一天，我們會懷念當時的脆弱和寒傖，然而，成熟的愛情才是羽化了的天鵝。
|
|
|
人氣: 37261
Design & Scripting by ShowHappy.Net
|
小情人,
煩....唔想諗呀~~~~ >_<
收到今年第一張聖誕卡.......一張獨一無二既聖誕卡~
番10放11....haha~真係好耐未試過咁lu!!
番公司ＯＴ到４點....阿威佢地話我已經觸犯左勞工法例~ 連續3個禮拜做野冇放假....HAHA....要我匿埋咁話~~傻架!! ^^" 黎緊呢個星期我會放假架喇....HAHA....
今日o係公司真係free....不知不覺間竟然同小兒傾左成個半鐘頭長途電話~~ ^^"
今晚Animals family gathering....又o係老地方見!!